احباء تحت المطر ☔️

5

اتجه لغرفة اخته فتح الباب بشويش شافها للحين نايمه
رجع قفل بابها ، لف و طاحت عيونه على غرفة سمى مشى خطوتين بإتجاها وقف وبهمس؛ وين بروح وش ابي فيها ! على هالصبح ! لا تنسى ي غيث  سبب زواجك منها ! ابعد عنها وخلك على وعدك
لنفسك .
.
بنفس الوقت عند سمى عقدت حواجبها  بانزعاج من صوت المنبه فتحت عيونها بصعوبه ومدت يدها
وطفته استعدلت بجلستها وتمغطت بتعب وقامت من سريرها بكسل
دخلت الحمام يكرم القارئ.. ،
طلعت بعد ربع ساعه وهي لافه الروب حول جسمها والفوطة بيدها تنشف فيها شعرها
جلست قبال التسريحه وهي تجفف شعرها حطت لها ميكب صباحي خفيف يناسب الجامعه
خلصت وهي تحس نفسها عطشااانه تنهدت بملل وهمست لنفسها: ياربي وش اسوي الحين ، مابي اطلع والاقي غيث قدامي!
سكتت شوي وبعدها نطقت : اموت من العطش عشانه يعني؟ وبعدين وإذا شفته طقاق ، وبعدين شكله نايم
وش يقومه مع هالصبح! قامت بخطوات هاديه وطلعت لبرا الغرفه
حصلته جالس بالصاله ويتفرج عالتلفزيون بهدوء
تجاهلت تناظر فيه وكملت طريقها للمطبخ فتحت الثلاجه وأخذت منها قارورة ماء وفتحتها وشربت منها بهدوء لحد ما ارتوت
التفتت وطلعت من المطبخ متجهه لغرفتها لكن انجبرت توقف من الكلمه اللي سمعتها غيث بهدوء ؛بدلي تعالي افطري
وهاللبس لا عاد تطلعين فيه؟
رفعت حاجبها وناظرت له لثواني وكمل غيث : وبلا هالحركات اللي مالها داعي زواجنا على ورق بس
مايحتاج مغريات
رفعت حواجبها بصدمه من كلامه ونطقت بخفوت : مغريات!
سكتت شوي وبعدها نطقت : مايحتاج تذكرني كل شوي ان زواجنا على ورق وتحسسني كأني ميته عليك!
ترا مثل ما انت مجبور انا بعد مجبوره ف لو سمحت اترك للاحترام مكان بينا وماله داعي هالكلام!
انا ماطلعت بهالشكل الا لأني بحاجه ماء وكنت أظنك نايم
سكتت ولا تركت له مجال للرد ودخلت غرفتها بدلت وبعد 10 دقايق طلعت
جلست معه على الطاوله وبدت تفطر اول ما خلصت طلعت جوالها ودقت على نادين اول ما ردت عليها ؛نادين
ي قلبي ممكن ترسلين لي السايق بروح الجامعه
قاطع عليها غيث ؛ ماله داعي تطلبين السايق وانا موجود
سمى عقدت حواجبها ؛ انت الي ماله داعي توصلني !
غيث قام سحب الجوال منها ورد على نادين ؛ لا ترسلين اي احد يجي ياخذها انا زوجها وانا الي ملزوم فيها
قفله على طول ونزله على الطاوله
وبهدوء رغم استفزاز سمى له ؛ زواجنا على ورق بينا بس
وش بيقول جدك لو درا انك مداومه من اول يوم لا وبعد مرسله السايق
مجنونه انتي تبين تجيبين مصيبه لعمرك وتفتحين عيونه عليك والحين اذا خالصه قومي اوصلك وما ابي عناد ي سمى من اولها !
سمى فز قلبها من نطق اسم عناد همست بخفوت عناد !
غيث سوا روحه ما سمع وتجاهل الي نطقت فيه وكمّل ؛ انا طالع
انتظرك
سمى اول ما شافته طلع لحقته على طول وصل جامعتها وقبل لا تنزل ؛الساعه 5 تطلعين ؟
سمى ؛ لا اليوم الى 1:30 واخلص
غيث؛ تمام اجل اول م تطلعين بكون موجود ، يعني لا تفكرين تطلعين مع بنت خالك !
سمى ؛ فهمت من اول مره م يحتاج
نزلت قبل لا يرد عليها وتركته اما غيث اول ما نزلت حرك .
...
سـيّـاف وهو يلتفت على عناد وبهدُوء؛ افهم من كلامك انك استسلمت من ناحية سمى ؟
عناد ؛ مؤقتاً ،
سـيّـاف ؛ يعني في بالك شي ؟
عناد ؛ إيه
سـيّـاف بفضول ؛ وش بتسوي !
عناد ؛ لما يجي وقته تعرف .
...
هـتان دخل المكتب وانصدم بوجود غيث ؛ شعندك مداوم!
غيث ؛ وشفيها اذا داومت !
هتان ؛ ناسي انك متزوج امس !
غيث ؛ لا بس شكلك انت الي ناسي !
هتان ؛ حتى لو زواجك مو زواج حقيقي بس م تداوم من اول يوم على الاقل اعط التمثيل حقه
غيث ؛ حتى هي داومت مو بس انا
هتان ضحك بخفه ؛ وش هالكوبل المتوافق لا عن جد انت وياها مجانين ولابقين على بعضكم
غيث ضحك باستهزاء ؛ اقول لو تسكت وتروح تقابل دوامك اصرف لك !
هتان ؛ شفيك تراك تحبها وانا ادري وش الي قلب حالك ؟
غيث ؛ واذا احبها قولي واذا احبهاا وش بيتغير ؟
هتان ؛ كل شي يتغير لو حاولت
غيث ؛محد له سلطه على القلوب غير ربك وسمى معروف مين الي بقلبها عمره م راح اكون انا يكون افضل لو تقفل على هالموضوع ولا عاد تجيب طاريه
هتان ؛ طب ليه رضيت تعذب نفسك بهالشكل ليه وافقت
انك تتزوجها ؟
غيث بنرفزه؛ خلاص ياهتان قفل على هالموضوع قفل
هتان قام ؛اوك لا تعصب اسف
اول م طلع هتان غيث رمى الي بين يديه بقهر ؛ لا تضعف عزيمتي بكلامك يا هتان لا تخليني اخلف بوعد اخذته على نفسي .
...
هتان اول ما طلع من عند غيث اتصل على نادر ولؤي وطلب منهم
يتقابلون بعد ساعه .
بعد مرور ساعه بالضبط
هتان وهو ينزل القهوه الي بيده على الطاوله؛إيـه عاجبكم الي صار مع غيث !
نادر ؛ بصراحه يعني لا ولا عمره
لؤي ؛بس انتم تعرفون غيث والي صار مو غريبه عليه مستعد يضحي بنفسه بس عشان ينقذ الي يحبهم
هتان ؛بس هالمره غير مو نفس كل مره هالمره بيضحي بنفسه وبحبه سوى
نادر ؛ وش تبينا نسوي انت عارف غيث مستحيل يتغير
هتان ؛ لازم نساعده يكون اناني هالمره بس ، غيث اول مره يحب اول مره اشوفه يجرب هالشعور كيف اخليه
يتنازل عنه بسهوله لغيررره !
لؤي ؛ وانا معك بذي مستحيل ارضى على غيث يعيش هالحياه
نادر ؛ طب عندكم حل والا بس مانتم راضين وخلاص ؟
هتان ؛ خلونا نفكر بحل انا ما طلبت منكم انا نتقابل الا عشان نلقى حل مع بعض واهم شي حل يكون مقتنع
فيه غيث
لؤي ؛ عشان نحل المشكله لازم نعرف سبب زواج غيث منها !
هتان ؛ سألته بس عصب ووطلب مني نقفل على الموضوع
لؤي ؛ شلون بنعرف اجل ؟
نادر ؛ خلوه علي انا
هتان ؛ متأكد تقدر ؟
نادر ؛ افا عليك مو واثق فيني والا ايش ؟
هتان : لا مو هذا القصد والله بس بالمقابل غيث مو اي واحد يعني مستحيل تاخذ منه اي شي بسهوله
لؤي ؛ خلنا نعطيه فرصه يحاول وبعدها نشوف
هتان ؛ شورك وهداية الله ، بس اهم شي يانادر حاول تعرف السبب خلال اسبوع
نادر ؛ ان شاء الله .
.
بالوقت الي فيه هتان ولؤي ونادر يخططون على غيث ، غيث كان سابقهم بخطوه ، بتنفيذ خطته الي وعد نفسه
فيها كان واقف ويكلم ؛ ابي نتقابل بعد ساعه
عندك وقت ؟ .. فيه شي مهم ولازم تعرفه
.. حلو حلو .. اجل بعد ساعه اشوفك بنفس
المطعم
قفل منه ووتنهد وهو يواسي نفسه بكلام يقويه اكثر : الي سويته صح ي غيث لا تتراجع عنه .
.
جلست سمى ورمت اغراضها على الطاوله بإهمال تأففت بضجر تحت انظار نادين الي مستغربه وضعها ؛
شفيك مو طايقه نفسك ؟
سمى ؛ وانتي صادقه حتى نفسي مو طايقتها ، انا ليه وافقت اتزوجه ليه ليه !
نادين : مو تحبينه عشان كذا وافقتي ؟
سمى ؛ وش احب فيه الله يهديك !
نادين ؛ مدري عنك إسألي نفسك
انتي بنفسك قلتي لي انك تحبينه
سمى ؛ إيه إيه صح عليك
سمى وقت ما تكلمت لنادين عن حبها ومشاعرها ما كانت تقصد غيث كانت تقصد عناد بس نادين
ما كانت تدري عشان كذا كل تفكيرها ان سمى تزوجت غيث عن حب بس ما تدري وش السبب الحقيقي ورا
زواجها منه
نادين ؛ الا تعالي فيه وحده تداوم صباحية زواجها صاحيه انتي والا مجنونه وبعدين وش ارسلي السايق صراحه لو م رد علي غيث ورفض كان انا رفضت
سمى : وش فيها طيب طارت الدنيا يوم داومت م تغير شي ؟ يعني عادي الوضع
نادين : صح ما تغيرت بس ممكن تتغير لو درا جدي
سمى :..