تكملة باقي حلقات الجزء الرابع من أنت قلبي

الجزء الرابع /الحلقة ١٤٤

#أنت_قلبي٤
__________
الحلقة ١٤٤

في فيلا كريم.
ياسمينا : عارفه لو عندي عريس كنت جيبته في ايدي وأنا جايه هههههههه
فريدة : ياسمين!
استأذنت جميلة وقامت طلعت فوق.
داليا : استريحتي دلوقت لما كسفتيها؟!
ياسمينا : هههههههههههه بنهزر يا داليا خليكي فريش بقى.. فراولة انتي خايفه من اليوم دا ولا ايه؟
أمل : اليوم دا رغم حلاوته بس بيبقى صعب قوي يا ياسمين أنا مجربه وعارفه بقولك ايه.
ياسمينا : يا أختي كدا احسن لما تجيلك تقعد ساعتين تلاته تعمللها الحلو كله واخر النهار تاخد عيالها وتروح بيتها ياااه بالدنيا كلها.
سهر : أمل عندها حق الوحده وحشه يا ياسمين.
ياسمينا : يا أختي وحدة إيه هو احنا عايشين لوحدنا يعني في البيت ما كل واحده جوزها معاها هههههههه وبعدين الهدوء حلو ولا غاويين تسمعوا زن العيال.
أمل : أنا عن نفسي مبقتش استحمل واعصابي بتتوتر وبصدع بس كمان بحب اشوفهم من وقت للتاني.
ياسمينا : ما دا اللي بتكلم فيه.
سهر : أنا ماشيه بقى هتحتاجي حاجة يا فريدة ؟
فريدة : لا يا سهر سلامتك.
ياسمينا : مليكة كلمتك؟
سهر : اه رايحه على البيت تيجي اوصلك؟
ياسمينا : ماشي يبقى كتر خيرك.
سهر : هتيجي يا داليا؟
أمل : لأ داليا هتروح معايا.
ياسمينا : طيب.. سلام عليكم.
يرددوا : وعليكم السلام.
داليا : الصراحة يا فريدة ندى بنت عمك جدعه قوي واصيله.
فريدة : ندى مش بنت عمي دي أختي.
أمل : حقيقي.. هي راحت فين؟
فريدة : تلاقيها في المطبخ.

في المطبخ.
ندى : ايه جعانه؟
جميلة : لأ.
ندى : مالك زعلانه ليه؟
جميلة : ولا حاجة يا طنط.

زين كان بيكتب لها على الواتساب إنه رايح بكرة فرح كريم.
جميلة : مبروك.. عقبالك.
زين : هههههههههههه لسه بدري عليه اما نجوزك الأول.
جميلة : 🙄
زين : هههههههههههه ايه مالك؟
جميلة : 😕
زين : انطقي
قصدي اكتبي أي حاجة ولا اقفل؟
جميلة : عندك مذاكرة؟
زين : لأ.. هنام 😴
جميلة : خلاص تصبح على خير 👍
زين : سلميلي على مامي.
جميلة : حاضر هقولها بس لما تصحى من النوم ابقى كلمنا.
زين : حاضر سلام بقى دا انتي رغايه قوي.
جميلة : 😤
زين : هههههههههههه هقفل قبل ما تطلعي نار من بوقك.. سلام ✋
______
في شقة مراد.
مراد : بيعيط ليه؟
مريم : معرفش عملت له رضعه مش عاوز ياخدها.
مراد بيتصل..
مريم : هتكلم مين؟
مراد : بكلم هشام اشوفهم اتأخروا ليه أكيد الولد جعان... مبيردش كمان.
مريم وقفت بالبيبي علشان يهدأ.
مريم : مراد.
مراد : نعم.
مريم : مشتقتش للبيبهات؟
مراد : لأ..  ولايميها بقى يا مريم.
مريم : هههههههههههه حاضر حاضر بس اهدا.
التليفون يرن.. 📞
مراد : وعليكم السلام.. أنت فين يا هشام؟
هشام : جايين اهو يا مراد ايه عبدالله اللي بيعيط ده؟
مراد : أكيد يعني دا مش صوت ريان أنت فين بس قول لي؟
هشام : أنا جاي اهو خمس دقايق وأكون قدام البيت معلش استحمل.
مراد : يا حبيبي أنا معنديش مشكلة استحمله أكيد بس الولد بيعيط عياط صعب قوي مش عاوز ياخد الببرونه مريم بتحاول معاه رفضها وصعبان علينا.
هشام : حاضر اهو جاي عاوز حاجة؟
مراد : عاوز سلامتك توصلوا بالسلامة.
________
في شقة إياد.
منة : وبعدين معاكي بقى يا سهر هتفضلي كدا قاعدة حاطه ايدك على خدك قومي ألبسي خلينا ناخد البنات وننزل نتمشى شوية ونجيب حاجات حلوة لحور ندخلها ملاهي تتبسط شوية.
سهر : مليش نفس يا مامي.
منة : ليه يا حبيبتي ما تعيشي حياتك عادي ايه اللي حصل يعني جوزك سافر.. وماله ادعيله يخلص دراسته وينزل بالسلامة متوقفيش حياتك كدا يلا بقى قومي غيري هدومك واسمعي الكلام.
سهر : ازاي اقدر أفصل كدا يا مامي مبعرفش.
منة : أنا عارفه إنك بتحبيه وغيابه عنك بيضايقك ويخلي نفسيتك وحشه بس اصبري كل كلها كام شهر وينزل بالسلامة ووقتها خلاص مفيش سفر تاني بس اصبري زي ما قولت لك وبعدين يا ستي بالليل كدا ابقي افتحي الكاميرا وكلميه وخليه يشوف البنات واضحكوا وهزروا مع بعض خُدي الأمور ببساطة يا حبيبتي هو مسافر فترة محدده وهينزل بالسلامة بس انتي ادعيله.
سهر : حاضر يا مامي هحاول.
منة : طب يلا قومي البسي بقى وأنا هلبس البنات.
سهر : حاضر.
_______
في فيلا آسر.
سهر : ايه كل دا يا مليكة؟!
مليكة : دي حاجات بسيطة يا مامي كام طقم على شوية كريمات لشعري وبشرتي.
سهر : بس ليه كل ده انتي متعوده تشتري حاجات بسيطة تخلص تجيبي غيرها ولا دي ملهاش تاريخ صلاحية؟!
مليكة : بصراحة أنا دخلت قعدت اشتري اشتري لحد ما حسيت اني ارتحت.
سهر : ارتحتي من ايه؟
مليكة : ارتحت اني جيبت الحاجات دي وخلاص.
ملك : حلو الكريم ده هجربه يا مليكة.
مليكة : جربيه وقيسي دا كمان بالمرة.
ملك : لأ اطلعي قيسي انتي أنا مش قادر اقوم بصراحة وبعدين دا ليه ولا ليكي؟
مليكة : ما أنا عاوزه اشوفه عليكي.
ملك : لأ هو حلو قيسيه انتي.
سهر : أنا مش فاهمك مين قالك تعملي كدا انتي خلصتي مصروف البيت كله على الحاجات دي؟
مليكة : هحاول أدبر نفسي بقى لـ أخر الشهر.
ملك : هههههههههههه انتي متفكريش غير في حاجة واحدة بس دلوقت هتعملي ايه لما تروحي البيت ودوري بقى على كلام تقوليه لسيف.
مليكة : لأ ما هو عارف وقال لي اشتري كل اللي انتي عاوزاه.
ملك : أكيد مكانش يقصد تشتري كل الحاجات دي
ههههههههههههه انتي افتريتي بصراحة.
مليكة : تفتكري هيضايق؟
ملك : هو على حسب هتأكليه ايه بقيت الشهر.
سهر : خلاص بقى اللى حصل حصل بس حاولي تستخدمي الحاجات دي متجيبهاش وتركينيها.
مليكة : مش عارفه أنا كان عقلي فين وقتها أنا أصلا معرفش هستعمل كل الحاجات دي امتى وازاي.
ملك : اقولك نقسمهم بالنص في حاجات كنت محتاجاها بجد إيه رأيك؟
سهر : فكرة حلوة.
مليكة : طب استني بقى اخد الحاجات اللي لازماني الأول.
ملك : لا يا حبيبتي أنا هاخد بس اللي محتاجاه هتسيبيلي الباقي بقى اعمل بيه ايه؟!
مليكة : خلاص يا ملك خُدي اللي انتي عاوزاه.
ملك : ثواني بقى اشوف جايبه ايه تاني.
مليكة : لأ خُدي اللي انتي عاوزاه من هنا بس ملكيش دعوة بالشنطة دي علشان فيها حاجات مهمه مش هقدر ادهالك.
ملك : كدا.. طيب.
مليكة : ما تشوفي كدا يا مامي يمكن تلاقي حاجة
محتاجاها من دي.
ملك : هههههههههههه أنا حاسه إنك شاريه الحاجات دي تكسبي فيها
ههههههههههههه
سهر : حاضر هشوف كدا بس خُدي حاجتك الأول.
مليكة : سامعه مش انتي.
ملك : هههههههههههه انتي عاوزه تديني حاجات مش لازماني كمان يعني اوفرلك وأدبس أنا هههههه
_______
في شقة هشام.
هشام (الأب) : كل دا يحصل من غير ما أعرف لولا مجدي قال لي مكنتش زماني عرفت حاجة.
هشام(الابن) : معلش يا بابي هي الظروف جات كدا احنا ملحقناش اصلا يدوب كلمونا جرينا على المستشفى على طول ساعتين تلاته كان حصل بقى اللى حصل ده.
أمل : ياسمين فين يا هشام؟
هشام(الابن) : ياسمين جوه بتغير لعبدالله ثواني يا مامي هناديها.
أمل : خليها يا ابني جوه أنا شوية كدا لما تخلص هدخل لها.
هشام(الابن) : لا عادي هقول لها ليلى معاها جوه.
أمل : طيب.