#أنت_قلبي٤
__________
الحلقة ١٢٥في شقة حازم..
ندى : فريدة.. فريدة.
فريدة بصوت ناعس : فيه ايه يا ندى عاوزه ايه؟
ندى : طب قومي كدا فوقي علشان اعرف أكلمك.
فريدة قامت بفزع : خير يا ندى حصل ايه قلقتيني.
ندى : حازم وجوزك اخدوا علاء ابن عمك المستشفى.
فريدة : ليه؟
ندى : أنا لمحتهم وأنا واقفه في البلكونة نازلين بعلاء وبعدين كلمت حازم علشان اطمن قال لي إنه تعب جامد وجوزك كلم الدكتور قاله هاته دلوقت حالا.
فريدة : فين التليفون؟
ندى : تليفوني؟
فريدة : تليفوني أنا يا ندى أكلم كريم يطمنا.
ندى : ما هو جنبك اهو.
فريدة : اه ما اخدتش بالي نمت وهو في ايدي.
بتتصل فريدة بكريم.
جميلة بصوت ناعس : مامي بقى اقفلوا النور ده مش عارفه أنام.
فريدة : استني بس يا جميلة.
ندى قامت تقفل النور : تعالي يا فريدة اتكلمي بره وسيبي بنتك تنام.
خرجت فريدة تكلم كريم خارج الغرفة زي ما قالت لها ندى لكن كريم مردش.
_______
في شقة سيف.
مليكة : بجد يعني مش زعلان؟
سيف : لأ وهزعل من ايه؟
مليكة : ولا هتعمل مشكلة وتتعصب عليه وتقولي ازاي باباكي يهاديكي بحاجة زي دي أنا كدا بتهان زي ما عملت قبل كدا؟
سيف : لأ.
مليكة : بجد يعني اركب العربية عادي وافرح بيها واحس إنها بتاعتي حقيقي؟
سيف : اه بس مش بتاعتي ماشي؟
مليكة بابتسامة : فهمت.. خلاص ماشي.
وتطبع قُبله على خده.
سيف : ايه ده؟
مليكة : ايه عملت حاجة غلط؟
سيف بابتسامة : لأ بس يعني خطفتيها كدا بسرعة ليه؟
مليكة : هههههههههههه علشان مستعجله عاوزه اجرب العربية.
سيف : خليها الصبح بقى وتعالي أقولك.
مليكة : خير يا سيف اوعى تقولي حاجة تزعلني علشان أنا فرحانه دلوقت.
سيف : لأ مش هقولك حاجة تزعلك بالعكس أنا فرحان وعاوز افرحك معايا.
مليكة : قابلت انكل هشام مش كدا؟
سيف : قابلته واتكلمنا وطلب مني استلم الشغل عنده من بكرة.
مليكة : وأنت قولت له إيه؟
سيف : وافقت طبعا في حد يضيع فرصة زي دي.
مليكة : بجد يا سيف يعني هترجع تشتغل تاني في شركة انكل هشام؟
سيف : ايوه.. امال أنا بقولك ايه دلوقت.
مليكة تحضنه : يا حبيبي يا سيف أنا بحبك قوي.
سيف : وأنا بحبك قوي يا ملوكه وفرحان إنك فرحانه.
مليكة : هههههههههههه دا أنا الفرحه مش سيعاني.
سيف : بقولك إيه؟
مليكة : نعم.
سيف : ما تتأكدي كدا يحيى نام ولا لأ.
مليكة بابتسامة : حاضر هشوفه.
________
في شقة مراد.
مجدي : كدا بتوجعك.
مراد : آآآآه
شادي : اه ايه بتوجعك ولا لأ؟
مراد : يا أخي ما أنا بتوجع قدامك أهو.
مجدي : ألف سلامة عليك بس هي دي نفس الرجل اللي كنت عامل فيها عملية قبل كدا وقت الحادثة إياها مش كدا ولا الرجل التانية؟
مراد : لأ هي.
مجدي : هي الحادثة دي كانت امتى فكرني كدا.
مراد : من حوالي تمن سنين مش كدا يا شادي؟
شادي : اه تقريباً.
مجدي : أكيد الدكتور طلب منك علاج طبيعي بس بعد ما الألم دا يخف صح؟
مراد : آآآآآه
شادي : اه ايه فهمنا.
مراد : يا أخي سيب رجلي بقى بتوجعني.. ايوه
الدكتور طلب مني كل اللي قولت عليه ده.
مجدي : خلاص خُد بالك من نفسك بقى واسمع كلام الدكتور واللي يقول عليه نفذه.
مراد : يعني هفضل قاعد في البيت كدا كتير؟

أنت تقرأ
تكملة باقي حلقات الجزء الرابع من أنت قلبي
ChickLitالألبوم القديم قفل مبيقبلش حلقات تانية فهنبدأ هنا من الحلقة ٨٩ إلى الحلقة الأخيرة.. الحلقات هتكون على حسب التفاعل واللي عاوز ينضم لجروبنا على الفيسبوك يتفضل (حكاوي البنات بقلم بوسي مصطفى) هتلاقوها هناك كاملة.. اتمنى قراءة ممتعه.