تكملة باقي حلقات الجزء الرابع من أنت قلبي

الجزء الرابع /الحلقة ٩٠

#أنت_قلبي٤
__________
الحلقة ٩٠

في فيلا كريم.
فريدة : تعالى يا محمد يلا.. أنت لسه قاعد يا ابني.
محمد : مليش نفس يا مامي.
زين : تعالى هفتح نفسك هههههههه
فريدة : جميلة اطلعي خبطي على بابي قوليله احنا قاعدين مستنينك.
جميلة : حاضر.
زين : يا ابني تعالى هتندم دي مامي عامله شوية ملوخية تجنن.. فريش صح؟
فريدة : اه.. يلا يا محمد.
قام محمد وقعد معاهم فريدة بتعمله طبق.
محمد : كفاية مش هاكل كل ده.
فريدة : كُل على قد نفسك وأنا هبقى أكل اللي يتبقى منك.
محمد نظر لوالدته بابتسامة.
فريدة : ايه يا جميلة بابي قالك إيه؟
جميلة : جاي.
فريدة : إيه مالك؟
جميلة : معدتي وجعاني.
زين : علشان تبطلي أكل.
جميلة وهي مضايقة : مامي!
فريدة : بس يا زين ملكش دعوة بـ أختك.
زين : طيب تبطل تخبط فيه برجلها.
فريدة ترفع مفرش السفرة : جميلة شيلي رجلك.
جميلة : هو اللي بدأ الأول.
فريدة : يووووه وبعدين معاكم.. أنا صدعت.
كريم : فيه إيه مالكم؟
زين : أقول ولا تقولي انتي؟
جميلة : قول يا حبيبي أنا مبخافش.
كريم : ايه يا محمد مبتاكلش ليه؟
محمد : باكل أهو يا بابي.
فريدة : اتفضل يا كريم الطبق بتاعك.
كريم : متشكر يا حبيبتي هاتي بس ازازة المياه دي.
فريدة : اتفضل.
زين نظر لمحمد.
محمد : ايه فيه حاجة؟
زين : ها.. لا مفيش.
جميلة : محمد معلش لما تاكل ممكن تروح تجيب يزن ألعب معاه شوية.
زين : مش هتكبري بقى وتبطلي شغل العيال ده.
جميلة : أنت مالك وبعدين أنا خلصت امتحانات خليك في نفسك بقى.
كريم : وبعدين يا جميلة اسلوبك يبقى أحسن من كدا لما تكلمي اخوكي.
جميلة : هو اللي بدأ يا بابي.
كريم : وأنت ملكش دعوة بـ اخوتك.
زين : حاضر.
_________
في شقة شادي.
شادي : حصل إيه لكل دا يا ليلى ما احنا كنا قاعدين هناك بنضحك ونهزر النكد دا بقى محبكش غير هنا في البيت!
ليلى : مين اللي كان بيضحك ويهزر.. أنا ولا أنت؟
وبعدين ما ليك حق تضحك وتهزر صحيح هو أنت واخد بالك من تصرفاتك ولا تعرف احرجتني النهاردا ازاي كإنك مش طايقني أقعد جنبك هشام مكانش عاوز ياسمين تقوم من جنبه وأنت بكل استهتار ليه ولمشاعري قدام خالي وكلهم تقولي روحي اقعدي هناك.
شادي : مش علشان تأكلي تيم ولا كان مين هيأكله مريم اللي معاها ولادها ولا ياسمين اللي بتاكل ابنها وايش انتي الوحيدة اللي زعلتي كلهم راحوا قعدوا ومفيش واحدة فيهم اتكلمت.
ليلى : علشان قعدوا من الأول هنا لا مراد ولا هشام حد منهم قال لمراته روحي اقعدي هناك وكان ممكن تكلمني وقتها بـ أسلوب أحسن من كدا.
شادي : اه يعني انتي عاوزه ايه دلوقت مش فاهم؟
ليلى : لا ولا حاجة ملوش لازمه الكلام أصلا.
شادي : طب كويس ممكن بقى ننام عندي شغل الصبح.
ليلى : نام يا شادي.
شادي : وانتي مش هتنامي؟
ليلى : لأ هطلع اقعد بره.
________
في شقة إياد.
إياد : إيه دا انتي لسه صاحيه يا منة!
منة : كنت داخله أنام إيه اللي أخرك كدا؟
بيقعد إياد يستريح : وصلت سلمى وقعدت مع رامي شوية.. شكله تعبان قوي.
منة : خير تعبان عنده إيه؟
إياد : معرفش هو شوية يقول معدتي وشوية جنبه هيروح لدكتور تاني لإنه مرتاحش على علاج الدكتور ده.
منة : ألف سلامة عليه هبقى أكلم سلمى الصبح تطمني.. أنت رايح فين؟
إياد : داخل اغير هدومي.
منة : هتاكل؟
إياد : لا مش قادر من وقت ما أكلت عند آسر اخوكي وأنا معدتي خلاص مش قابله أي حاجة.
منة : إيه الأكل معجبكش ولا إيه؟
إياد : لا بالعكس كان حلو قوي بصراحة تسلم ايدهم.
منة : طيب غير هدومك هعملك حاجة تشربها.
إياد : ياريت لو شاي يبقى متشكر قوي.
منة : حاضر.
إياد : بقولك إيه يا حبيبتي.
منة : قول يا إياد.
إياد : بقول الجُمعة اللي بعد الجايه نبقى نعزم آسر وسهر والولاد.
منة : أوك مفيش مشكلة.. نعزمهم وعمار ووفاء وسلمى وجوزها كمان.
إياد : ماشي تبقى عزومة للعيله كلها.. سهر كلمتك؟
منة : لأ.. سهر هتكلمي ليه ما احنا كنا عندهم النهاردا.
إياد : أنا أقصد سهر بنتنا.
منة : اااه.. لا مكلمتنيش.
إياد : طيب هبقى اكلمها الصبح.
منة : ليه فيه حاجة ولا إيه؟
إياد : لا مفيش بس هكلمها أطمن عليها.
منة : طيب هعملك الشاي عبال ما تغير هدومك.
_________
في فيلا كريم.
قاعدين في الجنينة كريم ومحمد وهارون..
محمد : عمي أنا مقولتش لميرا إنها تخرج من البيت أنا أصلا معرفش إنها خرجت غير لما قومت النوم ملقتهاش.
هارون : عارف يا محمد وهي قالت لي الكلام ده وأنا غلطتها ولما لاقتها اعصابها تعبانه ومصممه تقعد كام يوم قولتها خلاص يا بنتي كلمي جوزك استأدنيه.
محمد : بعد إيه؟!
بعد ما خرجت بدون علمي هو دا الصح يعني من وجهة نظر حضرتك؟
نظر هارون لكريم اللي كان قاعد مبيتكلمش.
وزين جاي ناحيتهم بالشاي فقام محمد ياخد منه الصينية.