#تسونامي
#الحلقة_25
.
.
.
لايك قبل تقري 😘 ولان الجزء قعد طويل قررت انخليه الحلقة 25
صوت صرخة جمانة ساعة طيحتها ...سمعوها امنة وجهاد اللي كانوا خاشين وراءها للمطبخ
طلعوا يجروا واتجهوا ناحية المخزن ..اول ماخشت أمنة ولما شافت جمانة في الارض ..مقمعزة وشادة رجلها وتبكي 😭 نزلت بسرعة
امنة : يانعليا كنك ؟ طحتي والا كيف ؟ 😰
جمانة تبكي : ازلحقت وطحت ..مانشوفش في الدروج 😣
جهاد نزل درجتين ويشوفلها : شن في ؟
امنة : يانعليا طاحت ..تعالى ساعدني نرفعوها
نزل جهاد ..وقرب منها ..شدها من تحت ذراعها من جيهة ..وامنة من الجيهة الثانية ..ورفعوها لعند وقفت بينهم ..وبدوا يطلعوا فيها من المخزن بالشويا وهيا اتألم
طلعوا بيها ..وجت شريفة تجري من جوا : كنكم ..كنكم حي علينا 😨
امنة : جيبي كرسي بسرعة
شريفة مشت تجري لمطبخ : عرفتها وحق الله ..قلت العرس مستحيل يمشي بلا كارثة
امنة : بسرعة ياخية مش وقتك 😤
طلعت شريفة من المطبخ وفي يدها كرسي ..وقربت حطاته جنبهم ..وجهاد وامنة نزلوا جمانة عليه
امنة برمت وجت قدامها : يوجع فيك واجد ..زعما ناخذوك للمستشفى ؟
جمانة تمسح في وجهها : لا مافيش داعي ..غير التو ساعة طيحتي ..اشويا ويبرد إن شالله
جهاد ايشوف لرجلها ونزل شده وحركه : من وين يوجع فيك ؟
جمانة : ااااه جهاد 😣..خليه اشويا بس
جهاد صبا وتنهد : ردي بالك منها ..بنطلع انساعد المعتصم
طلع جهاد وجمانة عينها عليه ...كيف مشى وخلاها ..مش عوايده مايهتمش بيها 💔
باي قسوة غلفت قلبك ياجهاد ..وكيف قادر عليها ..والا القسوة والبرود على قد الالم ؟ 🥺
امنة بحتت في شريفة : عدي جيبي امية دافئة
شريفة : بالك راهي مكسورة ؟ خلينا ناخذوها للمستشفى
امنة : ارحم بيك ياشروفة فكينا من تفويلك علينا ..عدي جيبي امية بس
شريفة لوت فمها : شن قلت ياخية ..ديما لاعراس ايصير فيهم هكي 😒
جمانة وجعتها نفسها اكثر من رجلها ..ولاقت فرصة تبكي عليها 😭
أمنة : حي عليا راه تبقي مكسورة صاح ؟ خلينا ناخذوك لمستشفى بدري كان هكي 😰
جمانة اتحاول اتصبي : لا وربي ساهلة ومش لدرجة مكسورة ..غير وجعتني الطيحة 😥
امنة : بعيد الشر عليك ..ساهلة ياجوجو ..تعالي قمعزي جوا وتوا انديروا ضمادات امية دافئة
