#تسونامي
#الحلقة_36
.
.
.
لايك قبل تقري 😘
.
.
.
رؤوف راقد في سريره بعد العشاء ويراسل في ندى هدرزة وضحك ..وفي نص الحديث قطع عليهم علي بأتصال على خوه
رؤوف أعتذر من ندى ورد عليه : الو
علي بصوت غريب : رؤوف وينك ؟
رؤوف : في الحوش
علي : تعالى نبيك بسرعة
رؤوف ساوى قعدته وعقد حواجبه مستغرب : كنك شن في؟!
علي بعصبية : مش وقت اسلئة رؤوف ..اطلع نبيك برا بسرعة قاعد قدام الحوش..لكن ماتخليش حد يفطنلك
رؤوف صبا والخوف بدأ يخش لقلبه : شن في علي ؟ شن صاير ؟
علي : خوك داير حادث في عقبة ## ..بسرعة رؤوف
رؤوف بصدمة : إبراهيم ؟!! لا حول ولا قوة الا بالله يستر الله
لابس في رجله بسرعة وطلع يجري لاخوه برا ...فتح السيارة وركب معاه وطول تلفت عليه : خوك شن صاير فيه ؟
علي وجهه اسود وطلع بالسيارة مشيطها : يستر الله ياراجل ...قالوا السيارة طايحة في الوادي
رؤوف قلبه يدق بسرعة وخاف على خوه : من قالك انتا ؟
علي : اتصل بيا عزالدين مؤمن ...تعرف على سيارته قاعدين يسحبوا فيها
رؤوف تنهد بتوتر ...ويهز في رجله بخوف ...والطريق قعدت طويلة ..والصدر ضاق ..والصبر مافي ..والتوتر سيطر عليهم ..وصمت مطبق ..بعيون حايرة ..ودعاء في السر 💔
أخيراً وصلوا لمكان الحادث ..نزلوا بسرعة ..زحمة سيارات وكلها متوجهة لجيهة الوادي باش ضيهم يعكس على الوادي ويشوف سيارة إبراهيم ...شباب ايعيطوا لبعضهم واحبال ورافعة
لاقوهم مازال يسحبوا في السيارة ..علي توجه لزحمة خش وسطهم ويعيط : ايش صار فيه ..طلع والا مازال ؟
عزالدين ولد عمهم سمع صوت علي وقرب منه : علي ..علييي
علي مشى شوره ورؤوف في جرته : ها شن صار ..إبراهيم وين ؟
عزالدين : إبراهيم طلعوه الشباب من السيارة من اشويا وخذوه للمستشفى وامعاهم رافع خوي
رؤوف ايشوف لسيارة يرفعوا فيها ...ادموعه طاحوا ..ورفع وجهه لسماء ياخذ في نفس
علي بخوف : شفته ياعزالدين ..شن وضعه واعي والا شنو ؟
عزالدين اللي شافه مايطمن لكن مابش يحكي : والله ماشفته كويس ..مغمى عليه والشباب خذوه بسرعة وطلعوا بيه للمستشفى الحكمة..إن شالله ماهناك سوء
علي مسح وجهه بيد ترعش ويشوف لسيارة وعقله قاله والله ..ماضني السيارة خاشة في بعضها معجنة 💔
تنهد بصعوبة والتفت على رؤوف : هيا نحنا امالا ..بسرعة
مشوا بسرعة ركبوا سيارتهم وطاورا بيها للمستشفى وكانت اقرب مستشفى لمكان الحادث
