Chapter 32
"ဒါက ယာယီပဲ ပေးဝတ်တာ…ရှင်မပြန်ခင် ပြန်လျှော်ပေးသွားဦး"
ဆာစီးနီယာသည် ဘန် တစ်ယောက် ထိုစကားကြောင့် မျက်နှာညှိုးသွားသည်ကို တွေ့လိုက်ရသောအခါ သူမလည်း စိတ်မကောင်းဖြစ်သွားရသည်။
သို့သော်လည်း အတတ်နိုင်ဆုံး မျက်နှာမပျက်အောင် နေလိုက်သည်။
“ကိုယ် ဘယ်မှ မသွားဘူး”
ဘန်က ဆူပုပ်ပုပ် ပြန်ပြောလိုက်သည်။
“ပြီးရော…"
ဘန်က ဆာစီးနီယာ နှင်ထုတ်လိုက်မှာကို ကြောက်ရွံ့နေပုံရသည်။ထင်သည့်အတိုင်းပင်၊ သူမက နေရန် သဘောတူလိုက်သောအခါ သူလည်း မျက်နှာကြီး ဝင်းပသွားသည်။
သူ ရေချိုးခန်းထဲ ဝင်သွားခါမှ သူမလည်း မီးဖိုချောင်ဘက် သွားလိုက်သည်။
မိုးသည် သည်းကြီးမည်းကြီး ရွာနေပြီး တော်တော် တိတ်မည့်ဟန်မတူပေ။
ဆာစီးနီယာ သည် ဘန် ထွက်လာသောအခါ နွေးနွေးထွေးထွေးရှိစေရန် လက်ဖက်ရည်တစ်ခွက် ဖျော်လိုက်ပြီး လွန်ခဲ့သော သုံးနှစ်က အဖြစ်တို့ကို ပြန်မေးရန် စိတ်ကူးထားသည်။
သူမ ရေနွေးအိုးကို တစ်ဖက်က ကိုင်ထားပြီး မီးအိမ်ထွန်းရန် လုပ်နေစဥ် တစ်ခုခုပြုတ်ကျသွားသည့်အသံကြောင့် နောက်လှည့်ကြည့်လိုက်သည်။ ရေချိုးခန်းတံခါးရှေ့မှ ဘန်၏ ယူနီဖောင်းက ချိတ်ထားရာကနေ ပြုတ်ကျသွားခြင်းပင်။
ဘန် က ရေချိုးရန် ချွတ်ချထားခဲ့ပုံပေါ်သည်။
ဆာစီးနီယာ သည် ရေစိုနေသော ယူနီဖောင်းကို ကောက်ယူလိုက်သည်။ မီးဖိုရှေ့မှာ လှမ်းထားလိုက်လျှင် မြန်မြန်ခြောက်သွားမည်ဖြစ်သည်။
ရေစိုနေသော အနီရောင်ဝတ်စုံကို သေချာဖြန့် ကြည့်လိုက်သောအခါ ရွှေရောင်ချယ်ထားသော အရုပ်ဒီဇိုင်းက သူမကို ဖမ်းစားလိုက်သည်။
ပါးစပ်ကြီးဟ,၍ ဟိန်းဟောက်နေသော ခြင်္သေ့ကြီး၏ မျက်နှာနှစ်ဖက်စလုံးတွင် မြွေနှစ်ကောင် ရှိနေကြ၏။
သူမသည် အရုပ်ကြီးကိုကြည့်ပြီး ရင်းနှီးနေသလို ခံစားလိုက်ရသည်။
YOU ARE READING
အဓိကဇာတ်လိုက်ကငါ့ကိုစွဲလန်းနေတယ်
General Fictionအချစ်တို့ရေ နောက်ထပ်အသစ်လေးတစ်ပုဒ် ကြေညာမို့ပါရှင်... ဒီခါတော့ Chinese novel မဟုတ်ပဲ Korean novel လေးပါ စင်ဒရဲလားဇာတ်လမ်းထဲက စုန်းမကြီးရဲ့ ခန္ဓာကိုယ်ထဲကူးပြောင်းသွားခဲ့တဲ့ ဆာစီးနီယာနဲ့ နာမည်တောင်မရှိတဲ့ကောင်ကလေးတစ်ယောက်တို့ရဲ့ တွေ့ဆုံကြုံကွဲလေး...
