الألبوم القديم قفل مبيقبلش حلقات تانية فهنبدأ هنا من الحلقة ٨٩ إلى الحلقة الأخيرة.. الحلقات هتكون على حسب التفاعل
واللي عاوز ينضم لجروبنا على الفيسبوك يتفضل (حكاوي البنات بقلم بوسي مصطفى)
هتلاقوها هناك كاملة.. اتمنى قراءة ممتعه.
تكملة باقي حلقات الجزء الرابع هتكون هنا من الحلقة ٨٩ إلى الحلقة الأخيرة.. 👇👇👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#أنت_قلبي٤ ___________ الحلقة ٨٩
في غرفة سيف ومليكة. سيف : وبعدين معاكي يا مليكة ما تنامي يا حبيبتي مليكة : مش عارف أنام يا سيف. سيف : معلش نامي على الجنب التاني. مليكة : مش عارفه برضو وتعبت من النوم على ضهري. سيف : معلش هانت خلاص استحملي الشهر ده.. انتي رايحه فين؟ مليكة : هقعد بره شوية علشان تعرف تنام. سيف : طيب. ونام سيف وتركها تخرج بره.. شغلت التليفزيون وقعدت. مليكة نظرت للساعة : الوقت متأخر تلاقي مامي نامت دلوقت. اتنهدت ووضعت ايدها على خدها.
في فيلا آسر. سهر : كلمت منة قالت لي هتشوف ظروف إياد كدا أنت لما كلمته قال لك إيه؟ آسر : قال ماشي جاي بس منة مش في البيت. سهر : اه ما أنا عارفه هي عند اخوك سمعت صوته. آسر : اه قال لي. سهر : إيه مالك؟ آسر : ها.. لا مفيش. سهر : عاوز تعزمه؟ آسر : هو مين؟ سهر : هيكون مين يعني أكيد اللي في بالك. آسر : لا أنا هبقى اعدي عليه بكرة اقعد معاه شويه. سهر : عادي على فكرة لو عاوز تعزمه كلمه خليه يجي. آسر نظر لسهر وسكت. وبعدها : اقفلي النور اللي جنبك دا يا سهر. سهر : حاضر...هتنام؟ آسر : اه ليه انتي مش هتنامي؟ سهر بتنهيدة : اه هنام. آسر قرب منها واخدها في حضنه : إيه مالك؟ سهر : مفيش. آسر : مش هعمل حاجة تضايقك. سهر : يعني إيه؟ آسر : افهميها بقى لوحدك. ابتسمت سهر وغمضت عيونها. آسر : شايفه بتبقي زي القمر وانتي فرحانه ازاي متكشريش بقى. فتحت عيونها : أنت بتقول إيه؟ آسر : بقول متكشريش تاني. سهر : طيب.. آسر بتنهيدة : تصبحي على خير. ________ بتخبط نادين بنتها في كتفها وهي بتصرخ فيها وبتبكي : كنتي فين كنا هنموت من القلق والخوف عليكي. ياسمينا : بس يا نادين سيبيي البنت تاخد نفسها. فريدة : كنتي فين يا كنده احنا كنا قلقانين قوي عليكي.
تحت في الدور الأرضي.. عُمر : متشكرين يا ابني كتر خيرك. الشاب : العفو يا عمي أنا عملت إيه.. المهم إنها رجعت بالسلامة وموقعتش في ايد حد كدا ولا كدا. وليد : اه فعلا وطبعا لولا إنك ابن حلال مكنتش تعبت نفسك ولفيت معاها كل اللف ده لحد ما جيبتها هنا. الشاب : هي كانت خايفه ومش عارفه العنوان احنا مشينا على الوصف بتاعها وأنا بصراحة مكنتش أعرف المنطقة هنا قوي احنا ركبنا مع سواق التاكسي وهو اللي مشي على حسب كلامها لحد ما وصلنا بس وقف بعيد مقدرش يدخل. عُمر : كان واجب تجيبه معاك على الأقل نشكره وياخد واجبه. الشاب : معلش بقى هو راح يشوف أكل عيشه بعد ما أطمن من كنده إن دا بيتهم لما شاورت عليه. حمزة : متشكرة لحضرتك. الشاب : لا شكر على واجب.. سلام عليكم. يرددوا : وعليكم السلام. ويقوم حمزة يوصله.
