احباء تحت المطر ☔️

16

نادين ارتخت ملامحها وزفرت براحه لكن سرعان م همست بشبه حده ؛ حتى لو كانت وحده م كان مسموح لك تتطفل وترد عليها!
عماد اللي مسك نفسه بصعوبه ماله خلق يتجادل معها لانه شاري راحت باله اردف بنبره هاديه عكس اللي داخله من نيران مشتعله ؛ لاتبقين بالشارع وارجعي لانهم بأي وقت راح يجون ياخذونك من هنا
نادين بتزفيره؛ اظن مالك دخل
عماد اللي تكتف بغضب ؛ م غلطتني بحريقه اوقفي هنا شعلي منك انا
التفت راجع لبيته امّا هي اللي اتبعته بنظراتها لمّا اختفى
ميلت شفتها بعدم اهتمام وهي تفتح جوالها ورجعت دقت على سمى اللي ردت بسرعه عليها وهي منفعله وتصارخ فيها الا ان نادين ابعدت الجوال عنها وبعدين قربته لإذنها ولاحظت اختفاء صوتها؛ خلصتي؟
سمى بنبرة تهديد ؛ لا باقي بس خليني اشوفك
نادين سندت ظهرها على عمود المناره وابتسمت بخفوت ؛ عرفتي صح؟
سمى ؛ إيـه، بس م عرفت ليه مثل ذا الشي يتخبّى يعني قولبتها بمخي مليون مره م لقيت تفسير انك تخبينه يعني ، بنفس الوقت شي حلو مو عيب
نادين تنهدت بعمق ونطقت بتغيير للموضوع؛ وينكم؟
سمى التفت لعناد وبنبرة تساؤل ؛ عناد وين حنا الحين؟
نادين شهقت بصدمه من سمعت اسم عناد
امّا سمى نطقت ؛ قريبين منك , خليّ في بالك انك راح تفسرين لي كل شي بالتفصيل
نادين برفعة حاجب وبنبرة جامده؛ وانتي بعد محتاجه تفسرين لي سبب وجود عناد معك هالوقت!
قفلت منها بسرعه من بعد م قالت لها انتظركم ولا انتظرت حتى تسمع منها رد
حطت الجوال بجيب جكيتها وهي ترفع راسها للسماء اللي متزينه بنجوم كثيره زفرت بضيق وهمست؛ وش هالاختبار اللي اواجه بحياتي , الشخص الوحيد اللي فز له قلبي انكتب لي الحرمان منه قبل لا اعرفه
ضحكت بسخريه طفيفه على حالها وهي تناظر بالفراغ
حست بقشعريره بجسدها من لامستها لفحات الهوا البارده لمت نفسها وهي تناظر في بيت عماد الا انها تكابر على نفسها رغم انها شوي وتموت من البرد الا انها مستحيل تدخل
لفت بمكابره خوف لا تضعف تحت انظار عماد اللي ماهان عليه يتركها للمره الثانيه ويستسلم لرغباتها لذا اكتفى انه يراقبها من بعيد بحذر تام
مر الوقت وما زالت نادين برا تنتظر وصول سمى وعناد اللي قالو قريبين منها لكن مرت فوق النص ساعه وهم م بعد وصلو
رجعت دقت على سمى لكن الجوال مقفل تأففت بضجر ؛ لا ماهو بوقته يقفل!
وبعدين هي الثانيه قالت قريبين منك وينهم اللي قريبين وينهم , وانا الى متى بتحمل هالبرد يعني اوف ي سمى اوف ,