මගේ business marriage එක

Chapter 19 - අතීතය

" Hey, මේ මම. පස්සේ පැහැදිලි කරන්නම්. එතකම් දැක්කේ නෑ වගේ ඉන්න. අනික Medusa ට කියන්න නම් එපා මාව දැක්කා කියලා. මම මේ job එකේදි මැරෙන්න කලින් මාව මරයි. රිප්ලයි කරන්න එපා. මගේ ෆෝන් එක නෙමේ. "

එදින රාත්‍රී ආහාර වේලට පසුව Zhan ට ලැබුණු දුරකථන පණිවිඩය මෙයයි. එය ලැබී තිබුණේ නොදන්නා දුරකථන අංකයකිනි. නමුත් Medusa යන නම මේ කවුද කියා ඔහුට තේරුම් ගැනීමට ප්‍රමාණවත්ය.

මේ ලෝකයේ Zuocheng තරම් Ziyi ට බිය අයෙක් නැත. Medusa යනු Zuocheng ඇයට දමා තිබූ නමයි. ඇත්තෙන්ම ඇය ළඟ නැතිවිට කිවු නමයි.

මේ පණිවිඩය Zhan ට මතක් කලේ මේ සියල්ලේම බරපතළ කමයි. Zuocheng යනු තම රැකියාවට මනා දක්ෂ බුද්ධිමත් පොලිස් නිලධාරියෙකි. ඔවුන්ගේ කුඩා පුතණුවන් මෙලොවට පැමිණි දා සිට ඔහු භයානක වැඩ වලින් වැලැක්වී සිටියේ ඔහුගේ පවුල වෙනුවෙනි .

ඉතින් දැන් ඔහු Yifeng ගෙ රියදුරා ලෙස රහසිගත රාජකාරියක යෙදෙනවා යනු මෙය සරල දෙයක් නොවන බවයි. මෙහි තේරුම වන්නේ ඔවුන් දෙදෙනාගේ සම්බන්ධතාවය ගැන Zhanගෙ හිතේ දහසක් ප්‍රශ්න තිබුණද ඒවා ගැන සිතීමට මේ වෙලාව නොවන බවයි. මෙය Yibo සමග බරපතළ සාකච්ඡාවක යෙදීමට වෙලාවයි.

Zhan Yiboගෙ කාමරයේ දොරට තට්ටු කර ඇතුලට යන විට Yibo Prince සමග ඇඳ මත වාඩි වී රූපවාහිනිය නරඹමින් සිටියෝය.

" Zhange "

ඔන්න දවස ගානේ තව තවත් ශබ්ද වෙන ඔහුගේ ඒ සුපුරුදු පිළිගැනීම...

පිළිතුරක් ලෙස මද සිනහවක් පෑ Zhan කාලය නාස්ති නොකර කාරණයට පැමිණියේය.

" Yibo, මට ඔයා එක්ක දෙයක් ගැන කතා කරන්න තියෙනවා. "

Zhan බරපතළ මුහුණකින් යුතුව Yibo ට කතා කිරීම ඉතාම දුර්ලභ දෙයක් විය. ඉතින් ,

" හරි " යයි පැවසූ Yibo රූපවාහිනිය ද නිවා දැමුවේය.

ඇඳ දෙසට ම ඇවිද ආ Zhan Yibo පසග වාඩි විය. දිග හුස්මක් ගෙන ඔහු පැවසුවේ,

" මට ඔයාගේ අතීතය ගැන කතා කරන්න ඕනේ ඔයා එක්ක. ඔයා මෙහෙ එන්න කලින් කාලේ ගැන. "

ඒ වාක්‍ය Yiboගෙ දෑස් සලිත කිරීමට සමත් විය. නමුත් ඔහු තමාව ඉක්මනින්ම සන්සුන් කර ගත්තේය. මොකට බය වෙන්න කියලා ද?. එයාගෙ Zhange එක්කනෙ කතා කරන්නේ..