#تسونامي
#الحلقة_54
.
.
.
لايك قبل تقري 😘
.
.
.
رحمة اليوم ناضت بنشاط غير عن كل الايام اللي فاتت ..شعور بالسعادة محاوطها وهيا تتحرك في شقتها ..وتلم في حوسة فطورها مع ظافر ..بعد قضوا اجمل ليلة للاعترافات الرومنسية ..وكل واحد فيهم قال اللي في خاطره لثاني
.
.
ظافر وقف بالمراية ..ويساوي في ملابسه ..خشت عليه والابتسامة واضحة على وجهها
رحمة قربت منه : كملت حبيبي ؟
عقد حواجبه وشافلها ..مش متعود على الكلمة ..وهيا انحرجت
حط يده على خدها : كملت ..نبي نمشي تبي حاجة انجيبها قبل نطلع ؟
رحمة : لاسلامتك ..حتى انا كملت خليني ننزل معاك
ظافر خذا شيشة العطر ويبي يبخ منها ..خطفتها من يده ..شافلها زين وابتسم : هاتيها
رحمة خبتها وراءها وتراجعت للخلف : لا ..معاك بنات في العمل ؟
ظافر يقرب منها : معايا اها . ..هاتي
رحمة : ليش اتبخ في عطر ..لمنو تتعطر غادي 😒
ظافر شدها بسرعة وسحبها ليه ونزل وجهه على وجهها : مافيش معايا بنات في المكتب ..وحتى لو فيه ..أنتي اكثر وحدة تعرفيني مانحبش لاختلاط
ابتسمت ورفعت اعيونها فيه : انبصر معاك ..أنا بنحطلك بنفسي
فتحت العطر ...وبخت على ملابسه من بعيد ..وبعدين بخت على رقبته ومسحت بيديها على لحيته ..وشدت في اطراف جاكته وارتفعت لعند طبعت بوسة على خده
لف يده على اكتافها وباس جبينها : هيا خلاص ..تاخرت ..وحتى انتي تاخرتي على أمي
رحمة وخرت عنه وقعدت تغير في دبشها على السريع : هيا خلاص كملت
لابست وشاحها ..وتلفتت عليه : اها بعد خطرها ..اليوم بنعزم جهاد وجمانة على الغداء
ظافر : براحتك ..بس بلغيهم بدري
رحمة : إن شالله ..بصراحة منشغلة على جمانة الحمل متعبها وقلت اليوم انريحها وتتغدى معنا
ظافر : بارك الله فيك ..ديري اللي يريحك
رحمة : تمام
نزل ظافر..ونزلت معاه ..طلع من المدخل وهيا وراءه ..وقف عند الباب الوسطي ورفع يده وعقد حواجبه : خلاص خشي جوا 😑
ابتسمت وتراجعت : حاضر ..بالسلامة
ظافر : سلمك ..اوكيه
طلع وصكر الباب وراءه ..وهيا تنهدت وخشت مبتسمة ..مستحيل يتغير طبع ظافر الغيور ..بس على الاقل عرفت سبب غيرته عليها بالشكل هذا ..ومادام يعامل فيها بأحترام ومش منقص عليها شي ..يبقى مافيش مشكلة ❤
.
.
.
خشت رحمة ولاقت عمتها عائشة تحوس في المطبخ : صباح الخير
