#تسونامي
#الحلقة_12
.
.
.
.
لايك قبل تقري 😘
.
.
.
ظافر وامنة خشوا بسرعة كانت عائشة مريضة وتتألم ..رفعوها لعند قمعزت بالغصب وجهها يصب عرق ..وتعبانة
لابست امنة عباية على السريع رفعوها بينهم لسيارة وخذاها ظافر للمستشفى
.
.
.
جهاد معصب وقاعد مع عابد في السيارة
عابد : توا بالله عليك هذا حل يعني ؟
جهاد : املا شن تبيني اندير ؟! انقوله برافو عليك صحيت عليها المكالمة مع مراتي 😡
عابد : غير كان جيت وتكلمت معاه بهدوء ..وخليته يفهم غلطه ..مافيش داعي لضرب
جهاد : جيت اتكلمت معاه قبل ...لكن هوا مايبيش يفهم انه غلط في حقي ..لااا واخر شي قالي ليش تفكيرك رجعي ؟!! بالله عليك لو في مكاني بتسكتله ؟
عابد : مش عارف الحق
جهاد طلع فونه ..ويبي يدز رسالة لجمانة ...قطع عليه عابد
عابد : ماتقولي ليش عصبت وهجت هكي ...والا الحب بدأ يرجع والغيرة ضربت على الوتر الحساس ؟😏
جهاد شافله بنص عين : على اساس لو مراتي ومانحبهش ..عادي مافيش مشكلة يعني ؟! 😒
عابد : لا مش قصدي ...بس حسيتك زودتها اشوي
جهاد : والله هذا اللي طلع معايا ...مش كنت اتقولي دير اللي ايجي من قلبك ؟
عابد : اووووه أعترف خطير هذا 😏
جهاد انحرج ويبي ايصكر على الموضوع : بلا فسوية زايدة ..ترا شوفلي الملف هذا وقولي شن رائك فيه
وطلع ملف من قرج السيارة ومده لعابد
عابد فتح الملف وشاف للعقد وبعض الاوراق ...قلب شفته وهز اكتافه : مش عارف والله ..عقد قديم هذا ؟
جهاد : عقد الشراكة اللي بيني وبين بلقيس من قبل
عابد : وليش الشروط التعجيزية هذه ؟!
جهاد تنهد بعصبية : يبوا يجبروني على شي مانبيش ...كانوا يفرضوا في بلقيس عليا وتوا مازال مش عاجبهم 😑
عابد شافله بشك : مازلت مش متذكر شن صار بينك وبينها وكيف فسختوا ؟
جهاد : لا للاسف ...بس حاس بلقيس داسة عني شي او في شي أنا مش متذكره صار بينا ...لما نقعد انفكر ونحاول نتذكر انحس رأسي بينفجر
عابد : ماتستعجلش على شي ...عموما عندك موعد عند الدكتور قريب ..نمشوا وانشوفوا شن ايقول
جهاد : أنا مش ماااااا....
انقطع كلام جهاد على رنة فونه وكان ظافر
رد جهاد : نعم
ظافر : جهاد أمي تعبت علينا وخذينها للمستشفى
جهاد : امتى صار الكلام هذا ؟!
ظافر : توا من حاجة نص ساعة ..انا وامنة في المستشفى
