#تسونامي
#الحلقة_15
.
.
.
لايك قبل تقري 😘
.
.
.
صباح في يدها سفرة فيها كباية حليب دافئة بالقرفة ..فتحت دار جنى وخشت : خير
جنى قمعزت بوجه تاعب : اهلين ياماما
صباح : شن اتحسي روحك توا ؟
جنى : اكويسة ..عندي لية خفيفة بس😥
صباح قمعزت واعطتها كباية الحليب : خودي اشربي هذه اكويسة ادفيك وتريحك
جنى خذت الكباية : ربي يخليك ليا
خالد دق على الباب وخش : صباح الخير
جنى متحشمة ساوت قعدتها : صباح النور
خالد بأستغراب : كيف مش ماشية للجامعة اليوم ؟!
جنى وجهها احمر وشافت لامها : لا مش ماشية
خالد بحت لابنته بأهتمام : كنك مريضة والا كيف ؟!
جنى انحرجت 😣 وصباح ردت طول : البنت شكلها واخذ برد وعندها لية ماتقدرش تمشي
خالد : بعيد الشر عنك يابابا ..ناخذك انعاينك ؟
جنى شافت لامها وهزت راسها لالا
صباح ابتسمت وصبت : مافيش داعي ...خذت دواء وتشرب حاجة ساخنة توا اتريح ..تعالى نبي نوصيك على حاجات من السوق قبل تتطلع
خالد شاف لابنته بقلق : هيا هيا ..وانتي تغطي وادفي اكويس معاش تتطلعي للصقع
ابتسمت جنى لابوها وهوا طالع وراء امها ....وانسندت تشرب في حليبها ..وتضحك عشان بوها مش فاهم كنها 😁
.
.
.
.
جهاد واقف مع امنة برا عند غرفة جمانة : يعني اليوم ماتطلعش ؟
امنة : لا الدكتورة قالت خليها اليوم لعند نطمنوا عليها وبكرا لو قعدت اكويسة تطلع
جهاد : تمام ..باهي أنتي بتروحي والا كيف ؟
امنة : لا مانقدرش انخليها ابروحها ...نقعد امعاها وشريفة قاعدة مع أمي
جهاد : تمام أنا نبي ناااااا....
فونه ايرن وكان كمال يتصل بيه رد 👇
جهاد : الو
كمال : الو صباح الخير
جهاد : صباح النور ..شن اخبارك ؟
كمال : تمام والله ..شن اخباركم واخبار العيلة ؟
جهاد : بخير الحمدالله
كمال : بنسالك عن جمانة انكلم فيها ماتردش
جهاد : امم تليفونها في الحوش مش معاها ..تبي حاجة ؟
كمال : لا سلامتك ..المهم انها بخير ..غير انشغلت عليها
جهاد : والله شن بنقولك ...جمانة تعبت اشويا وشلتها للعيادة
كمال بخوف : كنها شن فيها ؟
