احباء تحت المطر ☔️

2

,
صوت لهتان يجي عشان يحمل معه
الكراتين وبالفعل اخذوهم كلهم
وطلعوهم برا وحطوهم بالمكان
المتفق عليه
.
,
بعد مرور عشر دقايق بالضبط دخل
غيث ووراه هتان من الباب الامامي
للمكان غيث شتت انظاره بالناس
الي جالسه تحتفل وترقص طاحت
عينه على لؤي لف على هتان ؛ تعال
لقيتهم
اتجه لمهم وبنبره واضح فيها الفرح
وعيونه لـ لؤي ؛ الصفقه تمت جاء
دورك
نادر لف عليهم ؛ انتم ؟!
لؤي ؛ كفو ، والجوال ؟
غيث ؛ معي.!
لؤي ؛ هاته سريع بس الاول لازم
نطلع من هنا
نادر ؛ واخيراً
هتان ؛ انت شبك خواف دايم !!
نادر ؛ والله ماني بايع نفسي مثلك
ادربي راسي وين م يروح غيث
غيث ؛ افا ي العشير ؟
نادر ؛ انا مو انا لما اخاف المهم
طلعوني تكفونن
لؤي ؛ الحين بنطلع بس مو مع
بعض بنثير الشبهه اسمعو نادر
وهتان اسبقونا وانتظرونا بالمكان
الي اتفقنا عليه انا عندي شغله
اخيره ب اسويها واجي معكم انا
وغيث
هتان ؛ بس انا جيت مع غيث
كيف ؟
لؤي طلع مفتاح سيارته ورماه
عليه ؛ تقدر تروح بسيارتي يلا
اطلعو بسرعه خمس دقايق
وبنلحقكم
هتان اشر لنادر يلحقه وطلعو
لؤي ؛ غيث خلك طبيعي
فيه ناس وراك وعيونهم م غابت
عنا يعني لا تثير شكوكهم وسو
روحك ترقص
غيث بخفوت ؛ م اعرف لا تخربني
لؤي ؛ طب اسمع دقيتين وبنطلع
انت ركزلي بالله عليهم اذا عيونهم
ماهي بعلينا علمني
غيث التفت عليهم ؛ فرصتنا الحين
لاهيين
لؤي ؛ يلا اجل اسبقني
غيث مشى بخطوات سريعه وطلع
بعده لؤي لف عليهم ووكانو بنفس
اللحظه بيلتفتون عليه لكن جاء
بينه وبينهم اشخاص وانعدمت
الرؤيا عنده وصار م يشوفه ركض
بسررعه ولحق غيث طلع وشاف
غيث برا ينتظره ؛ خطوتنا الاخيره
خلنا نسسرع
وصلو المكان الي فيه البضايع
لؤي رمى الجوال بعد م ارسل الصور
كلها والادله وبلغ عن المكان لف على
غيث ؛ وين موقف سيارتك ؟
غيث ؛ مو بعيد ورا الشجره
لؤي ؛ زين اجل خلصنا امش
ركبو سيارة غيث ومشو ووقفو السياره
بمكان بعيد شوي بس عشان يراقبون
ويتأكدون من ان كل شي تم مثل م
يبون وبالفعل بعد ربع ساعه بالضبط
الشرطه وصلت وحاوطت المكان واخذت
كل الي موجودين فيه والبضايع الموجوده
واصحابها
غيث ضرب كفه بكف لؤي ؛ وتمت المهمه
ي صاحبي
لؤي ؛ يبي لها احتفال
غيث ؛ اكيد .
,
سمى مشت بهدوء ونادين للحين متشبثه
بذراعها حست بألم خفيف ولفت عليها
همست بخفوت ؛ وربي م فيه شي
يخوف فكيني بس انا م ابي احد يشوفني
والا المكان كله م يخوف مستحيل اجيبك
لمكان ماني واثقه انا بنكون ب آمان فيه
نادين بعدت يدها وزفرت براحه ؛ كان
قلتي من اول خفت على الفاضي
سمى ؛ م توقعتك يعني بتبتلين كذا
المهم راحو امشي بندخل مع السيد
ذا نهايته بتعرفين ليه جينا لهنا
مشت سمى بخطوات هاديه والفرحه
بقلبها مش سايعتها نادين مشت وراها
بهدوء وهي تتلفت حولها وتركز بكل
شي تشوفه قدامها
بعد مسافه شوي طويله بالمشي
وصلت للقاعه وطاحت عيونها على
الشخص الي تنام وتصحى وهو م غاب
عن تفكيرها الشخص الي قدر ياخذ
حيز كبير من حياتها ،ارتسمت على
ثغرها ابتسامه كبيره اول م بدا
يعزف مقطوعته الموسيقيه
نادين بعد فتره وصلت بسبب انشغالها
بالاشياء الي لفتت نظرها اصطدمت
بظهر سمى ورجعت على ورا ؛ اءهه
سمى الي كان بالها كله وشعورها
ومشاعرها بالعالم الي قدامها وخصوصا
الشخص الي يعزف ب اتقان م حست
عليها
نادين بإندهاش اتجهت لها وجت جنبها
لفت عليها وشافت كيف مركزه عيونها
على مكان وواحد وابتسامتها متسعه
بشكل كبير لفت للجهه الي تناظر فيها
وشافته انبهرت من الي شافته والي
جالسه تسمعه
بعد 10 دقايق بالضبط خلص من
العزف على البيانو وسكره رفع راسه
لفوق وابتسم براحه ؛ وبكذا خلصت
اخر تدريب لليوم
قام واتجه لجكيته وسحبه من على
الكنب ولبسه سحب اغراضه كلهم
ومشى وعيونه مرتكزه بجواله
سمى كانت تراقبه وهو متجه لها
بس م يناظر فيها حست برعشه
بجسمها وقلبها بدا ينبض بشكل
سريع تحركت لااراديا بشكل سريع
للجهه اليسار وسندت نفسها
على الجدار تخبي نفسها منه
بنفس اللحظه الي ظلت نادين
فاهيه فيه وماهي مستوعبه
شقاعد يصير وكل ماله يقرب
وهي ضايعه وعيونها تطالع بفهاوه
قرب اكثر لين وصل للباب بس
م انتبه عليهم لان تركيزه بجواله
مشى من قدامهم بمسافة خمس
خطوات بالضبط بنفس الوقت
الي لفت فيه نادين من مر جنبها
همست بصوت عالي بعد م تنهدت
؛ يا الله دخليك ذا ملاك والا انسان
الي مر من جنبي !
سمى اول ما شافته لف عليهم من
سمع همس نادين حطت يدها على
وجهها بسرعه وصدت عنه
اما نادين جلست تناظر فيه بفهاوه
عقد حواجبه وعيونه بنادين ؛من انتي
ومين الي دخلك هنا.؟
نادين بلعت لسانها وم قدرت تتكلم
صدت وبخفوت ؛ جميل بس وش
ذا الاخلاق النفسيه صدز الزين م يكمل
ناظرت سمى شافتها صاده عنهم
وواضح رجولها ترجف شكت انه يعرفها
اول م طاحت عينها عليه وهو يناظر
بسمى بتمعّن قرب اكثر منها بس وقف
اول م شاف نادين طلعت بوجهه وفارده
يدينها ؛ وين م تشوفها صاده يعني م تبيك
تشوفها لو سمحت فارق !؛
عناد ضحك بسخريه وعطاها ظهره
ومشى لبرهه واستدار للخلف ؛ اذا
خلصتو من الي جايين عشانه تقدرون
تطلعون من الباب الي على يساركم لان
م فيه احد ذا الوقت واتمنى م ارجع
اشوفكم هنا مره ثانيه لف وكمل طريقه
نادين لفت على سمى ؛ تعرفينه صح ؟
والا م خبيتي نفسك منه ؟
سمى بخفوت ؛ راح ؟
نادين ؛ إيـه
سمى تنهدت براحه ولفت ؛ خلينا
نطلع
نادين ؛ فهميني اول كيف تعرفينه ؟
سمى ؛ بعدين اقولك اول شي خلينا
نطلع
. ,
شـلـة الـلـيـالـيّ
نادر وهو ماسك علبة المويا ويكبها
على هتان؛ عيد وش قلت عيد لاقتلك
هنا.؟
هتان بضحكه استفزازيه ؛ تعلم
تسترجل ي بنيه ي خوافه
حذف علبة المويا بعيد ونزل فيه ضرب
؛ والله لامردغك انا تشبهني بالبنات
ي الحمااار
غيث ولؤي يناظرون فيهم ومستمتعين
متعودين عليهم كل واحد يلعن خير
الثاني كل يوم وبعدين يرجعون وكأنهم
م تقاتلو حتى
لؤي ؛ والله حالتهم مستعصيه
غيث ؛ كأنهم طباين مدري متى يتوبون
لؤي ؛ م علينا منهم الا وش سويت
بالموضوع الي كلمتني عنه اخر مره ؟
غيث ؛ للاسف ماني متأكد ولا اقدر
اجزم ان الي اشك فيه صحيح بس
قريبا يبان كل شي
لؤي ؛ لو طلع تفكيرك بمحله وش راح
تسوي ؟
غيث ؛ م يحتاج تسأل انت عارف مستحيل
اسمح انه يصير
لؤي ؛ الله يكون بعونك
هتان بعد م حس انه مو قادر يستحمل
الضرب الي جاه ؛ خلاص استسلم اعتذر
انا الخواف انا الجبان انا كل شي بس
اعتقني لوجه الله
نادر بتحديق ؛ تعيدها والله م ارحمك
هتان رفع يديه باستسلام ؛ توووبه
نادر قام وهو ينفض ايديه ويطق
رقبته واتجه لـ لؤي وغيث وجلس
معهم
اما هتان قام وهو مو قادر يشيل
نفسه يحس انه متكسر من كل
جهه وبحلطمه خافته ؛ هذا الي
م ينمزح معه جد شوي ويذبحني
اتجه لمهم وجلس معهم
لؤي ؛ عسى تعورك كيف اصاباتك ؟
هتان بتحديق ؛ انت اسكت
تكفى ي راس المصايب كلها
لؤي ؛ ترا مو انا الي ضربتك نادر
وراك حطيت الحره فيني ؟
هتان ؛ لا تتصنع البراءه تراني
حافظك وكاشفك م كأنه انت
الي بديت فيها
لؤي ؛ حرام عليك والله انك
ظلمتني !
هتان ؛ ظلمتك اجل ؟ لا تخليني
اكب عفشك هنا
لؤي عقد حواجبهه ؛ هتانوه
تراني سكت لك وش الي جالس
تقوله وش مسوي لك انا !
هتان ؛ خلني ساكت احسن
قام ؛ ويصير احسن لو مشيت
بعد
غيث مسك يده وجلس ؛ اجلس
الله يهديك وش فيك قلبت
الموضوع جد وبعدين اذا على
هواشكم ومضاربك انت ونادر
ترا مو شي جديد تعودنا عليكم
يعني م اتوقع انه يستاهل انك
تعصب كذا وتقلب على لؤي ؟
.