تكملة باقي حلقات الجزء الرابع من أنت قلبي

الجزء الرابع /الحلقة ١٢٣

#أنت_قلبي٤
_________
الحلقة ١٢٣

في التليفون.. 📞
مريم : حادثة إيه.. بتقولي مين اللي عمل حادثة يا سهر؟
سهر : ايه دا انتي متعرفيش؟!
مريم : أعرف إيه اتكلمي على طول يا سهر.
سهر : فكرتك عارفه علشان كدا اتصلت تطمنيني على اخوكي.
مريم : أنا اللي اطمنك عليه!
سهر : اه علشان حضرته مبيردش عليه أنا لما دخلت على الاكونت بتاع الفيسبوك عنده لاقيت صحابه كاتبين له ألف سلامة عليك ومنزلين له صور وهو في المستشفى تقريبا كان منزلها في الاستوري عنده لاني بقالي فترة مبتواصلش معاه قولت اعمل بـ اصلي واتصل اطمن عليه مردش قولت خلاص اكلمك بما إنك أخته يعني وأكيد تعرفي اخباره.
مريم : أنا أول مرة أعرف منك دلوقت بالموضوع ده طب ثواني اقفلي اما أكلمه اشوف الكلام دا حقيقي ولا ايه.
وقفلت مريم مع سهر وبتتصل بمازن.
________
في مركز العلاج الطبيعي.
مجدي ك : احنا يا مدام مش كان في مقابله ما بينا من فترة وحضرتك قولتي إن عندك إيصالات أمانة تخص دكتور مجدي وقولت لك اشوفهم أو تسلميهم حضرتك للنيابة زي ما بتقولي لازمته ايه بقى الحوارات دي كلها.
غزل : أنا جايه اتكلم مع صاحب الشأن دلوقت.
علي : معلش بقى أنا ومجدي شركا هنا في المركز وكلامك يبقى معايا أنا ومجدي واحنا وكلنا الأستاذ مجدي بالقضية دي.
غزل : قضية ايه؟!
مجدي ك : قضية بـ الادعاء الكاذب على موكلي وإنك بتطالبي بحق انتي اخدتيه فواتير الأجهزة عندك بتخرج ازاي يا مدام مش بدفع تمنها برضو ولا حضرتك بتخرجيهم من غير ما تاخدي تمنهم.
غزل : أنا كنت بعامل  دكتور مجدي غير أي عميل عندي ومفيش أي فرق يدفع أو يكتب إيصال أمانة بالمبلغ مفيش أي مشكلة لكن اتفاجئت إن علشان استلم فاتورة بأخر جهازين اخدهم مننا إنه مش عاوز يدفع تمنهم وطبعا لاني مأمنتش نفسي وقتها بـ إيصال أمانة علشان زي ما قولتلكم اني كنت بثق فيه تماما حاول إنه يتهرب من دفع اللي عليه فكان لازم اخترع حوار إيصالات الأمانة دي علشان يسدد الفلوس هو دا كل ما في الموضوع.
نظر علي لحماه.
مجدي : لكن دكتور مجدي بيأكد إنه سدد لك المبلغ بالكامل وفي فواتير بكدا.
غزل : ما هو دا علشان أنا قولت مفيش مشكلة إنه ميدفعش دلوقت لانه كان منتظم في الدفع بصراحة بس معرفش ليه المرة دي مش عاوز يدفع وبينكر كلامي ومصمم إنه سدد لي اللي عليه مع إن الفواتير مش إثبات خالص عملتها قبل كدا على فكرة.
علي : حضرتك بتاخدي عليه إيصالات أمانة كل مرة أنا شوفتهم قبل كدا ايش معنى المرة دي ولا علشان هو نسي عندك إيصالات الامانة اللي هي متشطب عليها طبعا وانتي مش قادرة تخلينا نشوفهم علشان لعبتك كدا هتكون اتكشف بس خُدي بالك إن موقفنا القانون سليم مش كدا يا أستاذ مجدي؟
_________
في التليفون.. 📞
حازم : هاتي يا فريدة أنا اكلمه.
فريدة : اتفضل.
حازم : ايوه.. يا دكتور كريم.
كريم : مين عندك يا حازم فريدة بتقولي.
حازم : اه موجود عندي دكتور (وينظر في الكارت)
سالم عبد الجليل بيقول إنه صاحبك وبقالكم فترة متقابلتوش.
كريم بيفتكر : دكتور سالم عبد الجليل!
حازم : ايوه.. مكتوب في الكارت اللي معايا هو قاعد مع الولاد جوه ونازل مصر اجارة وجاي يشوفك ميعرفش عنوان الفيلا.
كريم : ايوه.. ايوه
افتكرت دا زميلي في المستشفى اللي كنت شغال فيها في إنجلترا يااااه دا ايه اللي فكره بيه؟!
صحيح كان اخد عنوان بيتنا القديم بس الكلام دا من زمان قوي.
حازم : هو قاعد دلوقت جوه وبيقول مسافر بعد تلاتيام وعاوز يشوفك قبل ما يمشي.
كريم : حاضر جاي متخلهوش يمشي بقى.
حازم : طيب متتأخرش علاء معاك؟
كريم : اه.
حازم : طيب تيجو بالسلامة.
_______
بيخبط مجدي على باب غرفة زينة في المستشفى وبابتسامة : ألف سلامة عليكي يا زنزون.
التفتت زينة الناحية التانية أول ما لمحته.
مجدي بيدخل : مش عاوزه برضو تشوفيني؟
على العموم أنا جاي اطمن عليكي.. ألف سلامة عليكي يا حبيبتي.
وبيمسك ايدها فسحبتها بسرعة.
مجدي : طيب حتى بصيلي.
زينة : جاي ليه يا مجدي اهو الحمل نزل علشان تتبسط مش دا اللي كان مزعلك.
مجدي : ميبقاش قلب اسود بقى يا حبيبتي مفيش نصيب وأنا كنت رضيت بنصيبي خلاص أعمل إيه؟
زينة : متعمليش حاجة بس ممكن تتفضل بقى.
مجدي : اتفضل فين.. دا أنا سايب الدنيا كلها وجايلك.
زينة : مكنتش تيجي.
قرب لها من الناحية التانية علشان يتكلم معاها وهو شايفها : ما خلاص بقى خلي قلب أبيض كدا وانسي.
زينة : لأ أنا قلبي اسود ملكش دعوة.
مجدي : لا انتي طيبة وقلبك كبير وهتسامحي.
زينة : يا ترى اخدت إذن المدام قبل ما تيجي؟!
مجدي : ليه بس الكلام دا يا زينة اخد إذن مين ما أنا قولت لك إن مفيش حاجة بيني وبينها.
زينة : يااااه للدرجة دي شايفني مغفله؟!
مجدي : لا يا حبيبتي انتي ست الستات مش مغفله ولا حاجة وأنا لو فيه حاجة ما بيني وبين الست دي مش كان زمانك عارفه برضو بس دي غلطتي علشان مصرحتكيش بالمشكلة اللي عندي.
زينة : حوار جديد دا بقى؟!
مجدي : لأ مش حوار دا حقيقة بجد يا حبيبتي.
زينة : سيب ايدي.
مجدي : خلاص بقى يا زنزون حقك عليه وادي راسك أهو كمان ابوسها.
زينة : اوعى ابعد عني أنت بتعمل ايه لو حد دخل يقول علينا إيه؟!
مجدي : يقول واحد بيصالح مراته اللي مشفهاش بقاله تسع أيام أهو.
زينة : لأ برافو بتعرف تقلب الطربيزة كويس.
مجدي : هههههههههههه خلاص بقى ننسى.
زينة : ننسى ايه وأنت تعرف واحدة غيري دا اللي اعرفها يعني ممكن يكون في أكتر من واحدة كمان.
مجدي : معرفش ست غيرك يا زنزون طب بُصي انتي ترجعي معايا ولو...
تقاطعه زينة : قبل كدا قولت الكلام ده ووعدت وموفتش بوعدك وبعد قد إيه دا كان مفاتش غير اسبوع اسبوع واحد ولاقيتك بتكلمها في بيتي.
مجدي : طب ودا ملفتش نظرك لحاجة؟
معقول يعني يبقى في مشكلة ما بينا بسبب الست دي اروح أنا أكلمها في البيت عندي إلا هو يعني مش هاممني أي حاجة دا كلام برضو.
زينة : طب ما دا حصل فعلا.
مجدي : حصل لكن أنا مكنتش أعرف إن هي وكمان مفيش كلام ما بينا زي اللي انتي متصوراه دي
عاوزه تنصب عليه وتاخد حقها مرتين وأنا في مشاكل معاها وموكل الأستاذ مجدي المحامي حماه علي علشان يتفاهم معاها وسيبتهم في المكتب عندي وجيتلك جري لما عرفت باللي حصل صدقيني يا زينة المرة دي بالذات مبكدبش عليكي ومش ناوي أكدب بعد كدا
وأنا آسف لو جرحتك وكنت قليل الذوق معاكي انتي عندي بالدنيا كلها ومفيش ست تملا عيني غيرك دا أنا اتحايلت على انكل هشام علشان يوافق يجوزنا لبعض معقول افرط فيكي بسهولة كدا.
زينة : الكلام غير الفعل يا مجدي سمعت منك كتير قبل كدا.
مجدي : صدقيني المرة دي غير.
أمل داخله الغرفة : سلام عليكم.
يرددوا : وعليكم السلام.
_____
في التليفون... 📞
مازن : اتصلتي وقفلتي ليه؟
مريم : بصراحة لما ما ردتش خوفت تكون نايم واقلقك ولا حاجة.
مازن : يبقى زعلان من أخر مرة كلمتك فيها أنا آسف يا مريم عارف اني كنت رخم قوي معاكي بس كنت مضغوط شوية معلش حقك عليه.
مريم : لا عادي مفيش حاجة طمني عليك سهر بتقولي إنك عامل حادثة حقيقي الكلام دا ولا ايه؟
مازن : سهر!
وهي عرفت منين؟
مريم بخوف وقلق : يعني حقيقي الكلام دا يا مازن؟
مازن : اهدي بس أنا كويس.
مريم : امال ايه اللي على صفحتك ده؟
مازن : هو فعلا كنت عامل حادثة.
مريم بخوف ولهفه : إيه!
مازن : اهدي بس هفهمك هي حادثة بسيطة شوية خدوش وكدمات وكسر في رجلي بس أنا كويس متقلقيش.
مريم بحزن : من امتى يا مازن؟
مازن : بعد اخر مكالمة ما بينا على طول تاني يوم راكب الباص يقوم يخبط في عربية يعتبر أنا أقل ضرر يعني من غيري بس بصراحة وقتها حسيت إني كنت مزعلك جامد وضميري كان مأنبني خوفت أكلمك علشان عارف دمعتك قريبه وكمان مكنتش عاوز اعرفك علشان متقلقيش عليه بس أنا كويس
الحمد لله.
مريم : خلي بالك من نفسك يا مازن.
مازن : مريم انتي زعلانه مني؟
مريم : احنا أخوات ولازم نعذر بعض أوقات الواحد بيكون مضغوط حتى مراد كدا بس في الاخر بنتصالح والدنيا تبقى تمام الواحد لو فضل يعمل حوار على كلمة يعمل يسمعها هيتعب ولا ايه؟
مازن : مريم انتي أختي وأنا اللي استحملك مش العكس حقك عليه.
مريم : خلاص مفيش حاجة أهم حاجة تاخد بالك من نفسك ألف سلامة عليك.
مازن : تسلمي يا حبيبتي حد كلمك؟
مريم : حد مين؟
مازن : يعني خالك عمتك ابن خالك.
مريم : لأ محدش كلمني.
مازن : طيب أحسن وانتي كمان لما يجولك قوللهم لما مازن ينزل هيشوف الحوار ده والكلام هيكون معاه
أنا مليش دعوة.
مازن : حاضر.
مازن : مش معنى إن ملكيش دعوة بالحوارات دي إن ملكيش علاقة بالموضوع لأ دا حقك بس مش عاوزك تدخلي معاهم في أي حاجة سيبيني مني ليهم وأنا هجيب لك حقك.
مريم : عادي يا مازن مش فارقه.
مازن : لا معلش دا حق ماما وأنا مش هسيبه.
مريم : علشان خاطري خلي بالك من نفسك.
مازن : حاضر ومتزعليش مني.
مريم : مش زعلانه يا حبيبي مع ألف سلامة مش عاوزه أطول عليك.
_______
في شقة علاء.
معتز : اتفضل يا عمي.
كريم : شكرا يا معتز اتفضل يا دكتور سالم.
سالم : حاضر بس مظبوطه؟
كريم : مظبوطه طبعا.
سالم : مش سادة يعني هههههههه
كريم : دا أنت لسه فاكر بقى.
سالم : القهوة مبتتشربش غير كدا يا دكتور سكر ايه اللي يتحط في القهوة!
ههههههههههههه مش دا كلامك؟
كريم : حصل بس دا من زمان قوي.
سالم : غيرت ولا ايه؟
كريم : لأ أنا زي ما أنا.
سالم : طيب أنا كنت عرفت كدا من ابن عمك شوية تفاصيل عن حالة علاء اخوك.
كريم : اه هو تعبان بقاله فترة وللأسف أهمل ومعملش الفحوصات اللازمة غير متأخر وحاليا بياخد العلاج اللي أنت عارفه ده.
سالم : طب بقولك ايه ما تديني كل الأوراق اللي متشخص فيها حالته بالظبط وأنا اعرضها على دكتور صاحبي هناك.
كريم : أنا كنت بعت التحاليل لزميل ليه برضو في ألمانيا وأكد نفس كلام الدكاترة هنا.
سالم : هات بس كل التقارير والتحاليل والأشعة الخاصه بحالته وأنا هتابع الموضوع ده مش هنخسر حاجة.
كريم : أنت مسافر امتى؟
سالم : بعد بكرة.
كريم : خلاص هجهزلك كل حاجة بكرة واسلمهالك اديني عنوانك.
سالم : حبيبي طبعا تشرف وتنور بس واجب عليه أنا اللي اجيلك متسبش أخوك خليك جنبه.
كريم : مش عاوز اتعبك.
سالم : مفيش تعب ولا حاجة يا دكتور أنا منساش أبدًا اللي عملته معايا هناك وإنك وقفت جنبي لحد ما قدرت اثبت نفسي هناك أنت قلبك كبير قوي يا دكتور واللي زيك بقوا قليلين قوي في الزمن ده.
كريم : متشكر يا دكتور بس أنا معملتش غير الواجب احنا اخوات ما بالك بقى لما نكون في غربة فلازم نقف جنب بعض.
سالم : علشان كدا أنا متفائل خير وكل الخير اللي عملته هيترد ليك ادعي بس نلاقي علاج لحاله دكتور علاء ولو في جراحة كمان تتعمل ويبقى زي الفل.
كريم : ادعيله يا دكتور سالم.
سالم : هدعيله ومش هنسى برضو اتابع مع الدكتور اللي هسلمه التقارير الطبية بالحاله وهعرفك كل حاجة أول بأول.
كريم : رايح فين؟
سالم : يدوب بقى أنا هنا من بدري.. سلام عليكم.
كريم يقوم معاه : وعليكم السلام.
_______
في التليفون.. 📞
سهر : يعني هو اللي قال لك كدا.. كلمك بنفسه يعني وطمنك انه بخير؟
مريم : ايوه.. كلميه بقى.
سهر : حضرته مبيردش على التليفون مع إنه رد عليكي اهو.
مريم : معلش يا سهر يمكن فيه حاجة مضايقاه كلميه وحاولي تخففي عنه كدا وافهمي منه ايه اللي مضايقه.
سهر : طب ما قولتلوش الكلام دا ليه يا مريم اخوكي مبيتصلش ولا بيسأل عن بناته هل دول بناتي لوحدي علشان حضرته ميسألش عنهم مش كفاية انه بعيد عنهم!
مريم : معلش يا سهر أنا مش عارفه أقولك إيه لإني محبش اتدخل في تفاصيل حياتكم بس حاولي تتكلمي معاه وتلاقي حل ينزل اجازة أو تسافروا معاه وتعيشوا مع بعض زي الأول.
سهر : واخوكي بقى ايه اللي مضايقه؟
مريم : معرفش.
سهر : اوك يا مريم شكرًا على النصيحه.
_______
في شقة علي.
علي : عملت ايه؟
مجدي : اهو يعني شايفاها بدأت تلين شويه وحاسس إنها مصدقاني.
علي : طب كويس بداية مبشره بالخير اعقل بقى ابوس دماغك.
مجدي : ما قولتلك خلاص بقى يا علي هي حكاية؟!
علي : خلاص متزعلش
حقك عليه.
مجدي : عملت ايه مع الست دي؟
علي : اطمن هي لو عندها دم مش هتتواصل معاك مرة تانية لإننا شبه هزأناها
وقولنا إنها نصابه وعاوزه حقها مرتين ولمحت لها إنها تبعد عنك تمام لإن الموضوع كدا مبقاش له علاقة بالشغل هي بقى اتجننت واخدت بعضها ومشيت بس إيه أخوك هزأها بس بالأدب.
مجدي : أنا نفسي ابقى معاكم في الوقت ده بس اعمل ايه بقى الظروف جات كدا.
علي : المهم زينة كويسه؟
مجدي : اه كويسه دي هتخرج من المستشفى كمان ساعة كنت عاوز اقعد معاها بس طنط أمل قالت لي اسيبها دلوقت براحتها وأنا وافقت علشان مضغطش عليها.
علي : خير متقلقش أنت برضو بكرة كدا ولا حاجة تروحلها على البيت ومعاك هدية حلوة كدا اطمن عليها واقعد مع بنتك شوية وحاول تبقى لطيف مع انكل هشام ولو لاقيت حد من أخواتها هناك متحاولش تضايقهم بكلمة مهما اتكلموا لانهم أكيد دلوقت عارفين بالحوار ده فـ اعذزهم بقى دي اختهم ومن حقهم يزعلوا على زعلها.
مجدي : فاهم يا علي وهحاول ابقى هادي علشان مخسرهاش.
علي : رايح فين؟
مجدي : هطلع اريح شويه تعبان قوي.
علي : طيب ما تتعشا معانا الأول.
مجدي : لأ مش قادر.
علي : طيب تصبح على خير.
_______
في فيلا آسر.
سهر : حاضر يا مليكة.
مليكة : بس سيف ميظهرش في الصورة يا مامي علشان بس ميضايقش.
سهر : يضايق ولا يعملك مشكلة يا مليكة؟!
مليكة : هو تفكيره كدا بقى يا مامي هعمل ايه؟
سهر : طب يا حبيبتي بدل الحوارات دي كلها ما يروح بصورة مباشرة كدا لـ انكل هشام ويقوله انه عاوز يرجع الشركة دي فيها إيه؟
مليكة : خايف يرفض ويحرجه.
سهر : مستحيل يعمل كدا إذا كان هو بنفسه قال لباباكي قبل كدا إن الشركة خسرته لما سابها وسافر وان دماغه نضيفه بس لو يركز في حاجة واحدة ويسيبه من التنطيط كل شوية في مكان المشكلة في سيف للأسف يا بنتي.
مليكة : عارفه يا مامي بس هو طيب على فكرة وحنين قوي بس اوقات بيكون عصبي شوية بس أنا بقيت أفهمه وبعرف اتعامل معاه دلوقت.
سهر : أنا مبقولش حاجة يا بنتي ولا بعيب فيه بس هو لازم يسيبه من اللي في دماغه ده الواحد اه نفسه تبقى عزيزة لكن كمان ميضيعش فرص زي دي على نفسه شركة زي دي بيتمنى أي شاب يشتغل فيها دي لوحدها ختم كدا إن الشخص دا ناجح وكفء يشتغل في أي مكان يقوم هو خايف يروح يكلمه طب أنا هسمع كلامك وهقول لباباكي وهو هيكلم هشام ومش هيقول لأ أبدًا إنه عاوز يرجع بس لو سيف عرف من حد تاني إنك اتوسطلي ليه في حاجة زي دي هيعمل مشكلة.
مليكة : ما هو انكل هشام هيقوله انه محتاجة عنده في الشركة وميجبش سيرتي خالص ولا إن بابي كلمه في حاجة تخص سيف.
سهر : حاضر يا مليكة اقعدي رايحه فين؟
مليكة : لازم ارجع بسرعة سايبه يحيى مع سيف وقولتله بس نص ساعة اطمن على بابي وهرجع على طول.
سهر ' طيب يا بنتي مع السلامة هقولك ايه بقى وانتي جايه من غير ابنك.
مليكة : هجيلكم يوم الجُمعة.
سهر : طيب متنسيش حد بقى المرة الجايه.
مليكة بابتسامة : حاضر.
________
في فيلا غزل.
والدة غزل : يا بنتي اهدي بقى.
غزل : أنا يتعمل معايا كدا أنا يتقالي الكلام دا يا ماما؟!
والدة غزل : بصراحة يا عزل انتي اللي غلطانه انتي اللي جرأتيهم يقولوا كلام زي ده الحب مش بالعافية يا بنتي.
غزل : أنا يعمل معايا كدا يستغلني علشان يمشي شغله وفي الاخر يقولي باي مع السلامة لا دا لا يمكن يحصل أبدًا أنا يستفيد مني واسلمه حاجات عمره ما كان هيقدر يشتريها من حد غيري كنت ببقى له ملايين ومبسألش لاني واثقه فيه يسيبني مع المحامي وينزل علشان خاطر الست بتاعته تعبانه شوية!
والدة غزل : محدش ضربك على ايدك يا بنتي كله كان برضاكي انتي بس اللي كنتي طمعانه في حاجة تانية والراجل كان صريح معاكي مخدعكيش ولا وعدك بحاجة انتي اللي علقتي نفسك بحاجة صعب إنها تحصل اولا بتقولي متجوز بنت أبوها رجل أعمال كبير واللي عندهم ميتعدش يعني مش هيبص لفلوسك علشان يتجوزك تاني حاجة بتقولي إن مراته حلوة وجميلة ولسه صغيرة وعنده منها بنت وحياتهم كويسه مع بعض دا اللي كان ظاهر ليكي يعني يبقى ايه اللي هيخليه يسيب كل دا ويرتبط بيكي علشان مراته تعمله مشكلة وأبوها يوقفله وياخد حق بنته فكري كدا بالعقل مين ظلم مين هو ولا انتي اللي ظلمتي نفسك ناقصك ايه قوليلي معاكي اللي يكفيكي وزيادة وعندك ابنك بالدنيا كلها ولو على الجواز كتير اتقدمولك وانتي رفضتي.
غزل : عاوزه حد يحبني واحبه يا ماما.
غزل : ودا يعني يا بنتي اللي كان هيحبك يعني عاوزه تبقي زوجة لراجل متجوز تقاسمك فيه واحدة تانية طب ليه هو يعني فيه ايه زيادة عن كل اللي اتقدمولك؟!
غزل : عندك حق يا ماما بس أنا حبيته ولسه بحبه.
والدة غزل : يا ادي النيله مفيش فايدة أنا قايمه طالعه اوضتي علشان مش ناقصة ضغطي يعلا أكتر من كدا.
وقامت والدة غزل فوق وتركتها قاعدة لوحدها بتفكر ازاي تنتقم من مجدي بعد ما فشل حوار إيصالات الأمانة.
________
في شقة علاء.
كريم : هتقعدي تعملي إيه خُدي جميلة وروحي يا فريدة.
فريدة : أنا ممكن اقعد مع حازم اليومين دول أنا وجميلة واهو نبقى معاك ونكون مطمنين أكتر أنا في البيت ببقى قلقانه وخايفة.
كريم بتنهيدة : ازاي بس يا فريدة طب انتي هتقعدي في شقة حازم ومعاكي جميلة تمام مفيش مشكلة زين بقى هنسيه كدا لوحده هو طبعا كبير ومش محتاج مساعدة من حد لكن هيعيش لوحده كدا؟
فريدة : زين يجي يقعد معاك واهو يساعد الولاد  في خدمة باباهم.
كريم : خلاص نشوف الموضوع دا بعدين روحي بس الليله علشان أكيد مش عامله حسابك.
فريدة : قصدك على الهدوم يعني؟
لا متقلقش هلبس من عند ندى الليله وجميلة جايبه لبس تقعد بيه لإنها جايه بلبس المدرسة.
كريم : مصممه يعني؟
فريدة : زي ما تحب يا كريم.
كريم : خلاص باتوا الليله هنا يا فريدة.
ابتسمت فريدة.
كريم : بس متأكدة إنك قافله البيبان كويس؟
فريدة : اه زين قافل الدور اللي تحت كويس حتى أنا قفلت بيبان الأوض بتاعنا احتياطي.
كريم : لا دا علشان بس عامله حسابك إنك تباتي هنا.
فريدة بابتسامة : اهو نبقى معاك علشان أنت وحشتنا.
كريم : مش وقته يا فريدة.
فريدة : عارفه يا كريم هو الدكتور دا قالك ايه حاسه إنكم كنتم بتكلموا بخصوص علاء مش كدا؟
_________
في فيلا آسر..
آسر : ايه كل ده؟!
حسام : مش قولتلك قبل كدا إن مصاريف أخوك كتير بيصرف من غير حساب ما هو البنك بقى بيسددله.
آسر : خلاص يا حسام.
حسام : خلاص ايه ناوي تدفع؟
آسر : امال أعمل إيه؟
حسام : كلمه يا حبيبي أنت مكسوف من إيه هو مال سايب؟!
آسر : اكلمه أقول له إيه؟
حسام : قوله شطبنا يا حبيبي خلاص شوف حد تاني استغفله إذا كان أنا مبصرفش كل المبالغ دي.
آسر : ماشي هشوف بس سدد اللي عندك دا دلوقت.
حسام نظر لـ آسر بدهشه.
آسر : فيه ايه يا حسام مالك؟
حسام : مش مالي يا حبيبي ومليش دعوة أنا هعمل اللي هتقولي عليه عاوز توزع فلوسك كلها حتى تمام أنا هنفذ وبس.

سهر : طب أقولك في دكتور شاطرة قوي أنا هديلك الكارت بتاعها تواصلي معاها وسهر تبقى تروحلها.
منة : أنا متكلمتش معاكي يا سهر غير بعد ما تبعت معاها أنا مش عارفه أعمل إيه كل يوم حالتها بتسوء أكتر من الأول والمشكلة كمان إن علاقتها بكل اللي يعرفوها بقت وحشه قوي إذا كان أنا و باباها مسحملينها بس علشان بنتنا جوزها بقى يتهرب منها ومش عاوز يكلمها ودا خلا حالتها النفسية تسوء أكتر بس احنا عذرينه ومش عارفين إيه الحل معاها.
سهر : هجيبلك الكارت بتاع الدكتورة اتواصلي معاها زي ما قولتلك وحاولي تقنعي سهر إنها محتاجة فعلا تروح لدكتور نفسي وأنا عارفه الفكرة نفسها في الأول صعبه بس صدقيني مفيهاش اي حاجة خالص إن الواحد لما يتعب يروح لدكتور متخصص ودي شاطرة قوي أنا كنت بخرج من عندها مستريحه وعندي طاقة إيجابية فظيعه وحابه الحياه كدا وشايفه إن المشكلة كانت فيه أنا مش في اللي حواليه بس أنا كان الحل ابعد خالص عن الناس المؤذيه لكن انتي بتقولي المشكلة في أخت جوزها دي مريم طيبة خالص وعمري ما سمعت من أمل كلمة وحشه في حقها.
منة : عارفه يا سهر ودا اللي مجنني لو كانت بتأذيها أنا كنت هبقى مستريحه عن كدا لكن بنتي هي اللي حاسبه أخت جوزها ضره ليها.
سهر : معلش حب زايد عن حده شويه.
منة : هو مش شوية الحقيقة يا سهر هو كتير قوي.
سهر : معلش يا منة كل مشكلة وليها حل.
______
في شقة سيف..
سيف : ايه اللي اخرك كدا يا مليكة؟!
مليكة : معلش يا سيف الطريق كان زحمه.
سيف : انتي جايه في ايه؟
سهر : في تاكس.
سيف : ليه انتي مش قولتي حد من اخواتك هيبقى يوصلك؟!
مليكة : ملقتش حد هناك.
سيف : ازاي وباباكي تعبان؟!
مليكة : لأ ما أنا روحت لاقيت بابي كويس.
سيف نظر لها فقرأت اللي في عيونه.
مليكة : مالك يا حبيبي؟
سيف : مفيش.
مليكة : بتلبس ورايح فين كدا؟
سيف : رايح لـ اخواتي هعدي عليهم اقعد معاهم شوية تحبي تيجي معايا؟
مليكة : لأ مصدعه مش هقدر اخرج.
سيف : تمام براحتك.
_______
في فيلا مراد..
مراد : ألف سلامة عليكي يا زنزون.
زينة : مراد بس بقى أنت قاعد فوق دماغي ليه؟!
مراد : بحبك هههههه
زينة : يا مامي.. مامييي
يا أخي سيبني بقى شوف حد من العيال غلس عليه وحل عني.
أمل داخله بالأكل : يا ابني سيب أختك تعبانه.
مراد : بحبها يا مامي.
زينة : آي سيب خُدي يا مامي خليه يبعد عني بقى فين مريم؟
أمل : مريم قاعدة تحت مع الولاد.
زينة : طب ما تنزل تقعد معاهم يا مراد وتسيبني في حالي.
مراد : أنا طالع اقعد معاكي علشان افُك من العيال دي شوية.
زينة : يا سلام!
بقى طالع هنا علشان تهرب من العيال يا أخي أنت مفتري.
مراد : هههههههههههه
_______
نكمل الحلقة الجايه.