تكملة باقي حلقات الجزء الرابع من أنت قلبي

الجزء الرابع /الحلقة ١٣٧

#أنت_قلبي٤
_________
الحلقة ١٣٧

في شركة آسر.
آسر : حسام خُد الورق دا معاك.
حسام : ماشي هاتهم.
آسر : ايه الصوت ده؟
حسام : معرفش هروح اشوف.
آسر : تلاقي سهر علشان اتأخرت عليها جات لما زهقت من القعدة في العربية تحت..
بيلم آسر الأوراق على المكتب لإنه ماشي.

حسام خرج يشوف فيه ايه بره لاقي : وليد!
وليد : ايه يا حسام هو مفيش حد هنا ولا ايه؟
حسام : لا مفيش غيري أنا وآسر اقعد استريح.
بيسنده يقعد.
حسام : طب كويس إني لحقته قبل ما ينزل.
حسام : عاوز حاجة؟
وليد : عاوز آسر.. عندك مانع؟
وسع عاوز أدخل جوه.

في التليفون.. 📞
آسر : حاضر يا سهر جاي أهو كنت بس بياخد ورق مهم وهنزل على طول.

حسام يوصل وليد لمكتب آسر : اتفضل.
آسر : وليد!
طيب يا سهر مع السلامة دلوقت.
سهر : هتتأخر؟
آسر : لأ جاي اهو يا حبيبتي مع السلامة.
وليد : ازيك يا آسر؟
آسر : الحمد لله
اقعد استريح يا وليد.
وليد : كنت عاوزك في كلمتين.
حسام : طيب أنا همشي بقى يا آسر محتاج مني حاجة؟
آسر : لأ بس اقعد هننزل مع بعض.
حسام : كدا.. طيب.
وبيقعد حسام.. نظر له وليد وهو مضايق.
وليد : طيب بما إن حسام قاعد وهو ابن عمنا برضو ومننا وعلينا ولا ايه يا حسام؟
حسام : لو عاوزني اقوم هقوم يا وليد.
وليد : لا خليك.
آسر : خير يا وليد وياريت بسرعة علشان..
يقاطعه وليد : عارف.. سهر قاعدة تحت مستنياك شوفتها وأنا طالع.
نظر حسام لـ آسر.
وليد : ندخل في الموضوع على طول.
آسر : ياريت.
وليد : دلوقت أنت قللت الفلوس اللي كنت بتبعتها كل شهر حتى إيجار الشقة بقيت تسلمه لحسام وهو يدفعه للدرجة دي مش مستأمني؟!
آسر : أنا مقللتش حاجة.
نظر وليد لحسام : يبقى في حد بياخد الفلوس.
حسام : نعم يا حبيبي أنت بتبص لي ليه؟
آسر قول لـ أخوك حاجة.
آسر : أنا فعلا مقللتش الفلوس وقولت لحسام يشيل جزء على جنب ويبقى دا للضروريات وبس.
وليد : يعني ايه للضروريات وبس أنت عارف إن مصاريفي كتيرة.
آسر : الفلوس دي بيدفع منها إيجار الشقة يا وليد واللي ببعته أنا شايف إنه معقول.
وليد : مين قالك تعمل كدا يا آسر؟
آسر : محدش بيقولي أعمل حاجة أنا مش مقتنع بيها.
وليد : اااه وايه اللي اقنعك بالفكرة دي هي مراتك مش كدا؟
آسر : وليد ياريت كلامك يبقى موجه ليه أنا بس سهر ملهاش علاقة بالمواضيع ولا بدخلها فيها وخلينا أخوات أحسن.
وليد : متبعتش حاجة بعد كدا يا آسر.
وقايم يمشي آسر يقرب يسنده.
وليد : لا خليك مستريح أنت علشان قلبك ميتعبش.
نظر حسام لـ آسر : سيبه يمشي لوحده دا يشد قطر.
وليد : هتحسدني على شوية الصحة اللي عندي ولا ايه؟
حسام : لا يا عم نحسدك إيه احنا بس بنفكرك إن صحتك كويسه أصل احنا خلاص بقى صحتنا بقت على قدها اتفضل اوصلك.
وليد : لا التاكسي واقف تحت تصبحو على خير.

آسر بياخد الورق ويسبقهم على تحت.

في العربية.
سهر : ايه يا آسر اتأخرت ليه؟
آسر : عاوزه تروحي فين يا سهر؟
سهر : نروح فين بقى وأنت كدا يلا يا آسر هنروح البيت.
آسر : عاوزه تروحي فين يا سهر؟!
سهر : أنت متعصب ليه دلوقت؟
آسر بتنهيدة : مش متعصب ولا حاجة شوفي عاوزه تروحي فين.