تكملة باقي حلقات الجزء الرابع من أنت قلبي

الجزء الرابع /الحلقة ١١٣

#أنت_قلبي٤
__________
الحلقة ١١٣

في التليفون... 📞
سهر : اه تمام أخبارك انتي إيه؟
مريم : أنا بخير يا سهر بقولك.
سهر : خير يا مريم فيه حاجة؟
مريم : ما تجيبي البنات بكرة وتيجو تتغدوا معانا.
سهر : معلش مش هينفع.
مريم : ليه بس على فكرة مراد بيكون في الشغل.
سهر : لا عادي ولو موجود هيحصل ايه يعني؟!
مريم : يعني بقول لو مكسوفه ولا حاجة علشان كدا اخترت وقت الغدا.
سهر : خليها يوم تاني.
مريم : امتى؟
سهر : وقت أكون فاضيه فيه علشان مشغوله قوي اليومين دول.
مريم : تمام الوقت اللي يناسبك ابقي كلميني ونتفق.
سهر : وممكن اللي يناسبني ميناسبكيش فخليها كدا بظروفها بقى.
مريم : تمام زي ما تحبي.
سهر : مع السلامة.
وراحت سهر قافله التليفون قبل ما مريم ترد عليها.
مريم : ايه دا فيه ايه هي ليه بتكلمني كدا؟!
براحتها بقى أنا عملت اللي عليه.

سهر : مكانش ناقصني غيرك يا مريم اوف بقى أنا زهقانه يا ريتني اخدت البنات وروحت عند خالو آسر كان هيحصل إيه يعني.. بس أنا زهقانه قوي أعمل إيه؟
_______
في فيلا آسر.
علي : معلش خليها تعدي على خير علشان هو دا اللي عايزة.
مجدي : دا لو فكر بس يعمل حاجة هيشوف المرة دي بقى رد فعل مختلف تمامًا عن اللي حصل في المستشفى.
علي : اسمع باباك لسه تعبان ومش عاوزين نضايقه حاول تطنشه خالص وهو هياخد قعدته ويمشي.
مجدي : دا لو مكانش جاي يعمل مشكلة يا حبيبي.
علي : بقولك ايه أنت تستغل فرصة إن مراتك هنا وتحاول تلطف الجو ما بينكم كدا.
مجدي : ازاي بقى وسط الدوشة دي؟!
علي : خُدها على جنب كدا وقولها عاوز اقولك كلمتين بس بعيد عن الناس واخرجوا اقعدوا في الجنينة الجو هادي والقمر منور الدنيا كلها أنت فاهمني ولا إيه حكايتك متنح ليه؟
مجدي : ثواني علشان قايمه.
علي : هي مين؟
مجدي : وسع بقى.

مجدي كان رايح لزينة..
علي بابتسامة لما لمحهم : ااااه.. هههههه
رُقية : خير يا علي بتضحك على إيه ضحكني معاك.
علي : نفسنا احنا كمان في القعدة دي.
رُقية : قعدة ايه مش فاهمه؟!
علي : هقبى اقولك بعدين المهم يونس عامل إيه؟
رُقية : أخيراً نام بس طبعا كل شوية هطلع اشوفه.
علي : مش مهم انتي مرة وأنا مرة.
رُقية : هههههههههههه متشكرة يا حبيبي.

سهر : معلش يا إياد سامحني أنا عارفه إنك مضايق وأنا كمان بس مش هينفع أقوله حاجة قدام آسر أنت عارف الظروف.
إياد : فاهم يا سهر كل حاجة وعارف إنه بيستغل الظروف وعارف إن مفيش حد فينا هيقدر يقوله حاجة بس معلش ملحوقه الكل هياخد حقه بس بعدين.
سهر : طب أنت رايح فين؟
إياد : همشي معلش متزعليش مني مش ضامن نفسي أفضل كدا محافظ على هدوئي ومش عاوز اعملك مشاكل وكمان خايف على صحة آسر هستأذن وامشي.
سهر : طيب.

زينة : هناك فين؟
مجدي : في الجنينة.
زينة : مش عاوزه أخرج ولو سمحت متتكلمش معايا خالص.
مجدي : ما احنا لازم نتكلم يا زينة مينفعش كدا.
زينة : عاوز تقولي حاجة قولها هنا وخلصني.
مجدي : كدا... طيب بعد اذنك.
زينة : طب استنى رايح فين؟
مجدي : انتي مش عاوزانا نتكلم غير في وسط الناس وأنا مش حابب كدا يبقى خلاص براحتك.
زينة : طب استنى أنا كمان عاوزه اقولك حاجة.
مجدي : اتفضلي.
زينة : هنا؟!
مجدي : احتارت معاكي قولت لك نتكلم بره في الجنينة مش عاوزه هنا كمان مش عاوزه امال ايه اللي يريحك يا زينة قوليلي.
زينة : خلاص نتكلم في الجنينة.
مجدي : تمام يلا بينا.
زينة : ثواني هقول لمامي علشان اسيب رهف معاها.