#تسونامي
#الحلقة_22
.
.
.
لايك قبل تقري 😘
.
.
.
#فلاش_باك 👇
.
.
جمانة جايبة كرت فرح كمال وجت لحوش نوال تعزم في بوها وامها ...طبعا كانت متحشمة من نوال ..بس ماتقدرش ماتعزم هلها ..لانها علاقتها بيهم قوية وفي بينهم مشي وجي وام نوال ممكن تستغرب لو جمانة ماعزمتهم
.
.
خشت جمانة بعد ماسلمت على نوال وندى ..ومشن قمعزن في دار الضيوف وندى مشت تقرا عشان امتحاناتها
نوال صبت : انطيب قهوة وانجي
جمانة : تمام
نوال طلعت مع خشت امها : اهلين جمانة ..زارتنا البركة
جمانة صبت وسلمت عليها : اهلين ..كيف حالك ؟
ام نوال : بخير الله يسلمك . قمعزي تفضلي
جمانة قمعزت : كيف حال عمي مصطفى
ام نوال : بخير الله يسلمك ...مشى شور السوق ...مبروك نوال قالتلي عندكم عرس خوك
جمانة طلعت الكرت من شنطتها : الله يبارك فيك لعقبة لبنات
أم نوال خذاته تقرا فيه : ماشالله ..مبروك عليهم ..إن شالله بهناءهم
.
.
جمانة : باش اتفضلي انتي وعمي وفي عشاء يوم الاربعاء حلت الكسوة ضروري تحضري
ام نوال : باذن الله
جمانة : العقبة لنوال نفرحوا بيها
ام نوال تنهدت بحسرة : من وين ياحسرة ..وهيا اللي ايجيها ترفضه مش عارفة شن تبي ؟ 😥
جمانة مستغربة : وماجد ؟!
ام نوال : اي ماجد ؟!
جمانة : اللي جاء خطبها
ام نوال : يابنتي مانذكرش حد خطبها اسمه ماجد ..ممكن امكلمها وهيا رفضت من عندها
جمانة حست في شي غلط وقررت تسكت : ممكن ..والا انا املخبطة
ام نوال : في مرة جن بنات ايتعرفن عليها وماصارش نصيب ..بالك هوا هذا ؟
جمانة : بالك ..الله اعلم
نوال خشت بسفرة القهوة : ماما تبيك ندى
ام نوال صبت : هالحصلة هذي ..اكيد عشان لامتحان
نوال : مش عارفة ..قاعدة تتمحمط غادي وقالت نبي ماما
طلعت ام نوال ...ونوال قمعزت جنب جمانة : واحلى فنجال قهوة لاحلى صاحبة عرفتها
جمانة قلبت وجهها : لا باين 😒
نوال عقدت حواجبها : هذه كنها بسم الله ؟!!
جمانة : تكذبي عليا ..صار ماجد خطبك من هلك 😡
نوال بلعت ريقها : من قالك ؟ 😰
جمانة : ليش تكذبي عليا ..نبي نعرف بس ؟
نوال : ماما قلتلك ؟ 🥺 الله غالب نكذب عليك انا احسن مانخليك تكذبي على كمال 😥
