#تسونامي
#الحلقة_55
.
.
.
لايك قبل تقري 😘
.
.
.
واقف مع اصحابه ..يضحك ويهدرز ..وهيا اتشوفله من بعيد ..وعلى اساس مايشوفش فيها
قررت تمشي تحكي معاه...سيبت صاحباتها ومشت شوره ..وقفت بعيد منهم ونادت عليه
نغزه صاحبه ..وهوا تلفت عليها ..رفع حاجبه ..واستاذن من اصحابه ومشالها..وقف من غير مايسلم عليها وهيا تحشمت تمد يدها
ضيق اعيونه وهز راسه : شنو ؟
رفعت اعيونها فيه : شن اخبارك ؟ 🥺
فيصل : تمام ..شن اخبارك انتي؟
ندى تعصر في ايديها : بخير ..تلفتت على صاحباتها بتوتر ورجعت شافتله ..انشوف فيك من بدري ..قلت انجي انسلم عليك
فيصل برم وجهه ايشوف لبعيد : ماشفتكش ..انهدرز مع الجماعة وعندنا محاضرة ..ليش في شي ؟
حاسة ببروده اتجاهها ومش لاقيه تفسير ..بس تكلمت عادي : لا مافيش ..بس أمس تكلمت مع لبنى زي ماطلبت وهيا قالتلي اليوم ممكن تحكي معاك
فيصل ميل راسه وشاف ورءاها وين ماكانت لبنى واقفة بعيد منهم ..ابتسملها ..وهيا ابتسمت منحرجة وتلفتت على صاحباتها
ندى برمت وجهها وشافت الموقف ..بلعت ريقها وتكلمت : يعني شن انقوللها ؟
فيصل قرب منها وابتسم : مادام موافقة تحكي معايا ..خلاص ماعليك فيها شوري الباقي
وهوا يتكلم كانت تشوف لفمه ....اسنانه مرتبة وضحكته اتجنن..لحيته خفيفة ..بس زايدة في وسامته ..وخاصة انها مش محددة وعشوائية ..ماشية مع تصرفاته الغريبة واسلوبه المستفز
ندى تحكي من غير ماتشوف لعيونه : خلاص معناها تفاهم معاها ابروحك
طرقع باصابعه فوق راسها : اوووي
رفعت اعيونها فيه مش فاهمة : نعم
شافلها مبتسم : شوفيلي هنا ...شن تبي فيه فمي 😏
بلعت ريقها والحرارة ارتفعت على خدودها ..ونزلت اعيونها طول متوترة واتهز في راسها متنكرة : ششش شن نبي فيه ..غير مش مركزة معاك 😣
كاتم ضحكته ..عقد حواجبه بجدية : أنا عندي محاضرة توا ..ماتبي شي ؟
ندى وعلى اساس اتساوي في شنطته باش ماتشوفش لعيونه : لا سلامتك ..حتى انا عندي محاضرة ..سلام 😣
فيصل : سلام
ومشى لجماعته ...تكلم معاهم ..وبعدين مع بعضهم ..مشوا ناحية القاعة ..وفيصل يدوي وهما يضحكوا ...وندى رجعت لشلتها وهيا حاسة بشعور غريب ..وعندها تساؤل واحد ..ليش فيصل متغير معاها ؟!!
لبنى اول مافيصل خش للمبنى..قربت من ندى بسرعة : ها شن صار ؟ احكيلي هيا شن قالك ؟
ندى : ماقالكش شي ..قالي مادامك موافقة تحكي معاه ..خلاص شوره بروحه
