#تسونامي
#الحلقة_61
.
.
.
رواية حرفة وحلقة اخيرة احرف منها ..ماتبيش تكمل 😤 ياولله صدقت ياولد الحاج ..ليلة حرفة وخلاص ...المهم هذه حلقة ومازل في حلقة اخرى نكتب فيها ...الرواية ماتبيش تكمل 😃
.
.
.
نزلت من فوق وهيا متوترة وترجف ..شافت للسفرة اللي شايلتها بين ايديها ..وكانت متاكدة من نفسها ماشية صاح
تنهدت امنة بتوتر وخذت نفس كبير قبل مادق على الباب الوسطي متاع الحوش
عُلا من جوا : باهي باهي هيا جيت
فتحت الباب وشافت لامنة : أهلين ..شن اخبارك ؟
امنة : بخير الحمدالله ..كيف حالكم ؟ وحال عمتي إن شالله توا احسن ؟
عُلا : لا الحمدالله وضعها احسن ..في الليل تسمر من رجلها لانها تسطر فيها ..بس باقي اليوم احسن
امنة : اكيد لانها قاعدة تبرأ
عُلا وخرت عن الباب : حي والله نسيت روحي ..خشي خشي ..تعالي
ابتسمت امنة وخشت وعُلا صكرت الباب وخشت وراءها
تلفتت امنة عليها : عمتي وين ؟
عُلا: قاعدة في دارها ..خشي تفضلي
امنة : نبي انشوفها
عُلا شافت لسفرة في يد امنة ..وكانت خايفة من ردة فعل امها ..بس تحشمت من أمنة : تفضلي خشيلها في الدار
مشت عُلا قدامها ..ووقفت على باب الدار وشافت لامنة : تعالي امنة تفضلي
بلعت امنة ريقها بتوتر وقربت من الدار وخشت : السلام عليكم
عمتها : وعليكم السلام 😒
قربت امنة منها وحطت السفرة على الكمدينو جنبها : إن شالله لاباس عليك
عمتها شافت لسفرة : مافيش داعي ..تعبتي روحك 😒
امنة ابتسمت وشافت لعُلا : مافيش تعب ...طيبتلك سحلب عشان رجلك تجبر بسرعة ..ودرت قلاية وقلت انذوقك منها
عمتها قلبت اعيونها وشافت لعُلا : سلم ايديك ..خوذي السفرة هذه يابنت للكوجينة ماعنديش نية توا ..وطفوا الضي خلوني نرقد
عُلا شافت لامنة وحست بأحراج وهزت راسها بحزن وقربت تبي ترفع السفرة
امنة قربت منها بسرعة : خليها ياعُلا ..واطلعي انتي انا توا نلحقك
عُلا شافت لامها وبعدين شافت لامنة اللي هزت راسها بمعنى خليني معاها بروحي
طلعت عُلا ..وامنة تنهدت وشافت لعمتها : ليش ماتبيش تتقبليني في حياتك وحياة ولدك ؟!
عمتها بحتت فيها وبرمت وجهها ماردتش 😒
امنة قربت منها وقمعزت على الكرسي مقابلها : أنا مانبيش نكذب عليك ونافقك وانقولك أنتي زي امي ومش عارفة شنو ..لانه مافيش حد ايجي مكان لام ..بس انتي أم محمد زوجي وأنا من واجبي نحترمك ونقدرك ومهما شفت منك مستحيل تطلع مني كلمة او تصرف يقلل من قيمتك ومكانتك في هالعيلة ..أنا عارفة انك كارهتني ومش حابة زواجي من محمد من الاساس ..بس هذا مش ذنبي ..أنا ماكنتش نعرف أنك رافضة الزواج هذا .ولو كان عندي علم منه ماكنتش وافقت عليه اصلا ...بس صارت وخلاص ..وانا توا مرات ولدك ولازم تتقبلي الشي هذا .
