#تسونامي
#الحلقة_42
.
.
.
لايك قبل تقري 😘
.
.
.
#ثاني_يوم_الصبح_في_الاجتماع👇
.
.
.
بلقيس رجل على رجل واتهز فيهم بعصبية : ممكن نعرف عليش لامين كلنا على الصبح 😒
جمانة اتشوفلها وفي بسمة على فمها : اصبري اشويا توا تعرفي 😏
بلقيس خذت كباية امية وتشرب ..وشافت لفارس مش فاهمة شي
باب المكتب انفتح وخش محامي جهاد : صباح الخير
كلهم : صباح النور
المحامي تحرك وجاء قمعز بين جهاد وجمانة على الكرسي الفاضي
جمانة رفعت راسها : بما ان المحامي جاء نقدر نتكلم ..طبعا كلكم تعرفوا قبل فترة ..أن اول مشروع ليا كان نصيبه الفشل ..وهذا طبعا بسبب ظروف خارجة عن ارادتي واردة الشركة ..وكان في خطأ في الشحنة
الحاج فضيل : الموضوع كان صعب وقتها ..بس الحمدالله تلافينا الضرر وقدرنا نرجعوا للسوق بفضل جهاد وفارس
جمانة شافت لجهاد : وانا مقدرة الشي هذا ..ونشكرهم لوقفتهم معايا ..او بالاصح مع الشركة ..بس انا بصراحة ماتعودت على حد يحل مشاكلي وكنت ديما انحب انحل كل شي بنفسي ..وفعلاً قعدت فترة كبيرة ندرس في القضية ونحاول نتوصل لسبب المشكلة ومن وين الخطأ
والتفتت جمانة على المحامي : وطبعا بمساعدة محامي جهاد ..قدرت نتوصل لتفاهم مع الشركة المصدرة ..وقدرت الحمدالله نثبت ان شغلنا كله كان سليم ولاغبار عليه
بلقيس بملل : وبعدين .مازلت مطولة الخطبة هذه ؟ شن صار ؟ 😒
جمانة شافتلهم كلهم وتنهدت ..واخر شي استقرت اعيونها على جهاد وهيا تتكلم ..وكأنها مايهمها شي غير ردة فعل جهاد لما يسمع
جمانة فتحت ملف قدامها وطلعت ورقة مطبوعة : هذا أعتذار رسمي من الشركة المصدرة ..وأن الخطأ كان من طرفهم ونحنا مش مسؤلين عليه ..وطبعا كان لازم يرجعوا بضاعتنا السليمة
الحاج عمران مش مصدق : يعني خلاص المشكلة انحلت والبضاعة بتجي
جمانة : هيا المفروض هكي ..بس انا لاغيت الصفقة معاهم ..وطالبت بترجيع فلوسنا ..ومعاش نبوا تعامل معاهم
الحاج : ماشالله عليك ..بس مرات ينزلوا قيمة لفلوس مادام بتفركشي معاهم الصفقة
جمانة : لا ماتخافش ياحاج ..فلوسنا خذيناهم على أخر قرش ..ومش بس هكي ..وفوقهم تعويض معتبر
جهاد ايشوفلها ومبتسم ..ايحب ايشوفها قوية ❤
بلقيس بحقد : شن درتي باش قدرتي تقنعيهم 😏
جمانة صبت : مافيش داعي نقنعهم ..لان القانون معانا
والتفتت على المحامي : الاستاذ معاه صكوك بالمبالغ المستردة من الشركة ..واكيد فوقهم مبلغ التعويض ..وانا من بعد اذنك ياحاج ..طلبت منه يرجع فلوس الاستاذ فارس
