#تسونامي
#الحلقة_34
.
.
.
لايك قبل تقري 😘
.
.
.
المعتصم خش للمربوعة : نسال فيكم ردوا عليا ..شن في ؟
جهاد شاف لامنة وتنهد وتلفت على خوه : اللي في أن اختك مشت مع راجلها ..عرفت شن في توا ؟
المعتصم قرن حواجبه : اي اختي ؟ قصدك وسن ؟
امنة حطت يدها على وجهها وادموعها نزلوا 😭
المعتصم بصوت عالي : رد عليا قصدك وسن هربت مرة ثانية مع 🤬 إبراهيم 😡
جهاد فنص في خوه : المعتصمممم 😡
جمانة هزت راسها وطلعت من حذاهم مشت خشت للحوش ...مع طلعت الحاج وفي جرته عائشة على صوتهم
المعتصم بعصبية : عليش اتفنص فيا ..عليش ..هوا انا اللي غلطان والا هيا الوسخة😡
جهاد قرب منه : وطي صوتك ليش اتعيط يسمعوا فيك الجيران ..على اساس اول مرة تهرب ..ماهي مشت مع راجلها
المعتصم : راجل النم ولد ال 🤬 لكن وربي نقتله ونقتلها بنت الحرام😡
جهاد : صكر فمك قتلك ..امك مريضة كيف تفهم ؟
الحاج خش عليهم : كنكم لا حول ولا قوة الا بالله كل يوم صوتكم واصل لاخر الشارع...عليش اتعاركوا ؟ 😡
المعتصم : من بنتك الكلبة وسن ...كل يوم حاطة رؤسنا بالتراب 😡
جهاد : احكي كويس مع باتك 😡
عائشة خشت وراء الحاج ترعش : بنتي كنها ؟ 😰
المعتصم : بنتك قليلة التربية بعد كل شي درناه عشانها وبعد جبتوها وسامحتوها علي دارته فينا من قبل ...كسرت اخشومكم ومشت معاه مرة ثانية 😡
عائشة خبطت على وجهها : تكذبوا عليا 😰
امنة مسحت وجهها وقربت من امها بسرعة شدت فيها عشان اتقمعز 😭
الحاج شاف لجهاد : كلام خوك صاح ؟
جهاد نزل اعيونه وحط يده على جبينه وتنهد بكسرة : صاح ياحاج ..امبارح وقت كنا ملتهيين بقصة ظافر ..الباين انها مشت مع إبراهيم
عائشة قمعزت بحيل مهدود وتخبط على رجليها : حي عليها ..حي عليها ..مطيوحة السعد وين مشت 😭
الحاج تنهد بعصبية : من الاول قلتلكم غلط جيبتها هنا ...انا معاش نبيها اتخشلي حوش ..وانتا شن كنت اتقول ؟ 😡
جهاد : كنت انقول هذه اختي وخايفة عليها ...غلطت والا كفرت عشان وقفت معاها لاني خفت عليها من كلاب الشوراع 😡
المعتصم رفع صبعه في وجهه جهاد : كله منكم انتا وظافر ..قعدتوا تضحكولها لعند قصرت فيكم مرة ثانية ..لو كان من لاول ذبحتوها راه تريحنا من همها 😤
جهاد : تحسابك روحك عايش في غابة ..اختك راهي متزوجة وحامل وكان تمس فيها شعرة عربها بيحطوك في الحبس تحساب الدنيا فوضى
