احباء تحت المطر ☔️

49

ابتلعت ريقها ريمـا .. لكن كانت قد اختيارها وجاوبت بهدُوء " ايـه صراحـه "
ناظروها بصدمـه واكثرهم عنـاد اللي اندهش منها ومن اجابتها .. لكّنها ابتسمـت واستكمـلت ؛ صراحه تمنيت اخترت تحدي ، لكـن حظي انه بدال لا يعرف اللي خبيتـه لحاله لكم نصيب بمعرفتـه معه
يلا مو مهم
الشي الوحيـد اللي خبيته عنـه من تزوجنا لحد اليوم .. هو ..
الكل يناظرها بترقبّ شديد لإجابتها حتى غيث اللي كان خارج اللعبه ترك جواله وانصت لها بحماس
عناد كان يرقع قلبـه خايف من الشي اللي بيسمعـه منها .. خايف انه يتحطمّ لكـنها نطقت بخجـل وبعيُون لامعـه " انيّ حامل "
الكل صرخ بفرحـه .. الا عناد اللي يحس بذهُول وصدمـه وعدم تصديق
ناظرها بعدم استيعاب ؛ ايـش؟
نطقت بإبتسامه عذبـه ؛ اسفه المفروض تعرف قبلهم ولوحدنا كنت مخططه على اشياء واجد وكيف تدري لكن خفت انك ت..
قاطعها من حملها عن الارض ودار فيهـا وهو ضامها لصدره .. تحت نظراتهم وفرحتهم لها ولـه
سمى اللي نست زعلها من غيث التفتت عليـه وبابتسامـه عذبه ؛ مبروك يا الطف خال
بادلها الابتسامـه بعذُوبه ؛ يبارك فيـك ياسماه ودنيتـه
قام غيث من مكانه وتوجه لعناد وبشبه عصبيه ؛ خلاص رجيتها ودوختها وقف خلني ابارك لها
ما استمع منه عناد وكمّل يدور فيها من فرحتـه ؛ عز الله البزر ارتج مخه من وراك ياخوي وقف عطنا فرصه
ابتسمت ريما وهي تهمس له ؛ وقف صدق اخاف رجيته
ضحك عناد وهو يوقف ويثبتها ويوزن وقفتها ؛ طلعتي اغبى من اخوك .. البزر توه لحمه اي مخ واي رج واي بطيخ
وبعدين كنت حذر ماعليك
ابتسمت بخجل ؛ اللي هو المهم ننتبه
سحبها غيث لحضنه وهو يبارك لها ، ومن بعده سمى وباقي البنات
واللي لو ما سمعت نادين صراخهم وفرحتهم كان ماطلعت وعرفت بالخبر اللي سوو ضجـه عشانه
ومن لحظـة معرفتهم الكل كان حريـص على انه يداريها واكثرهم عناد اللي من لاشي مارضى تبعد عنـه ، كيف بعد ما عرف انها تحمـل بجوفها قطعه منه ومنها
كان طول الوقت يناظرها وهو مو مستوعب الخبر السعيد اللي رجعوا من السفر وهو معهم
سألها بهمس فضولي ؛ كم له ؟ من متى تعرفيـن؟ اصلا متى حللتي!
ابتسمت بخفه وهي تجاوبـه ؛ تذكر لما تعبت وجيتني وقلت مافيني شي بس دخلني برد
من وقتها كنت شاكـه ولاني ماكنت ابي اقولك وبالاخير يطلع شكوك قلت احلل عنك بالدس ، وحللت قبل رجعتنا بإسبوعين
وطلعت النتيجـه ،بأني حامـل ، وعمر حملي 48 يوم ، الله يتممه على خير ويجيبه لنا بالسلامه
ابتسم عناد ؛ويهون عليك ويقومك لي بالسلامه يارب
سندت راسها على صدره ؛ متحمس له ؟
مسك اناملها ؛ اكيد ، ودي اشوف ثمرة حبنا كيف بيكون .. اشقر وعيونه زرق عليك والا ماخذ مني كل شي
تنهّدت بحب ؛ احبه من الحيـن .. ولو يطلع عليك بحبـه اكثر احس يكفي اذا صرت بعيد عني اشوفك فيه ويصبرني
ابتسم لكلامـها واللي فيـه اصلا كانت بتقوله احبـك لكن وصلتها له بإستخدام حملها واللي تجهل وش بيكون ولد او بنت لكنه فاهمها فرّد رد مناسب عليـه : وانا احبك بعد واكثر مما يتصوّره قلبك
.
.
.