အဓိကဇာတ်လိုက်ကငါ့ကိုစွဲလန်းနေတယ်

I raised him.72

“အရှင့်သား… အိမ်ရှေ့စံမင်းသား”

သူမ အံ့အားသင့်စွာ အော်ဟစ်လိုက်သည်။

“မင်းက အားသန်လိုက်တာ”

ထိုစကားကြောင့် ဆာစီးနီယာ သည် သူမ ကိုင်ထားဆဲဖြစ်သော သူ့လက်ကောက်ဝတ်ကို လွှတ်ပေးလိုက်သည်။

"တောင်းပန်ပါတယ်…လူမိုက်လို့ ထင်ခဲ့တာ…ကျွန်မ  ရိုင်းစိုင်းမိသွားပါပြီ"

"မဟုတ်ဘူး…မင်းကိုနောက်ကနေ လာထိလိုက်တဲ့ ငါ့အပြစ်ပါ"

လိုင်မာဖီးရပ်စ် က နာကျင်နေသော လက်ကောက်ဝတ်ကို ပွတ်သပ်ရင်း  ပြောလိုက်သည်။

ဆာစီးနီယာ သည် အိမ်ရှေ့စံမင်းသားနှင့် ဒုတိယအကြိမ် ထပ်မံတွေ့ဆုံခြင်းဖြစ်သောကြောင့် တုန်လှုပ်နေသည်။

'ငါတို့ဘာလို့ပြန်ဆုံကြတာလဲ…ဘာလို့လဲ'

ဆာစီးနီယာ အတွက် လိုင်မာဖီးရပ်စ် သည် ဘယ်တော့မှ ပြန်မတွေ့ချင်သူ တစ်ယောက်သာ ဖြစ်သည်။

ငါ့ကို လည်ဖြတ်မယ့်သူနဲ့ ဘယ်သူက တွေ့ချင်မှာလဲ…

“မင်း သိချင်တာတွေ ရှိနေပုံပဲ"

လိုင်မာဖီးရပ်စ်က “သတင်းအချက်အလက်ရုံး” ဟူသော ဆိုင်းဘုတ်ကို တစ်ချက်ကြည့်လိုက်သည်။

" ကိုယ်ရေးကိုယ်တာ ကိစ္စပါပဲ… အရှင့်သား"

လိုင်မာဖီးရပ်စ် သည် အိမ်ရှေ့မင်းသားဖြစ်သော်ငြား သူမ၏ ကိုယ်ရေးကိုယ်တာကိစ္စများကို မပြောချင်ပေ။

"ကိုယ် မင်းကို ကူညီနိုင်မယ် ထင်တယ်"

သူ့မျက်နှာမှာ အပြုံးတစ်ခုပေါ်လာသဖြင့် ဆာစီးနီယာ နောက်ကို ဆုတ်လိုက်သည်။ မျှော်လင့်ထားသည့်အတိုင်းပင် လိုင်မာဖီးရပ်စ် သည် သူမနှင့် ရင်းနှီးလို့မရသော အန္တရာယ်ရှိသူဖြစ်သည်။

"ကိုယ့်မှာ ရှိနေတဲ့ အချက်အလက်တွေထက် ပိုကောင်းတဲ့ အချက်အလက်တွေမင်း ဘယ်တော့မှ ရနိုင်မှာ မဟုတ်ဘူး"

ဆာစီးနီယာ နောက်ဆုတ်သွားသည်ကိုမြင်လျှင် လိုင်မာဖီးရပ်စ် က ထပ်ပြောသည်။ စိတ်ဝင်စားစရာကောင်းသည့် ကိစ္စကို သူလည်း လက်လွတ်မခံချင်ပေ။