#تسونامي
#الحلقة_49
.
.
.
لايك قبل تقري 😘
.
.
.
وسن خشت تبكي ..و رؤوف وراءها طالق السانه ويهزب ..وغزالة ناضت من مرقدها على صوتهم
غزالة بخوف : شنو في ياوليدي ؟ شن صاير ؟
رؤوف عزق شنطتها : الهانم هذه مش عاجبها العيشة وسطكم وتبي تهرب اخرى ..وأنتي تبيني انردها 😡
غزالة اتشوف لوسن بأستغراب والشنطة : تهرب وين ؟ الكلام هذا صاح يا وسن ؟!!
وسن تشهق : مانبيش نتزوج مرة ثانية ..ومانبيش مشاكل لاحد ..وأنا عارفة روحي مضايقتكم كلكم ..خلوني نمشي للملجا عشان اتريحوا كلكم 😭
غزالة خبطت على وجهها : ملجا شن دوته اللي تقعدي فيه؟!! تبي تفضحينا قدام العرب 😰
وسن اتهز في رأسها : لا والله مش هكي ..بس أنا خلاص اتعبت ومليت ونبي انحط راسي وتريح
رؤوف بعصبية : اتريحي انتي ونحنا ايجينا وجع الرأس 😡
وسن ببكى وعصبية : ماهو أنتا السبب الاول اللي خلاني نطلع من هنا 😡😭
رؤوف قرب منها : وأنا شن دخلني فيك..امتى عمري جيت شورك والا كلمتك ؟! 😡
وسن : عليش واخذ وجهك من الحوش واعميمة زعلانة منك ؟ ماهو كله بسببي انا وبنتي ..خلوني نمشي وكل شي ايرد زي قبل 😭
رؤوف قرب بعصبية : معاش اديري عذر بيا لما تبي تصيعي وتمشي بكيفك 😡
وسن بقهرة : احترم نفسك واعرف شن تقول 😭
غزالة خشت بينه وبينها : عيب يا رؤوف كلامك ..اسكت هذا شنو ؟
رؤوف : ماهو كله منك ادافعي عليها وادلعي فيها ..وهذه اخرتها طالعة من راسها ومش معبرة حد ولا محترمة حد😡
غزالة : وأنا عليش كنت نحكي ؟ ماهو عشان يوم زي هذا ..كذا قولي باي صفة تبي تشوخ عليها وتحكم فيها
رؤوف : نحكم فيها وغصبا عنها ..مش قاعدة في شارع هيا 😡
وسن وجعها الكلام : مانبي حد يشوخ عليا ويحكم فيا . انا متربية احسن تربية ونعرف روحي شن قاعدة اندير ..معاش تدخل بيا 😭
رؤوف ايتحزز عليها وغزالة ادف فيه : لا متربية صاح !! صكري فمك مانبيش نغلط فيك اكثر من هكي 😡
غزالة دفاته : رؤوف كنك شن صارلك ؟ أهدا اشوي وخلينا نتفهموا بشويش
رؤوف رفع صبعه يهدد : مافيش تفاهم ..هذه وحدة مش متربية ولازم حد يربيها من جديد 😡
وسن بعصبية وبنتها قعدت تبكي من الخوف : متربية غصبا عنك ...ومعاش قعدتلكم هنا بناخذ بنتي ونمشي وماحد يقدر يمنعني 😡
رؤوف : تبي تمشي مربوحة ماحد ماسكك لكن بنت خوي مافيش طلوع من هنا 😡
وسن : بنتي وناخذها بالقانون مالكش دخل بينا 😡
