تكملة باقي حلقات الجزء الرابع من أنت قلبي

الجزء الرابع /الحلقة ٩٣

#أنت_قلبي٤
_________
الحلقة ٩٣

في شقة محمد..
ميرا : محمد.. محمد.
محمد بصوت ناعس : نعم فيه إيه؟
ميرا : على فكرة أنت وحش قوي.
محمد بتنهيدة : أوك شكرًا.
ميرا : أنا عماله أصالح فيك وأنت قلبك قاسي قوي مش عاوز تصفى.
محمد : بقولك إيه يا ميرا تعرفي تخرجي وتقفلي الباب وراكي؟
ميرا بتبكي..
محمد : يووووه بقى أنا عاوز أنام.
خرجت وقفلت الباب.. وقعدت وهي ايدها على خدها.
جرس الباب يرن تلبس حاجة مناسبة وتفتح الباب.
فريدة بابتسامة : سلام عليكم.
ميرا : وعليكم السلام.. اتفضلي يا طنط.
فريدة : ازيك يا ميرا عامله ايه يا حبيبتي؟
ميرا : تمام اتفضلي حضرتك.
فريدة : محمد هنا؟
ميرا : اه جوه نايم ثواني هصحيه.
فريدة : لأ خليه نايم أنا جايه اقعد معاكي شوية.
ميرا : تشرفي وتنوري يا طنط تشربي ايه؟
فريدة : ولا حاجة تعالي بس اقعدي.
ميرا بتقعد..
فريدة : مالك يا بنتي فيه حد مزعلك؟
ميرا : لأ.
فريدة : طيب انتي كويسه انتي ومحمد؟
ميرا بحزن : لأ.
فريدة : ليه يا حبيبتي أنتو متصالحتوش؟ معلش يعني أصل باباكي كان عندنا وعرفت إن في مشكلة يعني بينك وبين محمد بس لما عرفت إنك رجعتي البيت فرحت وقولت يبقوا اتصالحوا.
ميرا وهي بتبكي : لا يا طنط متصالحناش.
فريدة : طب اهدي بس متعيطيش.
محمد : اهلا وسهلا يا مامي اخبارك إيه؟
فريدة : مش كويسه يامحمد.
نظر محمد لميرا اللي كانت بتمسح دموعها.
فريدة : مزعل مراتك ليه؟
محمد : أنا مزعلتهاش اسأليها.
فريدة : اسألها ليه ما هو باين عليها أهو.
ميرا : هقوم أعمل لحضرتك حاجة تشربيها يا طنط.
فريدة : لأ متعمليش حاجة واقعدي واقعد أنت كمان.
بيقعد محمد.
فريدة : تعالى هنا..
نظر محمد لميرا.
فريدة : تعالى هنا جنب ميرا.
محمد : أنا مستريح هنا يا مامي.
فريدة : بقولك تعالى هنا اسمع الكلام.
محمد : حاضر.
قام من مكانه وجه قعد جنب ميرا.
فريدة : مزعل مراتك ليه؟
محمد : قولت لحضرتك مزعلتهاش هي عملت حاجة غلط وبتحاول تعتذر عنها وأنا بصراحة مش قابل الاعتذار ده.
فريدة : ليه؟
محمد : كدا.. مش قادر اسامحها بعد اللي عملته.
ميرا : أنا معملتش حاجة غلط للدرجة دي يعني .
محمد : شوفتي بقى إنك  أصلا مش حاسه بغلطك.
ميرا : اه يعني عاوز تفضل مخاصمني طول العمر.. صح مش كدا؟
محمد : لما ابقى قادر اسامح هسامح مامي حصل من حضرتك قبل كدا وخرجتي بدون إذن بابي؟
فريدة : مش فاكرة.
نظر محمد لميرا بإحراج.
فريدة : بجد مش فاكرة يعني ممكن يكون حصل مرة أو مرتين خرجت مستعجله وقولتله وأنا في الطريق بس بتكون ظروف يعني وباباك مبيقولش حاجة.
محمد : اه يعني حضرتك مسبتيش بابي نايم وقومتي اخدتي شنطة هدومك ومشيتي من البيت .. صح؟
نظرت فريدة لميرا وسكتت.
ميرا : ودا كان ليه مش علشان..
يقاطعها محمد : انتي اصلا مش عاوزه تعترفي انك غلطتي وبتقاوحي كمان.
ميرا بتبكي.
فريدة : ما خلاص بقى يا ابني.. احترم وجودي على الاقل.
محمد : أنا آسف يا مامي.. بس اللي حصل إن حضرتها سابتني نايم قامت اخدت يزن وشنطة هدومها ونزلت راحت عند باباها كدا من غير ما تقولي.
ميرا : قولتلك.
محمد : فين.. مش هناك لما وصلتي عند باباكي؟!
ميرا : كانت اعصابي تعبانه ومحتاجة استريح وبعدين ما أنا رجعت تاني لوحدي.. فيه ايه بقى؟
فريدة : معلش يا ميرا الواحد يقول اللي ليه واللي عليه يا بنتي.. انتي غلطتي لما نزلتي من غير إذن جوزك.
نظرت ميرا لمحمد.
فريدة : بس خلاص طالما اعترفت إنها غلطانه وبتحاول تصالحك يا محمد سامحها وهي مش هتعمل كدا تاني.. صح يا ميرا؟
سكتت ميرا مردتش.
فريدة : لو كنتي زعلانه من كلامي أنا آسفة حقك عليه.
وبتاخد فريدة شنطتها وقايمه تمشي.
ميرا مسكت ايدها : لا يا طنط مش زعلانه من كلام حضرتك بس كمان محمد قلبه قاسي قوي مش عاوز يسامح.
فريدة : خلاص بقى يا محمد سامح مراتك وهي أول وأخر مرة هتعمل كدا.
نظر محمد لميرا.
فريدة : يلا بوس دماغها وقولها أنا مسامحك.
ميرا : لا يا طنط خلاص.
فريدة : يلا بقى احضنها وقولها مسامحك.
ميرا : لا يا طنط خلاص مش عاوزه.
فريدة : يلا بقى يا ابني.
محمد : خلاص مسامحك.
فريدة : كدا حاف مينفعش هههههههه
محمد : خلاص بقى يا مامي.
فريدة : هههههههههههه كدا طيب امشي أنا بقى.
محمد يمسك ايد والدته: رايحه فين بس  اقعدي اتغدي معانا..
فريدة : لا اتغدا إيه أنا سايبه جميلة عند خالك وقولت اخطف رجلي كدا اشوف يزن علشان واحشني.
ميرا : ثواني هجيبه لحضرتك.
فريدة : لا سيبيه نايم.. مش نايم برضو؟
ميرا : اه.
فريدة : طب خلاص سيبيه نايم وابقوا تعالوا يوم الجُمعة الجايه اتغدوا معانا.
محمد : إن شاء الله.
فريدة : طيب يا حبيبي.. سلام عليكم.
يرددوا : وعليكم السلام.
محمد يوصل والدته لغاية بابا الشقة وتدخل ميرا جوه.
فريدة بهمس : متزعلهاش بقى وسامحها واعتبرها غلطة ومش هتتكرر تاني.
محمد : حاضر يا مامي متشكر قوي.
فريدة : على إيه بس يا ابني أنا ميهمنيش غير سعادتكم.
محمد يُقبل يدها.
فريدة تطبطب عليه : خلاص أنا ماشيه مش عاوزه انزل وتبقى لسه زعلان.
محمد : لا خلاص مش زعلان.
فريدة : طيب يا حبيبي ادخل بقى واقفل الباب.
محمد : هوصل حضرتك.
فريدة : لأ أنا معايا العربية ادخل أنت يلا.
محمد بابتسامة : حاضر.
ويفضل واقف لغاية لما والدته تركب الاسانسير وينظر من الشباك لحد ما تركب العربية وتمشي.
خارجة ميرا من جوه : هتاكل يا محمد؟
محمد : لأ.
ميرا : ليه بقى أنت لسه زعلان؟
محمد : انتي شايفه إيه؟
ميرا : خلاص أنا آسفة.
محمد يقرب منها : ميحصلش دا تاني.
ميرا : حاضر يا حبيبي مش هيتكرر دا تاني.
بيحضنها و....
________
في التليفون... 📞
سهر : ايوه يا ملوكه عامله إيه يا حبيبتي؟
مليكة بصوت : تمام يا مامي حضرتك اخبارك إيه؟
سهر : أنا كويسه انتي كنتي نايمه ولا إيه؟
تقوم مليكة وتقعد على السرير : لأ صاحيه.
سهر : تعبانه ؟ طمنيني.
مليكة : لأ..
سهر : انتي زعلانه مني؟
مليكة : لأ طبعا أزعل من حضرتك ازاي يعني.
سهر : معلش كنت مصدعه لما كلمتيني أخر مرة ومستفسرتش منك على الموضوع اللي كلمتيني فيه بتقولي سيف خلص الورق بتاعي؟
مليكة : اه بس لو حضرتك مش عاوزه تيجي براحتك.
سهر : لا يا حبيبتي هاجي أنا كلمت بابي وهو معندوش مانع بس انتي شوفي ميعاد ولادك امتى علشان اجيلك قبلها بـ اسبوع ولا حاجة.
مليكة : اوك يا مامي لما اروح اكشف تاني بقى.
سهر : سيف والولاد كويسين؟
مليكة : اه كلهم بخير بيسلموا على حضرتك.
سهر : سلميلي عليهم وحشني قوي.
مليكة : وحضرتك.. بس استني يا حلا.
سهر : ايه عاوزه حاجة هههههههه
مليكة : اه بتشد مني الفون عاوزه تكلمك.
سهر : طب هاتيها أكلمها.
مليكة : اتفضلي كلمي نانا.
حلا : نانا ازيك وحشتيني.
سهر : يا روحي وانتي وحشاني أكتر يا لولي عامله إيه يا قلبي؟
حلا : حلوة..
مليكة : قولنا إيه؟
حلا : الحمد لله.
سهر : يا حبيبتي دايمًا بخير انتي ومامي وبابي ويوسف.
حلا : بابي في الشغل ويوسف بيلعب بره تكلميه؟
سهر : ماشي هاتيه اما أكلمه.
حلا : مبيذاكرش ومامي بتقعد تزعق كتير.
مليكة : خلاص كفاية كدا.
سهر : هههههههه
مليكة : وجعت دماغك صح؟
سهر : لأ دي وحشاني قوي هههههههه هاتي يوسف بقى أكلمه علشان ميزعلش.
مليكة : يوسف تعالى كلم نانا عاوزه تسمع صوتك.
يوسف : ألو.
سهر : ايه مش عاوز تكلمني؟
يوسف : لأ بس كنت قاعد بره حضرتك كويسه؟
سهر : اه يا حبيبي أنا بخير.
يوسف : وجدو كويس؟
سهر : الحمد لله.
________
البوابة بتتفتح.
ياسمين لسه هتقفل باب الشقة : مين؟
مريم : أنا يا ياسمين.
تخرج ياسمين لمريم : هاتي ريان عنك.. الاسانسير علطان ولا إيه؟
مريم : اه من الصبح.
ياسمين : معرفش أصل مخرجتش النهاردا وبريح نفسي انزل على السلم على طول مش مستاهله ادخلي استريحي جوه.
مريم : لا هطلع بقى علشان معايا حاجات عاوزه احطها في التلاجة.
ياسمين : مفيش مشكلة مش هيحصلها حاجة استريحي بس وبعدين هبقى اطلعهم معاكي.
دخلت مريم جوه تستريح وياسمين دخلت المطبخ تجيب لها حاجة تشربها.
مريم بتشرب العصير : متشكرة يا ياسمين تسلم ايدك.
ياسمين : بالهنا والشفا... تعالى يا ريان اشرب كوبايتك.
مريم : لا هيقلبها على نفسه.
ياسمين : هشربه أنا.
مريم : امال الولاد فين؟
ياسمين : فوق عند ليلى ريتاج عرفت إن مريم فوق طلعتلها.
مريم : اه ما أنا سيبتها مع ليلى وأنا نازله قولت كفاية ريان بس تعبني برضو..
ياسمين : اه علشان يدوب بيعرف يمشي أنت يا غلبت مامي هههههههه بتضحك؟
نظرت ياسمين لمريم اللي كانت قاعدة حزينة وسرحانه.
ياسمين : مالك يا مريم؟
مريم : ها.. مفيش يلا يا ريان نطلع بقى.
ياسمين : طب استني اشوف الاسانسير يمكن اتصلح.
مريم : لأ مشتغلش لسه هطلع بقى على السلم.
ياسمين : طب اطلعي انتي وأنا هاخد ريان واجي وراكي..
مريم : لأ مش عاوزه اتعبك علشان بطنك.
ياسمين : لا متخافيش دا خفيف خالص ما أنا ياما شيلت يمان وهو أكبر من ريان كمان اطلعي بس على مهلك.
مريم : ماشي.
_______
في شقة حازم.
جميلة : شوف الطيارة رايحه فين ههههههه
يجري أكرم يلحقها.
جميلة : استنى بس تعالى وقفها من هنا.
بيضغط أكرم على الريموت.
جميلة : أنت زعلان علشان وقفت اشغلها تاني؟