#تسونامي_13
.
.
.
لايك قبل تقري 😘 والحلقة طويلة لو مانزلتش كلها حنضطر انديرها جزئين
.
.
.
الحاج فضيل بعد العشاء ..خش الحمام غسل وتوضى وطلع غير دبشه وخش داره
عائشة راقدة في سريرها والسبحة في يدها
الحاج فضيل ينزل في اكمامه : كيف حالك توا ؟
عائشة : بخير والحمدالله
الحاج فضيل : معاش اتخممي في شي و وسعي بالك
عائشة نزلت وجهها بحزن : غصبا عني يا حاج ...نبي انشوف بنتي 😥
هز الحاج فضيل راسه تنهد وقمعز جنبها على السرير : بالله صكري على الموضوع ..مانبيش ناقش فيه 😑
عائشة : البنت صاح غلطت ومشت بدون طوعنا ..بس في النهائية اسمها تزوجت بالحلال 😥
شافلها الحاج بنظرة حادة : الباين قلبك بدأ ايحن عليها ...أنا من اول يوم قتلك معاش عندي بنات غير أمنة 😡
عائشة : غلطت وكلنا نغلطوا ياحاج ...بالله عليك سامحها 🥺
الحاج فضيل : غلطت اتحمل نتيجة غلطها ..ماحد ضربها على يدها وقاللها تجري في جرة واحد صايع ضايع كيف إبراهيم
عائشة : لكن ياحاج بنتك صغيرة واااا...
صبا الحاج بعصبية : الكلام أنتهى من زمان ..وبنتك بالنسبة لي ماتت من اول ماخطت اول خطوة برا الحوش هذا من غير أمري...معاش نبي نسمع اسمها مرة اخرى 😤
عائشة بلعت غصتها وكلامها ...ونزلت اعيونها تبكي 😭
الحاج فضيل طرح الصلاية ...شافلها وهز راسه بأسف : لا حول ولا قوة الا بالله العلي العظيم
رفع ايديه كبر للصلاة ...وانتهى النقاش بينهم نفس كل مرة ...وعائشة قلبها وجعها على بنتها 💔
.
.
.
جمانة وجنى وصباح وجليلة في الدار يهدرزوا ..وكريمة مشت لدارها مع هدى ...ومنال ركبت للشقتها
جنى : يعني عمو كمال بيطول في الحبس ؟ 🥺
جليلة : بعيد السوء عليه ...إن شالله بكرا تنحل القصة ويطلع
صباح : صبي ماما ..غيري لابسك وخشي ارقدي ليل بكرا عندك جامعة
جنى : مازال بدري ماما 🥺
صباح : بدري وين ..شوفي الساعة كم ؟!! ..هيا سلم بنتي
جنى صبت بلا نية : حاضر هيا
خالد خش للصالة ينادي : صباح ..صباح
صبت صباح وطلعت وراء بنتها جنى : نعم
خالد : مازلتي نايضة يابابا ؟!
جنى شدت في يد بوها بدلع : تعرفني مانقدرش نرقد لعند انشوفك
خالد : اكيد عشان مصروفك بس
جنى ضحكت وضمت بوها
خالد شاف لصباح : بترقدوا هنا ؟ انا بنمشي للحوش
