احباء تحت المطر ☔️

7

فتحت الباب ونزلت وراه وبنبره حماس وهي ماشيه
بإتجاهه ؛ ايوه وين المفاجئه ؟
غيث ببرود ؛ داخل
سمى ؛ غيث
غيث ؛ هلا ،
سمى ناظرت فيه وسكتت
غيث ؛ بتقولين شي ؟
سمى هزت راسها بالنفي ؛ لا
غيث ؛ طب ليه ناديتي باسمي ؟
شتت نظراتها عنه وبهمس: ولا شي
غيث عقد حواجبه من الضيق اللي واضح بنبرتها ونطق بإهتمام: فيك شي؟
هزت راسها ب لا ونظراتها بالأرض عرف انها تضايقت من أسلوبه وابتسم بيلطف الجو: اكلتي الأرض بنظراتك! لهالدرجه حلوه؟
رفعت نظرها سمى له واستغربت من مزاجيته اليّ متقلبه وسكتت
تنهد غيث : تعالي يلا
دخل ودخلت معه
جلس على الطاوله وجلست قباله : وين المفاجأه؟
ضحك غيث بخفه: انتي مافيك صبر ابد؟
هزت راسها ب لا: ياخي تحمست وأنت ولا على بالك
غيث بهدوء: شوي وتجي اصبري
تبين اطلب لك ولا ننتظر المفاجئة؟
هزت راسها ب لا : ننتظرها
هز رأسه ب طيب
أما سمى طلعت جوالها وبدت تطقطق فيه واندمجت
ناظرها غيث وناظر اندماجها وحس بنار الغيره تكوي صدره لما تذكر ايش كانت مندمجه فيه  قبل ينزلون
بدون مقدمات مد يده وسحب جوالها من يده وقفله ودخله بجيبه
ناظرته سمى بإستغراب : شفيك انت اليوم؟
غيث بهدوء: حتى لو كان زواجنا على ورق احترمي أني قدامك وعن هالحركات
عقدت حواجبها سمى: اي حركات شفيك انت!
غيث بسخريه: اي حركات! ولا شي انسي
ناظرت فيه سمى لبرهه ثم صدت عنه
رن جوال غيث ورفعه ورد عليه : هلا والله ... ليه عسى ماشر!
يله ماتشوفون شر لنا موعد ثاني ان شاء الله
قفل منه وكانت سمى تناظر فيه
تنهد ونطق بخفوت؛ تأجلت المفاجأه ليوم ثاني
فزت سمى بسرعه: ليييهه ؟
هز كتوفه بقل حيله : اسف بس مو مكتوب لنا اليوم ، مره ثانيه ان شاء الله
تنهدت سمى اللي طفى حماسها ونطقت بتنهيده: طيب رجعني البيت خلني اكمل نومي
ناظرها غيث وابتسم وهز رأسه ب لا :شرايك نروح سينما؟
فيه فلم رعب من يومين نازل خاطري اشوفه حيل يمدحونه ، شرايك؟
ناظرت فيه وهزت راسها ب لا بسرعه: لا مابي ابي انام
غيث: لاحقه عالنوم ي بنت امشي خلينا نشوفه
هزت راسها سمى ب لا : لا ماودي والله
غيث : يابنت الحلال والله مايتفوت خلينا نشوفه! وان ما
أعجبك لك اللي تبينه
ناظرت فيه سمى وبتأكيد: اللي ابيه؟؟
هز رأسه غيث ب اي بثقه: اللي تبينه
هزت راسها سمى ب طيب بحماس هي من النوع اللي ماتحب الرعب وحيل تخاف لكن دام انه فيها
مقابل فهي راضيه
...