#تسونامي
#الحلقة_16
.
.
.
لايك قبل تقري 😘
.
.
.
إبراهيم بلع اللقمة بالغصب واعيونه بيطلعوا : حمل كيف ؟!!
وسن بتردد : حمل زي الناس 🥺
إبراهيم دف السفرة من قدامه معصب : حمل شن دوته توا ؟ ..نحنا في شنو والا شنو ؟ 😡
وسن رعشت من الخوف : وانا شن دخلني اتهزب فيا ..صار غصبا عني 😰
إبراهيم صبا وقرب منها : كيف غصبا عنك ؟! المفروض دايرة حسابك ...أنتي تقدري على الحمل وسريبه توا ؟
وسن : لا مانقدرش لكن شن اندير؟ صار وفضت
إبراهيم حط ايديه في شعره معصب ..مشى كم خطوة ورجع شافلها : الحمل هذا لازم ينزل
وسن : ينزل كيف ؟! 😰
إبراهيم : ينزل كيف ماينزل ...امشي لعيادة ..والا اطبخي عشبة والا ديري اي بلا اينزله 😡
وسن بخوف : شن تحكي إبراهيم ؟! أنا ابروحي خايفة اصلا مش عارفة شي 🥺
إبراهيم : المفروض فكرتي قبل تحملي ..انا من وين بنلقى فلوس نصرف عليكم ..افلوسي كلهم حطيتهم في إجار لشقة هذه ودبشك ولابسك اللي شريتيه للجامعة ومذاكرت ومش عارف شنو ..يادوب ندبر حق اوكال وشرب ويالله 😡
وسن صبت تبكي : الله غالب إبراهيم مش بيدي ...لكن والله تنزيل مانقدر عليه ...الله اعلم كم ليا حامل ومن امتى ..وبعدين حرام راهو 😭
إبراهيم : لا حرام لاشي ..الحمل مازال صغير نزليه وفكيني مش ناقصني وجع راس 😡
وسن : مش منزلة شي ..انا خايفة موت ابروحي ..وأنت ليش ماتشتغل زي الرجالة بدل مانك منخمد و راقد طول الوقت 😡
إبراهيم قرب منها وشدها من شعرها : معاش ترفعي صوتك عليا ..فاهمة والا لا؟ وانا راجل وغصبا عنك 😡
وسن اتفك في شعرها وتبكي : اااه....حول حرام عليك😭
إبراهيم دفها ورفع صبعه يهدد فيها : الحمل هذا بينزل وانتي زي البنت الطيبة ..وأنا بنشوف عيادة والا دواء عشان ينزله 😡
وسن : وربي حرام عليك ..وانا مش منزلة واللي تبي اديرها ديرها 😭
إبراهيم فنص فيها وهز راسه : بينزل وتوا انشوفوا ..ياوجه النكد 😡
ضرب السفرة برجله قلبها ..لابس جبوتيه وطلع خبط الباب 😤
وسن اتشوف للعشاء مقلوب على الفرشة ..قمعزت تبكي على حظها وسوء اختيارها وتفكيرها 😭
.
.
.
*************(( الكاتبة أم ناصر ))
.
.
.
رحمة ترعش وتندب ومعاش عرفت شن ادير 😣
ظافر : الو ..انتي يابنت ..الو ؟!!
رفعت رحمة فونها بيد ترعش ..وعقلها مشوش هذا من وين جاب رقمي ؟! وشن يبي فيا ؟ ..وانا حي عليا انهزب فيه وطالقة لساني ..ياربي يانعليا 😣
