تكملة باقي حلقات الجزء الرابع من أنت قلبي

الجزء الرابع /الحلقة ١٢٠

#أنت_قلبي٤
__________
الحلقة ١٢٠

في فيلا آسر.
مليكة : يوسف بطل شقاوة جدو نايم ومش عاوز دوشة.
سهر : لا باباكي قاعد تحت مع انكل حسام.
مليكة : اااه طيب أنا فكرت بابي نايم هي حلا فين؟
سهر : تقريبا بتلعب تحت.
نزلت مليكة تشوف بنتها.
حسام بابتسامة : اهلااا بعروستي.
يقرصه آسر : مش هتبطل بقى؟!
حسام : طيب بالراحه.. ازيك يا مليكة؟
مليكة : الحمد لله
يا عمو حضرتك اخبارك ايه؟
حسام : أنا تمام تعال يا كتكوت يا صغير هههههههه بنتك أكيد مش كدا؟
مليكة : اه بنتي روحي يا حلا لجدو.
آسر : تعالي يا حلا.
حسام : هههههههههههه انتي مكسوفه ولا ايه تعالي خُدي شيكولاته.
مليكة : روحي يا حبيبتي.
حلا تسلم على حسام وتاخد الشيكولاته.
حلا : متشكر يا جدو.
حسام : جدو!
آسر : هههههههههههه امال أنت فاكر إيه ما أنت جدو يا جدو ولا مش عاوز تكبر؟!
حسام : يا عم أنا لسه صغير جدو ايه بس روحي يا حبيبتي لجدو.
آسر : تعالي يا لولي.

في التليفون.. 📞
سهر : لا يا حبيبي أخوك مجاش هنا.
علي : غريبة محدش فوق ورُقية بتقولي إن من شويه سمعت دوشة فوف بس كانت بتنيم الولاد عبال ما خرجت تشوف فيه ايه ملقتش حد
وعربية مجدي مش راكنه بره ولا عربية طنط أمل لإنها كانت هنا شوفتها قبل ما امشي ورجعت لاقيت الدور اللي فوق هس هس
مش فاهم فيه ايه.
سهر : أنت هتقلقني ليه بس يا علي طب مكلمتش مجدي؟
علي : مبيردش.
سهر : ورُقية مكلمتش زينة لتكون تعبت ومامتها اخدتها للدكتور.
رُقية : كلمتها برضو مردتش.
سهر : طب استنى هكلم طنط أمل اشوفها في البيت ولا فين.
علي : خلاص لما تقفلي معاها كلميني أطمن.
سهر : حاضر.. مع السلامة.
______
في شركة مراد وتحديدا في مكتب هشام.
هشام : مروح يا مراد؟
مراد : لو حضرتك عاوزني ممكن اقعد عادي.
هشام : خلاص خليك معايا ربع ساعة اقعد هنا خلص الشغل ده.
مراد : حاضر.

وبيقعد مراد على كرسي وامامه طربيزة صغيرة قريبة من مكتب والده.
هشام : ها يا مجدي تشرب ايه؟
مجدي : متشكر يا انكل بس أنا كنت جاي اتكلم مع حضرتك في موضوع مهم.
هشام : طب اتفضل اتكلم.
نظر مجدي لمراد : معلش هو الأمر بس خاص شويه وكنت عاوز اتكلم مع حضرتك على انفراد.
رفع مراد رأسه وقت ما كان مندمج في قراءة الملف اللي قدامه ونظر لوالده.
هشام : مراد خُد الملف اللي معاك راجعه في مكتبك.
نظر مراد لمجدي وهو بيلملم الورق اللي أمامه : حاضر يا بابي.
وخرج مراد وقفل باب المكتب.
هشام : ادينا اهو بقينا لوحدنا اتكلم بقى قلقتني
موضوع ايه ده اللي مش عاوز حد يعرفه؟!

في مكتب مراد.
شادي : طب ودي فيها إيه؟
مراد : يا حبيبي افهم.
شادي : نعم! هتغلط ولا ايه؟
مراد : قصدي تركز شوية مجدي وزينة كانوا متخانقين مع بعض قبل كدا تمام؟
شادي : تمام بس أنت بتقولي دا على اساس إنها معلومة يعني أول مرة أعرفها ولا ايه؟!
مراد بتنهيدة : هتسمعني ولا اكمل شغل واروح أحسن؟
شادي : كمل منك نستفيد.
مراد : ماشي اتريق براحتك بس أنا حاسس كدا إن الموضوع اللي مجدي عاوز بابي فيه يخص زينة لانه قال له موضوع خاص يبقى هيكون ايه هو الموضوع الخاص ده غير حياته الشخصية؟
شادي : نظرية برضو بس المهم احنا مالنا بكل ده هو مش جاي يتكلم مع بابي؟ خرج نفسك أنت من الموضوع.
مراد : أخرج نفسي دا إيه دي أختي.
شادي : أختنا تقصد بس بابي موجود وجوزها جاي يتكلم معاه مش معانا فهمت؟
مراد : روح يا شادي شوف شغلك.
شادي : لا يا حبيبي أنا اللي أقول لك الجملة دي مش أنت أنا الريس بتاعك فاهم؟
مراد : ريس!
طب يلا يا ريس عاوز اشوف شغلي.
شادي : يا حبيبي أنا المدير والمدير ميتقالش له الكلام ده لان دا اختصاصه هههههههه
مراد : اخلص يا شادي عاوز امشي.
شادي : اوك هفوتهالك المرة دي لكن المرة الجايه لا يمكن ابدًا هههههه
مراد : هو أنت شربت إيه من شوية؟
شادي : شربت عصير مانجا بس قالب معدتي من وقتها.
مراد : ما أنا بقول كدا برضو.
شادي : شكلها كانت بايظه صح؟
مراد : مفيش حاجة بقت مضمونه اليومين دول.
شادي : بس خلاص علشان نفسي غمت عليه.
مراد : طب ما تروح تكشف.
شادي : اكشف إيه؟!
مراد : هههههههههههه
شادي يخبطه : احترم نفسك.
مراد : هههههههههههه هو أنا قولت حاجة.
شادي : ماشي يا مراد استظرف براحتك أنا ماشي علشان تشوف شغلك.
_____
في مكتب هشام.
مجدي : حضرتك مصدقني يا انكل؟
هشام مردش..
مجدي : صدقني أنا مكدبتش في ولا حرف من اللي قولته لحضرتك دي مشكلة أنا واقع فيها وبحاول احلها حتى اسأل الأستاذ مجدي هو عارف كل حاجة لكن المشكلة دلوقت في زينة ازاي أقدر أوضح لها كل ده وهي مش مدياني فرصة خالص.
هشام : يعني ايه مش مدياك فرصة وحتى لو الموضوع زي ما بتقول احتراما لمشاعرها كنت حليت المشكلة دي بره البيت مش تروح تكلم الست دي قدامها.
مجدي : أنا يا انكل متكلمتش قدام زينة لاني عارف دماغها ولو كنت صارحتها بالحقيقة مش هتصدقني المشكلة كمان إنها مبقتش تثق فيه طول الوقت شاكه إني بعمل حاجة من وراها من وقت اصلا
ما اخدتها من عند حضرتك وهي مش زينة اللي اعرفها حاسس اني عايش مع ست تانية غير اللي اتجوزتها وبحاول اعدي واطنش واقول ما هو طبيعي تعمل كدا ومع مرور الوقت هتنسى اللي حصل بس طبعا اللي حصل الليله زود المشكلة أكبر وهي كدا مهما اقولها مش هتقتنع إن مفيش بيني وبين الست دي حاجة.
هشام : أنت بتحبها؟
مجدي : أكيد يا انكل بحبها مش مراتي امال اتجوزتها ليه؟!
هشام : أنا مقصدش بنتي.
هشام : حضرتك تقصد الست دي؟!
بحبها ازاي مش فاهم بقول لحضرتك يا انكل إن اللي كان بينا شغل بس وعلشان شديت معاها شوية بعد المشكلة اللي حصلت بيني وبين زينة حاولت تنتقم مني لإني نهيت الشغل معاها تمامًا هحبها ازاي وليه؟!
هشام : مجدي حوار الايصالات اللي بتتكلم عنها دي لو مش حقيقي هيبقى فيها كلام تاني خالص ميعجبكش المرة اللي فاتت عملت خاطر لباباك واحترمت مجيته لحد بيتي مع إنك كنت غلطان وكان لازم اخد معاك موقف غير كدا خالص بس احتراما للعشرة اللي بيني وبين باباك قولت ماشي هعديها المرة دي لكن لو فاهم إن المرة دي هتعدي زي اللي قبلها يبقى غلطان.
مجدي : حضرتك ممكن تكلم الأستاذ مجدي حالا واحنا قاعدين مع بعض وتتأكد منه أظن مش هيكدب عليك.
هشام : ماشي هشوف..
واتصل هشام بمجدي.
___________
في شقة مراد.
مراد بيصحي مريم اللي كانت نايمه على الكنبه أمام التليفزيون.
مراد : مريم... مريم
إيه منيمك هنا؟
مريم بتقوم وبصوت ناعس : مراد! أنت جيت؟
مراد : ايه اللي منيمك كدا يا حبيبتي؟
مريم : مكنتش هنام بس اتأخرت وأنا زهقت من القعدة لوحدي.
مراد بيخلع التيشرت : معلش كان عندي شغل كتير الليله.
مريم : بتنزل الحرارة ليه؟
مراد : الجو حر.
مريم : طب غير هدومك جوه.
مراد : أنا خلعت بس التيشرت علشان حران هكمل جوه بقى هههههههه عامله أكل ايه؟
وبيقلب في التليفزيون..
مريم : عامله مكرونة بالباشميل وفراخ.
مراد : حلو.. هاتي بقى علشان جعان.
مريم : حاضر.
مراد : لو عاوزه تكملي نوم ادخلي نامي وأنا هحط لنفسي.
مريم : لأ أنا هقعد معاك شوية زهقانه وعاوزه حد اقعد اتكلم معاه.
مراد بابتسامة : خلاص هاتي الأكل ناكل وبعدين ندردش مع بعض.
_______
في غرفة كريم وفريدة.
كانت فريدة نايمه بتتقلب لحد ما لمحت كريم قاعد على السرير سرحان.
فريدة : كريم!
التفت كريم ليها.
فريدة بصوت ناعس : أنت لسه منمتش؟!
كريم : هنام اهو يا فريدة بس شوية كدا.
فريدة بتنهيدة تقوم وتقعد : مبتنامش ليه؟
كريم : مش جيلي نوم.. قلقتك؟
فريدة : لأ بس حاول تنام.
كريم : حاضر.
فريدة : طب هات ازازة المياه اللي جنبك دي.
كريم : اتفضلي.
فريدة : متشكره.
بعد ما شربت..
كريم : ايه مالك بتبصيلي كدا ليه؟
فريدة : معرفش.. بس مش هعرف أنام وأنت قاعد جنبي كدا.
كريم : حاضر هنام يا فريدة بس براحتي بقى.
فريدة : كدا طيب تصبح على خير.
والتفتت الناحية التانية علشان تنام.
_________
في شقة مراد..
مريم : مراد.. مراد أنت نمت؟
مراد قايم يدخل جوه.
مريم : أنت رايح فين؟
مراد : هدخل اغير هدومي يا مريم.
مريم : طيب فكرتك داخل تنام متتأخرش بقى.
مراد : حاضر.
مريم : شكلك هتنام.
مراد : مش نايم يا مريم.