ඒ ඉරිදා උදෑසන Zhan හනි හනිකට Xiao මන්දිරය තුළට ඇවිද ආවේය.
පෙර දින ඔහු ව්‍යාපාරික හමුවක් සඳහා වෙනත් නගරයකට ගිය අතර එදිනම නිවසට පැමිණීමට නොහැකි විය. හොටෙල් එකක රාත්‍රිය ගත කිරීමට ඔහුට සිදු විය.
දැන් ආපහු ගෙදර ආපු ඔහු ඉක්මන් අඩි තියමින් නිවසට පැමිණියේ පෙරදින බොහෝ වේලා දුරකථනයෙන් කතා කළ ද යම් පුද්ගලයෙක් නැතිව පාළු සිතුණ නිසයි.
Yiboගෙ කාමරය ඉදිරියේ හිටගත් Zhan දොරට තට්ටු කළේය. Yiboගෙ නම කියා කතා කරන විට දොර එහා පැත්තෙන් Yibo ගෙ ප්‍රීතිමත් කෑගැහිල්ල ඇසුණේය.
" Zhange ...!!! ඔයා ගෙදර ඇවිත්!! "
දොර වසා තියෙද්දිත් මෙච්චර පැහැදිලිව ඇහෙනවනම් ඔහුගේ කෑගැහිල්ල කොච්චර ශබ්ද ව ඇත්දැයි සිතුන විට Zhan හඬින් සිනාසිය.
මේ ප්‍රීතිමත් කැගැසිල්ලේ හිමිකරු දැන් කොයි මොහොතේ හෝ දොර ඇර ඔහු වෙත දිව එනතුරු Zhan බලා සිටියේය. නමුත් ඒ දොර විවෘත වුනේ නැත.
" Bo මේක අරින්න.. "
" මට බෑ.. "
" ආහ් ? ඇයි බැරි? "
" මම.... මම දැන් ඇඳුම් නැතුව ඉන්නෙ.. "
මෙයට කෙසේ පිළිතුරු දෙන්න දැයි Zhan නොදත්තේ ය.
" අහ්.. අහ්.. හරි හරි.. පස්සේ එළියට එන්නකෝ.. මම යන්නන් දැන්.."
Zhan ඒ ලැජ්ජාශීලී සිදුවීමෙන් පැන දුවන්නට ලෑස්ති වන විට ම Yibo කතා කළේය.
" Zhange ... "
" ඕ?? "
" මට කරන්න assignment එකක් තියනවා. ඒක දැන් කරන්න ඕනේ... ඉතින් මම.. කාමරේට වෙලා ඉන්නම්.. "
" ආහ්.. ඔයාට උදව්වක් ඕනෙද? "
" නෑ නෑ.. ඒක අවුලක් නෑ.. මේක මම ම කරන්න ඕනේ. වැඩ ගොඩක් තියෙනවා.. ඉතින් මම කාමරේට වෙලා ඉන්නම්.. "
" හරි හරි.. මම යනවා එහෙනම්.. ඉවර වුණහම එන්නකෝ.. "
ඔවුන් දෙදෙනා මේ සංවාදය දොර දෙපැත්තට වී කෑ ගැසීමෙන් අනතුරුව Zhan ඔහුගේ කාමරයට ඇවිද ගියේය.
කෙසේ නමුත් යම්කිසි අමුතු දෙයක් සිදුවන බවට Zhan ට ඉවෙන් මෙන් දැනෙන්නට විය.
VOCÊ ESTÁ LENDO
මගේ business marriage එක
Fanficවිසි අටයි... විසි දෙකයි.. එතකොට තමා ඒගොල්ලො හමු වුනේ. විවාහය නිසා බලෙන් එකට එකතු කලා. නමුත් ආදරය නිසා දෙන්නා එක් කෙනෙක් වුණා. ලෝකයේ හැමදාම අන්දකාරයෙ තිබෙනවා. ඉතින් ඒ දෙන්නා වටාත් අන්ධකාරය තිබෙනවා. ඔවුන් ගිල ගැනීමට සූදානම් වූ ඒ අන්ධකාරය.. ඔවුන් එය සම...
