تكملة باقي حلقات الجزء الرابع من أنت قلبي

الجزء الرابع /الحلقة ٩٦

#أنت_قلبي٤
__________
الحلقة ٩٥
.
في شقة محمد..
جاي من بره وبيقفل باب الشقة يتفاجئ بمروة (حماته) قاعدة في نفس المكان اللي تركها قاعدة فيه قبل ما يخرج وميرا قاعدة جنبها..
محمد : سلام عليكم.
يرددوا : وعليكم السلام.
ميرا قامت تاخد من محمد الحاجة اللي هو داخل بيها.
محمد : دي كل الحاجات اللي طلبتيها.
ميرا بابتسامة : تسلم ايدك يا حبيبي.
محمد بهمس : تعالي جوه عايزك.
ميرا : حاضر.
دخل محمد جوه ولسه ميرا داخله..
مروة تنادي : ميرا.
ميرا : نعم يا مامي.
مروة : هتنامي؟
ميرا : لأ هشوف محمد بس وجايه.
مروة بتنهيدة : طيب.
بتخبط ميرا وتدخل.
محمد : تعالي يا ميرا.
ميرا : محمد مامي هتبات عندنا الليلة.
نظر لها وهو مستغرب.
ميرا : أصل بابي وفادي سافروا الغردقة الصبح وراجعين بعد اسبوع ومامي يعني محبتش تقعد في البيت لوحدها.
محمد : عادي يا ميرا مفيش مشكلة البيت بيتها.
ميرا : متشكره قوي يا حبيبي.. هروح بس لمامي اشوفها عاوزه حاجة وهاجي أنام.
محمد : أوك.. روحي.
______
في شقة عمار.
عمار : اهدا بس يا إياد أنا مقصدش يا أخي مالك حمقي كدا ليه؟!
إياد : علشان الكلمة من إياد تقيله لكن لو أنت اللي قولت لسهر الكلام ده كانت عدت ولا حد أخد باله لكن ازاي إياد يقول الكلام ده لأ طبعا لازم يدبح ويتقاله الكلام الفارغ اللي قولته ده.
عمار : طيب يا عم شكرًا.
إياد : أنت ليه قولت الكلام دا يا عمار ليه أنا أقول أي كلمة لازم تترجم لحاجة تانية وكإن مفروض اتمنع خالص من الكلام معاها أنا بقابل يوميًا ستات بتكلم معاهم وبتعامل معاهم عادي ومفيش أي حاجة ليه سهر الست الوحيدة اللي ممنوع اتكلم معاها؟
عمار : محدش قال إنه ممنوع يا إياد دا بيرجع لطبيعة الكلام اللي هيتقال.
إياد : أنا بقى عاوز أعرف قولت إيه غلط علشان تحقق معايا بالشكل ده ويعني إيه ملكش كلام معاها؟
عمار : ايوه يا إياد ملكش كلام مع سهر تبات ولا متباتش هي حرة ما يمكن ملهاش مزاج ولا جوزها مش عاوزها تبات بره البيت ايًا كان المكان بقى لإن دا حقه احنا نتدخل ليه؟
إياد : عمار أنت عارف سلمى بالنسبة لسهر ايه والعكس فلما واحدة فيهم تكون في محنه من حق التانية تقف جنبها ولاني عارف محدش هيقدر يخفف عن سلمى اللي هي فيه غير سهر طلبت منها تبات معاها واستغربت اصلا إنها ممكن تسيبها في ظروف زي دي يمكن علشان علاقتهم ببعض اتوترت في الفترة الأخيرة لكن هيفضلوا أخوات وعشرة السنين اللي فاتت عمرها ما هتتنسي عارف اللي بيدور في دماغك وفي دماغ مراتي كمان لإنها للأسف عرفت إني كنت بحب سهر وأكيد مش هتقدر تنسى ده حتى لو مبقاش موجود دلوقت بس أنا بدفع تمن حاجة اتحاسبت عليها زمان ولسه بتحاسب عليها كل ما تيجي سيرة الموضوع ده.
عمار : بأمانه مفيش في قلبك حاجة ناحية سهر؟
إياد : هترتاح يعني لو قولت لك الحقيقة وليه اصلا تعرف إن كان فيه ولا لأ؟ أحب أحتفظ بالإجابة دي لنفسي أنا ضارك في شيء ولا بأذي حد؟
عمار : طب خلاص اقعد رايح فين؟
إياد : همشي يا عمار هروح أنام.
عمار : أنت مش قولتلي نبات مع بعض علشان الصبح نخرج برضو مع بعض نروح نطمن على سلمى؟
إياد : معلش عاوز ابقى لوحدي.
عمار : لا بقولك إيه اوعى تدخل في الجو ده احنا مصدقنا الهبل بتاع زمان دا انساه.
إياد : عارف هرتاح امتى؟
لما أموت وقلبي دا يوقف.. ساعتها بس هرتاح.
عمار نظر لـ إياد في عيونه اللي كانت كلها دموع.
عمار : أنت غاوي تعذب نفسك وتعذبنا معاك ارمي ورا ضهرك يا إياد.
إياد بانفعال : لو عاوزني اعمل كدا مكنتش تفتح جرح بحاول اداويه من زمان.
عمار : خلاص حقك عليه أنا كان لازم اعدي.. بس معلش اعذرني وفاة رامي والحالة اللي فيها سلمى خلوني مش مركز غير في رد فعلك وكلامك مع سهر
متزعلش مني أنا آسف.
إياد : تصبح على خير.
عمار : وأنت من أهله بس اقعد معايا متنزلش..
نظر له إياد وهو ساكت مبيتكلمش.
عمار : خلاص بقى يا ودو امسحها فيه المرة دي.
إياد : عارف ودو دي مسمعتهاش من امتى؟
عمار : سلمى اللي كانت دايمًا تنكشك بيها ادعيلها بالصبر وإنها تقدر تعدي من المحنه دي على خير.
_________
في غرفة كريم وفريدة.
فريدة جايه بالقهوة كريم ياخد الفنجان منها : تسلم ايدك يا حبيبتي.
فريدة تقعد ومتتكلمش.
كريم : مالك يا فراولة؟
فريدة : ايوه.. جر ناعم جر.
كريم : هههههههههههه حصل إيه بس فهميني.
فريدة : ليه الذاكرة بعافية يا دكتور؟!
كريم : اااه علشان امبارح يعني؟
انتي مش شايفه زين عمل ايه امبارح عكنن عليه وقل مزاجي.
فريدة : تقوم تزعقلي قدامه.. هو دا احترامك ليه وقدام ولادك كمان؟!
كريم : خلاص حقك عليه بس مش فاكر أنا قولت إيه زعلك.
فريدة : قولتلي ممكن تخليكي ساكته!
كريم : هههههههههههه بس كدا؟
نظرت له فريدة وهي مضايقه.
كريم : طب خلاص حقك عليه.. عاوزاني اصالحك يعني؟
فريدة : لأ تصبح على خير.
كريم بيشرب القهوة : استني بس رايحه فين؟
فريدة : هنام.
كريم : طيب استني اشرب القهوة علشان في كلام عاوز اقولهولك.
فريدة قامت وقعدت على السرير : طيب بسرعة علشان عاوزه أنام.
كريم : هههههه مش عارف اشرب القهوة بمزاج بس مش مهم المهم عندي رضاكي عليه يا فراولة. َ
بيقرب منها و....
________
في شقة سلمى..
سهر : وبعدين بقى دي هي معلقة اللي اخدتيها يا سلمى يلا افتحي بوقك علشان خاطري.
تشاور لها سلمى ودموعها على خدها إنها مش عاوزه تاكل خلاص.
سهر : طب خلاص بلاش أكل بس اهدي يا حبيبتي علشان خاطري يا سلمى اهدي بقى.
سلمى : دي عشرة خمسة وتلاتين سنة يا سهر.. صعب انساها كدا في لحظة.
سهر : محدش قالك يا حبيبتي تنسي بس تهدي كدا علشان صحتك هو احنا ايه.. ما هو كلنا أموات لو مموتناش بكرة يبقى بعده المهم.. ربنا يحسن ختامنا.
سلمى : كان رامي دايمًا يقولي كدا كان مسالم قوي مبيحبش المشاكل ولا يتدخل فيها هادي كدا وفي حاله ويقولي هناخد ايه من الدنيا كلنا ماشيين وسايبينها بس مكنتش عارفه إنه هيموت قبلي علشان يسيبني لوحدي.. صحيح كانت ياما بتحصل بينا مشاكل كتير بس كنا بنصفى ونتصالح بسرعة
رامي لما زعلنا مع بعض قالي روحي لسهر واستسمحيها مش عيب دي أختك وأكيد هتسامحك كان بيعزك يا سهر دايمًا يقولي روحيلها وأنا كنت باخد على خاطري اكمنك بطلتي تيجي عندي يقولي مش مهم روحي انتي.
بتحضنها سهر وتطبطب عليها.
__________
في فيلا آسر.
آسر نايم بيتقلب..
آسر : وبعدين بقى يا آسر.. مالك مش عارف تنام ليه
طب دي ليلة ولا اتنين امال هتعمل ايه لما سهر تبعد عنك شهر بحاله ويمكن مليكة تشبط فيها تقعدها أكتر من كدا
حقيقي البيت كئيب من غيرها ومكانها جنبي فاضي.
قام وقف في البلكونة شوية..بابتسامة وهو بيفتكر.