تكملة باقي حلقات الجزء الرابع من أنت قلبي

الجزء الرابع /الحلقة ١٠٧

#أنت_قلبي٤
__________
الحلقة ١٠٧

في التليفون... 📞
منة : عاوز إيه يا وليد؟
وليد : ايه يا منة مالك هو أنا غلطت لما كلمتك؟!
منة : لأ بس مش وقته.
وليد : اه ما أنا عارف إن آسر هيعمل عملية الليلة هو خرج بالسلامة ولا لسه مدخلش؟
منة : آسر جوه في غرفة العمليات ادعيله يا وليد.
وليد : بدعيله انتي شيفاني يعني بدعي عليه مين معاكي؟
منة : إياد وعمار ابني وولاد أخوك.
وليد : والهانم بتاعته فين؟
منة : بتسأل عليها ليه؟
وليد : أصلك مجبتيش سيرتها يعني ولا سامعها قعدة جنبك عماله تصوت وتنوح كالعادة ايه مبقتش تعرف تمثل زي زمان؟
منة : الناس فيه ايه وانت فيه إيه.. ياريت يا وليد تخليك في نفسك وملكش دعوة بحد.
وليد : أنا نفسي أفهم انتي بتدافعي عنها ليه روحي روحي واسيها بدل ما جوزك ياخدها في حضنه  ويواسيها.
منة : إياد راجل محترم وانت عارف كدا كويس عيب اللي بتقوله دا يا ابني أنت مريض نفسي روح اتعالج.
وليد : هههههههههههه أول مرة أشوف واحدة مبتغرش على جوزها للدرجة دي السوسه دي قادرة تضحك عليكي انتي واخوكي؟!
منة بتصرخ في التليفون : مش فايقالك يا وليد أنت مش لاقي حاجة تعملها قولت أما اتصل بمنة أحرق دمها شوية ابعد عني يا أخي ملكش دعوة بيه اعملي بلوك أقولك أنا هعملك بلوك علشان ارتاح من السم اللي في لسانك ده.
وقفلت منة مع وليد.
ملك : في حاجة يا عمتو؟
منة بتطبطب على ملك : لا يا حبيبتي روحي استريحي.
ملك : مش قادرة اقعد قلقانه قوي خايفه على بابي.
منة : ادعيله يا ملك.
ملك : مين اللي بيتصل؟
منة : دي مامتك.
ملك : مامي!
منة : كلميها انتي امسكي.
ملك : لأ مش هقدر.
منة : ولا أنا.. سيبيها دلوقت لما نطمن هنبقى نكلمها نطمنها.
_______
في فيلا كريم.
جميلة : هههههههههههه لأ اوعى سيب رجلي.
ندى : أكرم تعال هنا علشان جميلة رجلها تعباها شوية.
جميلة : هي مش تعباني شوية يا طنط هي متجبسه.
فريدة جايبه العصير : ما هي طنط ندى حاجة هي قصدها أكرم يبعد عنك تعال هنا يا حبيبي امسك كوبايتك.
ندى : لأ يمسك ايه تعال هنا أنا هشربك بدل ما يوقعها على السجادة وتخلينا نغسلهالك.
فريدة : لا متقلقيش هبقى اوديها تتغسل حد قادر يغسل ويهد حيله دلوقت يا ندى.
ندى : على رأيك الواحد  مبقاش قادر يوطي يجيب حاجة من على الأرض أصلا.
فريدة : يلا بقى هنعمل اهي دي سنة الحياه من بنرجع صغيرين من تاني في الحركة والمشي والصحة.
ندى : تصدقي يا فريدة أنا كنت جايه اقعد معاكي شوية افُك عن نفسي ونضحك كدا ونفرفش قفلتيني وكئبتيني يا شيخه.
فريدة : هههههههه مين اللي بدأ يا جميلة مش طنط ندى اللي بدأت؟
جميلة : ماأخدتش بالي.
فريدة : يا بنتي ما الكلام كان قدامك.
ندى : يا ستي ما قالت لك مش فاكرة خلاص بقى هههههه على العموم تسلم ايدك يا فراولة الكوكتيل دا حلو قوي..
فريدة : كريم اللي علمه لجميلة وجميلة بقت كل ما تحب تشرب حاجة تعمل من ده لحد ما عملتهولي بقى علشان أنا اللي اعمله.
جميلة : بس افُك الجبس ده وهعمل كل حاجة.
حازم : السلام عليكم.. يا قوم.
يرددوا : وعليكم السلام.
حازم :أنتم فاتحين بيبانكم ليه معندكوش حاجة تخافوا عليها؟!
فريدة بابتسامة : اتفضل يا حازم الدنيا أمان.
حازم : ما بلاش انتي محرمتيش من المرة اللي فاتت.
فريدة تغمز له : خلاص بقى.
حازم : ازيك يا جيجي اخبارك إيه؟
جميلة : تمام يا خالو اتفضل استريح.
حازم يقعد بجانب ندى : ازيك يا نونه عامله إيه؟
ندى : كويسه.
حازم : إيه مالك؟
فريدة : ملهاش اتفضل اشرب.
حازم : إيه دا انتي عامله حسابي؟
فريدة : طبعا وهو أنا عندي أغلى منك يا حبيبي.
ندى : حبيبي!
حازم : هههههههههههه إيه هنبتدي نغير ولا إيه؟
ندى : مين دي.. أنا؟!
حازم : امال أنا؟
اتفضلي.
ندى : لا شكرًا بالهنا والشفا.
حازم : حلو قوي يا فريدة عبارة عن إيه ده؟
جميلة : دا كوكتيل يا خالو هعلمك تعمله ازاي.
حازم : هتعلميني!
ههههههههههههه طب يلا قوليلي بيتعمل ازاي امال فين كريم يا فريدة؟
فريدة : كريم في المستشفى.
________
في شقة سيف.
بيفتح الباب وهو مسند مليكة.
مليكة بصوت متعب : استنى يا سيف.
سيف : حاضر يا حبيبتي على مهلك.
مليكة : قعدني هنا شوية.
سيف : طب ما تقعدي جوه.
مليكة : لأ خليني قاعدة هنا اتخنقت من نومة السرير.
سيف : طيب هنزل اجيب بقيت الحاجات بتاعتك من العربية اتفضلي يا طنط.
بتقعد سهر وسيف ينزل تحت.
حلا : مامي.
مليكة : عاوزه ايه يا لولي؟
حلا : عاوزه اشيل البيبي شويه.
مليكة : لأ علشان ميقعش منك يوسف هات الشنطة دي.
يوسف : حاضر.
مليكة : مامي.. مامي.
سهر كانت سرحان : نعم يا حبيبتي.
مليكة : معلش بس ساعدي يوسف يجيب اللبن علشان اعمل الرضعه ليحيى.
سهر : حاضر.
بتعمل سهر الرضعه وتعطي مليكة الببرونه.
مليكة : افتح بوقك بقى.
سهر : هاتيه يا بنتي.
مليكة : اتفضلي يا مامي مش عارفه حرانه قوي ولا أنا سُخنه مش فاهمه.
سهر : اهو سيف جه تعال يا ابني قيس لمليكة الحرارة.
سيف : إيه يا مليكة حاسه بـ إيه؟
مليكة : حرانه قوي ودايخه.
سيف : علشان التكييف مش شغال.
سهر : معلش نسيت.
سيف : أنا اللي نسيت.
وبيشغل سيف التكييف.
سهر : أنا هدخل اريح جوه شويه.
سيف : اتفضلي يا طنط.
سهر : عاوزه حاجة يا مليكة؟
مليكة : لا يا مامي سلامتك ادخلي استريحي شكلك تعبانه.
سهر : اه شويه.