#تسونامي
#الحلقة_5
بنات لايك قبل تقري ...وماحد يطلع الحلقة برا قبل نص ساعة لعند انعدل الاخطاء الاملائية
.
.
.
جمانة طبست : إن شالله ...هيا تصبح على خير ☺
وتحركت تبي تمشي
جهاد : ااااا البنات رقدوا من بدري ..وقفلوا الباب
جمانة : كيف ؟!! وانا ؟!!
ميل جهاد راسه وشاف لعيونها : بتباتي امعايا
جمانة : 😳😳
بإرتباك حط جهاد يده على رقبته : اا قصدي اتباتي عندي في الشقة
جمانة من بدري وهيا اتحاول تكتم توترها منه ومن نظراته ...بس توا معاش قدرت اكثر ..وجهها لونه احمر ..وحست بحرارة برغم الجو مصقع في الليل
جمانة : بالك مازل مارقدوا ؟
جهاد قرب منها : عروبة اتصلت بيا من بدري وقالت نبوا انرقدوا ونقفلوا الباب..وقلتلها تمام
جمانة : وليش ماتصلت بيا أنا؟!
جهاد : اتصلت بيك كم مرة ..بس وقتها شنطتك كانت في السيارة
جمانة : ياريتك قتلي لما اتصلت ..كنا روحنا من بدري
جهاد : شفتك منسجمة وجوك سمح ماحبيتش انخرب عليك ...وبعدين شن المشكلة كان قعدتي عندي ؟
تحركت جمانة وخشت قبله : مافيش مشكلة ..أنا عليك انتا لانك من الاول ماتبيش حد معاك في الشقة 😒
لاحقها جهاد ..وشد ذراعها قبل اتخش المصعد : مش قصة مانبيش حد معايا ...بس انتي فاهمة ليش خليتك عند عروبة
انحرجت منه وفكت يدها ..وخشت للمصعد من غير ماتزيد كلمة وطلعوا فوق
.
.
.
وقف المصعد وطلعوا ..فتح جهاد شقته ..وخشوا مع بعضهم .
خشت بخطوات مترددة ...وصلت لعند الصالة ..وقفت وشافت لجهاد
علق جهاد مفتاحه في المدخل ...وخش ايحول في جاكته : قمعزي ليش واقفة ؟
جمانة : اا بنخش نرقد ..تاعبنة ونبي نتريح
جهاد : تمام ..لحظة بس
وخش لداره ...طلع توتة لنفسه ...ووملابس داخلية ..ومخدة وبطانية
وطلع حطهم على طرف الكنبة : تقدري اتخشي لدار ..خذيت حاجتي منها
جمانة تذكرت نفسها وشافت لابستها : ااء ..اوووفه ..ماعنديش لابس ..مش عارفة كيف باأاا
قص عليهاجهاد : خوذي من لابسي
جمانة : كيف يعني ؟!!
ابتسم وقرب منها : تعالي معايا
مشى قدامها ..وهيا تلحق فيه ..خش لدار نومه ..وفتح دولابه طلع سروال توتة وتيشرت رقبة شتوي
