#تسونامي
#الحلقة_32
.
.
.
لايك قبل تقري 😘
.
.
جهاد والحاج فضيل والمعتصم وأمعاهم مجموعة شباب من الجيران واقفين في ممر العناية الفايقة ..وعلى وجوهم علامات الخوف والترقب
الحاج فضيل تنهد ومسح وجهه وقمعز القرفصاء من التعب ...جهاد شاف لبوه وتحرك من مكانه توجه لاول مكتب فيه ممرضين وطلب كرسي منهم ..ورجع قرب من بوه
جهاد : صبي قمعز هنا ياحاج
الحاج رفع أعيونه فيه و وقف على حيله وقمعز على الكرسي : الله يربحك ويريح بالك
جهاد شاف لبوه وبرم وجهه ورجع اتكى على الساس ..بس الكلمة قعدت تتكرر في ذهنه ..((يريح بالك )) هل حدس الاب خبر الحاج بتعب قلب ولده 💔
.
.
المعتصم مقمعز ركبة ونص ..ويده في فمه واعيونه مدمعة ويهز في جسمه بعصبية ..واعيونه على باب العناية ..ولسان حاله يقول ..تخيل خوك يموت وهوا زعلان منك ..والفكرة بروحها كانت مفزعة بالنسبة له 💔
الشباب معاه يحاولوا يصبروه ويطمنوا قلبه على خوه
.
.
بعيداً زحمة المستشفى ..وفي حوش الحاج فضيل ..كان البكاء والنحيب مسموع في أرجاء الحوش الكبير ..واللي من واحد لواحد تعبى بالناس من الجيران والاقارب اللي سمعوا بالخبر وجاءوا عشان يطمنوا على ظافر
امنة تبكي وتخبط على رجليها : يارب ..يارب خيي مازال عريس مازال مافرح بشبابه ..يارب رحمتك وعفوك ..يارب ماتحرق قلبي امي وباتي عليه ..يارب 😭
عائشة تبكي بصوت حتى هيا وتدعي لربها يحفظ ولدها ويرعاه ..وادموعها ماوقفوش من ساعة ماسمعت ..وقاعدات
الجارات يواسوا ويصبروا فيها
اما جمانة تبكي وتمسح على وجهه رحمة اللي قاعدة في حضنها ومنهارة بالبكى ..وكان بيدها اطير للمستشفى واتشوف ظافر بعيونها باش تطمن عليه 💔😭
الكلام هذا كله كان في سور الحوش ...مافيش حد يبي ايخش لعند يطمنوا على ظافر ... الباب انفتح فجاءة وخشت شريفة تجري واتخبط على وجهها وفي جرتها صفاء و الاعيال الصغار يبكوا 😭
شريفة تبكي واعيونها طالعات من الفجعة وتبرم وسطهن : ظافر كنه حي علينا ..كنه من ضربه ياربي..شن صار فيه 😰
صبت وحدة من الجارات تمسك فيها : تعالي ماتخافيش عليه ..إن شالله اكويس ..تعالي قمعزي قاعدة ترعشي من الفجعة
شريفة اتشوف لوجوه عائشة وامنة وجمانة ..وجت قمعزت جنب جمانة وتبكي : شفتي مش قتلك ..مش قتلك بتصير بدعة في العيلة 😭
جمانة : أهدي مافي غير الخير إن شالله ..ظافر باذن الله اكويس
عائشة : يارب ..يارب ياوليدي تقعد اكويس ..يارب ماتوريني فيه سوء ولاتقهرني عليه 😭
خشت غزالة من الباب تجري : يانعليا ..يانعليا ظافر كنه ..رحمة وين ؟
رحمة سمعت صوت امها صبت بسرعة ومشت تجري ضمتها وتبكي : حي عليا ياماما ..حي عليا ظافر ضربوه بسلاح 😭
