#تسونامي
#الحلقة_6
.
.
.
لايك قبل تقري 😘
.
.
.
أمنة تبرم في المطبخ وامعاها مرات خوها ...ايجهزن في قهوة ..وشاهي ..والمربوعة معبية رجالة وشيوخ
.
.
.
ظافر خش للمطبخ متنرفز : هاضوم شن يبو ؟ 😡
أمنة شدت فيه : الله يربحك ..الله يربحك ياخيي ..خليك ساكت ..ماتحشمش بوك مع ضيوفه 🥺
ظافر : نبي نعرف شن مازال يبو ..مش ساد الفاسد ولدهم حط رؤسنا في التراب 😡
أمنة : هذا سريب ابروحه مادخلهمش فيه ..الناس تبي اترد للحوشهم ...أنتا عارف إبراهيم امتعب حتى هله ماحكموش فيه ..وباهي اللي داروا تنازل وطلعت.. رفعت السلاح مش ساهله راه
ظافر : غير انشوفه هو والكلبة اللي امعاه ...وديني مايفكهم من بين ايديا الا الموت 😡
أمنة بخوف : استهدي بالله بس..والكلبة وسن غير نعرف وينها نربيها من جديد
ظافر : لا تربيها لا نمي وربي نقطع رقبتها هي وياه 😡
المعتصم خش بسرعة : هيا امنة وين القهوة ؟
ظافر فنص فيه : تجري وتخدم عليهم ..هذه اخر صحبتك امعاه ال 🤬
المعتصم : ظافر خطاني مش فاضيلك
ظافر : صاح مش فاضي اتق🤬 لاهل ال🤬
المعتصم هد عليه : ضم فمك خيرلك 😡
وظافر هجم عليه شده من دبشه : عليش اتسكت فيا ..والا كلمة الحق وجعاتك 😡
امنة خشت بينهم تبكي : بالله عليكم فكونا من الفضايح ..الله يربحك ياظفورة عدي لدارك ..سادنا رعايش 😭
ظافر شاف لامنة ولانها تبكي ...فنص في المعتصم وطلع معصب 😤
المعتصم برم ويساوي في دبشه : تافه 😤
أمنة : اسس تحشم على وجهك ..خوك اكبر منك 😡
المعتصم : عطونا قهوة خلي نمشي صدعتوني 😑
عطاته أمنة القهوة ..وقمعزت على الكرسي..تخبط على رجليها : يانعليا ياربي شن جاءنا ..كل مرة صايرة حاجة ...مازلنا انعانوا في هم الكلبة وسن ..جتنا فجعة جهاد ...انا خلاص معاش عندي انياط للفجايع 😭
شريفة تبرم وترد في المواعين : حي علينا ..والله القصة هذه مستحيل تنتهي من غير قتل ..انا عارفة
شافتلها امنة وغمضت اعيونها وتنهدت بقل صبر 😤
شريفة اتحوس جاي وغادي : زعمك عمي ايوافق ايخليهم ايردوا لحوشهم ...إن شالله لا ياربي ..واقسم بالله ظافر ايحطهم على بعضهم ...انا من الاول كنت عارفة الجيرة الغبرة هذي مش حتمشي على خير
امنة وقفت بعصبية : ارحم بيك ...ضمي وانتي ساكتة ...مش ناقصني حرق دم
شريفة : باهي ياخية ..شن قلنا عاد ؟ ليش ماعطيتوه البنت من الاول وخلاص ..بدال الهم اللي نحنا فيه 😒
