احباء تحت المطر ☔️

6

اما غيث ضحك عليها ومشى ثواني واستوقفه صوت كحتها رجع على طول لها ونطق بخوف ؛ صار لك شي ؟
سمى لفت على صوته وبفهاوه وهي تشرب العصير ؛ هاهه ؟
غيث رفع حواجبه بتعقيد؛ليكون مقلب من مقالبك ؟
سمى ؛ نعم !
غيث بإستعجال ؛ من قال سمع نعم !
سمى ضحكت على تكليجته وصدت اما غيث الي ضاع بضحكتها ولا يدري وش سببها
مايلاقي نفسه الا وهو يتقدم لها وينحني  لمستواها ويحط يمينه تحت دقنها ويلفها له ويهمس بعذوبه وهو ضايع بجمال ملامحها اللي أأسرته ؛ ضحكتك مخلوقه لتعليق القلوب ،ارحمي قلبٍ ضعف من شافها !
سمى الي ارتبكت من حركته الي تفاجأت فيها صنمت لثواني تستوعب الحكي اللي قاله
امّا غيث الي حس على نفسه وضعفه ناحيتها ابعد يده عنها وقام على طول وتركها
اما سمى جلست تفكر بكلامه وكيف كانت نظراته لها كانت كافيه انها تهز كيانها الثابث همست ؛ وش ناوي عليه ؟  وش الي جالس يسويه فيني !
اما غيث الي دخل غرفته وقفل الباب وسند ظهره
وبعتاب لنفسه ؛اصحى على نفسك ي غيث اصحى وش
الي جالس تسسسويه !
مسح على وجهه بكفوفه وتنهد بعمق
.
.
الـسـاعـه 8:00 صَ
على طاولة الفطور الكل يداري بنظراته عن الثاني غيث الي يعرف شعوره زين وما يبي يستسلم له ويضعف قدامها
وسمى الي مو فاهمه ابدا شالي تحس فيه وليه مو قادره
تحط عينها بعينه اول ما رفعت نظرها وجت عينها بعينه ارتبكت وطاحت منها الملعقه صدت ونزلت نظرها للارض
غيث من شافها كذا قرر ينهي التوتر الي بينهم قام ونطق
بهدوء : اذا مخلصه انتظرك بالسياره
طلع بسرعه وهي شوي ولحقته
وصلها جامعتها ووراح لدوامه
.
.
هتان كان واقف قبال الدرج وساند يديه على الزجاج
ويكلم لؤي ؛ انتظر نادر بما ان اليوم خلص الاسبوع وعلى
هالاساس بنبدا
لف وطاحت عينه على غيث وهو داخل الشركه ؛ لؤي وصل
غيث اكلمك بعدين
قفل منه وحط جواله بجيبه وبإبتسامه عريضه ؛ ارحب تراحيب المطر
غيث عقد حواجبه ؛ الزبده !
وش را هالتراحيب المفاجئه وكأنك اول مره تشوفني !
مر من جنبه ومشى وهتان لحقه عفس ملامحه ونطق ؛ افا ! كأنك تشك فيني ؟
غيث فتح باب مكتبه ولف عليه؛ م اشك فيك بس اعتقد وراك شي مانت خالي
هتان ضحك بغباء ؛ يعني لهدرجه مكشوف لك
غيث ضحك وجلس ؛ عيب تسأل هالسؤال عشرة عمر حافظك انا
المهم وش عندك تفضل اجلس
هتان تكلم بدون مقدمات ؛ دامك فاهمني ابي اجازه !
غيث عقد حواجبه ب استغراب ؛ اجازه ؟
هتان ؛ إيه
غيث ؛ ليش ؟
هتان بهدوء ؛ احتاجها
غيث ؛ كم يوم ؟
هتان ؛ من اسبوع لاسبوعين
غيث بصدمه ؛ انا يوم م اقدر استغني عنك تبي اسبوعين !
واذا احتجتك خلال هالفتره ؟
هتان : لو فرضا احتجتني متأكد انك بتكفي بدوني
غيث : الاجازه ضروريه يعني م تقدر تتنازل عنها او تأجلها ؟
هتان ؛ إيه
غيث ؛ اوك طب بتكون قريب هنا لاني م اضمن اني م ازعجك
هتان ؛ للاسف بكون بعيد
غيث اتسعت صدمته ؛ بعيد!
هتان هز راسه ب ايه ؛ السعوديه
غيث ؛ وش الطاري ؟
هتان ؛ فيه شغله مهمه ورايح عشانها
غيث ؛متى ؟
هتان ؛ بعد يومين
غيث ؛ تروح وترجع بالسلامه واجازتك مقبوله رغم انك عارف وضعي لكن م اقدر ارفض اذا هالشي مهم وضروري عندك
هتان زفر براحه ؛ استاذنك اجل
غيث ؛ مسموح .
.
الـجـد و ابـو نادين
الجد بإبتسامه شوق ووله ؛ حياك الله
ابو نادين بإستغراب اتجه لابوه من سمع كلمته وشاف شكله انتظره يخلص المكالمه ونطق؛ يالغالي فيه احد بيمرك ؟
الجد بإبتسامة فرح عميقه هز راسه بإيه ؛ سماي ونور عيني
ابو نادين ؛ سمى بتزورنا ؟
الجد ؛ إيه
سكت شوي ثم نطق بحماس؛لازم اسوي شي لازم
ابو نادين فهم مقصد ابوه على طول ؛ لا توصي الحين
اقولهم يسوون كل الي بخاطرك
.
.
كانو ثلاثتهم مجتمعين
هتان ؛ شالي عرفته ؟
نادر قدم لهم الاوراق وبعض الصور الي التقطهم لغيث وعناد
لؤي وهو يشوف الصور وبنبرة إستفهام وهو يأشر على عناد؛ من هذا الي مع غيث ؟
نادر ؛ عرفت انك بتسأل هذا عناد ولد عم سمى والي عرفته انه خطيبها المرفوض من جدها
هتان ؛ طب وش جابه مع غيث ؟
نادر ؛ فكروا معي
عناد خطيب سمى الي انرفض غيث زوجها وبنفس الوقت
ماهو معتبر هالزواج حقيقي وش الي يخليه يلتقي مع
عناد بشكل دايم ؟
لؤي نطق بسرعه ؛ سمى
نادر رفع سبابته واشر عليه ؛عليك نور
هتان ؛ إيييه شيعني ؟
لؤي ؛يعني ي صاحبي ان غيث يخطط يجمع سمى
بعناد
نادر ؛وفيه شي ثاني متخيلين ان غيث مخلي عناد يرجع
سمى من الجامعه
هتان ؛غيث مجنون مستوعب وش جالس يسوي ! هذا رايح للنار برجليه !
لؤي ؛بما ان جد سمى رفض عناد وش الي يخلي غيث
يتورط بهالشي معقوله بيحارب جدها عشان يجمعهم!
هتان ؛ يعني سبب زواجه منها عشان يربح الوقت وبنفس الوقت يخطط عشان ينجح بهالشي
نادر ؛ بس الي م عرفته للحين كيف جد سمى يعرف غيث
وكيف من بد الناس زوجها له ! وكيف اقتنع غيث ورضى ؟
ووش السبب الي يخليه يرفض عناد دام اثنينهم يحبون بعض ؟
الي جبر غيث ياخذ سمى والي جبر عناد يتخلى عنها والي جبر سمى توافق على غيث ! هو سبب واحد لازم نعرفه
لؤي ؛ يعني شغلنا الجاي كله نحاول فيه نعرف وش صار
بالضبط ،بس مستحيل نعرف من غيث
هتان ؛ انا كذبت على غيث
نادر ولؤي اتسعت صدمتهم بنفس الوقت ؛ كذبت ؟
هتان ؛ قلت له بروح السعوديه وابي اجازه اسبوعين ووافق
بعد اصرار مني
لؤي ؛ وش الي تخطط عليه !
هتان ؛ راح اختفي عشان اشتغل على افساد مخطط
غيث
نادر بإستفهام ؛ شلون ؟
هتان ؛ غيث مو قلت انه اعظم الاوقات يجتمع بعناد
نادر ؛ ايه
هتان ؛ راح نخرب هالشي
لؤي ؛ شلون ؟
هتان ؛ راح نقول لجد سمى عن الي يصير
لؤي شهق بصدمه ؛بس راح تودي غيث بداهيه.
هتان ؛ مستعد اسوي كل شي بس غيث ما يغلط هالغلط
نادر ؛ طب اول نبي نعرف السبب !
هتان ؛ راح نعرفه وبسهوله بعد !
لؤي ؛ كيف ؟
هتان بهدوء ؛ من الجد نفسسسه
نادر ؛ يعني راح اول شي نعرف الي صار بالضبط من جد سمى
وبعدها راح نقوله عن مخطط غيث وعناد هذا الي تقصده ؟
هتان ؛ إيه
لؤي ؛ واذا انكشفنا من غيث ؟
هتان ؛ما راح يكشفنا لان كل شي انا راح اخطط له صح بس نعرف كل شي بعلمكم بالخطه الي راح نمشي عليها
الي عليكم انكم تنتظرون مني خبر
نادر ولؤي بنفس الوقت وبردود مختلفه ؛ تمام اتفقنا ، ان شاء الله تنجح خطتنا هالمره وما نخسر غيث بسبب تهورنا هذا
هتان ؛ ما عليك انت ثق فيني
بس .
.
الـسـاعـه 1:30 مَ ~
كان تو مرجعها من الجامعه دخلت قبله وجت بتصعد فوق بس استوقفها صوته وهو ينادي عليها لفت عليه ؛ هلا
غيث قفل الباب اشر على الكنب؛ تعالي نجلس عندي موضوع  حاب اكلمك فيه
سمى جلست وبتوتر ؛ تكلم اسمعك
غيث وهو يناظرها بهدوء؛اول اعتذر على اللي صار امس , وادري متفقين يكون زواجنا على الورق ولا راح نخوض
علاقة لاني اعرف بحبك لعناد , ولا ابيك تتوترين وتخافين كل ماتشوفيني لاننا مضطرين نعيش انا وياك تحت سقف
واحد , فأتمنى نكون مرتاحين من البداية
سمى نوعاً ما ارتاحت من كلامه؛تمام
دامك تشوف كذا بس قدامهم حلوين واذا جينا هنا.
قاطعها غيث بأبتسامة؛نكون اصدقاء حلوين
سمى ابتسمت لابتسامته ؛ افهم انو لو مثلا صديقتك طلبت منك شي م راح ترفض صح ؟
غيث سند ظهره وابتسم ؛ على حسب بس تجرب وتشوف
سمى ؛ ولو قالت لك هالصديقه انها تبيك توافق انها تنام عند اهلها ؟
غيث ؛ راح اقولها تسامحني لانه مرفوض
سمى ؛ معقوله يطاوعك تكسر قلب صديقتك من اولها ؟
غيث استعدل ؛ مستحيل يطاوعني وعشان م يطاوعني رفضت فكري معي شوي تدرين كم مر على زواجنا ؟ اسبوع
ومن اولها بتنامين ! كذا بتفتحين العيون عليك وحنا اتفاقنا واضح اي شي بيضر فينا ما راح نقبله اتمنى تفهمين الشي الي ابي اوصله لك
سمى بحلطمه وهي تحط يدها على خدها ؛ اوووف يعني هذا لا زوجتك
مقبول ولا صديقه مقبول !
غيث ضحك على حركتها ؛ طفله وش
عرفك !
سكت شوي ثم كمل؛ متى تبين نروح ؟
سمى شهقت ؛ بتروح معي !
غيث ؛ اكيد وش ذا السؤال ، ليكون كنتي تفكرين تروحين لحالك ؟
سمى ؛ إيه
غيث ؛ مو معقول سمى وشلون تفكرين هذي اول زياره بعد زواجنا لاهلك بتركك تروحين لحالك مجنون ؟
سمى تأففت؛ شدراني انا
غيث ؛ ولا يهمك انا موجود هنا عشان اعلمك
سمى استعدلت وبابتسامه على خفيف؛ م اوصيك عاد ارأف بحال طالبتك ولا تكون قاسي ي معلم
غيث ؛ يعجبني الي يعيش الدور بسرعه
سكت شوي تم استرسل بكلامه ؛ م قلتي
متى حابه نروح ؟
سمى ؛ قلت لجدي على العصر او المغرب
كذا .
.
تـسـريـع الاحـداث الـسـاعـه 5:00 مَ ~
دخل غيث الغرفه وكانت متربعه بوسط السرير وجامعه فساتينها حولها وتناظر فيهم بحيره انصدم انها لحد الحين ماجهزت وتقدم لها بخطوات سريعه ونطق بصدمه : للحينك ماجهزتي!! ،
اخلصي يابنت تأخرنا؟
ناظرت فيه سمى ونطقت بخفوت: محتاره وش البس!
ناظر غيث بساعة معصمه ورجع ناظرها ونطق بعصبيه: وش هالعذر
السخيف هذا! كم لك وأنتي حابسه نفسك على أساس تجهزين؟ قلت الحين اكيد خالصه وجاهزه بس تنتظرني
طلعتي للحين منتي مختاره فستانك حتى!
قوست شفايفها سمى بضيق وناظرته بحزن وهمست : بدال ماتساعدني تروح تهاوشني وتعصب!
تنهد غيث وحس اعصابه ارتخت من لمح
لمعة دمعه بعيونها تقدم وبدا يقلب بفساتينها بصمت
وبعد فتره رفع فستان ونطق بخفوت: هذا حلو ، البسيه
ناظرت فيه سمى لثواني وهزت راسها ب
لا بضيق وهمست : ماعجبني
تنهد غيث ورفع لها فستان ثاني لونه
اسود
اخذته سمى بيدينها وناظرت بغيث ونطقت بحزن : بس ما احب اللون
الأسود انا
غمض عيونه بغيض لكن تمالك نفسه لا يزعلهاونطق: ماتحبين هاللون ليش
تشترين منه؟
هزت أكتافه ب مدري ونزلته من يدها ونطقت بضيق : خلاص مابي اروح
رفع حواجبه غيث لثواني ونطق بصدمه: وليييش!
سمى بضيق : ماعندي شي البسه!
ناظرها غيث بصدمه وضحك بصوته العالي
ناظرته سمى باستغراب من ضحكه لحد ماسكت ، نطقت بغرابه: وش يضحك الحين!
غيث يضحكه: كل هاللبس وتقولين ماعندي شي البسه؟
صدت عنه سمى بغيض وسكتت
تنهد غيث واتجه لدولابها وبدا يقلب بفساتينها تحت انظارها
سحب من الدولاب فستان وناظرها وهو مبتسم لفتره وبعدها نطق بخفوت؛ أحسه بيطلع حلو عليك ، البسيه
ناظرته سمى لثواني وحست كلامه لامس قلبها
تجاهلت احساسها ولفت تناظر الفستان اللي بيده كان فستان باللون الأصفر الكركمي ، باكمام نازله
ماسك عالجسم وطوله ميدي وفيه فتحه من على جنب توصل لحد الركبه
كان فعلاً جميل وأعجبها حيل
قامت من على السرير واتجهت له وأخذته من يده ووقفت قدام المرايه وحطته على جسمها
وابتسمت لما حست انه بيطلع عليها فخم بمعنى الكلمه
نزلته عالسرير واتجهت لغيث ومسكته من معصمه وسحبته لبرا الغرفه ونطقت بفرح : شكرا لمساعدتك بس
اتركني البس ، ثواني واطلع لك ماراح
أتأخر قفلت الباب بوجهه قبل ينطق بحرف وراحت تلبس
كانت مسويه شعرها ومكياجها وبس ناقصها اللبس
كان غيث ينتظرها بالصاله ويقلب بجواله
رفع رأسه على فتحه الباب وصنم بمكانه لثواني لما طلّت عليه
كانت لابسه الفستان اللي اختاره وشايله شنطتها بيدها كان عليها جدا جميل واقل مايُقال عنها طلّه أميره
كانت فعلا جاذبه عيونه لدرجه فوق المعقول ابت عيونه ان ترمش بهاللحظه وكانه يبي يشبع عيونه منها ومن جمالها طرت بباله ابيات ونطق فيها بدون مايحس
بنفسه : يا لابس الأصفر على القلب بالهون
لا تجبرين القلب يخلف بوعده
تنحنح من شافها اقتربت منه وصد لف عليها اول ما جاه صوتها ؛ كيف ؟
حلو والا اغيره ؟
غيث وهو يطالعها بإهتمام من فوق لتحت نطق بتمثيل للجديه وكأنه مو راضي عنه ؛ م توقعت لما راح تلبسينه
راح يكون غير وم راح يعجـ...
قاطعته سمى ؛ شلون يعني مو حلو ؟
غيث ؛ بس ما يمديك تبدلينه تأخرنا بنمشي
سمى حذفت عليه شنطتها وبضيق ؛ لا برجع اغيره
لفت بترجع بس استوقفها مسكته ليدها م امداها تستوعب الا لفها عليه وارتطمت فيه
همس وهو يناظر بعيونها الي ترجف من حركته ؛ مو كل شي ينقال لك تصدقينه ، م هقيت انك م تفرقين بين
المزح والجد !
ضيقت عيونها فيه وعفست ملامحها نطقت ؛ وهذا وقتك تمزح ؟
,