මගේ business marriage එක

Chapter 73 - තේරීම 2 කොටස

" ඔයා එයාව මැරුව ද??? "

එදා දිනයේ ප්‍රථම වතාවට Yiboගෙ කෝපාකාරි කටහඬ ඒ නිවෙස තුළ දෝංකාර දෙන්නට විය.

" ඔයා එයාව මැරුවාද?? මගේ තාත්තාව මැරුවද??? "

දෑත මිට මොලවාගෙන සිටි ඔහු දත්මිටි කමින් සිටියේ ය. තමා වටා සියලු දේ අමතක වූ ඔහු Shiren දෙසට අඩි තබන්නට විය.

" හෙල්ලෙන්න එපා...! ඔතන ම ඉන්නවා.... එහෙම නැත්තං ඔළුව කුඩු වෙන්න වෙඩි තියෙන්නෙ... "

නමුත් Yibo ට බියක් නොදැනුණි. තමන්ගෙ පියාණන් ව ඝාතනය කර ඇති බව ඇසුනු පසු තිබුන බියවල් සියල්ල නැත්තටම නැති විය. ඔහු දිගටම ඇය වෙතට ඇවිද ගිය අතර ඇය වෙඩි තැබීමට සූදානම් විය.

" Yibo...!!! " ඒ Shiren නොවෙයි.

ඒ Yibo ව නතර කළ හැකි එකම කෙනයි. එසේම Yibo නතර විය.

Yibo හැරී Zhan දෙස බැලීය. Yibo හඬමින් සිටියේ නැත. නමුත් කඳුළු කඩා වැටුණි. ගලක් මෙන් සිටගෙන සිටි ඔහු වෙව්ලන්නට වූයේ හැඟීම් දරාගත නොහැකි සේ ය.

" Bo... රත්තරන්.. හෙල්ලෙන්න එපා.. ඔතනම ඉන්න රත්තරනේ... මොකුත් කරන්න එපා. මොකුත් කරන්න එපා රත්තරනේ එපා... "

Zhanගෙ කටහඬ ගැහෙන්නට විය. ඔහුගේ පපුව වේගෙන් ඉහළ පහළ ගියේය. ඔහුගේ හඬ විලාසය අය දීමක් මෙන් විය. හෙල්ලෙන්න එපා කියා ඔහු අයදුනේය.

Yibo නතර වූයේ Zhanව ප්‍රතික්ෂේප කළ නොහැකි නිසයි. Zhan දිහා බලාගෙනම ඔහුගේ උරහිස් සෙලවෙන්නට පටන් ගත්තේය. හඬන්න පටන් ගත්තේය.

ඉකි ගසමින් ඔහු ඔහුගේ අක්කා දෙසට හැරුණේය.

" කොහොමද එහෙම කරේ? එයා මගේ තාත්තා. එයා ඔයාගේ තාත්තා. කොහොමද එයාට රිද්දන්න හිතුවෙවත්? "

Yibo ඇය දෙස බලාගෙන මහ හඬින් හඬන්නට විය. දරාගත නොහැකි හැඟීම් පිට වෙන්නට පටන් ගෙනය.

Yiboගෙ බිඳෙන හදවත දකින විට Zhan ට කම්පාවක් මෙන්ම කෝපයක්ද දැනුනි. ඔහු ඒ කෝපය සැඟවීමට උත්සාහ කළේ නැත.

" ඇයි? ඇයි එයාව මැරුවේ?.
ඔව්, එයා වැරදි තමයි. එයාගෙ අතින් අත්වැරැද්දක් වුණා.
ඒ උනාට එයා මැරෙන්න තරම් කිසි දෙයක් කලේ නෑ....!!! " Zhan පැවසීය.