#تسونامي
#الحلقة_43
.
.
.
لايك قبل القراءة
.
.
.
بلقيس معصبة فتحت مكتب فارس وخشت عليه ..وعزقت بقايا الصور على الارض بعصبية : هذه خطتك ياستاذ فارس ..نقعها واشرب اميته 😤
فارس كان دوبه خاش لمكتبه ومازال مصبي تلفت عليها : غير بالشويا اهدي وقولي شن شن صار ؟
بلقيس : كيف نهدا كيف قولي ؟ 😡 كل شي انديروا فيه ينتهى بالفشل ..مافيش فائدة فيهم الهم 😤
فارس زم فمه ومشى قمعز وراء مكتبه : ممكن اتقمعزي وتحكي بالشويا عشان نفهم منك 😑
بلقيس قمعزت بعصبية : شنو تفهم ..ماهو كل شي قاعد واضح ...جمانة اعطيتها صور جهاد وشافتهم ..وبدال ماتزعل منه وتقلب الدنيا عليه ..شرطتهم وعزقتهم على وجهي وقالت عندي فيه ثقة لو انشوفه بعيوني مش حنصدق 😤
فارس عقد حواجبه : هيا قالت هكي ؟
بلقيس : شنو بنكذب عليك 😒
فارس : لا مش قصدي ..عموما كنت متوقع شي زي هذا
بلقيس : ياسلام ! ولما انتا متوقع الشي هذا ..ليش تحرج فيا ودازني بكل ثقة لها😤
فارس صبا وفتح جاكته وجاء قمعز مقابلها : كان مجرد توقع ومش متاكد منه وكان لازم انجرب مش مشكلة ..وبعدين أنتي تعرفي جهاد اكثر مني ..المفروض كنتي تتوقعي انه يحكيلها اللي صار معاه في تونس 😏
بلقيس : قصدك جمانة كان عندها العلم قبل اتشوف الصور ؟!
فارس : أكيد ..مادام ردة فعلها كانت عادية وزي ماوصفتي وقلتي ..فأنا متاكد ان جهاد خبرها بالموقف وكان عندها العلم ..اما قصة الثقة ما الثقة مجرد كلام وبس
بلقيس اتفكر : والله عندك حق ..جهاد اللي نعرفه مايحبش ايدس شي ..وداير فيها جو ابو الاخلاق ..واكيد حكى لجمانة كل شي ..هذا ليش خذت الموقف ببرود
فارس : ياعيني عليك ..هيا هكي
بلقيس : باهي نحنا شن استفدنا من الخطة هذه ..غير الاحراج 😒
فارس ابتسم ومال ناحيتها : أصبري بس ..مهما اتبين جمانة مش معدلة فانا متاكد انها محروقة من داخلها علي صار مع جهاد ..مافيش مراة ترضى باللي صار وعادي ..وهذه كانت مجرد أبرة لجس النبض وأشعال فتيل الغيرة والشك بينهم 😏
بلقيس عقدت حواجبها : حاسة بيك في شي مش قايلي عليه ؟
فارس ابتسم وصبا : كل شي في وقته حلو ..وانا عارف روحي شن اندير ..لو طلع جهاد من هذه ..مش حيطلع من الثانية 😏
بلقيس وقفت : شنو في فارس ؟ احكيلي انا شريكتك ومن حقي نعرف كل شي
فارس : حتعرفي كل شي في وقته ..مانبيش نستعجل على شي ..وزي ماتفقنا ..انا نلعب على جهاد وانتي على جمانة ..وهذا ليش عطيتك الصور انتي ..مانبيش انبان قدام جمانة أني انحاول انخرب بينها وبين جهاد
