احباء تحت المطر ☔️

22

خلال هالاثناء عند ريما اللي جاهله وش يصير فوق كانت داخله الانستا وتقرا الكومنتات على اخر شي نزلته تعبت وهي تتوجه للاكسبلور وتتفرج عليه ثواني وعيونها ساقتها لأكثر شي تحبه وهو البحر دخلت على المقطع وجلست تتأمله وكان فيه شخص يعزف على اوتار الكمان وخلفه البحر وامواجه والاصوات اللي تظهر من خلاله زاد معزوفة الشخص جمال على جمال
تعشق البحر بشكل لا يوصف وامواجه بالنسبه لها موسيقه تطربها وتريحها كثير
تنهدت بعمق وهي تجلس تعيد المقطع اكثر من مره وماشبعت منه وقررت تحفظه عندها وبالفعل حملته وخلته شغال طوال الوقت وبين ماهي تستمع للمقطع حست بالالهام وقامت تتغزل بالبحر بطريقتها
''ليس مُلفت لمن يجهله ولكنه مُلفت لقلبي
لو كان بإستطاعتي لجعلت من البحر شخصاً
حبيبياً وعاشقاً لي وحدي لجعلته كل عالمي
وبه اكتفى ،
تنهدت بعمق وكملت وهي تكتب ؛آهٍ ايا ليت البحرُ رجُلاً لا احببته
#كتابات_ليمَا #صرخات_ريما
نزلت فيد للبحر هي مصورته من زمان ونزلت خاطرتها والاصح غزلها تحته وطلعت
خلال هالاثناء عند المجهول اللي كان مسوي تنبيهات لبوستاتها
لمعت شاشة جواله بالاشعار وسحبه وابتسم وهو يشوف حسابها ونطق ؛ من زمان ما قرينا للمذهله
فتح البوست بحماس وقرا غزلها بالبحر وضحك بخفوت ورد عليها بنفس البوست ؛ اهٍ ايا ليت البحرُ انثى لعشقتها وجعلت كل ما بقلبي لها لأكتفيت عندها وبها ولكن الحقيقه لا البحرُ انثى ولا الانثى بحرْ ''
قرت الكومنت اللي وصلها منه وردت عليه ؛ لا اصدق ان هُناك من يرى البحر كما اراه؟
ابتسم على الكومنت اللي جاه منها ورد عليها ؛ لست وحدك بهذا الكون يا جميله ف انا مُتيم بالبحر كما انتي وغيري الكثير
رفعت حواجبها بذهُول من قرت رده وكتبت ؛ اعتقد اني سأشعر بالغيره من الأن عليه
قرا ردها وكان بيرد عليها لولا الشخص اللي قاطعه ؛ عناد انت هنا وانا ادور عليك
عناد وهو يقفل جواله ؛ امرني
عزيز ؛ ودي نطلع مليت وم اعرف هنا الا انت تخاويني؟
عناد وهو يقوم ؛ تبي الصراحه وانا بعد مليت نطلع نطلع
طلع عناد ومعه عزيز وقابلو بطريقهم سيّاف ونطق عزيز بهدوء ومقصده يلطف الجو ما بينهم ؛ ترا ما نمانع لو خاويتنا نرحب فيك؟
سيّاف ؛ وين بتطلعون؟
عناد ؛ اي مكان م قررنا المهم نطلع من هنا
سيّاف ؛ اجل خُذوني معكم
جاء سياف على يسار عناد وعزيز على يمينه وحاوطهم عناد بذراعينه ونطق بحماس ؛ صرنا ثلاثي يا محلانا
عزيز التفت على سياف وسيّاف كذلك ونطقو بنفس الوقت بتساؤل ؛ كيف متحمله؟
ضحكو بنفس الوقت على توارد خواطرهم ونطق سيّاف ؛ والله مدري يمكن اعتدت
عزيز ؛ امّا انا ف يمكن صلة الدم مابينا هي السبب
عناد ناظرهم وهو يبعد ذراعينه عنهم ودفهم بقوه ؛ وانا حنون تسبون وانا دفش وش بتسوون؟
عزيز وسيّاف اللي غمزو لبعضهم ببنفس الوقت وتوجهو له وهم يشيلونه اثنينهم
ناظرهم ووجه انظاره للي يشوفونه بفشله ونطق بخفوت وهو عاض على شفايفه ؛ نزلوني لا والله !
سيّاف وعزيز بنفس الوقت ؛ لا نسمع لا نرى لا نتحدث
عناد فقد الامل وهو يحاول يتصدد عن اللي يعرفونه وهمس بتهديد ؛ والله لا اطلعها من عيونكم هين!
وصلو للسياره ونزلوه اثنينهم وعناد ركب على طول وسحب عليهم وتركهم بالشارع رجع بعد كم ثانيه ووقف جنبهم وكل م حس بأنهم بيركبون سوا نفس الحركه لين طفشهم وبعده رحمهم وخلاهم يركبون بعد ما شبع ضحك على اشكالهم
,
,