تكملة باقي حلقات الجزء الرابع من أنت قلبي

الجزء الرابع /الحلقة ١٠٣

#أنت_قلبي٤
__________
الحلقة ١٠٣

مازن : لا يا سهر خلاص مش هينفع.
سهر بتبكي..
مازن : امسكي خلي الورق دا معاكي.
سهر : طب خلاص أنا هبقى كويسه.. هبقى كويسه يا مازن بس متنزلنيش مصر أنت عارف اني مش هقدر أعيش من غيرك.
مازن : كنتي سمعتي الكلام من الأول وريحتيني انزلي يا سهر اتعالجي.
سهر : اتعالج!
ليه هو أنا عيانه؟
مازن : اه عيانه يا سهر عيانه بدماغك أنا مقدرش أعيش في الجو ده انتي تعبتيني انزلي مصر يمكن حالك يتصلح وتعقلي.
سهر : هو أنا مجنونة يا مازن؟!
مازن بغضب : يووووه بقى أنا مش عاوز كلام في الموضوع ده.. انتهينا.
سهر : يعني إيه انتهينا أنت ناوي تطلقني ولا إيه؟
مازن : دي أخر حاجة ممكن اوصلها وانتي اللي هتحددي إن كنا نكمل ولا لأ.
سهر : أوك يا مازن بيع واشتري فيه براحتك ما هو أنا غلطانه علشان حبيتك.
مازن : حب إيه ده؟!
انتي مفكره كدا إنك بتحبيني فوقي لنفسك ولا تفوقي ليه انزلي مصر يا سهر هو دا الحل اللي عندي لاني قولت لك قبل كدا الحل التاني اللي عندي مش هيعجبك.
سهر وهي بتمسح دموعها : تمام هنزل مصر يا مازن هات الورق اللي معاك.
مازن : اتفضلي.
______
في المستشفى.
جاي كريم ومعاه الولاد(محمد وزين).
كريم : فين جميلة يا فريدة؟
فريدة وهي بتبكي : جوه.
محمد : هو حصل إيه يا مامي؟
كريم : تعال معايا جوه وخليك يا زين مع مامتك.
زين : حاضر.
دخل كريم جوه يطمن على جميلة.

فريدة : قومني ادخل أطمن على أختك.
زين : خليكي يا مامي مستريحه.
فريدة : أنا مش تعبانه هما اللي خرجوني.

جميلة بتبكي : بابي.
قرب منها كريم : متخافيش يا حبيبتي احنا جنبك هنا.
جميلة : مامي راحت فين؟
محمد : قاعدة بره يا جميلة.. مين اللي عمل فيكي كدا؟
الدكتور : الانسه جميلة  جايه بكسر في ايدها اليمين وشرخ في الرجل اليمين.
جميلة : ايوه أنا وقعت على الناحية دي.
كريم بيطبطب عليها.
الدكتور : وفي كدمات زي الضهر والرجل من فوق وطبعا زي ما حضرتك شايف جروح في الوجه.
جميلة بتبكي : آآآآه خربشتني وقعدت تضربني.
محمد : هي مين دي؟
جميلة : بنت زميلتي في المدرسة.

زين : وعملت في جميلة كدا ليه؟
فريدة : معرفش بس هما من زمان مبيرتاحوش مع بعض وقبل البنت دي اتخانفت معاها وأنا قولتلها تبعد عنهم خالص.
زين : مش هي دي البنت اللي جات هي وواحدة بنت تانية معاها البيت عندنا؟
فريدة : ايوه.
زين : بس غريبة يعملوا في جميلة كدا ليه؟
فريدة : هي بنت واحدة اللي اتخانفت معاها.
__________
في منزل عُمر.
نازله فريدة من فوق وفي ايدها صينية الشاي وبتنادي على جوزها.
ياسين يخرج من الغرفة اللي في الدور الأرضي اللي قاعدين فيها.
ياسين : ماشي يا فريدة تسلم ايدك.
فريدة : هو مين اللي جاي مع بابا ده؟
ياسين : حمزة.
فريدة : هو أنا يعني أول مرة اشوفه ما أنا عارفه إنه حمزة أنا قصدي الراجل التاني اللي قاعد معاكم جوه ده؟
ياسين : اااه دا خاله.
فريدة : خاله!
أنا أول مرة اشوفه.. طب هما جايين ليه؟
ياسين : معرفش لسه متكلموش.
معتز ووليد (زوج هدى وزوج فيروز) داخلين من البوابة : سلام عليكم.
يرددوا : وعليكم السلام.
طلعت فريدة فوق والرجاله دخلت جوه.