#تسونامي
#الحلقة_21
.
.
.
لايك قبل تقري 😘 والحلقة تنزل كل يوم سبت وثلاثاء وخميس عشان معاش تلخبطوا
.
.
.
دخلت وسن الحاجات للمطبخ ...ونظمتها في الدولاب والثلاجة ...حست برغبة اطيب وجبة دسمة ..خاطرها في عشاء زي زمان عند هلها ...وجبة ساخنة من ديات امنة محضرة بكل حب ودفئ ..بس من وين ياحسرة 💔
.
.
وتت حاجتها على الطاولة وبدات ادير في عشاء على قيس ماتعرف ... رز بالخلطة ..وشربة وبطاطا ...حاولت اتكمل قبل ماينوض إبراهيم ...حطت طناجرها على الغاز ... وجهزت البطاطا للقلي بس ...وبدأت اتلم في حوستها .
.
.
وسط ضمانها للحوسة ..ناض إبراهيم وخش لحمام ...غسل وجهه وغير دبشه .وطلع خش المطبخ : خير 😑
.
.
وسن بخوف : اهلين
.
.
إبراهيم ايشم في ريحة اللحم اللي مطبخه بيه ..ويشوف لطناجر على الغاز : هذا شنو ؟!
.
.
وسن بلعت ريقها : انطيب في عشاء 😣
.
.
إبراهيم قرب من الغاز وقعد يفتح في الطناجر : ماهو انشوف وفيا اعيون ..عارفك اطيبي في عشاء ...من وين جبتي هذا كله ؟ 😡
.
.
وسن وخرت عنه : ججج جارتنا جابته لنا بدري ..قالت راجلها تاجر و كل شهر ايوزع في تموين
.
.
إبراهيم ايشوفلها ويقرب منها بعصبية : جارتنا من ؟ من وين تعرفيها ؟
.
.
وسن اتوخر : مانعرفهاش اول مرة انشوفها ..قالت تسكن في اخر الشارع 😰
.
.
إبراهيم : شن جابت ؟ مع من جت هنا ؟ 😡
.
.
وسن ترعش : جت ابروحها ..وجابت حاجات واجد 😣
.
.
إبراهيم فنص فيها ...ومشى قعد ايخبط في الدولاب ..يفتح ويشوف للحاجات ..ايفتش في الاكياس ..ويخبط ...واخر شي مشى فتح الثلاجة ..من لوطى كيف معبية خضرة ومعلبات ..وفوق الفريز فيه لحم ودجاج ..ومجمدات ثانية
.
.
تلفت عليها واعيونه نار وصوت عالي : من وين هذا كله ؟ من جااابه لك ؟ 😡
.
.
وسن خشت في بعضها وادموعها تجمعوا في اعيونها : والله العظيم زي مانقولك ..جابته ولية اول مرة انشوفها ..قالت الجيران دلونا عليكم 😰
.
.
إبراهيم هجم عليها وشدها من شعرها : ماهو منك ..اكيد اتفقفقي لجيران وتشكي..قتلك معاش نبي خلطة معاهم 😡
.
.
وسن : اااه ..اااه ..وربي مامشيت لاحد .ولا قلت لاحد شي ...اااه .حول حرام عليك 😭
.
.
إبراهيم فك سير سرواله واسحبه..و بدأ يضرب فيها على ظهرها ..و وسن اتعيط وتحاول تهرب منه وهوا يلحق فيها ويضرب 💔😭
.
.
ضربها لعند مسح كبده ..وبدا يلبس في سيره ..وانفاسه منقطعة من كثر الضرب ويشوفلها بغل ..وهيا مقمعزة على ارض المطبخ ..ضامة رجليها لصدرها وتبكي بحرقة 😭.
.
.
كمل لابس ورفع صبعه يهدد فيها : أخر مرة اتشوفي حد من غير علمي 😡
.
.
وسن بقهرة : غير نوض قبل باش يقعد عندك علم ..قطعني الشر وانتا راقد 😡😭
.
.
إبراهيم هجم عليها بيضربها برجله ..بس وسن خشت في بعضها وبرمت شور الساس : لا لا راني حامل حرام عليك 😣😭
ولانها حامل وخاف ايصير فيها شي ...مش حط اعصابه في العشاء
.
.
بدا ياخذ في الطناجر ويكب فيهم في الحوض ..الرز على الشربة 💔 : قاطعك بالشر صار انا ؟ اهو اقعدي من غير عشاء باش تعرفي الجوع كيف ؟ 😡
برم خذا سفرة البطاطا الجاهزة لقلي ...وفتح سطل الكناسة كبها فيه كلها
