تكملة باقي حلقات الجزء الرابع من أنت قلبي

الجزء الرابع /الحلقة ١٣٦

#أنت_قلبي٤
__________
الحلقة ١٣٦

في فيلا كريم..
فريدة بانفعال : أنت ازاي أصلا تسمح له يكلمك بالاسلوب ده وايه بتستغل الموقف دي أنت عمرك استغليت حد؟!
كريم : ممكن تهدي.
فريدة : مش ههدا يا كريم لازم يحترمك انت عمه مش واحد من سنه علشان يتكلم معاك بالاسلوب ده.
كريم : مكانش ينفع أشد معاه احنا كنا قاعدين في الصيدلية يعني في الشارع ومش معنى اني سكت ابقى مش قادر ارد عليه بس انتي عارفه الظروف اللي احنا فيها كويس.
فريدة : وهو كان احترم الظروف دي يا كريم؟!
كريم : معلش عيل صغير بكرة يكبر ويعقل.
فريدة : اه يعقل!
خليك براحتك الكل يستهتر فيك.
كريم : بتقولي ايه؟!
سكت فريدة.
كريم خارج من الغرفة مسكت ايده : استنى يا كريم رايح فين أنا مقصدش بس مضايقه من اللي اتقال ده.
كريم : سيبي ايدي.
فريدة : يعني أنت متزعلش غير مني أنا؟!
خلاص أنا آسفة.
تركها ونزل تحت..
_________
في شقة سيف.
سيف : هو انتي بقيتي فاضيالي أصلا؟!
كفاية عليكي الولاد.
مليكة : طب كويس انك قولت يعني مبقعدش طول النهار ألعب علشان تقولي برجع الاقيكي نايمه ما هو من التعب دا بدل ما تساعدني.
سيف : قولت اجيب حد يساعدك قولتي لأ خلاص شيلي لوحدك بقى بس أنا من حقي أرجع الاقيكي قاعدة مستنياني مش نايمه.
مليكة : حاضر يا سيف.
سيف : ايه اللي انتي لابساه دا يا مليكة؟
مليكة : كنت نايمه يا سيف عاوزني ألبس إيه؟
سيف : خلاص نامي.
مليكة : طب خلاص متزعلش.
سيف : مزعلش من ايه بقى ما انتي مش مدياني أي اهتمام.
مليكة بابتسامة وتقرب منه : خلاص ههتم بيك فُك بقى.
سيف : ايه اللي بتاخديه ده؟
مليكة : دا بنادول علشان مصدعه.
سيف : كمان!
مليكة : ما خلاص بقى يا سيف يعني اقطع نفسي ولا أعمل إيه؟!
سيف : يحيى بيعيط روحي شوفيه.
مليكة : يووووه حاضر جايه.
سيف : اقفلي النور دا وانتي طالعه علشان هنام.
مليكة : سيف متهزرش.
سيف : بقولك اطفي النور.
مليكة : طيب متنامش.
سيف : روحي يا مليكة شوفي ابنك.
__________
في شقة علاء.
معتز(الخال) : غلطان طبعاً استغلال إيه اللي بتتكلم عنه هو عمك محتاج شقق هيسيب الفيلا بتاعته ويجي يسكن هنا مثلا ولا هيفتحها عيادة ما عنده المستشفى ولو عاوز يفتح عيادة ما كان اخد مكان قريب من السكن بتاعه وكان هيشتغل أحسن من هنا كمان ولا تكونش مفكر إن دكتور محمد ولا دكتور زين هيجي يسكن هنا يا ابني عمك كان عاوز يحل الخلاف اللي بينك وبين أخوك على الصيدلية والشقة وأنا شايف بقى إنك تروح تعتذر لعمك وتبوس ايده كمان لإنه في مقام والدك وعيب عيب قوي الكلام اللي قولته ده دكتور كريم عمره ما كان استغلالي والكلام دا يطلع من مين؟ من ابن أخوه!
معتز ص : خالي أنا أتعرض عليه أكتر من السعر اللي حدده عمي.
معتز(الخال) : هنفترض إن كلامك صح ولو إني أشك لإن محدش غريب هيجي يشتري شقة في بيت عيله بس ماشي يا معتز حصل الكلام ده مفيش بقى طريقة أحسن من دي كنت تكلم بيها عمك؟!
كريم : أنا قولتله يا خالي ميصحش تكلم عمك بالطريقة دي عمي كريم عمره ما طمع فينا ولا كان استغلالي بدليل إنه باع نصيبه في الصيدلية لبابا وحتى الشقة اللي تحت بتاعت جدي سابها وباعلي الشقة بتاعته يعني هو مش لازمه شقق هنا خالص وكل الحكاية إنه كان عاوز يحل المشكلة اللي السبب فيها أنت.
معتز ص : وأنا السبب في ايه بقى مش أنت اللي مش عاوز تسيب لي الصيدلية وتاخد الشقة؟!
كريم : أنا اخدت شقة في البيت وانتهى اخد شقة تانية اعمل بيها ايه؟!
معتز ص : وأنا اخدت بيت جدي مش لازمني شقق أنا.
كريم : خلاص كنت توافق على السعر اللي عرضه عمي وانسى إنك تجيب حد غريب هنا البيت.
معتز(الخال) : محدش هيجي يشتري شقة في بيت عيله لـ اما الحكاية دي من تأليف أخوك أو اللي كلمه ده كان بيضحك عليه علشان يفركش البيعه ودا حصل فعلا.
كريم : بكرة تروح تعتذر لعمك ومشي أمورك خلينا نبيع الشقة.
معتز(الخال) : هو هيروح يعتذر غصب عنه لكن ينسى إن عمه يشتري الشقة.
معتز ص : ليه بقى ما احنا هنوافق على السعر اللي قال عليه.
معتز(الخال) : بس عمك مش لازمه شقق ولا هيلزمه بعد قلة أدبك معاه.
_______
في فيلا كريم.
في غرفة المكتب..
فريدة : القهوة.
كريم : بس أنا مطلبتش قهوة.
فريدة : حسيت إنك عاوز فنجان قهوة دلوقت يعدل مزاجك اللي متعكر ده.
كريم : مزاجي مش متعكر.
فريدة قربت منه وقعدت جنبه : طب عيني في عينك كدا.
كريم : فريدة أنا عندي شغل لازم اخلصه الليله.
فريدة : هو أنا معطلاك في حاجة ما تشتغل.
كريم : طب ممكن تقعدي بعيد شوية علشان أعرف اشتغل.
فريدة وقربت أكتر : خلاص أهو.. كدا كويس.
نظر لها كريم بتنهيدة.
فريدة : يا سلام!
كل دي تنهيدة ليه هو القعدة جنبي وحشه قوي كدا.
كريم : مش وحشه يا فريدة بس أنا مش فايق دلوقت.
اخدت فنجان القهوة وبتقدمه ليه : طب اتفضل وأنت تروق وأعصابك تهدا خالص.
كريم بياخد منها فنجان القهوة بيشرب وهي بتمسد على شعره..
كريم : فريدة مينفعش كدا فنجان القهوة كان هيدلق مني.
فريدة : هههههههههههه
كريم : انتي مجنونه؟!
فريدة : اه.
كريم : طب كويس انك عارفه.
فريدة : أنا آسفة متزعلش مني يا كيمو.
كريم : كيمو إيه بقى دا أنا الناس كلها طلعت بتستهتر بيه وأنا معرفش.
فريدة : لا يا حبيبي بس أنت بتبقى طيب مع ناس متستحقش.
كريم : دول ولاد أخويا يا فريدة ومينفعش امسك في ابن أخويا في الظروف اللي احنا فيها دي لازم اخده على قد عقله معتز لسه صغير ومحتاج وقت كبير علشان يفهم الدنيا.
فريدة : معلش يا كريم دا مش مبرر خالص للي قاله ده أنت عمه وواجب عليه احترامك.
كريم : انتي بقى مين قال لك الحوار ده؟
فريدة : ندى ما حازم عرف من كريم وراح قال لها.
فريدة : وانتي سخنتي بقى.
فريدة : مش أنت جوزي حبيبي لازم طبعا اضايق من اللي حصل.
كريم : حصل خير وانتهينا.
فريدة : طب مش هتطلع تنام؟
كريم : شوية كدا.
فريدة : خلاص هستناك وادي قاعدة.
كريم : قومتي ليه من مكانك؟
فريدة : علشان تعرف تشتغل.
كريم : طيب.
فريدة : فكرت هتفرق معاك بس ماشي.
كريم : انتي حاطه ايه في القهوة دي؟
فريدة : ولا حاجة عملاها زي كل مرة أنت ايه  فيها حاجة غريبة؟
كريم : اه صوابعك وهي بتقلب البن على النار.
فريدة : هههههههههههه
كريم : اششش وطي صوتك جميلة نايمه.
فريدة : ما هو كويس علشان اضحك براحتي.
سكت كريم بحزن..
قربت منه فريدة ووضعت رأسها على كتفه : أنا عارفه بتفكر في إيه.. ادعيله يا كريم..
كريم : بدعيله في كل وقت بس ساب فراع كبير  في حياتي الفراق صعب قوي يا فريدة.
فريدة : عارفه ومجربه كل ده بس هنعمل إيه مش في ايدنا حاجة غير إننا ندعيلهم بالرحمه.
__________
في فيلا مراد..
هشام : أنا آسف يا أمل عارف إني اتأخرت عليكي بس غصب عني.
أمل : كنت عارفه إنك هتتأخر علشان كدا عملت حسابي وجهزت كل حاجة.
هشام بابتسامة : بس إيه القمر ده لأ والفستان يجنن.
أمل بابتسامة : عجبك؟
هشام : قوي..
أمل : استنى بس لسه في مفاجأة تانية..
هشام : مفاجأة أكتر من العشا الرومانسي ده؟
أمل : اه.. افتح العلبة اللي على السفرة دي..
هشام : فيها ايه دي؟
دي من محل حلويات صح؟
أمل : لو أعرف من الصبح إننا مش خارجين كنت عملتها بنفسي بس مكانش في وقت بقى.
هشام : تورته هههههههه
مكتوب إيه؟
حدث في مثل هذا اليوم
ههههههههههههه هشام&أمل.. دا كارت دعوة لفرح ولا ايه؟!
ههههههههههههه خمسة وتلاتين سنة!
يااااااه دا عمر تاني.
أمل : فات خمسة وتلاتين سنة يا هشام فاكر؟
هشام : ما بلاش هههههه
طب كنتي عزمتي الولاد جم احتفلوا معانا.
أمل : لأ كدا أحسن خلي كل واحد في حاله.
هشام : هههههههههههه عقبال ميت سنة يا حبيبتي بس ليه الاحراج ده؟!
أمل : احراج إيه؟
هشام : مجبتش هدية مش عارفه تفكريني؟
أمل : أنت هديتي يا هشام.
هشام : لأ أنا مقدرش على الكلام الحلو ده.
أمل : رغم إنك تعبني بس بحبك.
ضمها ليه هشام : حقك عليه يا حبيبتي أنا عارف إني مقصر معاكي بس...
تقاطعه أمل : مش وقت عتاب دلوقت غير هدومك يلا علشان نتعشا ونقطع التورته دي..
هشام بابتسامة : حاضر بس مش كنتي جيبتيها كبيرة شوية علشان الولاد.
أمل : لأ دي على قدنا أنا وأنت بس هما وقت تاني بقى.
هشام : مراد مسافر الغردقة الصبح.
أمل : ايه!
هشام : ايه مالك؟
أمل : اخد اجازة مش كدا؟
هشام : اه جه الصبح عمل عليه حوار لحد ما وافقت على الإجارة علشان ارتاح من زنه ويحل عني.
أمل : هياخد الولاد معاه صح اوعى تقولي هيسيبهم معايا.
هشام : هو مقالش بس اظن هياخدهم معاه متقلقيش.
أمل : لأ أنا هقفل الباب كويس روح اقفل أنت البوابة.
هشام : هههههههههههه حاضر.
__________
الصبح في شقة سيف.
مليكة : سيف النسكافيه.
سيف كان مشغول في التليفون : متشكر يا حبيبتي.
مليكة : سيف كنت بقولك عاوزه بيبي سيتر ليحيى.
ترك سيف التليفون من ايده : ياااه اخيرًا اقتنعتي إننا محتاجين حد ياخد باله من يحيى بس يا حبيبتي البيبي سيتر مبتباتش.
مليكة : وأنا عاوزها تبات ليه أنا بس محتاجها من الساعة تمانية الصبح لتمانية بالليل.
سيف : ليه ناويه تشتغلي ولا ايه؟!
مليكة : لأ أنا بفكر احضر الدكتوراة.
سيف : انتي مش اخدتي دبلومه وماجستير لازمتها ايه بقى المذاكرة في الظروف دي لما يحيى يكبر شوية.
مليكة : وايه المانع بس يا سيف البيبي سيتر هتساعدني.
سيف : تساعدك علشان تخلصي مشواريك مذاكرتك! دلوقت بس افتكرتي إنك محتاجاها لكن علشان راحة جوزك لأ أنا جامده واعرف اخد بالي من يحيى والبيت وعمري يا سيف ما أقصر في واجباتي ناحيتك وأنا لما برجع من الشغل بلاقيكي نايمه لـ اما قاعدة بيحيى.
مليكة : فيه ايه يا سيف ما كل الأمهات كدا خصوصا لما الطفل يكون لسه صغير.
سيف : طب كويس انك عارفه كدا يبقى عاوزه تذاكري ازاي وتروحي وتيجي في الظروف دي
ولا هو حلو دلوقت لكن لسيف لأ مش كدا؟!
مليكة : هو أنت ليه كل حاجة بتقلبها خناق احنا مش لسه بتتناقش دلوقت.
سيف : يعني بتاخدي رأيي صح؟
مليكة : ايوه.
سيف : خلاص يا مليكة وأنا مش موافق متحملنيش بقى مرتب للبيبي سيتر اللي هتجيبيها علشان مش هتكوني فاضيه لـ ابنك.
مليكة : لكن لو هجيبها  علشان اهتم بيك هيبقى حلو مش كدا؟
سيف : أكيد علشان دي حاجة مهمه ليه وليكي.
مليكة : لكن دراستي مش مهمه بالنسبه لك صح؟
سيف : مليكة انتي معاكي ماجستير تقدري تقوليلي عملتي بيه ايه رغم إني مقصرتش برضو معاكي وقولت وماله خليها تكمل دراستها طالما حابه كدا لكن مش شايف أهمية إنك تحضري رسالة الدكتوراة كمان على الاقل دلوقت وانتي اصلا مش قادرة توفقي بين واجباتك كزوجة وبين ولادك لكن لو هحضي يا مليكة يبقى علشان الولاد والرسالة تتأجل دلوقت.
مليكة نظرت له وسكتت.
سيف : ايه غلطت؟
طيب ممكن تاخدي رأي مامتك أو أختك وشوفي هيقولولك إيه.. أنا ماشي سلام.
وفتح باب الشقة وخرج ومليكة لسه قاعدة مكانها.
_________
في المطعم الجديد.
ياسمين بتلف في المكان تعاينه.
هشام : ها يا ياسمين ايه رأيك؟
ياسمين : يجنن يا هشام.
هشام : هيبقى الفرع دا خاص بالحلويات وطالما قولنا حلويات يبقى لازم نسميه ياسمين.
ياسمين : يا حبيبي يا هشام متشكرة قوي بجد مفاجأة متوقعتهاش.
هشام : شوفي هنا هيبقى المكتب بتاعك وهنا بقى هنعمل بار كدا زي نظام المطابخ بالظبط هنعرض فيه كل أنواع الحلويات الشرقية والغربية.
ياسمين : طب والشمالية ملهاش مكان؟ هههههههه أنا فرحانه قوي.
هشام : بس المكان دا كلفني كتير قوي.
ياسمين : هترجعلك فلوسك أضعاف أضعاف وابقى افتكر.
هشام : أنا اخترت المكان ده علشان يبقى قريب من البيت عندنا يعني تقدري من وقت للتاني كدا تشقري وتمشي تاني.
ياسمين : يعني اجي عادي؟
هشام : طبعا امال أنا ليه اخترت اعمله هنا؟
ياسمين : هيشتغل امتى؟
هشام : شوية كدا أنا لسه واخد سلفه من دكتور هشام هروح اصرفها بكرة هههههه
ياسمين : اخد لفه كمان في المكان.
هشام : لفي براحتك.
ياسمين : رايح فين؟
هشام : هروح اشوف شغلي بقى ابقي روحي لوحدك المكان مش بعيد.
ياسمين بابتسامة : ماشي مع السلامة.
هشام : ولا اوصلك البيت؟
ياسمين : ماشى.
هشام : عارف إنك مكسله تمشي الخطوتين دول.
ياسمين : هههههههههههه فاهمني أنت على طول.
_______
في فيلا مراد..
أمل بتنهيدة : اتفضلي.
زينة : تسلم ايدك يا مامي بس كدا تحتفلوا من غيرنا!
سهر : هههههههههههه وانتي كنتي عاوزه تيجي تعملي ايه؟
زينة : أهو كنا هيصنا لهم شوية يا طنط هههههه
سهر : هههههههه
أمل : بتضحكي على ايه يا سهر؟
سهر : ايش معنى أنا يعني ما تسألي بنتك ما هي كانت بتضحك هي كمان هههههه
أمل : زينة هاتيلي اشرب يا حبيبتي.
زينة : حاضر.
أمل : من التلاجة.. ها.
زينة : حاضر.
سهر : بتوزعي بنتك ليه؟
أمل : علشان أقولك عيب كدا.
سهر : هههههههههههه ليه أنا قولت حاجة غلط؟!
أمل : يعني كنت عزمتهم علشان يعرفوا إن بقالنا خمسة وتلاتين سنة متجوزين؟
سهر : طب ودي فيها ايه يعني هههههه ما أهم أكيد عارفين أحنا بقى هنتم خلاص الأربعة وتلاتين الشهر الجاي هههههههه
أمل : ياااه يا سهر السنين بتجري.
سهر : اه يا أمل أنا تميت التمانية وخمسين من شهرين.
أمل : متفكرنيش واحد وستين يا أختي.
سهر : هههههههههههه المهم ولادنا يبقوا حوالينا فرحانين ومبسوطين.
أمل : على رأيك المهم سعادتهم هما مش احنا.
زينة جايه : مامي هو مراد حقيقي سافر الغردقة؟
أمل : اه مين قالك؟
زينة : عرفت من شادي مقاليش ليه كان خايف اشبط واروح معاهم.
سهر : هههههههههههه قولي لمجدي يخرجك تشمي شوية هوا.
زينة : هيحصل بس اما اشوفه.
أمل : انتي بتهدي النفوس ولا ايه يا سهر؟
سهر : أصل نفسي أنا كمان بس آسر يفضالي شوية.
________
في الغردقة.. في الاوتيل.
سهر : مازن تليفونك بيرن.
مازن : حاضر يا سهر جاي.
سهر : تعالي بقى اشبعك
متعيطيش... كنت سيبتكم مع مامي علشان ابقى بحريتي معرفش عملت كدا ليه في نفسي؟
مازن خرج بعد ما اخد شاور : سهر انتي بتكلمي نفسك؟
سهر : جيبتهم معايا علشان تشبع منهم بما إنك واخد اسبوعين بس اجارة
مش معقول هبعدك عنهم كمان في الاجازة.
مازن : وهما مضايقنا في ايه بس أهم يغيروا جو هما كمان.
سهر : مش هنخرج؟
مازن : حاضر بس اشوف مين اللي  بيتصل.
في التليفون.. 📞
مازن : ألو.. وعليكم السلام.
مراد : ايه لسه نايم ولا ايه؟
مازن : وصلتوا بالسلامة مش كدا؟
مراد : اه.. مريم جوه لسه بتخرج الهدوم علشان خارجين.. أنت فين؟
مازن : احنا كمان خارجين.
مراد : طب تمام إيه رأيك بقى نعزمك على أكلة سمك بس إيه.. في قلبك
ههههههههههههه
مازن : شكلك عارف أماكن هنا كتير.
مراد : يعني مش قوي مبجيش كتير هنا بصراحة بس حافظ كام مكان كدا بنتبسط فيه.. ايه رأيك؟
مازن : في ايه؟
مراد : تيجوا نعمل معاكم الواجب.
مازن : معلش علشان تبقوا بحريتكم أكتر.
مراد : خلاص براحتك أنا قولت يعني اعرفك كام مكان هنا علشان تعرفوا تتبسطوا هتحتاج حاجة؟
مازن : لا يا حبيبي تسلم أنتم لسه في الشاليه؟
مراد : اه مش بقولك مريم لسه جوه بتظبط الحاجة علشان لسه واصلين.
مازن : اه معلش ماأخدتش بالي خلاص سلملي عليها وعلى الولاد.
مراد : يوصل يا حبيبي مع السلامة.
وقفل مراد مع مازن.
____
في الشاليه..
مريم : كنت بتكلم مين يا مراد؟
مراد : دا مازن اخوكي كنت بكلمه لو حابب يعني يخرج اعرفه يروح فين.
مريم : اه وقالك إيه؟
مراد : قالي لأ علشان تبقوا بحريتكم عرفت إنه عاوز يبقى براحته أنا عملت اللي عليه وخلاص.
مريم : طيب تعال شوف هتلبس إيه.
مراد : البحر حلو
ما تيجي ننزل نعوم شوية والولاد نايمين.
مريم : هتغرقني.
مراد : هههههههههههه لا متخافيش تغرقي معايا ودا معقول برضو يلا بينا.
مريم : طب غير هدومك الأول.
مراد : اه صح نسيت هههههههه
مريم : طب لو حد من الولاد صحي هنعمل ايه؟
مراد : لا متقلقيش قدامهم ساعة كمان وبعدين احنا  هنا قصادهم مش هنبعد.
بيغير مراد ويلبس لبس البحر ويشد مريم اللي خايفه.