#تسونامي
#الحلقة_8
.
.
.
.
ضم جهاد يده بقوة ...وغمض اعيونه ...وقف مكانه ايشوف لبلقيس بحقد لعند نزلت ...تنهد بعصبية ورجع للشقة بسرعة
فتح باب الحمام وخش ...لاقى جمانة واقفة ترعش 😰
جهاد بصدمة : شن اديري هنا ؟!!
جمانة ترعش واللسانها ارتبط : ااءء ككك كنت نغسل في يدي 😣
بدأ جهاد ايبرر : جيت مع بلقيس هنا ..عشان نعرف شن صار بينا قبل واااا..
قصت عليها جمانة وجت قربت منه : كنها يدك ؟😰
شاف ليده وعض على شفته ومشى للحوض فتح لامية : انجرحت توا
جمانة قربت اتشوف : ترا ووريني ؟
جهاد شافلها وفتح يده : جرح بسيط ..ماتخافيش
جمانة : كيف انجرحت ؟
جهاد يغسل في يده : خبطت في حديدة الدروج
مسحت جمانة تحت اعيونها بخفة ..وطلعت من الحمام : خلي انجيب شاش تربطها بيه
طلعت من الحمام بسرعة ...ومشت خشت لدار النوم ..وقفت على الساس ...حطت يدها على صدرها ...وتنفست بصعوبة عشان اتماسك قدامه😣
شافت نفسها على المراية مسحت بأسفنجة البودرة تحت عينها ..ماتبيش جهاد ايشوف ادموعها ...وبعدين خشت لحمام الدار كان في صيدلية صغيرة ..خذت منها قطن وشاش وطلعت
نزل جهاد رأسه والامية اتصب ...عقله مشوش ..واعصابه خلاص ...رفع وجهه في المراية فوق الحوض ...شاف لوجهه كيف متوتر ...رفع شعره عن جبينه ...تنهد وصكر لامية
جمانة طلت من الباب : كملت غسل ؟
جهاد شاف ليده : الجرح مفتوح الدم ماباش ايوقف
جمانة : لازم تربطه ..تعالى معايا
مشت وجهاد طلع وراءها ..ومستغرب ردة فعلها الهادية ..وحتى ماسألتش عن بلقيس
قمعزوا في الصالة ...وجمانة شدت يده وحطتها على رجليها
فتحت القطن ..وتمسح في الدم ..وجهاد ايشوفلها وساكت
كملت مسح ..طلعت الشاش من كيسه ..وبدأت اتلف في يده
جمانة من غير ما اتشوف لجهاد : شن كنت تبي تعرف من بلقيس ؟
جهاد : جمانة انا مش متذكر اي شي قبل ما نفسخوا ...نبي نعرف شن صار بينا وقتها
جمانة اتلف في الشاش وماتبيش اتشوفله : ليش تبي تعرف ...شن ايهمك انتا ؟
جهاد : الموضوع مش زي ما تفكري انتي ..الموضوع معقد مع بلقيس
جمانة : قولي عشان نعرف
جهاد : انا شن قتلك على بلقيس وقت كنا في أندونيسيا ؟
جمانة : ماقلتش واجد ...يعني بلقيس فسخت الخطوبة ..وانتا ماتبيش تتكلم على ماضيك امعاها
