ﺳﺠﻞ ﺍﻟﺘﻌﺪﻳﻼﺕ
ﺃﻡ ﻧﺎﺻﺮ ◀ ﺭﻭﺁﻳﺎﺕ ﺃﻡ ﻧﺎﺻﺮ
# ﺗﺴﻮﻧﺎﻣﻲ
# ﺍﻟﺤﻠﻘﺔ 35_
.
.
.
ﻻﻳﻚ ﻗﺒﻞ ﺗﻘﺮﻱ
.
.
.
ﺟﻬﺎﺩ ﻧﺎﺽ ﻣﻦ ﻋﻠﻰ ﺟﻤﺎﻧﺔ ﺑﻌﺪ ﺳﺎﻋﺔ ﺗﺒﺎﺩﻝ ﻓﻴﻬﺎ ﻻﺛﻨﻴﻦ ﺍﻟﺤﺐ ﻭﺍﻟﺸﻮﻕ .. ﻛﻞ ﻭﺍﺣﺪ ﻣﻨﻬﻢ ﺃﻃﻠﻖ ﺍﻟﻌﻨﺎﻥ ﻟﻜﻞ ﻣﺸﺎﻋﺮﻩ ﻭﺃﺣﺴﺎﺳﻪ ﻭﻋﺒﺮ ﻋﻦ ﺷﻮﻗﻪ ﻭﺭﻏﺒﺘﻪ ﻣﻊ ﻛﻞ ﻟﻤﺴﺔ .. ﻛﻞ ﻧﻔﺲ .. ﻛﻞ ﺑﻮﺳﺔ ﻭﻛﻞ ﺣﻀﻦ ﺗﺮﺟﻢ ﺍﻟﺤﺐ ﺍﻟﻤﻜﺒﻮﺕ ﺑﻴﻨﻬﻢ
ﻗﻤﻌﺰ ﻋﻠﻰ ﻃﺮﻑ ﺍﻟﺴﺮﻳﺮ ﻳﻠﺒﺲ ﻓﻲ ﺳﺮﻭﺍﻟﻪ .. ﻭﺟﻤﺎﻧﺔ ﻗﻤﻌﺰﺕ ﻭﻏﻄﺖ ﻧﻔﺴﻬﺎ ﺑﺎﻻﺭﻏﺎﻥ .. ﻭﺟﺴﻤﻬﺎ ﻣﺎﺯﺍﻝ ﻳﺮﺟﻒ : ﻟﻴﺶ ﺟﻬﺎﺩ ؟
ﺟﻬﺎﺩ ﻻﺑﺲ ﻭﺻﺒﺎ ﺷﺎﻓﻠﻬﺎ : ﺷﻨﻮ ﺍﻟﻠﻲ ﻟﻴﺶ ؟
ﺟﻤﺎﻧﺔ ﺍﺧﺪﻭﺩﻫﺎ ﺗﻮﺭﺩﺕ ﺑﺨﺠﻞ ﻭﻧﺰﻟﺖ ﺍﻋﻴﻮﻧﻬﺎ : ﻟﻴﺶ ﺩﺭﺕ ﻫﻜﻲ ؟
ﺟﻬﺎﺩ ﺷﺎﻓﻠﻬﺎ ﺯﻳﻦ : ﻻﻧﻚ ﻣﺮﺍﺗﻲ ﻣﺜﻼ
ﺟﻤﺎﻧﺔ ﺷﺎﻓﺘﻠﻪ ﺑﻌﺼﺒﻴﺔ : ﻛﻴﻒ ﻣﺮﺍﺗﻚ ؟ ﻣﺎﻫﻮ ﻣﺘﻔﻘﻴﻦ ﻋﻠﻰ ﺍﻟﻄﻼﻕ ﺑﻌﺪ ﻓﺘﺮﺓ ؟
ﺟﻬﺎﺩ : ﺑﺲ ﻣﺎﺯﻟﻨﺎ ﻣﺎﻃﻠﻘﻨﺎ
ﺟﻤﺎﻧﺔ ﺑﻠﻌﺖ ﺭﻳﻘﻬﺎ ﻣﺘﻨﺮﻓﺰﺓ : ﻛﻴﻒ ﻳﻌﻨﻲ ؟ ﻟﺤﻜﺎﻳﺔ ﺑﺠﻮﻙ ؟ ﺍﻧﺎ ﻣﺶ ﻟﻌﺒﺔ ﻋﻨﺪﻙ .. ﻭﻣﺶ ﻣﻦ ﺣﻘﻚ ﺍﺗﻤﺴﻨﻲ ﻭﻗﺖ ﻣﺎﺗﺒﻲ
ﺟﻬﺎﺩ ﻗﺮﺏ ﻣﻨﻬﺎ ﻭﻗﻤﻌﺰ ﻭﻳﺸﻮﻑ ﻟﻌﻴﻮﻧﻬﺎ : ﺑﺲ ﺍﻟﻠﻲ ﺻﺎﺭ ﻛﺎﻥ ﺑﺮﺿﺎﻙ ﻭﻣﺶ ﻏﺼﺒﺎ ﻋﻨﻚ
ﺟﻤﺎﻧﺔ ﺑﺮﻣﺖ ﻭﺟﻬﻬﺎ : ﻻ ﻣﺶ ﺑﺮﺿﺎﻱ
ﺟﻬﺎﺩ ﺭﻓﻊ ﺣﺎﺟﺒﻪ : ﺃﺗﺤﺒﻲ ﺍﻧﺬﻛﺮﻙ ﺷﻦ ﻛﻨﺘﻲ ﺗﻬﻤﺴﻲ ﻣﻦ ﺷﻮﻳﺎ ﻭﺍﻧﺘﻲ ﺑﻴﻦ ﺍﻳﺪﻳﺎ ﻭﺗﺤﺖ ﻣﻨﻲ ؟
ﺟﻤﺎﻧﺔ ﺍﻧﺤﺮﺟﺖ ﻭ ﻭﺟﻬﻬﺎ ﺳﺨﻦ ﻭﻫﻴﺎ ﺗﺘﺬﻛﺮ ﻓﻲ ﺟﻬﺎﺩ ﻣﻦ ﺩﻗﺎﺋﻖ ﻛﻴﻒ ﻛﺎﻧﺖ ﺫﺍﺋﺒﺔ ﺑﻴﻦ ﺍﻳﺪﻳﻪ ... ﻭﻫﻮﺍ ﻳﻬﻤﺲ ﻓﻲ ﻭﺫﻧﻬﺎ
ﺟﻬﺎﺩ ﺑﻬﻤﺲ : ﺗﺒﻲ ﻭﺍﻻ ﻣﺎﺗﺒﻴﺶ؟
ﺟﻤﺎﻧﺔ ﺗﺮﻋﺶ ﻭﻫﺰﺕ ﺭﺍﺳﻬﺎ ﺑﺎﻟﻤﻮﺍﻓﻘﺔ
ﺟﻬﺎﺩ ﺣﺮﻙ ﺧﺸﻤﻪ ﻋﻠﻰ ﺭﻗﺒﺘﻬﺎ : ﺗﺆ ﺗﺆ ... ﻗﻮﻟﻲ ﻧﺒﻴﻚ
ﺟﻤﺎﻧﺔ ﺿﻤﺎﺗﻪ ﺑﻘﻮﺓ : ﻧﺒﻴﻚ ﺟﻬﺎﺩ
ﺟﻬﺎﺩ ﺟﺴﻤﻪ ﺍﻧﺘﻔﺾ ﻭﺯﺍﺩ ﺿﻤﻬﺎ ﺍﻛﺜﺮ : ﻭﺃﻧﺎ ﻣﻴﺖ ﻋﻠﻴﻚ
.
.
ﺟﻤﺎﻧﺔ ﻫﺰﺕ ﺭﺍﺳﻬﺎ ﺑﻌﺼﺒﻴﺔ ﺑﻌﺪ ﺗﺬﻛﺮﺕ ﺍﻟﻠﺤﻈﺎﺕ ﻫﺬﻩ ﺗﺤﺖ ﻧﻈﺮﺍﺕ ﺟﻬﺎﺩ ﻟﻬﺎ : ﺗﻌﺮﻑ ﺍﻧﻚ ﻭﺍﺣﺪ ﺣﻘﻴﺮ
ﺟﻬﺎﺩ ﺻﺒﺎ ﻭﻣﺘﺠﻪ ﻟﺤﻤﺎﻡ : ﻭﺍﻧﺘﻲ ﻭﺣﺪﺓ ﺟﺒﺎﻧﺔ
ﺟﻤﺎﻧﺔ ﺻﺒﺖ ﻋﻠﻰ ﺭﻛﺎﺑﻬﺎ ﻣﻦ ﻛﺜﺮ ﻣﺎﻋﺼﺒﺖ ﻭﺍﺗﺸﺪ ﻓﻲ ﻻﺭﻏﺎﻥ ﻋﻠﻴﻬﺎ ﺧﺎﻳﻔﺔ ﺍﻳﻄﻴﺢ ﻣﻨﻬﺎ : ﺟﺒﺎﻧﺔ ﻛﻴﻒ ؟ ﺷﻦ ﻗﺼﺪﻙ
ﺟﻬﺎﺩ ﺗﻠﻔﺖ ﻋﻠﻴﻬﺎ ﻭﻣﺒﺘﺴﻢ : ﺗﻘﺪﺭﻱ ﺍﺗﻘﻮﻟﻲ ﺷﻦ ﺩﺍﺳﺔ ﻋﻠﻴﺎ ؟
ﺟﻤﺎﻧﺔ ﺗﻮﺗﺮﺕ ﻭﺑﺎﻥ ﻋﻠﻰ ﻣﻼﻣﺤﻬﺎ : ﺍﺀﺍﺀ ﺷﻦ ﺩﺍﺳﺔ ؟ ﻣﺎﺩﺍﺳﺔ ﻋﻠﻴﻚ ﺷﻲ
ﺟﻬﺎﺩ ﻭﻓﻲ ﺑﺴﻤﺔ ﻓﻲ ﺍﻋﻴﻮﻧﻪ : ﺗﻤﺎﻡ ﻣﺎﺗﺒﻴﺶ ﺗﺤﻜﻲ ﺑﺮﺍﺣﺘﻚ
ﺟﻤﺎﻧﺔ ﺑﻌﺼﺒﻴﺔ : ﻫﺬﺍ ﺷﻨﻮ ﺟﻬﺎﺩ ؟ ﻓﻲ ﺷﻨﻮ ﻗﺎﻋﺪ ﺍﺗﻔﻜﺮ ؟
ﺟﻬﺎﺩ ﺍﺑﺘﺴﻢ ﻭﻗﺮﺏ ﻣﻨﻬﺎ ﺭﻛﺐ ﻋﻠﻰ ﺍﻟﺴﺮﻳﺮ ﻭﻫﻴﺎ ﺗﺮﺍﺟﻌﺖ ﻟﻠﺨﻠﻒ .. ﺑﺲ ﺟﻬﺎﺩ ﺷﺪ ﻃﺮﻑ ﻻﺭﻏﺎﻥ ﻋﻠﻰ ﺻﺪﺭﻫﺎ ﻭﺭﻓﻌﻪ ﻛﻮﻳﺲ .. ﻋﺾ ﻋﻠﻰ ﻓﻤﻪ ﻭﺷﺎﻑ ﻟﻔﻤﻬﺎ .. ﻭﺑﻌﺪﻳﻦ ﺷﺎﻑ ﻟﻌﻴﻮﻧﻬﺎ
ﺟﻬﺎﺩ : ﺗﺒﻲ ﺗﻌﺮﻓﻲ ﻓﻲ ﺷﻨﻮ ﺍﻧﻔﻜﺮ ﺗﻮﺍ ؟
ﺟﻤﺎﻧﺔ ﺑﻠﻌﺖ ﺭﻳﻘﻬﺎ ﺑﺘﻮﺗﺮ ﻭﻣﺎﺭﺩﺗﺶ ﻋﻠﻴﻪ
ﺟﻬﺎﺩ ﺃﺑﺘﺴﻢ ﻭﻳﺸﻮﻑ ﻟﺠﺴﻤﻬﺎ : ﻣﻦ ﻣﻨﻈﺮﻙ ﺗﻮﺍ .. ﺗﺬﻛﺮﺕ ﺍﻟﻠﻴﻠﺔ ﺍﻟﻠﻲ ﺭﻭﺣﺘﻲ ﻣﻌﺎﻳﺎ ﻟﻠﺸﻘﺘﻲ ﻓﻲ ﺍﻧﺪﻭﻧﻴﺴﻴﺎ .. ﺍﻟﻠﻴﻠﺔ ﺍﻟﻠﻲ ﻋﻄﻴﺘﻚ ﺩﺑﺸﻲ ﻋﺸﺎﻥ ﻣﺎﻣﻌﻜﺶ ﺩﺑﺶ ﻭﻗﺘﻬﺎ .. ﻭﻃﻮﻝ ﺍﻟﻮﻗﺖ ﻛﻨﺘﻲ ﺷﺎﺩﺓ ﺍﻟﺴﺮﻭﺍﻝ ﺧﺎﻳﻔﺔ ﻣﻨﻪ ﺍﻳﻄﻴﺢ ﻣﻨﻚ ... ﺿﺤﻚ ﻭﺻﺒﺎ
ﺟﻤﺎﻧﺔ ﻣﺘﻨﺮﻓﺰﺓ : ﻣﺎﻫﻮ ﻣﻨﻚ .. ﻗﻌﺪﺕ ﺗﺒﺮﻡ ﺑﻴﺎ ﻓﻲ ﺍﻟﻤﻜﺎﻥ ﻟﻌﻨﺪ ﺍﻟﺒﻨﺎﺕ ﺭﻗﺪﻭﺍ ﻭﺻﻜﺮﻭﺍ ﺍﻟﺒﺎﺏ ﻋﻠﻴﺎ
ﺟﻬﺎﺩ ﻣﺸﻰ ﻓﺘﺢ ﺩﻭﻻﺑﻪ : ﺑﺼﺮﺍﺣﺔ ﻛﻨﺖ ﻣﺘﻌﻤﺪ ﺃﻧﺘﺄﺧﺮﻭﺍ ﻳﻮﻣﻬﺎ ... ﻛﻨﺖ ﻧﺒﻴﻚ ﺗﻘﻌﺪﻱ ﻣﻌﺎﻳﺎ ﺍﻃﻮﻝ ﻭﻗﺖ ﻣﻤﻜﻦ .. ﻣﺎﻗﺪﺭﺗﺶ ﺍﻧﺨﻠﻴﻚ ﺗﻤﺸﻲ
ﺟﻤﺎﻧﺔ ﺍﻧﺼﺪﻣﺖ .. ﻭﺍﻻﻋﺘﺮﺍﻑ ﻫﺬﺍ ﺧﻼﻫﺎ ﺗﺰﻣﻂ ﺑﺎﻗﻲ ﻛﻼﻣﻬﺎ
ﺟﻬﺎﺩ ﺧﺬﺍ ﺩﺑﺶ ﻭﺻﻜﺮ ﺍﻟﺪﻭﻻﺏ ﻭﺗﻠﻔﺖ ﻋﻠﻴﻬﺎ : ﺷﻔﺘﻲ ﺃﻧﺎ ﻣﺶ ﺟﺒﺎﻥ ﺯﻳﻚ ﻭﻣﺴﺘﻌﺪ ﻧﻌﺘﺮﻑ ﻋﺎﺩﻱ
ﻭﺗﻮﺟﻪ ﻟﺤﻤﺎﻡ .. ﻭﺟﻤﺎﻧﺔ ﺍﺗﺸﻮﻓﻠﻪ ﻭﻣﻌﺼﺒﺔ : ﻧﻘﺪﺭ ﻧﻌﺮﻑ ﺷﻨﻮ ﺻﺎﺭﻟﻚ ﻭﻗﻠﺐ ﺣﺎﻟﻚ ﻫﻜﻲ ؟ ﻣﻦ ﺳﺎﻋﺔ ﻛﻨﺖ ﺗﻬﺰﺏ ﻭﺗﺒﻲ ﺍﻃﻠﻖ ﻭﺑﻌﺪﻳﻦ ﻓﺠﺎﺀﺓ ﺣﻨﻴﺖ ﻟﻠﻤﺎﺿﻲ ﻭﻛﻼﻣﻚ ﺗﻐﻴﺮ
ﺟﻬﺎﺩ ﺷﺎﻓﻠﻬﺎ ﻗﺒﻞ ﺍﻳﺨﺶ ﺍﻟﺤﻤﺎﻡ : ﺍﻟﺒﺎﻳﻦ ﻓﻘﺪﺕ ﺍﻟﺬﺍﻛﺮﺓ ﻣﻦ ﺟﺪﻳﺪ
ﻭﺍﺑﺘﺴﻢ ﻭﺧﺶ ﺍﻟﺤﻤﺎﻡ .. ﻣﺨﻠﻲ ﺟﻤﺎﻧﺔ ﺗﻐﻠﻲ ﻣﻦ ﺍﻟﻌﺼﺒﻴﺔ .. ﻛﻴﻒ ﻗﺎﻋﺪ ﻳﻠﻌﺐ ﺑﺎﻋﺼﺎﺑﻬﺎ ﻫﻜﻲ .. ﺃﻧﻚ ﺗﺘﺼﻨﻌﻲ ﺍﻟﻘﻮﺓ ﻭﺍﻟﺠﻠﺪ ﻗﺪﺍﻡ ﺍﻛﺜﺮ ﺃﻧﺴﺎﻥ ﺍﺗﺤﺒﻴﻪ ﻓﻲ ﺍﻟﺪﻧﻴﺎ ... ﻳﺒﻲ ﻋﺰﻡ ﻗﻮﻱ ﻭﻧﻔﺲ ﻃﻮﻳﻞ ... ﻭﻓﻲ ﻟﻠﺤﻈﺔ ﻳﻨﻬﺎﺭ ﻛﻞ ﺷﻲ ﻣﻦ ﻟﻤﺴﺔ ﻭﺣﺪﺓ .. ﻣﻦ ﻫﻤﺴﺔ .. ﻣﻦ ﻧﻈﺮﺓ ﻗﺎﺩﺭﺓ ﺍﺗﻬﺰ ﻛﻞ ﻛﻴﺎﻧﻚ .. ﻭﺗﻠﻘﻲ ﺭﻭﺣﻚ ﻣﺴﻠﻤﺔ ﻛﻞ ﺃﺳﻼﺣﺔ ﺩﻓﺎﻋﻚ ﻭﻣﻘﺎﻭﻣﺘﻚ .. ﻭﺭﺍﻓﻌﺔ ﺭﺍﻳﺔ ﺍﻻﺳﺘﺴﻼﻡ ﻋﻠﻰ ﺍﺭﺽ ﺍﻟﻤﻌﺮﻛﺔ .. ﺷﻲ ﻳﻨﺮﻓﺰ ﻭﻳﺤﺮﻕ ﺍﻟﺪﻡ
ﻭﻣﻊ ﻫﺬﺍ ﻛﻠﻪ ﻣﺎﺗﻘﺪﺭﺵ ﺟﻤﺎﻧﺔ ﺗﺨﻔﻲ ﺷﻌﻮﺭ ﺍﻟﺴﻌﺎﺩﺓ ﺍﻟﻠﻲ ﻛﺎﻥ ﻳﻼﻣﺲ ﻓﻲ ﻛﻞ ﺧﻼﻳﺎ ﺟﺴﻤﻬﺎ ... ﺷﻌﻮﺭ ﺍﻟﺮﺿﺎ ﻭﺍﻟﺮﺍﺣﺔ .. ﺑﻌﺪ ﻟﻴﺎﻟﻲ ﻃﻮﻳﻠﺔ ﻃﺎﻝ ﻓﻴﻬﺎ ﺍﻟﺠﻔﺎ ﻭﺍﻟﺒﻌﺪ .. ﻣﺴﺘﺤﻴﻞ ﺍﻟﻠﻲ ﺻﺎﺭ ﺑﻴﻨﺎ ﺍﻟﻠﻴﻠﺔ ﺍﻳﻜﻮﻥ ﻣﺠﺮﺩ ﺍﺷﺒﺎﻉ ﺭﻏﺒﺔ ﻋﺎﺑﺮﺓ ... ﻓﻲ ﺷﻲ ﺍﻗﻮﻯ ﻭﺍﺳﻤﻰ ﻣﻨﻬﺎ .. ﻓﻲ ﺷﻲ ﻻﻣﺲ ﺭﻭﺣﻲ ﻗﺒﻞ ﺟﺴﺪﻱ .. ﻻﻣﺲ ﻗﻠﺒﻲ ﻭﺧﻄﻔﻨﻲ .. ﺍﻭ ﺑﺎﻻﺣﺮﻯ ﺭﺟﻌﻨﻲ ﻟﻠﻮﺍﻗﻊ .. ﻭﺃﻗﻊ ﺃﻧﻪ ﺍﻟﻠﻲ ﺑﻴﻨﻲ ﻭﺑﻴﻦ ﺟﻬﺎﺩ ﺣﺐ ﺍﻛﺒﺮ ﻣﻦ ﺍﻧﻪ ﻳﻨﺘﻬﻲ ﻫﻜﻲ ﻭﺑﻜﻞ ﺳﻬﻮﻟﺔ ... ﻣﻤﻜﻦ ﻳﺘﻌﺜﺮ ﻭﻳﻄﻴﺢ .. ﻳﺤﺎﻭﻝ ﻳﻮﻗﻒ ﺛﺎﻧﻲ ﻭﻣﺎﻳﻘﺪﺭﺵ .. ﺑﺲ ﻣﺶ ﺣﻴﺴﺘﺴﻠﻢ ﻭﺣﻴﻮﻗﻒ ﻣﻦ ﺟﺪﻳﺪ .. ﻭﺣﻴﻜﻤﻞ ﻃﺮﻳﻘﻪ ﻓﻲ ﻣﻌﺘﺮﻙ ﺍﻟﺤﻴﺎﺓ .. ﻟﻌﻨﺪ ﻳﻮﺻﻞ ﺑﻴﻨﺎ ﻟﻨﺸﻮﺓ ﺍﻻﻧﺘﺼﺎﺭ .. ﺳﺎﻋﺘﻬﺎ ﻻ ﺍﻧﺎ ﻭﻻ ﺟﻬﺎﺩ ﺣﻨﻘﺪﺭﻭﺍ ﻧﻮﻗﻔﻮﺍ ﻓﻲ ﻃﺮﻳﻖ ﺣﺒﻨﺎ .. ﻭﺣﻴﻜﻮﻥ ﺃﻋﺘﺮﺍﻑ ﺑﻴﻨﺎ ﻋﻈﻴﻢ
.
.
ﺟﻬﺎﺩ ﺧﺶ ﺗﺤﺖ ﺍﻟﺪﺵ ﺑﺲ ﻋﻠﻰ ﻭﺟﻬﻪ ﺍﺑﺘﺴﺎﻣﺔ ﻏﺮﻳﺒﺔ ﺍﻳﺤﺎﻭﻝ ﻳﻜﺘﻤﻬﺎ ... ﺷﻌﻮﺭ ﺑﺎﻻﻃﻤﻨﺎﻥ .. ﻭﻣﻤﻜﻦ ﺣﺘﻰ ﺑﺎﻟﻨﺼﺮ .. ﻛﺎﻥ ﻣﺘﺎﻛﺪ ﺑﻴﻨﻪ ﻭﺑﻴﻦ ﻧﻔﺴﻪ ﻣﻬﻤﺎ ﺣﺎﻭﻟﺖ ﺟﻤﺎﻧﺔ ﺗﺨﺒﻲ ﺣﺒﻪ ﻓﻲ ﻗﻠﺒﻬﺎ .. ﺑﺲ ﻫﻮﺍ ﻗﺎﺩﺭ ﺍﻳﺤﺲ ﺑﻴﻪ ﺑﺮﻏﻢ ﻛﻞ ﺷﻲ
ﺗﻨﻬﺪ ﻭﺭﻓﻊ ﺷﻌﺮﻩ ﻭﺍﻋﻴﻮﻧﻪ ﻳﻠﻤﻌﻮﺍ : ﺗﺒﻴﻬﺎ ﻣﻌﺮﻛﺔ ﺍﻋﺼﺎﺏ ﻭﺣﺮﻕ ﺩﻡ ﻳﺎﺟﻤﺎﻧﺔ .. ﻭﻫﻴﺎ ﻫﻜﻲ ﻟﻼﺳﻒ ﺍﺧﺘﺮﺗﻲ ﺍﻟﺨﺼﻢ ﺍﻟﺨﻄﺄ .. ﺧﻠﻴﻚ ﻣﺼﻜﺮﺓ ﺭﺍﺳﻚ ﻭﻗﺎﻭﻣﻲ .. ﺑﺲ ﻧﻮﻋﺪﻙ ﺣﻨﺨﻠﻴﻚ ﺍﺗﺠﻲ ﻟﻌﻨﺪﻱ ﻭﺗﺤﻜﻲ ﻛﻞ ﺷﻲ ﻭﺗﻌﺘﺮﻓﻲ .. ﻭﺳﺎﻋﺘﻬﺎ ﻣﺶ ﺣﺘﻠﻘﻲ ﺭﺍﺟﻞ ﻣﻐﺮﻭﺭ ﻳﻌﻠﻦ ﻫﺰﻳﻤﺘﻚ .. ﺑﺎﻟﻌﻜﺲ ﺣﻨﻜﻮﻥ ﻣﻠﺠﺎﻙ ﺍﻻﺧﻴﺮ ﻭﺭﺍﺣﺘﻚ
.
.
.
))****** ﺍﻟﻜﺎﺗﺒﺔ ﺍﻡ ﻧﺎﺻﺮ ((
.
.
ﺑﻌﺪ ﻛﻢ ﻳﻮﻡ ... ﺭﺣﻤﺔ ﺍﺩﻕ ﻋﻠﻰ ﺑﺎﺏ ﺣﻮﺷﻬﻢ ﻭﺩﻣﻌﺘﻬﺎ ﻋﻠﻰ ﺧﺪﻫﺎ .. ﻭﺣﺎﺳﺔ ﺑﻜﺴﺮﺓ
ﻓﺘﺤﺖ ﺭﻭﺩﻳﻨﺔ ﺍﻟﺒﺎﺏ ﻭﺍﺭﺗﺴﻤﺖ ﺑﺴﻤﺔ ﻋﻠﻰ ﻭﺟﻬﻬﺎ ﺍﻭﻝ ﻣﺎﺷﺎﻓﺖ ﺭﺣﻤﺔ ... ﺑﺲ ﺍﻟﺒﺴﻤﺔ ﺍﺧﺘﻔﺖ ﺍﻭﻝ ﻣﺎﺭﺣﻤﺔ ﺭﻓﻌﺖ ﺧﻤﺎﺭﻫﺎ ﻭﺧﺸﺖ ﺑﺸﻨﻄﺘﻬﺎ
ﺭﻭﺩﻳﻨﺔ ﺷﺎﻓﺖ ﻻﺧﺘﻬﺎ ﻭﺷﻨﻄﺘﻬﺎ ﺑﺎﺳﺘﻐﺮﺍﺏ : ﺍﻫﻠﻴﻦ
ﺭﺣﻤﺔ ﺗﻤﺴﺢ ﻓﻲ ﻭﺟﻬﻬﺎ : ﺷﻦ ﺍﺧﺒﺎﺭﻛﻦ .. ﻭﺍﺧﺒﺎﺭ ﻣﺎﻣﺎ ؟
ﺭﻭﺩﻳﻨﺔ : ﺍﻟﺤﻤﺪﺍﻟﻠﻪ ﺑﺨﻴﺮ .. ﻛﻨﻚ ﺍﻧﺘﻲ ؟ﺑﺎﻛﻴﺔ ﻭﺍﻻ ﻛﻴﻒ ؟
ﺭﺣﻤﺔ ﺿﻤﺖ ﺭﻭﺩﻳﻨﺔ ﺗﺒﻜﻲ : ﺗﻌﺎﺭﻛﺖ ﻣﻊ ﻇﺎﻓﺮ
ﺭﻭﺩﻳﻨﺔ ﻃﻮﻝ ﺧﺬﺕ ﺍﺧﺘﻬﺎ ﻟﻠﻤﺮﺑﻮﻋﺔ ﻭﺧﺸﺖ ﺑﻴﻬﺎ : ﺍﺷﺸﺸﺶ ﺷﻦ ﺻﺎﻳﺮ ﺑﻴﻨﻜﻢ ؟
ﺭﺣﻤﺔ : ﻋﻠﻰ ﻣﻮﺿﻮﻉ ﺇﺑﺮﺍﻫﻴﻢ ﺍﻟﺤﻘﻴﺮ ﻭﻗﺼﺔ ﻭﺳﻦ
ﺭﻭﺩﻳﻨﺔ : ﻭﺍﻧﺘﻲ ﺷﻦ ﺩﺧﻠﻚ ؟
ﺭﺣﻤﺔ : ﻛﻴﻒ ﺷﻦ ﺩﺧﻠﻨﻲ .. ﻣﺎﻣﺎ ﻣﺎﻗﻠﺘﻠﻜﻢ ﺷﻲ ؟
ﺭﻭﺩﻳﻨﺔ : ﻋﺸﺎﻥ ﺭﺳﺎﺋﻞ ﺍﻟﺘﻬﺪﻳﺪ ﻭﻫﻜﻲ ؟
ﺭﺣﻤﺔ : ﺍﺍﻫﺎ
ﺭﻫﻒ ﺧﺸﺖ ﻋﻠﻴﻬﻦ : ﺍﻫﻠﻴﻦ ﻛﻴﻒ ﺍﻟﺰﻳﺎﺭﺓ ﻫﺬﻩ ؟
ﺭﺣﻤﺔ ﺳﻠﻤﺖ ﻋﻠﻴﻬﺎ : ﺧﻴﺮ
ﺭﻫﻒ : ﻛﻨﻜﻦ ﺷﻦ ﻓﻲ ؟
ﺭﻭﺩﻳﻨﺔ : ﺍﺧﺘﻚ ﻣﺘﻌﺎﺭﻛﺔ ﻣﻊ ﺭﺍﺟﻠﻬﺎ
ﺭﻫﻒ : ﻋﻠﻴﻚ ﻗﺼﺔ .. ﻧﺤﻨﺎ ﻛﻨﺎ ﺷﻦ ﺍﻟﻬﻢ ﻫﺬﺍ .. ﻣﻦ ﺣﺎﺟﺔ ﻟﺤﺎﺟﺔ
ﺭﺣﻤﺔ : ﻟﻴﺶ ﺷﻦ ﺻﺎﻳﺮ ﻋﻨﺪﻛﻢ ﻏﻴﺮ ﻗﺼﺔ ﺇﺑﺮﺍﻫﻴﻢ ؟
ﺭﻫﻒ ﺷﺎﻓﺖ ﻟﺮﻭﺩﻳﻨﺔ ﻭﺑﻌﺪﻳﻦ ﺗﻨﻬﺪﺕ ﻭﺗﻜﻠﻤﺖ : ﻣﺎﻣﺎ ﻳﻮﻡ ﺣﺎﺩﺙ ﻇﺎﻓﺮ ﻭﺑﻌﺪ ﺍﺗﺼﻠﺘﻲ ﺑﻴﻬﺎ ﻣﺮﺿﺖ ﻋﻠﻴﻨﺎ ﻭﻗﺒﻞ ﺟﺘﻬﺎ ﺟﻠﻄﺔ
ﺭﺣﻤﺔ ﺷﻬﻘﺖ : ﺣﻲ ﻋﻠﻴﺎ ﺷﻦ ﺻﺎﺭ ﻓﻴﻬﺎ
ﻭﺑﺘﺨﺶ ﺗﺠﺮﻱ ﺷﺪﺗﻬﺎ ﺭﻭﺩﻳﻨﺔ : ﺗﻌﺎﻟﻲ ﻫﻨﺎ .. ﻣﺎﻣﺎ ﻣﺎﻓﻴﻬﺎ ﺷﻲ ﺍﻛﻮﻳﺴﺔ .. ﻭﺭﺑﻲ ﻟﻄﻒ ﺑﻴﻬﺎ ﺍﻟﺤﻤﺪﺍﻟﻠﻪ
ﺭﺣﻤﺔ ﺗﺒﻜﻲ : ﻭﻟﻴﺶ ﻣﺎﺣﺪ ﻗﺎﻟﻲ ؟ ﻣﺎﻧﺘﺼﻞ ﺑﻴﻜﻦ ﻭﻧﺴﺄﻝ ﻋﻠﻴﻬﺎ ﺍﺗﻘﻮﻟﻦ ﺍﻛﻮﻳﺴﺔ
ﺭﻭﺩﻳﻨﺔ : ﻣﺎﻣﺎ ﻗﺎﻟﺖ ﻣﺎﺣﺪ ﻳﻘﻮﻝ ﻻﺧﺘﻚ .. ﺍﻳﺴﺪ ﺭﺍﺟﻠﻬﺎ ﺍﺗﻌﺎﻧﻲ ﻓﻴﻪ
ﺭﺣﻤﺔ ﻏﻤﻀﺖ ﺍﻋﻴﻮﻧﻬﺎ .. ﻟﻤﺎ ﺗﺬﻛﺮﺕ ﻇﺎﻓﺮ .. ﻭﺍﺩﻣﻮﻋﻬﺎ ﻳﻨﺰﻟﻮﺍ ﺑﻘﻬﺮﺓ : ﺑﺎﻫﻲ ﻭﻳﻨﻬﺎ ﻧﺒﻲ ﻧﺸﻮﻓﻬﺎ ؟
ﺭﻭﺩﻳﻨﺔ : ﻣﺎﺗﺨﺸﻴﺶ ﻋﻠﻴﻬﺎ ﻫﻜﻲ ﺗﻔﺠﻌﻴﻬﺎ ﻣﺶ ﻧﺎﻗﺼﻬﺎ ... ﺍﻏﺴﻠﻲ ﻭﺟﻬﻚ ﻭﺧﻠﻴﻚ ﻋﺎﺩﻳﺔ .. ﻭﻣﺎﻓﻴﺶ ﺩﺍﻋﻲ ﺗﻌﺮﻑ ﺍﻧﻚ ﻣﺘﻌﺎﺭﻛﺔ ﻣﻊ ﻇﺎﻓﺮ
ﺭﺣﻤﺔ ﺗﻨﻬﺪﺕ ﺑﺤﺰﻥ : ﻣﺎﻫﻮ ﺗﻮﺍ ﺗﻌﺮﻑ ﺑﺮﻭﺣﻬﺎ ... ﻇﺎﻓﺮ ﻗﺎﻟﻲ ﻟﻤﻲ ﺩﺑﺸﻚ ﻭﻋﺪﻱ ﻻﻫﻠﻚ
ﺭﻫﻒ : ﺷﻨﻮ ؟ ! ﻫﺎﻟﺤﻘﻴﺮ ﻫﺬﺍ .. ﻭﺍﻧﺘﻲ ﺷﻦ ﺩﺧﻠﻚ ﺑﺎﺧﺘﻪ
ﺭﻭﺩﻳﻨﺔ : ﺍﺳﻜﺘﻲ ﻭ ﺻﻜﺮﻱ ﻓﻤﻚ .. ﺣﺎﺟﺔ ﻣﺶ ﻋﺮﻓﺘﻬﺎ ﻣﺎﺗﺪﺧﻠﻴﺶ ﻓﻴﻬﺎ
ﺭﻫﻒ : ﻭﺣﻖ ﺭﺑﻲ ﻟﻮ ﻣﻜﺎﻧﻚ ﻣﺎﻋﺎﺩ ﺍﻧﺮﺩ ﻣﻌﺎﻩ ﻟﻌﻨﺪ ﺍﻧﺸﻌﻔﻪ ﻋﻠﻴﻬﺎ
ﺭﺣﻤﺔ ﺗﻤﺴﺢ ﻓﻲ ﻭﺟﻬﻬﺎ : ﺍﻧﺎ ﻓﻲ ﺷﻨﻮ ﻭﺍﻧﺘﻲ ﻓﻲ ﺷﻨﻮ .. ﻣﺶ ﻭﻗﺘﻪ ﺍﻟﻜﻼﻡ .. ﺧﻠﻨﻲ ﻧﻐﺴﻞ ﻭﺟﻬﻲ ﻭﺍﻧﺨﺶ ﺍﻧﺸﻮﻑ ﻣﺎﻣﺎ
ﺧﺸﺖ ﺭﺣﻤﺔ ﻟﺤﻤﺎﻡ ﺍﻟﻤﺮﺑﻮﻋﺔ ﻏﺴﻠﺖ ﻭﺟﻬﻬﺎ ﻭﺣﻄﺖ ﻛﺤﻞ ﻭﺍﺷﻮﻳﺎ ﺭﻭﺝ ﻭﺳﺎﻭﺕ ﻭﺷﺎﺣﻬﺎ .. ﻋﺸﺎﻥ ﺍﻣﻬﺎ ﻣﺎﺗﺸﻜﺶ ﻓﻴﻬﺎ .. ﻭﺍﻟﺒﻨﺎﺕ ﺧﺸﻦ ﺷﻨﻄﺘﻬﺎ ﻟﺪﺍﺭ ﺑﺎﻟﺴﺮﻗﺔ ﻋﻦ ﺍﻣﻬﻦ
.
.
.
ﺍﻟﺼﺒﺢ .. ﻛﻤﺎﻝ ﺑﻌﺪ ﺍﺩﻭﺵ ﻭﻻﺑﺲ .. ﺧﺶ ﻋﻠﻰ ﺍﺑﺮﺍﺭ ﺍﻟﻤﻄﺒﺦ : ﻧﺎﺯﻝ ﺍﻧﺠﻴﺐ ﻓﻲ ﺧﺒﺰﺓ .. ﺗﺒﻲ ﺷﻲ ﻣﻦ ﺍﻟﺴﻮﻕ؟
ﺍﺑﺮﺍﺭ ﻫﺰﺕ ﺭﺍﺳﻬﺎ ﻣﺒﺘﺴﻤﺔ : ﺳﻼﻣﺘﻚ ﺣﺒﻴﺒﻲ
ﻛﻤﺎﻝ : ﺳﻠﻤﻚ
ﻃﻠﻊ ﻭﺗﻮﺟﻪ ﻟﻠﻤﺪﺧﻞ .. ﻻﺑﺲ ﻛﻨﺪﺭﺗﻪ ﻭﻻﻗﻂ ﻣﻔﺘﺎﺣﻪ ﻭﺩﺧﺎﻧﻪ ﻭﻃﻠﻊ ... ﻧﺰﻝ ﻭﺷﺎﻑ ﻟﺸﺎﺭﻉ ﻳﻤﻴﻦ ﻭﻳﺴﺎﺭ ... ﺗﻨﻬﺪ ﻭﺭﻛﺐ ﺳﻴﺎﺭﺗﻪ
ﻭﻟﻌﻬﺎ ﻭﺑﻌﺪﻳﻦ ﺣﻂ ﻳﺪﻩ ﻋﻠﻰ ﺟﺒﻴﻨﻪ .. ﻭﺭﻓﻊ ﺷﻌﺮﻩ ﺑﺘﻮﺗﺮ
ﻓﺘﺢ ﻗﺠﺮ ﺍﻟﺴﻴﺎﺭﺓ ﺑﻴﺪ ﻣﺘﺮﺩﺩﺓ .. ﻃﻠﻊ ﻣﻨﻬﺎ ﻣﺤﻔﻈﺘﻪ ﺍﻟﻘﺪﻳﻤﺔ .. ﻓﺘﺤﻬﺎ ﻭﺳﺤﺐ ﻣﻨﻬﺎ ﺻﻮﺭﺓ
ﺭﻓﻊ ﺭﻛﺒﺘﻪ ﻋﻠﻰ ﺩﻭﻣﺎﻥ ﺍﻟﺴﻴﺎﺭﺓ ﻭﺍﺗﻜﻰ ﻋﻠﻰ ﻛﺮﺳﻴﻪ .. ﻭﺭﻓﻊ ﺍﻟﺼﻮﺭﺓ ﻗﺪﺍﻡ ﺍﻋﻴﻮﻧﻪ .. ﻋﺾ ﻋﻠﻰ ﻓﻤﻪ ﻭﺗﻨﻬﺪ ﺑﺤﺴﺮﺓ .. ﻭﻫﺰ ﺭﺍﺳﻪ ﺑﺄﻟﻢ
ﺭﺟﻊ ﺷﺎﻑ ﻟﺼﻮﺭﺓ ﻭﻳﻌﺾ ﻓﻲ ﻇﻔﺮ ﺻﺒﻌﻪ ﺑﺘﻮﺗﺮ : ﻟﻴﺶ ﻣﺶ ﻗﺎﺩﺭ ﻧﻨﺴﺎﻙ ؟ ﻟﻴﺶ ﻣﺶ ﻗﺎﺩﺭ ﺍﻧﻄﻠﻌﻚ ﻣﻦ ﺩﻣﺎﻏﻲ .. ﻟﻴﺶ ﻣﺶ ﻗﺎﺩﺭ ﻧﻜﺮﻫﻚ .. ﻟﻴﺶ .. ﻟﻴﺶ؟
ﺗﻨﻬﺪ ﺑﻌﺼﺒﻴﺔ ﻭﻋﺰﻕ ﺻﻮﺭﺓ ﻧﻮﺍﻝ ﻋﻠﻰ ﺍﻟﻜﺮﺳﻲ ﻭﺣﻂ ﺍﻳﺪﻳﻪ ﻋﻠﻰ ﺭﺍﺳﻪ ﻭﻧﺰﻝ ﻭﺟﻬﻪ : ﺷﻦ ﺩﺭﺗﻲ ﻓﻴﺎ ﺍﻟﻨﻢ ... ﻣﺎﻗﺪﺭﺗﺶ ﺍﻧﻌﻴﺶ ﻣﻦ ﺑﻌﺪﻙ ... ﻃﻴﻔﻚ ﻗﺪﺍﻣﻲ ﻃﻮﻝ ﺍﻟﻮﻗﺖ .. ﺗﺰﻭﺟﺖ ﻋﺸﺎﻥ ﻧﻨﺴﺄﻙ .. ﻭﻧﻌﻴﺶ ﺣﻴﺎﺗﻲ ﺑﻌﻴﺪ ﻋﻨﻚ ... ﺍﻟﻘﻴﺖ ﺭﻭﺣﻲ ﻧﻘﺎﺭﻥ ﻓﻴﻬﺎ ﺑﻴﻚ ﻓﻲ ﻛﻞ ﺷﻲ .. ﻓﻲ ﻧﻈﺮﺗﻬﺎ .. ﻓﻲ ﺿﺤﻜﺘﻬﺎ .. ﺣﺘﻰ ﻓﻲ ﺭﻳﺤﺘﻬﺎ .. ﻭﺑﺮﻏﻢ ﻛﻞ ﺷﻲ ﻗﺎﻋﺪﺓ ﺍﺩﻳﺮ ﻓﻴﻪ ﺍﺑﺮﺍﺭ ﻋﺸﺎﻧﻲ .. ﻟﻜﻦ ﻛﻨﺘﻲ ﺩﻳﻤﺎ ﺍﺗﻔﻮﺯﻱ ﻓﻲ ﺍﻱ ﻣﻘﺎﺭﻧﺔ .. ﻟﻌﻨﺪ ﻛﺮﻫﺖ ﺭﻭﺣﻲ ﻭﺍﻧﺤﺲ ﺑﺮﻭﺣﻲ ﺣﻘﻴﺮ
ﺗﻨﻬﺪ ﻭﺭﻓﻊ ﺭﺍﺳﻪ ﻭﺭﺟﻊ ﻻﻗﻂ ﺻﻮﺭﺗﻬﺎ ﻭﺷﺎﻓﻠﻬﺎ : ﺷﻦ ﻣﺎﺯﺍﻝ ﺗﺒﻲ ﻣﻨﻲ ... ﺍﻃﻠﻌﻲ ﻣﻦ ﺣﻴﺎﺗﻲ ﻭﺧﻠﻴﻨﻲ ﺍﻧﻌﻴﺶ ﻛﻴﻒ ﺍﻟﻨﺎﺱ
ﻋﺾ ﻋﻠﻰ ﻓﻤﻪ ﻭﻣﺮﺭ ﺍﺻﺎﺑﻌﻪ ﻋﻠﻰ ﺻﻮﺭﺗﻬﺎ : ﺃﻣﺲ ﺣﺴﻴﺖ ﺍﺑﺮﺍﺭ ﺗﺸﺒﻬﻠﻚ .. ﻛﺄﻧﻚ ﺍﻧﺘﻲ ﻛﻨﺘﻲ ﻣﻌﺎﻳﺎ ... ﻃﻮﻝ ﺍﻟﻮﻗﺖ ﺍﻧﻔﻜﺮ ﻓﻴﻚ ... ﺣﺘﻰ ﻭﺃﻧﺎ ﺍﻣﻌﺎﻫﺎ ﻓﻲ ﺍﻟﺴﺮﻳﺮ ﻛﻨﺖ ﺍﻧﺘﺨﻴﻞ ﻓﻴﻬﺎ ﺍﻧﺘﻲ .. ﻟﺪﺭﺟﺔ ﺧﻔﺖ ﻧﻐﻠﻂ ﺑﺄﺳﻤﻚ ﻣﻌﺎﻫﺎ
ﺭﻓﻊ ﺷﻌﺮﻩ ﺑﻌﺼﺒﻴﺔ ﻭﺭﺟﻊ ﺍﻟﺼﻮﺭﺓ ﻟﻤﻜﺎﻧﻬﺎ ﻭﺻﻜﺮ ﺍﻟﻘﺠﺮ ... ﻭﻟﻊ ﺳﻴﺎﺭﺗﻪ .. ﻭﻃﻠﻊ ﺑﻴﻬﺎ .. ﻭﻟﺴﺎﻥ ﺣﺎﻟﻪ ﺍﻳﻘﻮﻝ ﻃﻮﻝ ﺍﻟﻄﺮﻳﻖ : ﻳﺎﺭﺏ .. ﻳﺎﺭﺏ ﺳﺎﻋﺪﻧﻲ ﺑﺎﺵ ﻧﻨﺴﺎﺀﻫﺎ .. ﻣﺎﻧﺒﻴﺶ ﻧﻈﻠﻢ ﺑﻨﺖ ﺍﻟﻨﺎﺱ ﻣﻌﺎﻳﺎ
.
.
.
))********* ﺍﻟﻜﺎﺗﺒﺔ ﺍﻡ ﻧﺎﺻﺮ ((
.
.
ﻧﻮﺍﻝ ﺭﻓﻌﺖ ﺳﻔﺮﺓ ﺍﻟﻔﻄﻮﺭ ... ﻭﻓﻮﻧﻬﺎ ﻳﺮﻥ ... ﻣﺸﺖ ﺑﺴﺮﻋﺔ ﻟﻠﻤﻄﺒﺦ ﻭﻧﺰﻟﺖ ﺍﻟﺴﻔﺮﺓ ﻋﻠﻰ ﺍﻟﺮﺧﺎﻡ ... ﻭﻛﺎﻧﺖ ﻣﻜﺎﻟﻤﺔ ﻣﻦ ﺃﺑﺮﺍﺭ .. ﺗﻨﻬﺪﺕ ﺑﺤﺰﻥ ﻭﺭﺩﺕ : ﺍﻟﻮ
ﺍﺑﺮﺍﺭ ﺑﻔﺮﺣﺔ : ﺻﺒﺎﺡ ﺍﻟﺨﻴﺮ
ﻧﻮﺍﻝ : ﺻﺒﺎﺡ ﺍﻟﻨﻮﺭ .. ﺷﻦ ﺍﺧﺒﺎﺭﻙ ؟
ﺃﺑﺮﺍﺭ : ﺍﺧﺒﺎﺭﻱ ﺗﻤﺎﻡ .. ﻧﺠﻚ ﻟﻴﺎ .. ﻭﺭﺑﻲ ﻓﺮﺣﺎﻧﺔ .. ﻓﺮﺣﺎﻧﺔ ﻭﺣﺎﺳﺔ ﺭﻭﺣﻲ ﺑﻨﻄﻴﺮ
ﻧﻮﺍﻝ ﺑﺨﻮﻑ : ﺧﻴﺮ ﺇﻥ ﺷﺎﻟﻠﻪ ﺷﻦ ﺻﺎﻳﺮ ؟
ﺍﺑﺮﺍﺭ : ﺍﺳﻤﻌﻲ ﻳﺎﺣﻨﺔ .. ﻫﺬﺍ ﺍﻣﺒﺎﺭﺡ ﺩﺭﺕ ﻛﻞ ﺷﻲ ﻗﻠﺘﻴﻠﻲ ﻋﻠﻴﻪ ﺑﺎﻟﺤﺮﻑ .. ﻭﻣﺎﻧﺤﻜﻴﻠﻜﺶ ﻛﻴﻒ ﻛﻤﺎﻝ ﺍﻧﻬﺒﻞ ﻋﻠﻴﺎ
ﻧﻮﺍﻝ ﺣﺴﺖ ﺑﻐﺼﺔ : ﺻﺎﺡ .. ﺑﺎﻫﻲ ﻣﺎﺷﺎﻟﻠﻪ
ﺃﺑﺮﺍﺭ : ﻣﻦ ﺍﻭﻝ ﻣﺎ ﺟﺎﺀ ﻭﻫﻮﺍ ....
ﻭﻗﻌﺪﺕ ﺃﺑﺮﺍﺭ ﺗﺤﻜﻲ ﻟﻨﻮﺍﻝ ﻓﻲ ﻛﻞ ﺷﻲ .. ﻭﻧﻮﺍﻝ ﻣﻊ ﻛﻞ ﻛﻠﻤﺔ ﺍﺗﺤﺲ ﺑﺎﻟﻢ ﻭﻗﻬﺮﺓ .. ﻟﻜﻦ ﻛﺎﺗﻤﺔ ﻭﺟﻌﻬﺎ
ﻧﻮﺍﻝ : ﺧﻼﺹ ﻣﺎﺩﺍﻡ ﻫﻜﻲ .. ﻣﻌﻨﺎﻫﺎ ﻣﻬﻤﺘﻲ ﺍﻧﺘﻬﻴﺖ ﻫﻜﻲ
ﺍﺑﺮﺍﺭ ﺑﺤﺰﻥ : ﻻ ﺑﺎﻟﻌﻜﺲ .. ﻧﺤﻨﺎ ﺗﻮﺍ ﻛﻴﻒ ﺑﺪﻳﻨﺎ ﺑﺲ .. ﻋﺸﺎﻥ ﺧﺎﻃﺮﻱ ﻣﺎﺗﺨﻠﻴﻨﻴﺶ ﻓﻲ ﻧﺺ ﺍﻟﻄﺮﻳﻖ
ﻧﻮﺍﻝ : ﻻ ﻣﺶ ﻗﺼﺪﻱ .. ﺑﺲ ﻣﺎﻧﺒﻴﺶ ﻧﺪﺧﻞ ﺑﻴﻨﻜﻢ .. ﺧﺎﻳﻔﺔ ﺍﻧﺴﺒﺐ ﺑﻴﻨﻜﻢ ﻣﺸﺎﻛﻞ
ﺃﺑﺮﺍﺭ : ﻻ ﻭﺭﺑﻲ ﻣﺎﺗﺮﺧﻴﻨﻴﺶ ﺗﻮﺍ .. ﻣﺎﺻﺪﻗﺖ ﻟﻘﻴﺖ ﺻﺎﺣﺒﺔ ﺗﻔﻬﻢ ﻋﻠﻴﺎ ﻭﺗﺴﺎﻋﺪﻧﻲ .. ﻗﺘﻠﻚ ﺍﻧﺎ ﻣﺎﻋﻨﺪﻳﺶ ﺣﺪ ﻏﻴﺮﻙ
ﻧﻮﺍﻝ : ﺑﺎﻟﻌﻜﺲ ﺍﻧﺘﻲ ﻋﻨﺪﻙ ﺧﻮﺍﺕ ﺗﻮﺍ .. ﺟﻤﺎﻧﺔ ﺗﻬﺒﻞ ﻭﻛﺎﻥ ﺗﺘﻄﻠﺒﻲ ﻣﻨﻬﺎ ﻣﺶ ﺣﺘﺮﺩﻙ ﻓﻲ ﺍﻱ ﺷﻲ
ﺍﺑﺮﺍﺭ : ﻋﺎﺭﻓﺔ ﺟﻮﺟﻮ ﺍﺗﺠﻨﻦ ﻭﻃﻴﺒﺔ ﻭﺍﺗﺨﺎﻑ ﻋﻠﻴﺎ ﺯﻱ ﺍﺧﺘﻬﺎ .. ﺑﺲ ﺃﻧﺎ ﺑﻴﻨﻲ ﻭﺑﻴﻨﻚ ﻧﻨﺤﺮﺝ ﻣﻨﻬﺎ .. ﻣﺎﻧﻘﺪﺭﺵ ﻧﺤﻜﻴﻠﻬﺎ ﻋﻠﻰ ﺣﻴﺎﺗﻲ ﺍﻟﺨﺎﺻﺔ ﻣﻊ ﺧﻮﻫﺎ ... ﺍﻧﺤﺲ ﻓﻴﻬﺎ ﺑﺎﻳﺨﺔ .. ﻳﺎﺭﻳﺖ ﺗﻔﻬﻤﻴﻨﻲ
ﻧﻮﺍﻝ ﺗﻨﻬﺪﺕ ﺑﻴﺄﺱ : ﻓﺎﻫﻤﺔ ﻋﻠﻴﻚ .. ﺑﺲ ﺍﻧﺘﻲ ﻻﺯﻡ ﺍﺗﻜﻮﻧﻲ ﻗﻮﻳﺔ ﻭﺗﺤﻠﻲ ﻣﺸﺎﻛﻠﻚ ﺑﻨﻔﺴﻚ
ﺍﺑﺮﺍﺭ : ﺍﻧﺘﻲ ﻣﺘﻀﺎﻳﻘﺔ ﻣﻨﻲ؟ .. ﻋﺎﺩﻱ ﻟﻮ ﻣﺎﺗﺒﻴﺶ ﺍﺗﺴﺎﻋﺪﻧﻲ ﻗﻮﻟﻲ
ﻧﻮﺍﻝ : ﻻ ﻻ ﻣﺶ ﻗﺼﺪﻱ .. ﺑﺎﻟﻌﻜﺲ ﺍﻧﺎ ﻧﺒﻲ ﺍﻧﺴﺎﻋﺪﻙ .. ﺑﺲ ﻫﺬﻩ ﺣﻴﺎﺗﻚ ﺍﻟﺨﺎﺻﺔ ﻭﻣﺶ ﻻﺯﻡ ﺣﺪ ﻳﻌﺮﻑ ﻋﻨﻬﺎ ﺷﻲ
ﺃﺑﺮﺍﺭ : ﻋﺎﺭﻓﺔ ﻭﺭﺑﻲ .. ﻟﻜﻦ ﺍﻟﻠﻪ ﻏﺎﻟﺐ ﻣﺎﻧﻌﺮﻓﺶ ﻧﺘﺼﺮﻑ ﺍﺑﺮﻭﺣﻲ .. ﻳﺎﻧﻮﺍﻝ ﺍﻧﺎ ﻣﺎﻋﻨﺪﻳﺶ ﺣﺘﻰ ﺍﺧﺖ ﻧﺤﻜﻴﻠﻬﺎ .. ﺗﺼﺪﻗﻲ ﺗﺰﻭﺟﺖ ﻭﻣﺎﻟﻘﻴﺖ ﺣﺪ ﻳﻨﺼﺤﻨﻲ ﺍﻭ ﻳﻌﻄﻴﻨﻲ ﻓﻜﺮﺓ ﻋﻠﻰ ﺍﻟﺰﻭﺍﺝ ﻭﻛﻴﻒ ﻧﺘﺼﺮﻑ ﻭﻫﻜﻲ .. ﺣﺎﺳﺔ ﺭﻭﺣﻲ ﻭﺣﻴﺪﺓ ﻭﻣﺎﺻﺪﻗﺖ ﺍﻟﻘﻴﺖ ﺑﻨﺖ ﺗﻔﻬﻢ ﻋﻠﻴﺎ ﻭﺍﻧﺎ ﻧﺤﻜﻴﻠﻬﺎ ﻣﻦ ﻏﻴﺮ ﻣﺎﻧﻨﺤﺮﺡ ﺍﻭ ﺍﻧﺨﺎﻑ ﻣﻨﻬﺎ
ﻧﻮﺍﻝ ﺗﻨﻬﺪﺕ : ﻣﺎﻓﻴﺶ ﻣﺸﻜﻠﺔ ﺣﻨﺴﺎﻋﺪﻙ .. ﺑﺲ ﻻﺯﻡ ﺗﻠﺘﺰﻣﻲ ﺑﻜﻞ ﺣﺎﺟﺔ ﻧﻄﻠﺒﻬﺎ ﻣﻨﻚ
ﺍﺑﺮﺍﺭ : ﺗﻤﺎﻡ .. ﺍﻱ ﺷﻲ ﺍﻧﺎ ﺣﺎﺿﺮﺓ
ﻧﻮﺍﻝ : ﺧﻼﺹ ﺩﻳﺮﻱ ﺯﻱ ﻣﺎﻓﻬﻤﺘﻚ ﻣﻦ ﻗﺒﻞ .. ﺑﺲ ﺯﻳﺪﻱ ﻋﻠﻴﻬﺎ ﺍﻧﻪ ﻻﺯﻡ ﺍﻳﻜﻮﻧﻠﻚ ﺭﺍﺋﻲ ﺧﺎﺹ ﺑﻴﻚ
ﺍﺑﺮﺍﺭ : ﻛﻴﻒ ﻳﻌﻨﻲ ؟
ﻧﻮﺍﻝ : ﻳﻌﻨﻲ ﻣﺶ ﺍﻱ ﺷﻲ ﺍﻳﻘﻮﻟﻪ ﻛﻤﺎﻝ ﺗﻮﺍﻓﻘﻴﻪ ﻋﻠﻴﻪ .. ﻟﻮ ﻓﻲ ﺷﻲ ﻣﺶ ﻋﺎﺟﺒﻚ ﺍﻋﻄﻲ ﺭﺍﺋﻚ ﺑﺼﺮﺍﺣﺔ ﻭﺣﺘﻰ ﻟﻮ ﻋﺼﺐ ﻣﻨﻚ ﺍﻭ ﻣﺎﻋﺠﺒﺎﺵ ﺧﻠﻴﻚ ﻣﺼﻤﻤﺔ ﻋﻠﻰ ﻛﻼﻣﻚ
ﺍﺑﺮﺍﺭ : ﻟﻜﻦ ﻣﺮﺍﺕ ﻳﺰﻋﻞ ﻣﻨﻲ
ﻧﻮﺍﻝ : ﻻ ﻣﺶ ﺣﻴﺰﻋﻞ .. ﺍﻫﻢ ﺷﻲ ﻣﺎﻳﻜﻮﻧﺶ ﺗﺼﻜﻴﺮ ﺭﺍﺳﻚ ﻋﻠﻰ ﺷﻲ ﻏﻠﻂ ﺍﻭ ﻣﺶ ﻣﻦ ﺣﻘﻚ
ﺍﺑﺮﺍﺭ : ﺗﻤﺎﻡ .. ﻓﻲ ﺷﻲ ﺍﺧﺮ
ﻧﻮﺍﻝ : ﺧﻠﻴﻚ ﺩﻳﻤﺎ ﻋﻨﺪﻙ ﻋﺰﺓ ﻧﻔﺲ ﻭﻣﺶ ﻣﻦ ﺍﻭﻝ ﻛﻠﻤﺔ ﻳﺮﺿﻴﻚ ﻟﻮ ﺯﻋﻠﻚ .... ﻭﻣﺮﺓ ﻣﺮﺓ ﻣﺎﻓﻴﺶ ﻣﺎﻧﻊ ﺍﺗﻐﻠﻲ ﻋﻠﻴﻪ ﻳﻌﻨﻲ ﺣﺘﻰ ﻟﻮ ﺍﻧﺘﻲ ﻏﻠﻄﺎﻧﺔ ﺧﻠﻴﻪ ﻫﻮﺍ ﻳﺮﺿﻴﻚ ﻣﺶ ﺍﻧﺘﻲ
ﺍﺑﺮﺍﺭ : ﻛﻼﻡ ﺻﻌﺐ ﺗﻨﻔﻴﺬﻩ ﻣﻊ ﻛﻤﺎﻝ ﺑﺲ ﺣﻨﺤﺎﻭﻝ
ﻧﻮﺍﻝ : ﻣﺎﻓﻴﺶ ﺷﻲ ﺻﻌﺐ .. ﻛﻤﺎﻝ ﻋﻨﻴﺪ ﺻﺎﺡ ﺑﺲ ﻣﺎﻳﺤﺒﺶ ﺍﻟﻀﻌﻒ
ﺍﺑﺮﺍﺭ : ﺣﺴﻴﺖ ﺑﻴﻚ ﺗﻌﺮﻓﻴﻪ ﻭﺍﺟﺪ ﻭﻓﺎﻫﻤﺔ ﻋﻠﻴﻪ ؟ !
ﻧﻮﺍﻝ ﺍﺭﺗﺒﻜﺖ : ﺍﺀﺀ ﻋﺎﺩﻱ ﻳﻌﻨﻲ .. ﺑﺤﻜﻢ ﺻﺤﺒﺘﻲ ﻣﻊ ﺟﻤﺎﻧﺔ ﻣﻦ ﻭﺍﻧﺎ ﺻﻐﻴﺮﺓ ﻭﺩﻳﻤﺎ ﺍﻧﺠﻴﻬﻢ ﻓﻲ ﺍﻟﺤﻮﺵ ﻭﺟﻤﺎﻧﺔ ﺍﺗﻬﺪﺭﺯ ﻋﻠﻰ ﺧﻮﺗﻬﺎ .. ﻓﻜﻨﺖ ﻧﻌﺮﻓﻬﻢ ﺍﻛﻮﻳﺲ .. ﻣﺶ ﺑﺲ ﻛﻤﺎﻝ
ﺍﺑﺮﺍﺭ : ﺍﻣﻤﻢ .. ﺑﺎﻫﻲ ﺣﺘﻰ ﻫﺬﻩ ﻣﻦ ﺣﻈﻲ .. ﺍﻟﻤﻬﻢ ﻟﻮ ﺻﺎﺭ ﺍﻱ ﺷﻲ ﺟﺪﻳﺪ ﻧﺘﺼﻞ ﺑﻴﻚ
ﻧﻮﺍﻝ : ﺗﻤﺎﻡ .. ﺗﺒﻲ ﺷﻲ ﺗﻮﺍ ﻋﻨﺪﻱ ﺷﻐﻞ ؟
ﺍﺑﺮﺍﺭ : ﻻ ﺳﻼﻣﺘﻚ ﻣﺸﻜﻮﺭﺓ .. ﺣﺘﻰ ﺍﻧﺎ ﺑﻨﺪﻳﺮ ﻓﻄﻮﺭ ﻗﺒﻞ ﺍﻳﺮﻭﺡ ﻛﻤﺎﻝ .. ﻫﻴﺎ ﺑﺎﻟﺴﻼﻣﺔ
ﻧﻮﺍﻝ : ﺑﺎﻟﺴﻼﻣﺔ
.
.
.
))******* ﺍﻟﻜﺎﺗﺒﺔ ﺍﻡ ﻧﺎﺻﺮ ((
.
.
ﻇﺎﻓﺮ ﻓﻲ ﺳﺮﻳﺮﻩ ﻭﻳﻔﻜﺮ ﻓﻲ ﻛﻞ ﺷﻲ ﺻﺎﺭ ﺍﻣﻌﺎﻩ .. ﻭﺧﺎﺻﺔ ﻣﻊ ﺭﺣﻤﺔ ... ﻭﻛﺎﻥ ﻣﻌﺼﺐ ﻣﻨﻬﺎ .. ﻳﺎﺭﻳﺖ ﺗﻜﻠﻤﺖ ﻣﻌﺎﻩ ﻭﻗﺖ ﻫﺪﺩﻫﺎ ﺇﺑﺮﺍﻫﻴﻢ .. ﻣﻤﻜﻦ ﻣﺎﻛﻨﺶ ﺻﺎﺭ ﺷﻲ ﻣﻦ ﻛﻞ ﻫﺬﺍ .. ﻳﺎﺭﻳﺘﻬﺎ ﻣﺎﻋﻄﺖ ﻭﺳﻦ ﺗﻠﻴﻔﻮﻧﻬﺎ .. ﺭﺍﻩ ﺇﺑﺮﺍﻫﻴﻢ ﻣﺎﻗﺪﺭﺵ ﻳﻮﺻﻞ ﻓﻴﻬﺎ ﻭﻳﻜﻠﻤﻬﺎ .. ﻭﻣﻤﻜﻦ ﺭﺍﻫﻲ ﻣﺎﺯﻟﺖ ﻗﺎﻋﺪﺓ ﻋﻨﺪﻩ ﻳﺎﺭﻳﺖ ﻭﻳﺎﺭﻳﺖ .. ﺑﺲ ﺗﺄﺧﺮ ﺍﻟﻮﻗﺖ ﻋﻠﻰ ﺍﻟﺘﻤﻨﻲ .. ﻭﺍﻟﻴﻮﻡ ﺍﺻﺒﺢ ﻓﻲ ﺣﻜﻢ ﺍﻟﻮﺍﻗﻊ ﺍﻟﻠﻲ ﻣﺎﻓﻴﺶ ﻣﻨﻪ ﻫﺮﻭﺏ
ﻭﺳﻦ ﻣﺶ ﻗﺎﻋﺪﺓ .. ﻭﻇﺎﻓﺮ ﻃﺮﻳﺢ ﻟﻔﺮﺍﺵ ﻣﻀﺮﻭﺏ ﻓﻲ ﺭﺟﻠﻴﻪ ﻭﻣﺶ ﻗﺎﺩﺭ ﻳﺘﺤﺮﻙ ﺍﺑﺮﻭﺣﻪ .. ﻭﻛﺎﻥ ﻻﺯﻡ ﻣﻦ ﺭﺩﺓ ﻓﻌﻞ ﻳﻌﺒﺮ ﻓﻴﻬﺎ ﻋﻦ ﻏﻀﺒﻪ ﻭﻟﻼﺳﻒ ﺍﻧﺼﺐ ﻏﻀﺒﻪ ﻋﻠﻰ ﺭﺣﻤﺔ
ﺍﻣﻨﺔ ﻓﺘﺤﺖ ﺑﺎﺏ ﺍﻟﺸﻘﺔ ﻣﻦ ﺑﺮﺍ ﻭﺧﺸﺖ ﻓﻲ ﻳﺪﻫﺎ ﺳﻔﺮﺓ ﺍﻟﻌﺸﺎﺀ .. ﻭﺩﻗﺖ ﺍﻟﺒﺎﺏ ﻭﺧﺸﺖ ﻋﻠﻰ ﻇﺎﻓﺮ : ﺳﻼﻡ
ﻇﺎﻓﺮ ﺗﻨﻬﺪ ﻭﺳﺎﻭﻯ ﻗﻌﺪﺗﻪ : ﺍﻫﻠﻴﻦ
ﺍﻣﻨﺔ ﺣﻄﺖ ﺍﻟﺴﻔﺮﺓ ﻗﺪﺍﻣﻪ ﻭﻗﻤﻌﺰﺕ : ﺷﻦ ﺍﺧﺒﺎﺭﻙ ﺗﻮﺍ .. ﺣﺎﺱ ﺑﺎﻟﻢ ؟
ﻇﺎﻓﺮ ﻫﺰ ﺭﺍﺳﻪ : ﻻ ﺍﻟﺤﻤﺪﺍﻟﻠﻪ ﻭﺿﻌﻲ ﺍﺣﺴﻦ ﻣﻦ ﻗﺒﻞ
ﺍﻣﻨﺔ ﺗﻨﻬﺪﺕ ﺑﺤﺰﻥ : ﺍﻟﺤﻤﺪﺍﻟﻠﻪ ﻳﺎﺭﺏ .. ﻟﻜﻦ ﻳﺎﻇﺎﻓﺮ ﺭﺣﻤﺔ ﻣﺎﺯﻟﺖ ﻋﺮﻭﺱ ﻟﻴﺶ ﺍﺗﺨﻠﻲ ﻓﻴﻬﺎ ﺗﻤﺸﻲ ﻻﻫﻠﻬﺎ
ﻇﺎﻓﺮ : ﻳﻮﻣﻴﻦ ﻭﺍﺗﺮﺩ
ﺍﻣﻨﺔ : ﻭﺍﻟﻠﻪ ﺍﻟﺒﻨﺖ ﻃﻴﺒﺔ ﻭﻣﺎﺗﺴﺘﺎﻫﻞ ﺍﺗﻌﺼﺐ ﻋﻠﻴﻬﺎ .. ﻣﻦ ﺍﻭﻝ ﻣﺎﺟﻴﺘﻚ ﺑﺪﺭﻱ ﻭﻗﺘﻠﻲ ﺭﺣﻤﺔ ﻣﺸﺖ ﻻﻫﻠﻬﺎ ﻭﺍﻧﺎ ﺍﻧﻔﻜﺮ ﻓﻴﻬﺎ .. ﺗﻌﺮﻑ ﻭﺭﺑﻲ ﺍﻧﻄﻴﺐ ﻓﻲ ﺍﻟﻌﺸﺎﺀ ﻭﻗﺎﻋﺪﺓ ﺑﻴﻦ ﺍﻋﻴﻮﻧﻲ .. ﺍﻛﻴﺪ ﻣﻨﺤﺮﺟﺔ ﻣﻦ ﻫﻠﻬﺎ ﻣﺎﺯﻟﺖ ﻋﺮﻭﺱ .. ﺍﻟﻤﻔﺮﻭﺽ ﻣﺎﺧﻠﻴﺘﻬﺎ ﺗﻤﺸﻲ ﺗﻮﺍ
ﻇﺎﻓﺮ : ﺍﻣﻨﺔ ﺑﺎﻟﻠﻪ ﻣﺎﺗﺪﺧﻠﻴﺶ ﺑﻴﻨﺎ .. ﻣﺎﻧﺤﺒﺶ ﻧﺤﻜﻲ ﻋﻠﻰ ﺣﻴﺎﺗﻲ ﺍﻟﺨﺎﺻﺔ .. ﺧﻠﻮﻧﻲ ﺑﺮﺍﺣﺘﻲ
ﺍﻣﻨﺔ : ﻣﺎﻧﺒﻴﺶ ﻧﺪﺧﻞ ﺑﻴﻨﻜﻢ .. ﻟﻜﻦ ﻣﻬﻤﺎ ﻛﺎﻥ ﺍﻟﺒﻨﺖ ﻣﻮﻗﻔﻬﺎ ﺑﺎﻳﺦ ﻣﻊ ﺍﻣﻬﺎ ﻭﺧﻮﺍﺗﻬﺎ .. ﻭﺣﺘﻰ ﻗﺪﺍﻣﻨﺎ
ﻇﺎﻓﺮ ﻧﺰﻝ ﺭﺟﻠﻴﻪ ﻭﺗﻜﻠﻢ ﺑﻌﺼﺒﻴﺔ : ﻣﺶ ﺍﻧﺎ ﺍﻟﻠﻲ ﻣﺮﺍﺓ ﺍﺗﻤﺸﻴﻨﻲ ﻋﻠﻰ ﻭﺟﻬﻲ .. ﺭﺣﻤﺔ ﻣﻦ ﺍﻭﻝ ﻳﻮﻡ ﺍﺗﻔﻘﺖ ﻣﻌﺎﻫﺎ ﻣﺎﺩﺳﺶ ﻋﻠﻴﺎ ﺷﻲ .. ﻭﺍﻧﺎ ﻋﻨﺪ ﻛﻼﻣﻲ .. ﺧﻠﻴﻬﺎ ﻳﻮﻣﻴﻦ ﺗﻌﺮﻑ ﻏﻠﻄﻬﺎ ﻭﻳﻦ ﻭﺗﻔﻬﻢ ﺍﻧﻲ ﻣﺎﻧﻠﻌﺒﺶ ﻭﻛﻠﻤﺘﻲ ﻻﺯﻡ ﺗﻨﺴﻤﻊ
ﺍﻣﻨﺔ : ﺑﺎﻫﻲ ﺑﺎﻫﻲ ﺍﻫﺪﺍ ﻟﻴﺶ ﻋﺼﺒﺖ .. ﻭﺭﺣﻤﺔ ﺷﻦ ﺩﺳﺖ ﻋﻠﻴﻚ ؟
ﻇﺎﻓﺮ : ﺍﻣﻨﺔ ﻣﻦ ﺍﻻﻭﻝ ﻗﺘﻠﻚ ﻣﺎﻧﺒﻴﺶ ﻧﺤﻜﻲ ﻋﻠﻰ ﺣﺎﺟﺔ ﺧﺎﺻﺔ ﺑﻴﻨﺎ .. ﺭﺣﻤﺔ ﻧﻌﺮﻓﻬﺎ ﺍﻛﻮﻳﺲ ﻭﻫﻴﺎ ﻻﺯﻡ ﺗﻌﺮﻓﻨﻲ .. ﺧﻠﻮﻧﻲ ﻣﻌﺎﻫﺎ ﺑﺮﺍﺣﺘﻲ ﻣﺎﺣﺪ ﻳﺪﺧﻞ
ﺍﻣﻨﺔ ﺻﺒﺖ : ﺍﻟﻠﻪ ﻳﻬﺪﻳﻚ ﻣﺎﺣﺪ ﻣﺪﺧﻞ ﺑﻴﻨﻜﻢ . ﺍﻧﺎ ﺑﺲ ﻭﺍﻟﻠﻪ ﺷﻐﻠﺘﻨﻲ ﺍﻟﺒﻨﺖ ﻻﻧﻬﺎ ﻣﺎﺗﻬﻨﺖ ﺑﺰﻳﺠﺘﻬﺎ ﻣﻦ ﺣﺎﺟﺔ ﻟﺤﺎﺟﺔ
ﻇﺎﻓﺮ : ﻧﺼﻴﺒﻬﺎ ﻋﺎﺩ ﺷﻦ ﺑﻨﺪﻳﺮ .. ﺧﻮﺫﻱ ﺍﻟﺴﻔﺮﺓ ﻫﺬﻩ ﺍﻣﻌﺎﻙ
ﺍﻣﻨﺔ : ﺗﻌﺸﻰ ﻗﺒﻞ
ﻇﺎﻓﺮ : ﻭﻣﻦ ﻋﻨﺪﻩ ﻧﻴﺔ ﻳﺎﻛﻞ ﻭﺍﻻ ﻏﻴﺮﻩ ؟ ﻭﺍﺧﺘﻚ ﻣﺎﻧﻨﺪﺭﻭﺍ ﻋﻨﻬﺎ ﻭﻳﻦ ﺍﺭﺿﻴﻬﺎ ﻭﺷﻦ ﺩﺍﻳﺮ ﻓﻴﻬﺎ ﺍﻟﺘﺎﻓﻪ ﺇﺑﺮﺍﻫﻴﻢ
ﺍﻣﻨﺔ : ﺇﻥ ﺷﺎﻟﻠﻪ ﺧﻴﺮ .. ﻧﺘﺼﻞ ﺑﻴﻬﺎ ﻓﻮﻧﻬﺎ ﻣﻘﻔﻞ
ﻇﺎﻓﺮ ﺧﺒﻂ ﻋﻠﻰ ﺭﺟﻠﻴﻪ : ﺍﻟﻨﻢ ﻟﻮ ﻛﺎﻥ ﻧﻘﺪﺭ ﻧﻄﻠﻊ ﺭﺍﻧﻲ ﻣﺸﻴﺖ ﻗﻠﺒﺖ ﻋﻠﻴﻬﺎ ﺍﻟﺪﻧﻴﺎ .. ﻟﻜﻦ ﺍﺍﺍﺍﺥ ﻭﺧﻼﺹ
ﺍﻣﻨﺔ : ﺍﻫﺪﺍ ﺍﻟﻠﻪ ﻳﺨﻠﻴﻚ .. ﻭ ﺍﻧﺎ ﻣﺘﺎﻛﺪﺓ ﻭﺳﻦ ﺑﺨﻴﺮ ﻣﺎﻓﻴﻬﺎ ﺷﻲ ﻣﺎﺗﺨﺎﻓﺶ ﻋﻠﻴﻬﺎ
ﻇﺎﻓﺮ : ﻣﺶ ﺧﺎﻳﻒ ﻋﻠﻴﻬﺎ .. ﻭﻣﻌﺎﺵ ﺑﻨﺴﻤﻊ ﺑﺎﺳﻤﻬﺎ ﻗﺪﺍﻣﻲ .. ﺧﻠﻴﻬﺎ ﻣﻊ ﺍﻟﺤﻘﻴﺮ ﺍﻟﻠﻲ ﻣﺸﺖ ﻣﻌﺎﻩ ﺗﻮﺍ ﻳﻨﻔﻌﻬﺎ
ﺍﻣﻨﺔ : ﺑﺎﻟﻚ ﺭﺍﻫﻲ ﺧﺎﻓﺖ ﻣﻨﻪ
ﻇﺎﻓﺮ : ﻻ ﺧﺎﻓﺖ ﻻ ﺷﻲ .. ﺷﻦ ﻳﻘﺪﺭ ﺍﻳﺪﻳﺮ ﻭﻫﻴﺎ ﻋﻨﺪﻱ ﻓﻮﻕ .. ﻭﺭﺑﻲ ﻣﺎﻳﻘﺪﺭ ﻳﻌﻔﺲ ﺍﻟﺤﻮﺵ ﺍﻟﺠﺒﺎﻥ ... ﻟﻜﻦ ﻫﻴﺎ ﺧﺎﻳﻔﺔ ﻣﻨﻨﺎ ﻣﻌﺎﺵ ﺍﻧﺨﻠﻮﻫﺎ ﺍﺗﺮﺩ ﻋﻠﻴﻪ
ﺍﻣﻨﺔ : ﻣﻦ ﻗﺎﻟﻚ ؟ ﻭﺳﻦ ﻛﺎﻧﺖ ﺗﺸﻜﻲ ﻣﻨﻪ ﻭﻣﺎﺻﺪﻗﺖ ﺍﻓﺘﻜﺖ ﻭﺟﺖ ﻫﻨﺎ
ﻇﺎﻓﺮ : ﺗﺸﻜﻲ ﻣﻨﻪ ﻭﺍﻭﻝ ﻣﺎﻛﻠﻤﻬﺎ ﻣﺸﺖ ﺗﺠﺮﻱ ﺍﻣﻌﺎﻩ ﻭﻣﺎﺩﻭﺭﺕ ﺣﺪ
ﺍﻣﻨﺔ : ﺍﻧﻘﻮﻟﻚ ﺑﺎﻟﻚ ﺧﺎﻓﺖ ﻣﻨﻪ
ﻇﺎﻓﺮ : ﺧﺎﻓﺖ ﻣﻨﻪ ﻭﻣﺎﺧﺎﻓﺖ ﻣﻦ ﺑﻮﻫﺎ ﻭﺧﻮﺗﻬﺎ ؟ .. ﻛﻴﻒ ﺇﺑﺮﺍﻫﻴﻢ ﺭﺍﺟﻞ ﻭﻧﺤﻨﺎ ﻣﺶ ﺭﺟﺎﻟﺔ ﻓﻲ ﻧﻈﺮﻫﺎ ﻭﺍﻻ ﻛﻴﻒ ؟
ﺍﻣﻨﺔ ﺷﺎﻟﺖ ﺍﻟﺴﻔﺮﺓ : ﻣﺶ ﻋﺎﺭﻓﺔ .. ﻣﺶ ﻋﺎﺭﻓﺔ .. ﺍﻟﻠﻪ ﻳﻬﺪﻳﻜﻢ ﻭﺧﻼﺹ
ﻭﻃﻠﻌﺖ ﻣﻦ ﺷﻘﺔ ﻇﺎﻓﺮ .. ﻭﺻﻜﺮﺕ ﺍﻟﺒﺎﺏ ﻣﻊ ﻃﻠﻌﺖ ﺟﻬﺎﺩ ﻣﻦ ﺷﻘﺘﻪ : ﺧﻴﺮ .. ﺷﻦ ﺍﺧﺒﺎﺭ ﺧﻮﻙ ؟
ﺍﻣﻨﺔ ﺑﺮﻣﺖ ﻭﺟﻬﻬﺎ : ﺍﻛﻮﻳﺲ
ﺟﻬﺎﺩ ﻋﻘﺪ ﺣﻮﺍﺟﺒﻪ : ﻛﻨﻚ ﺍﻧﺘﻲ .. ﻓﻴﻚ ﺷﻲ ؟
ﺍﻣﻨﺔ : ﻇﺎﻓﺮ ﻣﻌﺼﺐ ﺑﻜﻞ ﻭﺣﺘﻰ ﺍﻟﻌﺸﺎﺀ ﻣﺎﺑﻰ ﻳﺘﻌﺸﻰ .. ﻭﻗﺎﻋﺪ ﻳﺤﺮﻕ ﻋﻠﻰ ﻭﺳﻦ ﻭﻟﻴﺶ ﻣﺸﺖ ﻣﺮﺓ ﺛﺎﻧﻴﺔ ﻣﻊ ﺇﺑﺮﺍﻫﻴﻢ
ﺟﻬﺎﺩ : ﻣﺎﻋﻠﻴﺶ ﻇﺎﻓﺮ ﻋﺼﺒﻲ ﻣﻦ ﻳﻮﻣﻪ .. ﻛﻢ ﻳﻮﻡ ﻭﺗﻮﺍ ﻳﻬﺪﺍ ﻭﻳﺮﻭﻕ ﺧﻠﻴﻪ
ﺍﻣﻨﺔ : ﻣﺎﻗﻠﺖ ﺷﻲ .. ﻏﻴﺮ ﺧﺎﻳﻔﺔ ﻋﻠﻴﻪ ﺑﺲ
ﺟﻬﺎﺩ : ﻣﺎﺗﺨﺎﻓﻴﺶ ﻋﻠﻴﻪ .. ﺷﻦ ﺍﺧﺒﺎﺭ ﻭﺳﻦ .. ﻣﺎﻓﻴﺶ ﻋﻠﻴﻬﺎ ﺍﺧﺒﺎﺭ ؟
ﺍﻣﻨﺔ : ﻧﺘﺼﻞ ﺑﻴﻬﺎ ﻓﻮﻧﻬﺎ ﻣﻘﻔﻞ .. ﻣﻊ ﺍﻧﻪ ﻳﻮﻣﻬﺎ ﺍﻟﻘﻴﺖ ﻣﻜﺎﻟﻤﺎﺕ ﻣﻨﻬﺎ ﺑﺮﻗﻤﻬﺎ ﺍﻟﻘﺪﻳﻢ .. ﻟﻜﻦ ﻛﻨﺖ ﻧﺤﺴﺎﺑﻬﺎ ﺗﺴﺄﻝ ﻋﻦ ﻇﺎﻓﺮ ﻣﺎﺩﻭﺭﺗﺶ
ﺟﻬﺎﺩ ﻳﻔﻜﺮ : ﺍﻱ ﺭﻗﻢ ؟
ﺍﻣﻨﺔ : ﺭﻗﻤﻬﺎ ﺍﻻﻭﻝ ﻣﻦ ﺯﻣﺎﻥ
ﺟﻬﺎﺩ ﻃﻠﻊ ﻓﻮﻧﻪ ... ﻭﺭﺟﻊ ﺳﺠﻞ ﺍﻟﻤﻜﺎﻟﻤﺎﺕ ﻟﻴﻮﻡ ﺣﺎﺩﺙ ﻇﺎﻓﺮ .. ﻭﺣﻂ ﻋﻠﻰ ﺭﻗﻢ ﻏﺮﻳﺐ : ﻫﺬﺍ ﺭﻗﻤﻬﺎ ؟
ﺍﻣﻨﺔ : ﺗﻘﺮﻳﺒﺎ ﻫﻮﺍ .. ﻛﺬﺍ ﺍﻧﺸﻮﻓﻪ ... ﺍﺍﻣﻤﻤﻢ .. ﺍﺍﻫﺎ ﻫﻮﺍ .. ﺭﻗﻢ ﻭﺳﻦ ﻫﺬﺍ
ﺟﻬﺎﺩ ﺗﻨﻬﺪ : ﺍﻟﻘﻴﺘﻬﺎ ﻣﺘﺼﻠﺔ ﺑﻴﺎ ﻛﻢ ﻣﺮﺓ ﻳﻮﻡ ﺍﻟﺤﺎﺩﺙ ﻓﻲ ﺍﻟﻤﺴﺘﺸﻔﻰ ... ﻟﻜﻦ ﺭﻗﻤﻬﺎ ﻻﻧﻪ ﻣﺎﻋﻨﺪﻳﺶ ﻓﻲ ﺗﻠﻴﻔﻮﻧﻲ ﺍﻟﺠﺪﻳﺪ ﻧﺤﺴﺎﺑﻪ ﺭﻗﻢ ﻏﺮﻳﺐ ﻣﺎﺩﻭﺭﺗﺶ
ﺍﻣﻨﺔ : ﺯﻋﻤﺎ ﻛﺎﻧﺖ ﺑﺘﻘﻮﻝ ﺣﺎﺟﺔ ؟ ﻭﺍﻻ ﻏﻴﺮ ﺗﺘﺼﻞ ﺗﻄﻤﻦ ﻋﻠﻰ ﻇﺎﻓﺮ ؟
ﺟﻬﺎﺩ : ﻋﻠﻤﻲ ﻋﻠﻤﻚ .. ﺧﻠﻴﻨﻲ ﻧﺤﻔﻆ ﺍﻟﺮﻗﻢ ﻣﺮﺍﺕ ﺗﺘﺼﻞ ﺑﻴﺎ ﻣﺮﺓ ﺛﺎﻧﻴﺔ
ﺍﻣﻨﺔ : ﺇﻥ ﺷﺎﻟﻠﻪ ﻳﺎﺭﺏ
ﺟﻬﺎﺩ : ﻃﺎﻟﻊ ﺍﻧﺎ ﻟﻌﺎﺑﺪ ﺗﺒﻲ ﺷﻲ ؟
ﺍﻣﻨﺔ : ﻻ ﺳﻼﻣﺘﻚ .. ﺗﺮﺑﺢ
.
.
)) ﻣﻼﺣﻈﺔ : ﺗﻠﻴﻔﻮﻥ ﺟﻬﺎﺩ ﺭﺍﺡ ﻣﻨﻪ ﻓﻲ ﺗﺴﻮﻧﺎﻣﻲ .. ﻭﻋﻨﺪﻩ ﻓﻮﻥ ﺟﺪﻳﺪ .. ﻫﺬﺍ ﻟﻴﺶ ﻣﺎﻋﺮﻓﺶ ﺭﻗﻢ ﻭﺳﻦ ﻟﻤﺎ ﺭﻧﺖ ﻋﻠﻴﻪ ((
.
.
.
))******** ﺍﻟﻜﺎﺗﺒﺔ ﺍﻡ ﻧﺎﺻﺮ ((
.
.
ﺍﻣﻨﺔ ﻧﺰﻟﺖ ﻭﺧﺸﺖ ﻟﻠﻤﻄﺒﺦ .. ﺑﺪﺍﺕ ﺍﺗﺤﻂ ﻓﻲ ﻋﺸﺎﺀ ﻻﻫﻠﻬﺎ .. ﻣﻊ ﺭﻧﺖ ﻓﻮﻧﻬﺎ ﻭﻛﺎﻥ ﻣﺤﻤﺪ
ﻣﺸﺖ ﺑﺴﺮﻋﺔ ﻭﻃﻠﻌﺖ ﻟﺠﻨﺎﻥ ﻭﺭﺩﺕ ﻋﻠﻴﻪ : ﻧﻌﻢ
ﻣﺤﻤﺪ : ﺍﻟﻮ .. ﺷﻦ ﺍﺧﺒﺎﺭﻙ ؟
ﺍﻣﻨﺔ : ﺑﺨﻴﺮ ﺍﻟﺤﻤﺪﺍﻟﻠﻪ .. ﺷﻦ ﺍﺧﺒﺎﺭﻙ ﻭﺍﺧﺒﺎﺭ ﺍﻧﻴﺲ؟
ﻣﺤﻤﺪ : ﺗﻤﺎﻡ ﻭﺍﻟﻠﻪ .. ﺍﻧﻴﺲ ﻳﺴﺄﻝ ﻋﻦ ﺍﻟﻤﺪﺭﺳﺔ ﺍﻣﺘﻰ ﺗﺒﺪﺍ ﺍﻟﺒﺎﻳﻦ ﺭﺍﻳﻒ ﻋﻠﻴﻚ ﺯﻳﻲ
ﺍﻣﻨﺔ ﺍﻧﺤﺮﺟﺖ : ﻧﺠﻚ ﻟﻴﺎ .. ﺣﺘﻰ ﺍﻧﺎ ﺭﺍﻳﻔﺖ ﻋﻠﻴﻪ .. ﻟﻜﻦ ﺍﻟﻤﺪﺭﺳﺔ ﻣﺎﺯﺍﻝ
ﻣﺤﻤﺪ : ﻭﺍﻧﺎ ﺷﻨﻮ ؟ ﻣﺶ ﻣﺮﺍﻳﻔﺔ ﻋﻠﻴﺎ ؟
ﺍﻣﻨﺔ : ﻛﻴﻒ ﻋﺎﺩ .. ﺍﻛﻴﺪ ﻣﺮﺍﻳﻔﺔ ﻋﻠﻴﻚ .. ﺑﺲ ﺍﻟﻠﻲ ﺻﺎﻳﺮ ﻋﻨﺪﻧﺎ ﺧﺬﺍ ﻋﻘﻠﻲ ﻭﻣﻌﺎﺵ ﻓﻀﻴﺖ ﺑﻜﻞ
ﻣﺤﻤﺪ : ﺷﻦ ﺍﺧﺒﺎﺭﻩ ﻇﺎﻓﺮ .. ﺍﻛﻮﻳﺲ ﺗﻮﺍ ؟
ﺍﻣﻨﺔ : ﻻ ﺍﻟﺤﻤﺪﺍﻟﻠﻪ .. ﺑﺨﻴﺮ
ﻣﺤﻤﺪ : ﻣﺎﻋﺮﻓﺘﻮﺵ ﻣﻦ ﺿﺮﺑﻪ ؟
ﺍﻣﻨﺔ : ﻻ ﻭﺍﻟﻠﻪ ﻣﺎﺯﺍﻝ .. ﻫﻠﻲ ﺑﻠﻐﻮﺍ ﻋﻠﻴﻪ .. ﻟﻜﻦ ﻣﺎﻓﻴﺶ ﺟﺪﻳﺪ
ﻣﺤﻤﺪ : ﺇﻥ ﺷﺎﻟﻠﻪ ﺧﻴﺮ .. ﺍﻟﻤﻬﻢ ﻇﺎﻓﺮ ﺍﻛﻮﻳﺲ ﺍﻟﺒﺎﻗﻲ ﺳﺎﻫﻞ
ﺍﻣﻨﺔ : ﺍﻱ ﻭﺍﻟﻠﻪ .. ﺍﻟﺤﻤﺪﺍﻟﻠﻪ ﻳﺎﺭﺑﻲ ﺍﻃﻤﻨﺖ ﻋﻠﻴﻪ
ﻣﺤﻤﺪ : ﻭﺍﻧﺎ ﻣﺎﺗﺒﻴﺶ ﺍﻃﻤﻨﻲ ﻗﻠﺒﻲ ﻭﺗﺨﻠﻴﻨﺎ ﻧﺠﺘﻤﻌﻮﺍ ﺑﻌﺪ ﻟﻔﺮﺍﻕ ﻫﺬﺍ ﻛﻠﻪ ؟
ﺍﻣﻨﺔ : ﻳﺎﺭﻳﺖ ﻣﺶ ﻛﺎﺭﻫﺔ .. ﺑﺲ ﺍﻟﻈﺮﻭﻑ ﻋﻨﺪﻱ ﺻﻌﺒﺔ ﺍﺷﻮﻳﺎ ﺍﻟﻔﺘﺮﺓ ﻫﺬﻩ
ﻣﺤﻤﺪ : ﺑﺎﻫﻲ ﺍﻧﺎ ﻣﺎﻧﺒﻴﺶ ﺷﻲ ﺗﻮﺍ .. ﻧﺒﻲ ﺍﻧﺪﺯ ﺑﻮﻱ ﻳﺘﻜﻠﻢ ﻣﻊ ﺍﻟﺤﺎﺝ ﻓﻀﻴﻞ ﻋﻠﻴﻚ ﺑﺲ
ﺍﻣﻨﺔ : ﻣﺶ ﻭﻗﺘﻪ ﻳﺎﻣﺤﻤﺪ ﺻﺪﻗﻨﻲ .. ﺧﻠﻴﻨﺎ ﻧﺼﺒﺮﻭﺍ ﺍﺷﻮﻳﺎ
ﻣﺤﻤﺪ : ﻣﻌﺎﺵ ﻧﺒﻲ ﻧﺼﺒﺮ ﺍﻛﺜﺮ ﻣﻦ ﻫﻜﻲ ... ﻧﻬﺎﻳﺔ ﺍﻟﺸﻬﺮ ﺑﻨﺪﺯ ﺑﻮﻱ ﻳﻄﻠﺒﻚ .. ﻛﻞ ﻣﺮﺓ ﺍﻧﺄﺟﻞ ﻓﻴﻬﺎ ﻭﻳﺼﻴﺮ ﺷﻲ ... ﺍﺳﻤﻌﻲ ﻛﻼﻣﻲ ﻭﺧﻠﻴﻨﺎ ﺍﻧﺘﻮﻛﻠﻮﺍ ﻋﻠﻰ ﺍﻟﻠﻪ
ﺍﻣﻨﺔ ﺗﻨﻬﺪﺕ ﺑﺤﺰﻥ : ﺑﺮﺍﺣﺘﻚ .. ﻭﻳﺴﺘﺮ ﺍﻟﻠﻪ
.
.
.
ﺛﺎﻧﻲ ﻳﻮﻡ ﺍﻟﻈﻬﺮ .. ﺟﻬﺎﺩ ﻛﺎﻥ ﻓﻲ ﺍﻟﺸﻐﻞ .. ﻭﺭﻭﺡ ﻟﻠﺸﻘﺔ .. ﺧﺶ ﻭﻛﺎﻧﺖ ﺟﻤﺎﻧﺔ ﻓﻲ ﺍﻟﻤﻄﺒﺦ
ﺧﺶ ﻋﻠﻴﻬﺎ ﻭﻓﺘﺢ ﺭﺑﻄﺔ ﻋﻨﻘﻪ : ﺳﻼﻡ
ﺟﻤﺎﻧﺔ : ﺍﻫﻠﻴﻦ
ﺟﻬﺎﺩ ﻋﻘﺪ ﺣﻮﺍﺟﺒﻪ ﻭﻗﺮﺏ ﻣﻦ ﺍﻟﻐﺎﺯ : ﺷﻨﻮ ﻏﺪﺍﻧﺎ ؟
ﺟﻤﺎﻧﺔ : ﺭﺯ ﻭﻃﺒﻴﺨﺔ ﺑﺎﻣﻴﺔ
ﺟﻬﺎﺩ ﺧﺬﺍ ﻧﻔﺲ : ﺍﻣﻤﻤﻢ ﺟﻴﻌﺎﻥ ﻣﻮﺕ .. ﻧﻐﺴﻞ ﻭﺍﻧﺠﻴﻚ
ﻭﺗﺤﺮﻙ ﺑﻴﻄﻠﻊ ﻣﻦ ﺍﻟﻤﻄﺒﺦ ﻭﻗﻔﻪ ﺻﻮﺕ ﺟﻤﺎﻧﺔ : ﻧﺒﻲ ﻧﻤﺸﻲ ﺑﻌﺪ ﺍﻟﻐﺪﺍﺀ
ﺟﻬﺎﺩ : ﻟﻮﻳﻦ ؟
ﺟﻤﺎﻧﺔ : ﺟﻠﻴﻠﺔ ﺍﺧﺘﻲ ﻋﺎﺯﻣﺘﻨﻲ ﻋﻠﻰ ﺍﻟﻌﺸﺎﺀ ﻋﻨﺪﻫﺎ
ﺟﻬﺎﺩ : ﺷﻨﻮ ﺍﻟﻤﻨﺎﺳﺒﺔ ؟
ﺟﻤﺎﻧﺔ ﺑﻌﺼﺒﻴﺔ : ﻣﺎﻓﻴﺶ ﻣﻨﺎﺳﺒﺔ .. ﻟﻴﺎ ﺯﻣﺎﻥ ﻋﻠﻴﻬﺎ .. ﻭﺍﻧﺘﺎ ﻋﺎﺭﻑ ﻣﻦ ﻳﻮﻡ ﺧﻮﺗﻲ ﺑﺎﻋﻮﺍ ﺣﻮﺵ ﺑﺎﺗﻲ ﻭﻧﺤﻨﺎ ﻣﻌﺎﺵ ﻧﺘﻼﻗﻮﺍ ﺯﻱ ﺯﻣﺎﻥ .. ﻭﺑﺼﺮﺍﺣﺔ ﺭﺍﻳﻔﺖ ﻋﻠﻴﻬﺎ
ﺟﻬﺎﺩ : ﺑﺎﻫﻲ ﺑﺎﻟﺸﻮﻳﺎ ﻣﺶ ﻗﺼﺪﻱ .. ﻛﻨﺖ ﻧﺴﺎﻝ ﻧﺤﺴﺎﺏ ﻓﻲ ﺷﻲ ﺻﺎﻳﺮ ﻋﻨﺪﻫﺎ ﺑﺲ
ﺟﻤﺎﻧﺔ : ﻻ ﻣﺎﻓﻲ ﺷﻲ .. ﺭﺍﻳﻔﺖ ﻋﻠﻴﻬﺎ ﻭﻧﺒﻲ ﺍﻧﺸﻮﻓﻬﺎ ﻫﻴﺎ ﻭﻻﻋﻴﺎﻝ
ﺟﻬﺎﺩ : ﻣﺎﻓﻴﺶ ﻣﺸﻜﻠﺔ .. ﺑﻌﺪ ﺍﻟﻌﺼﺮ ﺟﻬﺰﻱ ﺭﻭﺣﻚ ﺍﻧﺸﻴﻠﻚ ﻋﻨﺪﻫﺎ
ﺟﻤﺎﻧﺔ : ﺑﻨﻤﺸﻲ ﺑﺮﻭﺣﻲ
ﺟﻬﺎﺩ : ﻟﻤﺎ ﺍﻧﻜﻮﻥ ﻣﺶ ﻓﺎﺿﻲ ﻋﺪﻱ ﺍﺑﺮﻭﺣﻚ .. ﺑﺲ ﺍﻟﻌﺸﻴﺔ ﻣﺎﻋﻨﺪﻱ ﺷﻲ .. ﺍﻧﻮﺩﻳﻚ ﺍﻧﺎ
ﻭﻃﻠﻊ ﻣﻦ ﺍﻟﻤﻄﺒﺦ ﻗﺒﻞ ﺍﺗﺮﺩ ﻋﻠﻴﻪ ﺟﻤﺎﻧﺔ ... ﻭﺑﺮﻏﻢ ﻛﺎﻥ ﻳﻌﺼﺒﻬﺎ ﻟﻤﺎ ﻳﺤﺎﻭﻝ ﻳﺘﺤﻜﻢ ﻓﻴﻬﺎ .. ﺍﻻ ﺍﻧﻬﺎ ﺗﻔﺮﺡ ﺑﺄﻫﺘﻤﺎﻣﻪ ﺑﻴﻬﺎ .. ﻭﺧﻮﻓﻪ ﻋﻠﻴﻬﺎ
.
.
.
ﺍﻟﻌﺸﻴﺔ ﺟﻨﻰ ﻛﺎﻧﺖ ﻓﻲ ﺩﺍﺭﻫﺎ ... ﻭﺗﺘﺮﺍﺳﻞ ﻣﻊ ﺻﺤﺒﺘﻬﺎ ﻋﻠﻰ ﺍﻟﻮﺍﺗﺲ .. ﻣﻊ ﺧﺸﺖ ﺻﺒﺎﺡ ﻓﺠﺎﺀﺓ ﻋﻠﻴﻬﺎ ﻭﻓﻲ ﻳﺪﻫﺎ ﺩﺑﺶ ﻟﺠﻨﻰ ﻛﺎﻥ ﻋﻠﻰ ﺍﻟﺤﺒﻞ ﻣﻨﺸﻮﺭ
ﺟﻨﻰ ﻧﻘﺰﺕ ﻭﺗﻨﻬﺪﺕ ﺑﻘﻮﺓ : ﺧﻮﻓﺘﻴﻨﻲ ﻳﺎﻣﺎﻣﺎ
ﺻﺒﺎﺡ ﻧﺰﻟﺖ ﺍﻟﺪﺑﺶ ﻋﻠﻰ ﺍﻟﻜﺮﺳﻲ ﻭﻋﻘﺪ ﺣﻮﺍﺟﺒﻬﺎ ﺑﺸﻚ : ﻭﻟﻴﺶ ﺧﻔﺘﻲ ﺇﻥ ﺷﺎﻟﻠﻪ .. ﻓﻲ ﺷﻨﻮ ﺍﺩﻳﺮﻱ ؟
ﺟﻨﻰ : ﺷﻦ ﺍﻧﺪﻳﺮ .. ﻣﺎﻧﺪﻳﺮ ﻓﻲ ﺷﻲ .. ﻛﻨﺖ ﻧﻬﺪﺭﺯ ﻣﻊ ﺻﺎﺣﺒﺘﻲ
ﺻﺒﺎﺡ ﺯﻣﺖ ﻓﻤﻬﺎ : ﻭﺍﻧﺘﻲ ﺗﺤﻜﻲ ﻣﻊ ﺻﺎﺣﺒﺘﻚ ﻟﻴﺶ ﻧﻄﻴﺘﻲ ﻣﻨﺨﻠﻌﺔ
ﺟﻨﻰ : ﻻﻧﻚ ﺧﺸﻴﺖ ﻋﻠﻴﺎ ﻓﺠﺎﺀﺓ .. ﻋﻠﻴﺶ ﺗﺤﻘﻘﻲ ﻣﻌﺎﻳﺎ ؟
ﺻﺒﺎﺡ ﻗﺮﺑﺖ ﻣﻨﻬﺎ : ﺗﺤﻜﻲ ﻣﻊ ﺻﺎﺣﺒﺘﻚ ﻭﺍﻻ ﻣﻊ ﺍﻟﻠﻲ ﻳﺴﻤﻰ ؟
ﺟﻨﻰ : ﻗﺼﺪﻙ ﻣﻦ ؟
ﺻﺒﺎﺡ : ﻗﺼﺪﻱ ﻋﻠﻰ ﺍﻟﺸﺎﻳﺐ ﺍﻟﻌﺎﻳﺐ ﺍﻟﻠﻲ ﻣﺎﻳﺘﺤﺸﻢ ﻋﻠﻰ ﻭﺟﻬﻪ
ﺟﻨﻰ ﺑﻌﺼﺒﻴﺔ : ﻣﺎﻣﺎ ﻟﻮ ﺳﻤﺤﺘﻲ ﻣﻌﺎﺵ ﺍﺗﻘﻮﻟﻲ ﻋﻠﻴﻪ ﻫﻜﻲ .. ﻋﺎﺑﺪ ﺻﺎﺡ ﺍﻛﺒﺮ ﻣﻨﻲ ﻟﻜﻦ ﻣﺶ ﻟﺪﺭﺟﺔ ﺍﻧﻪ ﺷﺎﻳﺐ
ﺻﺒﺎﺡ : ﻭﻗﺎﻋﺪﺓ ﺍﺗﺪﺍﻓﻌﻲ ﻋﻠﻴﻪ ﻣﺶ ﻣﺘﺤﺸﻤﺔ ﻓﻴﻬﺎ .. ﻳﻌﻨﻲ ﻣﺶ ﺷﺎﻳﻠﺘﻪ ﻣﻦ ﺭﺍﺳﻚ ؟
ﺟﻨﻰ : ﻧﺒﻴﻪ ﻭﻧﺒﻲ ﻧﺘﺰﻭﺟﻪ ﻭﻣﺎﺩﺭﺗﺶ ﺣﺎﺟﺔ ﻏﻠﻂ ﺑﺎﺵ ﻧﺘﺤﺸﻢ ﻣﻨﻬﺎ ﻭﻫﻮﺍ ﺟﺎﺀﻛﻢ ﺑﺎﻟﺤﻼﻝ .... ﺍﻧﺘﻲ ﻟﻴﺶ ﻣﺎﺗﺒﻴﺶ ﺗﺴﻤﻌﻴﻨﻲ ﻭﺗﻔﻬﻤﻲ ﻋﻠﻴﺎ
ﺻﺒﺎﺡ : ﻻﻧﻚ ﺻﻐﻴﺮﺓ ﻭﻣﺶ ﻋﺎﺭﻓﺔ ﻣﺼﻠﺤﺘﻚ ﻭﻳﻦ .. ﻭﺑﻜﺮﺍ ﺑﻌﺪ ﺗﻠﻘﻲ ﺭﻭﺣﻚ ﻋﻨﺪﻩ ﻭﺗﻄﻔﻰ ﻓﺮﺣﺖ ﺍﻟﻌﺮﺱ ﻭﺗﻌﺮﻓﻲ ﻣﻌﻨﻰ ﺍﻟﺰﻭﺍﺝ ﺻﺎﺡ ﻭﺍﻧﻪ ﺍﺧﺘﻴﺎﺭﻙ ﻛﺎﻥ ﻏﻠﻂ ﻣﻦ ﺍﻻﻭﻝ .. ﺗﻨﺪﻣﻲ .. ﻟﻜﻦ ﺍﻧﺎ ﻣﺎﻧﺒﻴﻜﺶ ﺗﻮﺻﻠﻲ ﻟﻠﻤﺮﺣﻠﺔ ﻫﺬﻩ .. ﻻﻥ ﺳﺎﻋﺘﻬﺎ ﻣﻌﺎﺵ ﻳﻨﻔﻊ ﺍﻟﻨﺪﻡ
ﺟﻨﻰ : ﺍﻧﺘﻮﺍ ﺣﻜﻤﺘﻮﺍ ﻋﻠﻰ ﺯﻭﺍﺟﻨﺎ ﺑﺎﻟﻔﺸﻞ ﻣﻦ ﻏﻴﺮ ﻣﺎﺗﺴﻤﻌﻮﻧﺎ .. ﺷﻦ ﻣﺒﺮﺭﺗﻜﻢ ﻟﺮﻓﺾ ﻏﻴﺮ ﻓﺎﺭﻕ ﺍﻟﻌﻤﺮ ﻭﺍﻧﻪ ﻣﻄﻠﻖ ﻭﻣﺎﺩﺭﺗﻮﺵ ﺍﻋﺘﺒﺮ ﻟﻤﺸﺎﻋﺮﻱ ﻭﺍﻻ ﺍﻧﺎ ﺷﻦ ﻧﺒﻲ ؟
ﺻﺒﺎﺡ : ﻣﺶ ﺳﺎﺩﺗﻚ ﺍﻻﺳﺒﺎﺏ ﻫﺬﻩ ﻋﺸﺎﻥ ﻧﺮﻓﻀﻮﺍ .. ﻭﺷﻦ ﻧﺒﻮﺍ ﻧﺴﻤﻌﻮﺍ ﻣﻨﻚ ﻏﻴﺮ ﻛﻼﻡ ﺑﻨﺖ ﻣﺮﺍﻫﻘﺔ ﻣﺶ ﻋﺎﺭﻓﺔ ﻣﺼﻠﺤﺘﻬﺎ ﻭﻳﻦ ؟
ﺟﻨﻰ : ﺷﻦ ﺿﻤﻨﻚ ﻟﻤﺎ ﺑﻨﺘﺰﻭﺝ ﻣﻦ ﺷﺎﺏ ﻣﻦ ﻋﻤﺮﻱ ﻭﻋﺎﺯﺏ ﺑﻨﻌﻴﺶ ﻣﻌﺎﻩ ﻣﺘﺮﻳﺤﺔ ﻭﺍﻻ ﺑﻴﺼﻮﻧﻲ ﻭﻳﻜﻮﻥ ﻣﻨﺎﺳﺐ ﻟﻴﺎ .. ﻣﺎﻫﻮ ﻣﻤﻜﻦ ﻣﻊ ﻋﺎﺑﺪ ﺍﻧﻌﻴﺶ ﺍﺣﺴﻦ ﺑﻤﺌﺔ ﻣﺮﺓ ﻣﻦ ﻏﻴﺮﻩ
ﺻﺒﺎﺡ : ﻭﺍﻧﺘﻲ ﺷﻦ ﺿﻤﻨﻚ ﺍﻧﻚ ﺑﺘﻌﻴﺶ ﺍﻣﻌﺎﻩ ﺳﻌﻴﺪﺓ ﻭﻣﺘﺮﻳﺤﺔ ﻭﻣﺶ ﺑﻌﺪ ﺍﻭﻝ ﻧﻘﺎﺵ ﺑﻴﻨﻜﻢ ﺑﺘﻠﻘﻲ ﻓﺮﻕ ﻛﺒﻴﺮ ﺑﻴﻨﻜﻢ ﻓﻲ ﺍﻟﺘﻔﻜﻴﺮ .. ﺷﻦ ﺿﻤﻨﻚ ﺑﻌﺪ ﻓﺘﺮﺓ ﺍﻳﺠﻲ ﻳﻘﻮﻟﻚ ﻣﻌﺎﺵ ﻧﻘﺪﺭ ﺍﻧﺨﻠﻲ ﻭﻟﺪﻱ ﺑﻌﻴﺪ ﻋﻨﻲ ﻭﺑﻨﺮﺩ ﻣﺮﺍﺗﻲ ﻻﻭﻟﻰ
ﺟﻨﻰ : ﺗﻔﻜﻴﺮﻱ ﺍﻧﺎ ﻭﻳﺎﻩ ﻭﺍﺣﺪ .. ﻭﺣﺘﻰ ﻟﻤﺎ ﻧﺨﺘﻠﻔﻮﺍ ﻓﻲ ﻧﻘﻄﺔ ﻧﺮﺟﻌﻮﺍ ﻧﺘﻔﻘﻮﺍ ﺯﻱ ﺍﻱ ﺍﺛﻨﻴﻦ ﻳﺘﻌﺎﺭﻛﻮﺍ ﻋﺎﺩﻱ
ﺻﺒﺎﺡ ﺑﻌﺼﺒﻴﺔ : ﻳﻌﻨﻲ ﻛﻨﺘﻲ ﺍﺗﻬﺪﺭﺯﻱ ﻣﻌﺎﻩ ﺗﻮﺍ ﻭﺗﻜﺬﺑﻲ ﻋﻠﻴﺎ
ﺟﻨﻰ : ﻣﺎﻛﺬﺑﺘﺶ ﻋﻠﻴﻚ ﻛﻨﺖ ﻧﺤﻜﻲ ﻣﻊ ﺻﺎﺣﺒﺘﻲ
ﺻﺒﺎﺡ ﻣﺪﺕ ﻳﺪﻫﺎ : ﺍﻋﻄﻴﻨﻲ ﻓﻮﻧﻚ ﻫﻨﺎ
ﺧﺎﻟﺪ ﻓﺘﺢ ﺑﺎﺏ ﺍﻟﺸﻘﺔ ﻭﺧﺶ ﻣﻦ ﺑﺮﺍ ﻳﺴﻤﻊ ﻓﻲ ﺻﻮﺗﻬﻦ ؟ !!
ﺟﻨﻰ : ﻣﺎﻣﺎ ﻣﺎﻛﺬﺑﺘﺶ ﻋﻠﻴﻚ .. ﺷﻦ ﺗﺒﻲ ﻓﻴﻪ ﻓﻮﻧﻲ
ﺻﺒﺎﺡ : ﻗﺘﻠﻚ ﻋﻄﻴﻨﻲ ﺍﻟﺒﻼ ﻫﻨﺎ .. ﻣﻦ ﺍﻣﺘﻰ ﻋﻤﺮﻙ ﻛﺬﺑﺘﻲ ﻋﻠﻴﻨﺎ ﻣﻦ ﻗﺒﻞ .. ﺷﻔﺘﻲ ﻟﻌﻨﺪ ﻭﻳﻦ ﻭﺻﻠﺖ ﺑﻴﻚ
ﺟﻨﻰ : ﻣﺎﻛﺬﺑﺘﺶ ﻋﻠﻴﻜﻢ
ﺧﺎﻟﺪ ﺧﺶ ﻋﻠﻴﻬﻦ : ﻛﻨﻜﻦ ﺷﻦ ﻓﻲ ؟
ﺻﺒﺎﺡ : ﺑﻨﺘﻚ ﺗﺤﻜﻲ ﻣﻌﺎﻩ .. ﻭﺗﻜﺬﺏ ﻋﻠﻴﺎ ﺍﺗﻘﻮﻝ ﻧﺤﻜﻲ ﻣﻊ ﺻﺎﺣﺒﺘﻲ
ﺧﺎﻟﺪ : ﺗﺤﻜﻲ ﻣﻊ ﻣﻦ ؟ !!
ﺟﻨﻰ : ﻣﺎﻛﺬﺑﺘﺶ ﻋﻠﻴﻬﺎ ﻳﺎﺑﺎﺑﺎ .. ﻭﺭﺑﻲ ﻛﻨﺖ ﻧﻬﺪﺭﺯ ﻣﻊ ﺭﻧﻴﻢ ﺻﺎﺣﺒﺘﻲ
ﺻﺒﺎﺡ : ﺗﺮﺍ ﺍﺣﻠﻔﻲ ﺍﻧﻚ ﻣﺎﺗﺤﻜﻲ ﻣﻊ ﻋﺎﺑﺪ ﻋﻠﻰ ﺍﻟﻔﻮﻥ
ﺟﻨﻰ ﺑﻠﻌﺖ ﺭﻳﻘﻬﺎ ﺑﺤﺰﻥ ﻭﻧﺰﻟﺖ ﺍﻋﻴﻮﻧﻬﺎ
ﺧﺎﻟﺪ : ﺭﺩﻱ ﻋﻠﻰ ﺍﻣﻚ .. ﺗﺤﻜﻲ ﻣﻌﺎﻩ ﻭﺍﻻ ﻻ ؟
ﺟﻨﻰ ﻣﻨﺰﻟﺔ ﺭﺍﺳﻬﺎ ﻭﺗﺘﻜﻠﻢ : ﺍﻧﺘﺎ ﺗﻌﺮﻑ ﺍﻧﻲ ﻣﺎﻋﻤﺮﻱ ﻛﺬﺑﺖ ﻋﻠﻴﻜﻢ .. ﺍﻧﺎ ﺻﺎﺡ ﻣﺮﺍﺕ ﻧﺘﻜﻠﻢ ﻣﻊ ﻋﺎﺑﺪ .. ﺑﺲ ﺗﻮﺍ ﻟﻤﺎ ﺧﺸﺖ ﻋﻠﻴﺎ ﻣﺎﻣﺎ ﻛﻨﺖ ﻧﺤﻜﻲ ﻣﻊ ﺭﻧﻴﻢ ﻭﺭﺑﻲ
ﺧﺎﻟﺪ : ﻳﻌﻨﻲ ﺗﺤﻜﻲ ﻣﻌﺎﻩ ﻭﺧﻼﺹ .... ﻣﺎﻳﻬﻤﻦﻳﺶ ﺗﻮﺍ ﻭﺍﻻ ﺑﻌﺪﻳﻦ .. ﺍﻟﻤﻬﻢ ﻓﻲ ﺑﻴﻨﻜﻢ ﺗﻮﺍﺻﻞ .. ﻭﺍﻧﺎ ﻗﺘﻠﻚ ﻃﻠﻌﻴﻪ ﻣﻦ ﺭﺍﺳﻚ ﻭﻣﻌﺎﺵ ﻧﺒﻴﻚ ﺍﺗﺠﻴﺒﻲ ﺣﺘﻰ ﺳﻴﺮﺗﻪ
ﺟﻨﻰ ﻣﻨﺰﻟﺔ ﺭﺍﺳﻬﺎ ﻭﺩﻣﻮﻋﻬﺎ ﻧﺰﻟﻮﺍ
ﺧﺎﻟﺪ ﺍﻳﻬﺰ ﻓﻲ ﺭﺍﺳﻪ ﻭﻣﺪ ﻳﺪﻩ : ﻫﺎﺗﻴﻪ .. ﻫﺎﺗﻲ ﻓﻮﻧﻚ ﻫﻨﺎ
ﺟﻨﻰ : ﻋﻠﻴﺶ ؟
ﺧﺎﻟﺪ : ﻻﻧﻚ ﻣﺎﺗﺴﻤﻌﻴﺶ ﻓﻲ ﺍﻟﻜﻼﻡ .. ﻫﺎﺗﻲ ﻫﻨﺎ
ﺟﻨﻰ ﻗﻔﻠﺖ ﻓﻮﻧﻬﺎ ﻭ ﻣﺪﺗﻪ ﻟﺒﻮﻫﺎ :
ﺧﺎﻟﺪ : ﻣﺎﺯﻟﺖ ﻧﻌﺎﻣﻠﻚ ﻓﻴﻚ ﺯﻱ ﻣﺎﺗﻌﻮﺩﺕ ﻧﻌﺎﻣﻠﻚ ﻣﻦ ﺯﻣﺎﻥ .. ﻣﺎﺗﺨﻠﻴﻨﻴﺶ ﻧﻐﻴﺮ ﻣﻌﺎﻣﻠﺘﻲ ﻣﻌﺎﻙ
ﻭﻃﻠﻊ ﺧﺎﻟﺪ ﻣﻦ ﺍﻟﺪﺍﺭ ﻣﻌﺼﺐ
ﺻﺒﺎﺡ : ﻣﻦ ﺍﻭﻟﻬﺎ ﻣﺸﺎﻛﻞ ﻣﻌﻨﺎ ﻭﻫﻜﻲ .. ﻻﺯﻡ ﺗﻌﺮﻓﻲ ﺍﻧﻪ ﻣﺶ ﻟﻴﻚ ﻭﻣﺶ ﻣﻨﺎﺳﺐ ﻟﻨﺎ .. ﺍﻧﺴﻲ ﺧﻼﺹ
ﻭﻃﻠﻌﺖ ﺻﺒﺎﺡ ﻭﺧﺒﻄﺖ ﺍﻟﺒﺎﺏ ﻭﺭﺍﺀﻫﺎ .. ﻭﺟﻨﻰ ﻃﺎﺣﺖ ﻋﻠﻰ ﺳﺮﻳﺮﻫﺎ ﺗﺒﻜﻲ
.
.
.
))************ ﺍﻟﻜﺎﺗﺒﺔ ﺍﻡ ﻧﺎﺻﺮ ((
.
.
.
ﺑﺎﺏ ﺣﻮﺵ ﻋﻴﺖ ﻓﻀﻴﻞ ﺍﻳﺪﻕ .. ﻭﺍﻟﻤﻌﺘﺼﻢ ﻃﻠﻊ ﻓﺘﺢ .. ﻭﻛﺎﻥ ﻋﻠﻲ ﻭﺍﻣﻌﺎﻩ ﻋﻤﻪ : ﺍﻫﻠﻴﻦ
ﻋﻠﻲ ﻣﺪ ﻳﺪﻩ ﺳﻠﻢ ﻋﻠﻰ ﺍﻟﻤﻌﺘﺼﻢ : ﺷﻦ ﺍﺧﺒﺎﺭﻙ .. ﺍﻟﺤﻤﺪﺍﻟﻠﻪ ﻋﻠﻰ ﺳﻼﻣﺔ ﻇﺎﻓﺮ
ﺍﻟﻤﻌﺘﺼﻢ : ﺍﻟﻠﻪ ﻳﺴﻠﻤﻚ .. ﺗﻔﻀﻠﻮﺍ
ﺧﺸﻮﺍ ﻭﻋﻢ ﻋﻠﻲ ﺳﻠﻢ ﻋﻠﻰ ﺍﻟﻤﻌﺘﺼﻢ : ﺍﻟﺤﺎﺝ ﻓﻀﻴﻞ ﻗﺎﻋﺪ ؟
ﺍﻟﻤﻌﺘﺼﻢ : ﻗﺎﻋﺪ ﺗﻔﻀﻠﻮﺍ ﺟﻮﺍ
ﺧﺸﻮﺍ ﻭﺭﺍﺀﻩ ﻟﻠﻤﺮﺑﻮﻋﺔ .. ﻭﻋﺼﻮﻣﻲ ﺧﺶ ﺟﻮﺍ ﻟﺪﺍﺭ ﺍﻟﻤﻌﻴﺸﺔ ﻛﻠﻢ ﺑﻮﻩ
ﻋﺎﺋﺸﺔ : ﺷﻦ ﺧﻄﺮﻫﺎ ﻋﻠﻴﻬﻢ ﻣﺎﺯﻝ ﺑﺪﺭﻱ
ﺍﻟﺤﺎﺝ ﺻﺒﺎ : ﺍﺳﻜﺘﻲ ﻋﻴﺐ .. ﻳﺴﻤﻌﻮﻙ ﺍﻟﺮﺟﺎﻟﺔ
ﻋﺎﺋﺸﺔ ﻟﻮﺕ ﻓﻤﻬﺎ
ﺍﻟﺤﺎﺝ : ﺃﻣﻨﺔ ﺍﻟﻠﻪ ﻳﺮﺑﺤﻚ ﻃﻴﺒﻲ ﻗﻬﻮﺓ ﻭﺩﺯﻳﻬﺎ ﻣﻊ ﺧﻮﻙ
ﺍﻣﻨﺔ ﺻﺒﺖ : ﺣﺎﺿﺮ ﻣﻦ ﻋﻴﻮﻧﻲ
ﻃﻠﻊ ﺍﻟﺤﺎﺝ ﻭﻣﺸﻰ ﺧﺶ ﻋﻠﻴﻬﻢ ﻭﻗﻔﻮﺍ ﺳﻠﻤﻮﺍ ﻋﻠﻴﻪ ﻭﺣﻤﺪﻭﺍ ﺑﺴﻼﻣﺔ ﻇﺎﻓﺮ .. ﻭﺍﻋﺘﺬﺭﻭﺍ ﻋﻦ ﺍﻟﺘﺎﺧﻴﺮ
ﺍﻟﺤﺎﺝ : ﺗﻔﻀﻠﻮﺍ ... ﺗﻔﻀﻠﻮﺍ ﻗﻤﻌﺰﻭﺍ
ﻗﻤﻌﺰﻭﺍ .. ﻭﻋﻠﻲ ﺷﺎﻑ ﻟﻠﺤﺎﺝ : ﻭﻳﻦ ﻧﺴﻴﺒﻨﺎ ؟
ﺍﻟﺤﺎﺝ : ﻓﻮﻕ ﻓﻲ ﺷﻘﺘﻪ ... ﻳﺎﺍﻟﻤﻌﺘﺺﻣﻤﻤﻢ ... ﺍﻟﻤﻌﺘﺼﻢ
ﺍﻟﻤﻌﺘﺼﻢ ﺧﺶ ﻋﻠﻴﻬﻢ : ﻧﻌﻢ ﻳﺎﺣﺎﺝ
ﺍﻟﺤﺎﺝ : ﻋﺪﻱ ﻛﻠﻢ ﺧﻮﻙ ﺍﻳﺴﻠﻢ ﻋﻠﻰ ﻧﺴﺎﺑﺘﻪ
ﻋﺼﻮﻣﻲ : ﺣﺎﺿﺮ ﻫﻴﺎ ... ﻭﻃﻠﻊ ﺭﻛﺐ ﺍﻳﻜﻠﻢ ﻓﻲ ﻇﺎﻓﺮ
ﻋﻠﻲ : ﻭﺍﻟﻠﻪ ﻳﺎﺣﺎﺝ ﺟﻴﺖ ﻟﻈﺎﻓﺮ ﻓﻲ ﺍﻟﻤﺴﺘﺸﻔﻰ ﺛﺎﻧﻲ ﻳﻮﻡ ﺍﻟﺼﺒﺢ .. ﻟﻜﻦ ﺍﻟﺰﻳﺎﺭﺓ ﻣﻤﻨﻮﻋﺔ ﻳﻮﻣﻬﺎ .. ﻭﺑﻌﺪﻳﻦ ﺳﺎﻓﺮﺕ ﺍﻧﺠﻴﺐ ﻓﻲ ﺑﻀﺎﻋﺔ ﻭﻫﺬﻩ ﺍﻟﺘﺮﻭﻳﺤﺔ
ﺍﻟﺤﺎﺝ : ﻣﺶ ﻻﺋﻢ ﻋﻠﻴﻚ .. ﻭﺟﻬﺎﺩ ﻗﺎﻟﻲ ﺍﻧﻚ ﺟﻴﺖ .. ﻭﺻﺤﻴﺢ ﺍﻟﺰﻳﺎﺭﺓ ﻣﻤﻨﻮﻉ ﻓﻲ ﺍﻟﻌﻨﺎﻳﺔ .. ﻧﺤﻨﺎ ﺑﺮﻭﺍﺣﻨﺎ ﻣﺎﺧﺸﻴﻨﺎ ﻋﻠﻴﻪ ﺍﻻ ﺑﺎﻟﻮﺍﺳﻄﺔ
ﻋﻠﻲ : ﺍﻟﻤﻬﻢ ﺍﻧﻪ ﺑﺨﻴﺮ ﺍﻟﺤﻤﺪﺍﻟﻠﻪ ﻋﻠﻰ ﺳﻼﻣﺘﻪ
ﺍﻟﺤﺎﺝ : ﺍﻟﻠﻪ ﻳﺴﻠﻤﻚ .. ﺷﻨﻮ ﺣﺎﻟﻜﻢ ﺍﻧﺘﻢ .. ﻭﺷﻦ ﺣﺎﻝ ﺍﻣﻚ ؟
ﻋﻠﻲ : ﺍﻟﺤﻤﺪﺍﻟﻠﻪ ﺑﺨﻴﺮ .. ﻭﺍﻟﻮﺍﻟﺪﺓ ﺻﺤﺘﻬﺎ ﺑﺎﻟﻬﻮﻥ .. ﺍﻟﺴﻜﺮ ﻣﺶ ﺛﺎﺑﺖ ﻋﻨﺪﻫﺎ
ﺍﻟﺤﺎﺝ : ﻳﺸﻔﻴﻬﺎ ﺍﻟﻠﻪ
ﻣﻊ ﺧﺸﺖ ﻇﺎﻓﺮ ﻳﻌﺮﺝ ﻭﺍﻟﻤﻌﺘﺼﻢ ﺳﺎﻧﺪﻩ .... ﻭﻋﻠﻲ ﻭﻋﻤﻪ ﺻﺒﻮﺍ ﻃﻮﻝ ﻳﺴﻠﻤﻮﺍ ﻋﻠﻴﻪ
ﺳﻠﻤﻮﺍ ﻋﻠﻴﻪ ﺑﺎﻟﺨﺪ .. ﻭﻇﺎﻓﺮ ﺗﺤﺮﻙ ﻣﻊ ﺧﻮﻩ ﻭﻗﻤﻌﺰ ﺟﻨﺐ ﺑﻮﻩ
.
.
.
ﺍﻣﻨﺔ ﺍﻃﻴﺐ ﻓﻲ ﻗﻬﻮﺓ .. ﻭﻋﺎﺋﺸﺔ ﺗﻬﺪﺭﺯ ﻣﻌﺎﻫﺎ ﻣﻦ ﺩﺍﺭ ﺍﻟﻤﻌﻴﺸﺔ : ﺯﻋﻤﺎ ﺷﻦ ﻳﺒﻮﺍ ﻣﻦ ﺑﻮﻙ ؟
ﺍﻣﻨﺔ : ﻭﺍﻟﻠﻪ ﻣﺎﻧﻌﺮﻑ .. ﺍﻛﻴﺪ ﻋﻠﻰ ﻣﻮﺿﻮﻉ ﻭﺳﻦ ﻭﺇﺑﺮﺍﻫﻴﻢ
ﻋﺎﺋﺸﺔ : ﺍﻟﻠﻪ ﻳﻌﻄﻴﻪ ﺩﻋﻮﺓ ﻣﺎﺳﺪ ﻣﺎﺩﺍﺭ ﻓﻴﻨﺎ ﻣﻦ ﻗﺒﻞ ﻭﻣﻌﺬﺏ ﺍﻟﺒﻨﺖ .. ﻣﺸﻰ ﺧﻄﻔﻬﺎ ﺍﺧﺮﻯ .. ﻭﺧﻠﻰ ﺑﻮﻫﺎ ﻭﺧﻮﺗﻬﺎ ﻳﻐﻀﺒﻮﺍ ﻋﻠﻴﻬﺎ ﺯﻳﺎﺩﺓ
ﺍﻣﻨﺔ : ﺣﺘﻰ ﻭﺳﻦ ﺍﻟﻠﻪ ﻳﻬﺪﻳﻬﺎ ﻣﻦ ﺍﻻﻭﻝ ﺣﻄﺘﻨﺎ ﻓﻲ ﺩﻭﺍﻣﺔ ﻣﺎﺑﺘﺶ ﺗﻨﺘﻬﻲ
ﻋﺎﺋﺸﺔ :
.
.
.
ﺍﻟﺤﺎﺝ ﻗﻄﻊ ﻛﻼﻡ ﻋﻠﻲ : ﺟﻴﺘﻜﻢ ﻋﻠﻰ ﻋﻴﻨﻲ ﻭﺭﺍﺳﻲ ﻭﻗﺪﺭﻛﻢ ﻋﻨﺪﻱ ﻋﺎﻟﻲ .. ﻟﻜﻦ ﻣﻮﺿﻮﻉ ﻭﺳﻦ ﻣﻌﺎﺵ ﺗﻔﺘﺤﻮﺍ ﻣﻌﺎﻧﺎ
ﻋﻠﻲ : ﻟﻜﻦ ﻳﺎﺣﺎﺝ ﻣﻬﻤﺎ ﺻﺎﺭ ﺍﻟﺒﻨﺖ ﺑﻨﺘﻜﻢ ﻭﻻﺯﻡ ...
ﻇﺎﻓﺮ ﻗﺺ ﻋﻠﻴﻪ : ﺑﻌﺪ ﺍﺫﻧﻚ ﻳﺎﺣﺎﺝ .. ﻟﻜﻦ ﻳﺎﻋﻠﻲ ﻭﺳﻦ ﻻﻫﻴﺎ ﺑﻨﺘﻨﺎ ﻭ ﻣﻌﺎﺵ ﺗﻌﻨﻴﻨﺎ ﻓﻲ ﺷﻲ .. ﻭﻣﻌﺎﺵ ﻧﺒﻮﺍ ﻧﺴﻤﻌﻮﺍ ﻋﻠﻴﻬﺎ ﺍﻱ ﺣﺎﺟﺔ
ﻋﻢ ﻋﻠﻲ : ﺍﻟﻌﻨﻮﺍ ﺷﻴﻄﺎﻧﻜﻢ ﻭﺍﺳﺘﻬﺪﻭﺍ ﺑﺎﻟﻠﻪ ... ﺍﻟﺤﺎﺟﺎﺕ ﻫﺬﻳﻦ ﺩﻳﻤﺎ ﺍﺗﺼﻴﺮ .. ﻭﻣﺎﻫﻴﺶ ﺍﻭﻝ ﺑﻨﺖ ﺗﻤﺸﻲ ﺑﺎﻟﻄﺮﻳﻘﺔ ﻫﺬﻩ .. ﻭﺑﻌﺪﻳﻦ ﻓﻲ ﺍﻻﺧﻴﺮ ﺍﻧﻬﻢ ﻣﺘﺰﻭﺟﻴﻦ ﻭﺑﺎﻟﺤﻼﻝ
ﺍﻟﺤﺎﺝ : ﻻ ﺍﻟﻪ ﺍﻻ ﺍﻟﻠﻪ .. ﻟﻜﻦ ﺍﻟﺰﻭﺍﺝ ﺑﺎﻟﻄﺮﻳﻘﺔ ﻫﺬﻩ ﻏﻠﻂ ﻭﻻ ﻣﻦ ﻋﺎﺩﺍﺗﻨﺎ ﻭﻻ ﺗﻘﺎﻟﻴﺪﻧﺎ ﻭﻻﺗﺮﺿﻲ ﺍﻟﻌﺒﺪ ﻭﻻ ﺍﻟﺮﺏ .. ﺍﻟﻐﻠﻂ ﻏﻠﻂ ﻭﻣﺎﺗﻘﺪﺭﺵ ﺍﺗﻐﻄﻴﻪ ﺑﺎﻱ ﻋﺬﺭ
ﻋﻠﻲ : ﻋﺎﺭﻑ ﻭﻋﻨﺪﻙ ﺣﻖ ﻓﻲ ﻛﻞ ﻛﻠﻤﺔ ﺑﺘﻘﻮﻟﻬﺎ .. ﻟﻜﻦ ﻟﻌﻨﺪ ﺍﻣﺘﻰ
ﺑﺘﻘﻌﺪﻭﺍ ﻏﺎﺿﺒﻴﻦ ﻋﻠﻴﻬﺎ ؟
ﻇﺎﻓﺮ : ﻟﻌﻨﺪ ﺍﺧﺮ ﺍﻟﻌﻤﺮ .. ﺍﻟﺒﻨﺖ ﻫﺮﺑﺖ ﻣﻨﺎ ﻣﺮﺗﻴﻦ ﻣﺶ ﻣﺮﺓ .. ﻛﻨﺎ ﻣﻤﻜﻦ ﺍﻧﺴﺎﻣﺤﻮﻫﺎ ﻭﻧﻤﺸﻮﺍ ﺍﻟﻠﻲ ﺻﺎﺭ ﻏﺼﺒﺎ ﻋﻨﺎ ﻭﻧﻘﻮﻟﻮﺍ ﻧﺼﻴﺐ .. ﻟﻜﻦ ﻭﻟﺪﻛﻢ ﺯﻭﺩﻫﺎ ﻭﻣﺶ ﻣﺎﻟﻲ ﻋﻴﻨﻪ ﺣﺪ ﻭﻻ ﺩﺍﻳﺮ ﺣﺴﺎﺏ ﺍﻟﺤﻮﺵ ﻓﻲ ﺭﺟﺎﻟﺔ .. ﻛﻴﻔﻪ ﻛﻴﻒ ﺑﻨﺘﻨﺎ ﺍﻟﻠﻲ ﻣﺸﺖ ﻣﻦ ﻭﺭﺍﺀﻧﺎ ﻣﺮﺗﻴﻦ ﻭﻛﺴﺮﺕ ﻛﻼﻣﻨﺎ ﻭﻃﻠﻌﺖ ﻣﻦ ﺷﻮﺭﻧﺎ ﻭﻣﺶ ﻣﻌﺘﺒﺮﺓ ﻓﻲ ﺧﻮﺕ ﻭﻻ ﺍﺏ ﻭﺭﺍﺀﻫﺎ ... ﻭﺣﺘﻰ ﻧﺤﻨﺎ ﻣﻌﺎﺵ ﻧﺒﻮﻟﻬﻢ ﺧﻠﻄﺔ
ﻋﻢ ﻋﻠﻲ : ﺑﺎﻟﻜﻢ ﺗﻘﻌﺪﻭﺍ ﻋﻠﻰ ﻛﺮﺍﺳﻲ ﻋﻘﻮﻟﻜﻢ ﻭﺍﺗﺰﻳﺪﻭﺍ ﺍﺗﻔﻜﺮﻭﺍ ﻓﻴﻬﺎ ﺍﺷﻮﻱ .. ﺍﻟﺒﻨﺖ ﻣﺎﻟﻬﺶ ﻏﻴﺮ ﻫﻠﻬﺎ ﺍﻥ ﻣﺸﺖ ﻭﺍﻻ ﺟﺖ .. ﻭﻫﺬﻩ ﺑﻨﺘﻜﻢ
ﻇﺎﻓﺮ ﺻﺒﺎ ﻣﻌﺼﺐ : ﺍﻟﺒﻨﺖ ﻣﺶ ﺑﻨﺘﻨﺎ ﻭﻧﺤﻨﺎ ﺗﺒﺮﻳﻨﺎ ﻣﻨﻬﺎ ﻣﻦ ﻗﺒﻞ ﻭﺗﻮﺍ ﺍﻧﺰﻳﺪ ﺍﻧﻘﻮﻟﻜﻢ ﻫﺬﻩ ﻣﺮﺍﺗﻜﻢ ﻭﻧﺤﻨﺎ ﻣﻌﺎﺵ ﻋﻨﺪﻧﺎ ﺑﻴﻬﺎ ﺩﺧﻞ .. ﻭﺍﻧﺎ ﻟﻮ ﻧﺸﻮﻓﻬﺎ ﻣﺮﺓ ﺛﺎﻧﻴﺔ ﻧﺬﺑﺤﻬﺎ
ﻋﻠﻲ : ﻭﺳﻊ ﺑﺎﻟﻚ .. ﻭﻗﻤﻌﺰ ﺗﺮﻳﺢ
ﻇﺎﻓﺮ : ﻣﺮﻳﺾ ﻭﻧﺒﻲ ﻧﺮﻗﺪ .. ﻭﺍﻟﻜﻼﻡ ﺍﻟﻠﻲ ﻋﻨﺪﻱ ﻗﻠﺘﻪ
ﻭﻃﻠﻊ ﻭﺍﻟﻤﻌﺘﺼﻢ ﺻﺒﺎ ﻣﻌﺎﻩ ﻳﺴﻨﺪ ﻓﻴﻪ ﻟﻌﻨﺪ ﺭﻛﺐ ﻓﻮﻕ
ﻋﻢ ﻋﻠﻲ : ﻋﺎﺟﺒﻚ ﻛﻼﻡ ﻭﻟﺪﻙ ﻳﺎﺣﺎﺝ ؟
ﺍﻟﺤﺎﺝ : ﻛﻼﻡ ﻇﺎﻓﺮ .. ﻫﻮ ﻛﻼﻣﻨﺎ ﻛﻠﻨﺎ .. ﺯﻱ ﻧﺎ ﺯﻱ ﺧﻮﺗﻬﺎ ﻣﻌﺎﺵ ﻋﻨﺪﻧﺎ ﺑﻨﺖ ﺑﺎﻻﺳﻢ ﻫﺬﺍ .. ﻭﺍﻧﺎ ﻣﺘﺒﺮﻱ ﻣﻨﻬﺎ ﻟﻴﻮﻡ ﺍﻟﻘﻴﺎﻣﺔ .. ﻻﺗﺠﻴﻨﻲ ﻭﻻ ﻧﺸﻮﻑ ﻭﺟﻬﻬﺎ ﺣﺘﻰ ﻟﻮ ﺻﺎﺭﺕ ﺍﻛﺒﺮ ﻛﺒﻴﺮﺓ ﻋﻨﺪﻱ
ﻋﻠﻲ ﺷﺎﻑ ﻟﻌﻤﻪ ﻭﺯﻡ ﻓﻤﻪ ﺑﺤﺰﻥ ... ﻣﻊ ﺩﻗﺖ ﺍﻣﻨﺔ ﻋﻠﻰ ﺍﻟﺒﺎﺏ ﺟﺎﻳﺒﺔ ﺍﻟﻘﻬﻮﺓ .. ﻭﺍﻟﺤﺎﺝ ﺻﺒﺎ ﺍﻳﺠﻴﺐ ﻓﻴﻬﺎ
.
.
.
))******** ﺍﻟﻜﺎﺗﺒﺔ ﺍﻡ ﻧﺎﺻﺮ ((
.
.
ﺑﻌﺪ ﻛﻢ ﻳﻮﻡ ﺭﺣﻤﺔ ﻣﻘﻤﻌﺰﺓ ﺑﻴﻦ ﺧﻮﺍﺗﻬﺎ ﻓﻲ ﺍﻟﻠﻴﻞ ﻭﻏﺰﺍﻟﺔ ﺍﻃﻴﺐ ﻓﻲ ﺷﺎﻫﻲ ﻭﻗﺪﺍﻣﻬﻦ ﺳﺒﻮﻝ ﻭﻛﻌﻚ
ﻏﺰﺍﻟﺔ : ﻳﺎﺑﻨﺘﻲ ﻋﻴﺐ ﺍﻣﺴﻴﺒﻪ ﺭﺍﺟﻠﻚ ﻣﺮﻳﺾ ﻭﻗﺎﻋﺪﺓ ﻋﻨﺪﻱ
ﺭﺣﻤﺔ ﺷﺎﻓﺖ ﻟﺮﻭﺩﻳﻨﺔ ﺑﺘﻮﺗﺮ : ﻣﺎﻫﻮ ﺧﻔﺖ ﻋﻠﻴﻚ ﻭﺭﺍﻳﻔﺖ ﻋﻠﻴﻜﻢ
ﻏﺰﺍﻟﺔ : ﻧﺎ ﻣﺎﻓﻲ ﺷﻲ ﺍﺗﻘﻮﻝ ﺍﻳﺶ .. ﻭﻟﻚ ﻳﻮﻣﻴﻦ ﻋﻨﺪﻧﺎ ﻋﻴﺐ ﺍﻟﻌﺮﺏ ﺍﻳﻘﻮﻟﻮﺍ ﺍﻣﺴﻴﺒﺔ ﺭﺍﺟﻠﻬﺎ ﻭﻗﺎﻋﺪﺓ ﻋﻨﺪ ﺍﻣﻬﺎ ﻭﻣﺎﺯﻟﺘﻲ ﻋﺮﻭﺱ
ﺭﺣﻤﺔ : ﻛﻴﻒ ﻣﻠﻴﺖ ﻣﻨﻲ ﻭﻣﻌﺎﺵ ﺗﺒﻴﻨﻲ
ﻏﺰﺍﻟﺔ : ﻻ ﻭﺍﻟﻠﻪ .. ﻟﻮ ﻛﺎﻥ ﻋﻠﻴﺎ ﻧﺒﻴﻜﻦ ﺩﻳﻤﺎ ﺍﺣﺬﺍﻳﺎ ﻭﻗﺪﺍﻡ ﻋﻴﻨﻲ .. ﻟﻜﻦ ﺧﻼﺹ ﺍﻧﺘﻲ ﻣﺘﺰﻭﺟﺔ ﻭﻣﻌﺎﺵ ﻛﻴﻒ ﻗﺒﻞ .. ﻭﺭﺍﺟﻠﻚ ﻣﺎﺯﺍﻝ ﺟﺮﺣﻪ ﺟﺪﻳﺪ ﻭﺍﻛﻴﺪ ﻳﺒﻲ ﻣﺌﺔ ﺣﺎﺟﺔ .. ﻣﺎﺗﺠﻴﺶ ﻗﻌﺪﺗﻚ ﻋﻨﺪﻱ ﻫﻨﺎ
ﺭﺣﻤﺔ ﺷﺎﻓﺖ ﻟﺮﻭﺩﻳﻨﺔ ﻭﻣﻌﺎﺵ ﻋﺮﻓﺖ ﺷﻦ ﺍﺗﻘﻮﻝ
ﺭﻭﺩﻳﻨﺔ : ﺧﻠﻴﻬﺎ ﻳﺎﻣﺎﻣﺎ .. ﻣﺎﺯﻟﻨﺎ ﻣﺎﺷﺒﻌﻨﺎ ﻣﻨﻬﺎ .. ﻣﻦ ﻳﻮﻡ ﺗﺰﻭﺟﺖ ﻣﻌﺎﺵ ﺷﻔﻨﻬﺎ ﻛﻴﻒ ﺍﻟﻨﺎﺱ
ﻏﺰﺍﻟﺔ : ﺍﻧﺎ ﻳﺎﺑﻨﺘﻲ ﻣﻐﻴﺮ ﻋﻠﻰ ﺍﺍﺍﺍ ..
ﺳﻜﺘﺖ ﻏﺰﺍﻟﺔ ﻋﻠﻰ ﺭﻧﺔ ﻓﻮﻥ ﺭﺣﻤﺔ ... ﺭﺣﻤﺔ ﺷﺎﻓﺖ ﻟﻔﻮﻧﻬﺎ ﻭﻛﺎﻥ ﻇﺎﻓﺮ ﻳﺘﺼﻞ ﺑﻴﻬﺎ )) ﻋﺎﻓﻴﺘﻲ ﻳﺘﺼﻞ ﺑﻚ ((
ﻗﻠﺒﻬﺎ ﻗﻌﺪ ﻳﺮﻑ ﻣﻦ ﺍﻟﻔﺮﺣﺔ ﻭﺍﻳﺪﻳﻬﺎ ﻳﺮﻋﺸﻮﺍ ... ﺭﻓﻌﺖ ﺍﻟﻔﻮﻥ ﻭﺭﺩﺕ : ﺍﻟﻮ
ﻇﺎﻓﺮ : ﺍﻟﻮ .. ﺷﻦ ﺍﺧﺒﺎﺭﻙ ؟
ﺭﺣﻤﺔ ﺑﺤﺰﻥ : ﺗﻤﺎﻡ
ﻇﺎﻓﺮ ﺑﻠﻊ ﺭﻳﻘﻪ ﻭﻳﺤﻜﻲ ﺑﻄﺮﻳﻘﺔ ﺍﻳﺤﺎﻭﻝ ﺍﻳﺒﻴﻦ ﻓﻴﻬﺎﺣﺎﺯﻡ ﻭﻣﺎﻳﺒﺎﻧﺶ ﺭﻳﺎﻓﻪ ﻋﻠﻴﻬﺎ : ﺷﻦ ﺑﻨﻘﻮﻟﻚ .. ﺍﻧﺎ ﻃﺎﻟﻊ ﻣﺸﻮﺍﺭ ﻗﺮﻳﺐ ﻫﻨﺎ .. ﺑﻌﺪ ﻋﺸﺮ ﺩﻗﺎﺋﻖ ﺍﻧﺠﻲ ﻧﺎﺧﺬﻙ ﺟﻬﺰﻱ ﺭﻭﺣﻚ
ﺭﺣﻤﺔ : ﺗﺎﺧﺬﻧﻲ ﻭﻳﻦ
ﻇﺎﻓﺮ : ﻧﺎﺧﺬﻙ ﻟﺸﻘﺘﻚ .. ﺟﻬﺰﻱ ﺷﻨﻄﺘﻚ ﻣﺶ ﻣﻄﻮﻝ ﻋﻠﻴﻚ
ﺭﺣﻤﺔ ﺑﺮﻏﻢ ﻓﺮﺣﺘﻬﺎ ﺗﻜﻠﻤﺖ ﻋﺎﺩﻱ : ﺑﺎﻫﻲ ﺗﻤﺎﻡ
ﺻﻜﺮﺕ ﻭﻏﺰﺍﻟﺔ ﺳﺎﻟﺘﻬﺎ ﻃﻮﻝ : ﻣﻦ ﻳﻜﻠﻢ ﻓﻴﻚ ؟
ﺭﺣﻤﺔ ﺍﺗﺸﻮﻑ ﻻﺧﻮﺍﺗﻬﺎ : ﻇﺎﻓﺮ ﻳﺒﻲ ﻳﺎﺧﺬﻧﻲ
ﻏﺰﺍﻟﺔ : ﺻﺒﻲ ﺑﺴﺮﻋﺔ ﺳﻠﻢ ﺑﻨﺘﻲ ﻟﻤﻲ ﺭﻭﺣﻚ ﻭﺍﻣﺸﻲ ﻣﻊ ﺭﺍﺟﻠﻚ
ﺭﻫﻒ ﺑﺼﻮﺕ ﻭﺍﻃﻲ : ﺑﺎﺭﺩﺓ ﻛﺎﻥ ﻣﺸﻴﺘﻲ ﻣﻌﺎﻩ .. ﺧﻠﻴﻪ ﻳﻨﺤﺮﻕ ﻋﻠﻴﻚ
ﺭﻭﺩﻳﻨﺔ : ﺻﻜﺮﻱ ﻓﻤﻚ ﺍﻧﺘﻲ ﺗﺤﺮﺷﻲ ﻓﻴﻬﺎ .. ﻣﺶ ﻧﺎﻗﺼﻨﺎ ﻣﺸﺎﻛﻞ
ﺭﺣﻤﺔ : ﻋﻨﺪﻫﺎ ﺣﻖ ﻟﻜﻦ .. ﻣﺎﺯﻟﺖ ﻭﺟﻌﺘﻨﻲ ﻃﺮﺩﺗﻪ ﻟﻴﺎ
ﺭﻭﺩﻳﻨﺔ : ﻳﺎﺧﻴﺘﻲ ﺻﺒﻲ ﺍﻣﺸﻲ ﻣﻌﺎﻩ ﻣﺎﺻﺪﻗﻨﺎ ﺍﻟﺮﺍﺟﻞ ﺟﺎﺀﻙ .. ﻭﻛﺎﻥ ﻓﻲ ﻋﻘﻠﻚ ﺣﺎﺟﺔ ﺭﺑﻴﻪ ﻓﻲ ﺷﻘﺘﻜﻢ ﻣﺶ ﻋﻨﺪﻧﺎ
ﺭﻫﻒ ﺿﺤﻜﺖ ﺑﺼﻮﺕ
ﺭﺣﻤﺔ ﺻﺒﺖ : ﺑﺎﺭﺩﺍﺕ ﺧﺰﻳﻪ
ﻏﺰﺍﻟﺔ : ﻛﻨﻜﻦ ﻣﻊ ﺍﺧﺘﻜﻦ ﻓﻴﺶ ﺍﺗﻘﻮﻟﻦ ؟
ﺭﻭﺩﻳﻨﺔ ﻻﺣﻘﺖ ﺍﺧﺘﻬﺎ : ﻣﺎﻓﻲ ﺷﻲ ﻳﺎﻣﺎﻣﺎ ﻫﺬﻩ ﺑﺮﺍﺩﺓ ﺭﻫﻒ ﺗﻌﺮﻓﻴﻬﺎ
ﺭﻫﻒ : ﻧﻨﻨﻦ
.
.
.
ﺭﺣﻤﺔ ﻻﺑﺴﺖ ﻭﺟﻬﺰﺕ ﻧﻔﺴﻬﺎ ﻭﻗﻌﺪﺕ ﺗﺴﺘﻨﻰ ﻓﻲ ﻇﺎﻓﺮ ﻟﻌﻨﺪ ﺭﻥ ﻋﻠﻴﻬﺎ : ﺍﻳﻮﺍ
ﻇﺎﻓﺮ : ﻫﻴﺎ ﻗﺎﻋﺪ ﺑﺮﺍ
ﺭﺣﻤﺔ : ﻫﻴﺎ ﺟﻴﺖ
ﺭﻭﺩﻳﻨﺔ ﺗﻠﺤﻖ ﻓﻲ ﺭﺣﻤﺔ : ﺑﻼ ﺍﻫﺒﺎﻝ ﻣﺎﺗﺴﻤﻌﻴﺶ ﻛﻼﻡ ﺭﻫﻒ ﺍﺗﻮﺩﺭﻙ ﻓﻲ ﺩﺍﻫﻴﺔ
ﺭﺣﻤﺔ : ﺍﻳﺼﻴﺮ ﺧﻴﺮ .. ﺧﻠﻴﻨﻲ ﻧﻄﻠﻊ ﻗﺒﻞ ﻳﻌﺼﺐ ﻋﻠﻴﺎ
ﺧﺸﺖ ﻋﻠﻰ ﺍﻣﻬﺎ : ﻣﺎﺗﺒﻲ ﺷﻲ ﻳﺎﻣﺎﻣﺎ ؟
ﻏﺰﺍﻟﺔ : ﺳﻼﻣﺘﻚ .. ﺳﻠﻤﻲ ﻋﻠﻰ ﻋﻤﺘﻚ ﻋﺎﺋﺸﺔ
ﺭﺣﻤﺔ : ﻳﻮﺻﻞ .. ﺗﺼﺒﺤﻮﺍ ﻋﻠﻰ ﺧﻴﺮ
ﻏﺰﺍﻟﺔ : ﻭﺍﻧﺘﻲ ﺑﺨﻴﺮ ﻣﺮﺑﻮﺣﺔ
ﺭﻫﻒ : ﻣﻬﺰﺑﺔ
ﺭﺣﻤﺔ : ﺑﺎﺭﺩﺓ ﺷﻦ ﺩﺧﻠﻚ ﻓﻴﺎ
ﻃﻠﻌﺖ ﺭﺣﻤﺔ ﻭﺭﻭﺩﻳﻨﺔ ﻣﻌﺎﻫﺎ ﻟﻌﻨﺪ ﺑﺎﺏ ﺍﻟﺤﻮﺵ ﻧﺰﻟﺖ ﺧﻤﺎﺭﻫﺎ ﻭﺍﻟﺘﻔﺘﺖ ﻋﻠﻰ ﺭﻭﺩﻳﻨﺔ : ﺭﺩﻥ ﺑﺎﻟﻜﻦ ﻣﻦ ﻣﺎﻣﺎ ﻭﺍﻱ ﺷﻲ ﻛﻠﻤﻴﻨﻲ ﻣﺶ ﺍﺩﺳﻦ ﻋﻠﻴﺎ
ﺭﻭﺩﻳﻨﺔ : ﺇﻥ ﺷﺎﻟﻠﻪ .. ﺑﺎﻟﺴﻼﻣﺔ
ﺭﺣﻤﺔ : ﺍﻭﻛﻴﻪ .. ﺑﺎﻟﺴﻼﻣﺔ
ﻃﻠﻌﺖ ﺭﺣﻤﺔ .. ﻭﻇﺎﻓﺮ ﻛﺎﻥ ﻭﺍﻗﻒ ﺟﻨﺐ ﺍﻟﺒﺎﺏ .. ﺍﻭﻝ ﻣﺎﻃﻠﻌﺖ ﺗﺤﺮﻙ ﻭﻣﺸﻰ ﻗﺪﺍﻣﻬﺎ .. ﺭﺣﻤﺔ ﺗﻤﺸﻲ ﻭﺭﺍﺀﻩ .. ﻭﺍﺗﺸﻮﻓﻠﻪ ﻛﻴﻒ ﻳﻌﺮﺝ
ﻭﺻﻠﻮﺍ ﻟﻌﻨﺪ ﺑﺎﺏ ﺍﻟﺤﻮﺵ ﻭﻇﺎﻓﺮ ﺗﻠﻔﺖ ﻋﻠﻴﻬﺎ : ﺷﻦ ﺍﺧﺒﺎﺭ ﻫﻠﻚ ؟
ﺭﺣﻤﺔ : ﺑﺨﻴﺮ ﺍﻟﺤﻤﺪﺍﻟﻠﻪ
ﻇﺎﻓﺮ ﺧﺬﺍﺀ ﻣﻨﻬﺎ ﺷﻨﻄﺘﻬﺎ ﻭﻓﺘﺢ ﺍﻟﺒﺎﺏ : ﺗﻌﺎﻟﻲ
ﺭﺣﻤﺔ : ﺗﻮﺍ ﺍﻧﺸﻴﻠﻬﺎ ﺍﻧﺎ .. ﺍﻧﺘﺎ ﻣﺮﻳﺾ
ﻇﺎﻓﺮ : ﻫﻴﺎ ﺑﺲ
ﺧﺸﺖ ﻭﺭﺍﺀﻩ ﻭﻇﺎﻓﺮ ﺻﻜﺮ ﺍﻟﺒﺎﺏ ﻭﻃﻮﻝ ﺭﻛﺒﻮﺍ ﻟﻔﻮﻕ ﻟﺸﻘﺘﻬﻢ
ﻓﺘﺢ ﺍﻟﺒﺎﺏ ﻭﺧﺶ ﻭﺭﺣﻤﺔ ﺧﺸﺖ ﻭﺻﻜﺮﺕ ﺍﻟﺒﺎﺏ .. ﻭﺭﻓﻌﺖ ﺧﻤﺎﺭﻫﺎ
ﻇﺎﻓﺮ ﺍﺗﺠﻪ ﻟﺪﺍﺭ ﺍﻟﻨﻮﻡ ﻃﻮﻝ .. ﻧﺰﻝ ﺷﻨﻄﺘﻬﺎ .. ﻭﻗﻤﻌﺰ ﻋﻠﻰ ﻃﺮﻑ ﺍﻟﺴﺮﻳﺮ ﺑﺘﻌﺐ
ﺭﺣﻤﺔ ﺣﻮﻟﺖ ﺍﻟﺨﻤﺎﺭ ﻭﺑﺪﺍﺕ ﺗﻔﺘﺢ ﻓﻲ ﻋﺒﺎﺗﻬﺎ ﻭﺧﺸﺖ ﻭﺭﺍﺀﻩ
ﺍﺗﻌﻠﻖ ﻓﻲ ﻋﺒﺎﺗﻬﺎ ﻭﻇﺎﻓﺮ ﺍﻳﺸﻮﻓﻠﻬﺎ .. ﺑﺘﻜﺴﺮ ﺍﻟﺼﻤﺖ ﺍﻟﻠﻲ ﺑﻴﻨﻬﻢ ﺗﻜﻠﻤﺖ : ﻭﻳﻦ ﻛﻨﺖ ؟ ﻗﻠﺖ ﻃﺎﻟﻊ ﻣﺸﻮﺍﺭ ؟
ﻇﺎﻓﺮ : ﻣﺸﻴﺖ ﻣﻊ ﻭﺍﺣﺪ ﺻﺎﺣﺒﻲ ﻟﻠﻮﺭﺷﺔ ﺍﻧﺸﻮﻑ ﺳﻴﺎﺭﺗﻲ .. ﻟﻜﻦ ﺍﻟﻘﻴﺘﻬﺎ ﻣﺼﻜﺮﺓ
ﺭﺣﻤﺔ : ﻟﻴﻞ ﺍﻛﻴﺪ ﺍﻣﺼﻜﺮﺓ ﺗﻮﺍ
ﻇﺎﻓﺮ : ﻗﺒﻞ ﺍﻳﻄﻮﻝ ﻭﻫﻮﺍ ﻓﺎﺗﺢ ﻭﺧﺎﺻﺔ ﻓﻲ ﺍﻟﺼﻴﻒ
ﺭﺣﻤﺔ ﻛﻤﻠﺖ ﻭﺻﻜﺮﺕ ﺍﻟﺪﻭﻻﺏ ﻭﺍﻟﺘﻔﺘﺖ ﻋﻠﻴﻪ : ﺍﻧﺪﻳﺮﻟﻚ ﺷﻲ .. ﺗﺒﻲ ﺣﺎﺟﺔ ﻣﻨﻲ ؟
ﻇﺎﻓﺮ : ﻻ ﺳﻼﻣﺘﻚ
ﺭﺣﻤﺔ ﺧﺬﺕ ﺑﻴﺠﺎﻣﺔ ﺣﻠﻮﺓ ﻭﻣﺸﺖ ﺧﺸﺖ ﻟﺤﻤﺎﻡ ﻏﺴﻠﺖ ﻭﻏﻴﺮﺕ .. ﻭﻓﺮﺩﺕ ﺷﻌﺮﻫﺎ ﺍﻟﻄﻮﻳﻞ ﻭﺗﻌﻄﺮﺕ ﻭﻃﻠﻌﺖ ﻣﻦ ﺍﻟﺤﻤﺎﻡ ﻭﻫﻴﺎ ﻧﺎﻭﻳﺔ ﺗﻘﻬﺮﻩ ﺯﻱ ﻣﺎﻗﻬﺮﻫﺎ
ﻇﺎﻓﺮ ﺍﻭﻝ ﻣﺎﻃﻠﻌﺖ ﻣﻦ ﺍﻟﺤﻤﺎﻡ ﺭﻓﻊ ﺍﻋﻴﻮﻧﻪ ﻓﻴﻬﺎ ﻃﻮﻝ .. ﻭﻗﻠﺒﻪ ﻳﺪﻕ ﺑﺴﺮﻋﺔ .. ﺑﻠﻊ ﺭﻳﻘﻪ .. ﻭﻧﺰﻝ ﻭﺟﻬﻪ ﻋﻠﻰ ﺍﺳﺎﺱ ﺍﻳﺸﻮﻑ ﻟﻔﻮﻧﻪ
ﺭﺣﻤﺔ ﻭﻗﻔﺖ ﺟﻨﺐ ﺍﻟﺒﺎﺏ : ﺗﺒﻲ ﺍﻟﻀﻲ ﻭﺍﻻ ﺍﻧﻄﻔﻴﻪ ؟
ﻇﺎﻓﺮ : ﻃﻔﻴﻪ
ﻃﻔﺖ ﺍﻟﻀﻲ .. ﺑﺲ ﺿﻲ ﺍﻟﻮﻧﺎﺳﺔ ﻭﺍﻟﻊ ... ﻭﻗﺮﺑﺖ ﺧﺸﺖ ﻟﺴﺮﻳﺮ ﻭﺭﻗﺪﺕ ﻋﻠﻰ ﻃﺮﻓﻪ
ﻇﺎﻓﺮ ﻧﺰﻝ ﻓﻮﻧﻪ .. ﻭﺗﻤﺪﺩ ﺟﻨﺒﻬﺎ ﻋﻠﻰ ﻇﻬﺮﻩ .. ﻭﺑﻌﺪﻳﻦ ﻗﺮﺏ ﻣﻨﻬﺎ ﻭﺣﻂ ﻳﺪﻩ ﻋﻠﻰ ﻛﺘﻔﻬﺎ .. ﺭﻋﺸﺖ
ﻻﺻﻖ ﻓﻴﻬﺎ ﻭﺣﻂ ﻭﺟﻬﻪ ﻓﻲ ﺭﻗﺒﺘﻬﺎ ﻭﺑﺪﺍ ﻳﺒﻮﺱ ﻓﻴﻬﺎ .. ﻟﻜﻦ ﺭﺣﻤﺔ ﺗﺒﺎﻋﺪﺕ ﻋﻨﻪ ﻭﻗﻤﻌﺰﺕ
ﻇﺎﻓﺮ ﻗﻤﻌﺰ : ﺷﻦ ﻓﻲ ؟
ﺭﺣﻤﺔ ﺑﺮﻣﺖ ﻭﺟﻬﻬﺎ : ﻳﻌﻨﻲ ﺍﻧﺘﺎ ﺷﺎﻳﻒ ﻣﺎﻓﻲ ﺷﻲ ؟
ﻇﺎﻓﺮ : ﺭﺣﻤﺔ ﻣﺎﻧﺤﺒﺶ ﺍﻟﻒ ﻭﺍﻟﺪﻭﺭﺍﻥ ﺍﺩﻭﻱ ﻟﻮ ﻓﻲ ﺷﻲ ؟
ﺭﺣﻤﺔ : ﻳﻌﻨﻲ ﺗﻬﺰﺑﻨﻲ ﻭﺗﻠﺰﻧﻲ ﻻﻫﻠﻲ ﻭﻧﻘﻌﺪ ﻳﻮﻣﻴﻦ ﻻﺗﺴﺎﻝ ﻭﻻ ﺗﺘﺼﻞ ﺑﻴﺎ .. ﻭﺍﺗﺠﻲ ﺍﻟﻴﻮﻡ ﺗﺎﺧﺬﻧﻲ ﻭﻻ ﻛﺎﻧﻪ ﻓﻲ ﺷﻲ ﺑﻴﻨﺎ .. ﻭﺍﺧﺮﻫﺎ ﺗﺒﻲ ﺗﺮﻗﺪ ﻣﻌﺎﻳﺎ ﻋﺎﺩﻱ
ﻇﺎﻓﺮ : ﺍﻧﺎ ﻣﺎﻫﺰﺑﺘﺶ ﻣﻦ ﻓﺮﺍﻍ ﻭﻻ ﻗﺘﻠﻚ ﻋﺪﻱ ﻻﻫﻠﻚ ﻣﻦ ﺭﺍﺳﻲ .. ﺍﻧﺘﻲ ﻋﺎﺭﻓﺔ ﺍﻧﻚ ﻏﻠﻄﺎﻧﺔ ﻭﻫﺬﻩ ﻣﺶ ﺍﻭﻝ ﻣﺮﺓ
ﺭﺣﻤﺔ : ﻭﺍﻧﺘﺎ ﻋﺎﺩﻱ ﻋﻨﺪﻙ ﺍﺗﻘﻮﻟﻲ ﺍﻣﺸﻲ ﻻﻫﻠﻚ ﻻ ﻓﻜﺮﺕ ﻓﻴﺎ ﻭﻻ ﻓﻜﺮﺕ ﺷﻦ ﺍﻧﻘﻮﻟﻠﻬﻢ
ﻇﺎﻓﺮ : ﻛﻨﺖ ﻣﻌﺼﺐ ﻭﻗﺘﻬﺎ ﻭﺧﻔﺖ ﻧﻐﻠﻂ ﻓﻴﻚ ﺍﻛﺜﺮ .. ﻭﺑﻌﺪﻳﻦ ﻻﺯﻡ ﻛﻨﺘﻲ ﺗﻤﺸﻲ ﻻﻫﻠﻚ ﺑﺎﺵ ﺗﻌﺮﻓﻲ ﻏﻠﻄﻚ ﻭﻣﻌﺎﺵ ﺍﺗﻌﺎﻭﺩﻳﻪ
ﺭﺣﻤﺔ : ﺗﻌﺎﻗﺐ ﻓﻴﺎ ﻳﻌﻨﻲ .. ﻭﺍﻧﺎ ﻣﻮﻗﻔﻲ ﺑﺎﻳﺦ ﻗﺪﺍﻡ ﺧﻮﺍﺗﻲ ﻭﺣﺘﻰ ﻣﺎﻣﺎ ﻣﺎﻗﺪﺭﺕ ﻧﺤﻜﻴﻠﻬﺎ ﺷﻲ ﺧﻔﺖ ﻋﻠﻴﻬﺎ ﻻﻧﻬﺎ ﻣﺮﻳﻀﺔ
ﻇﺎﻓﺮ : ﻻﻥ ﺍﻣﻚ ﻣﺮﻳﻀﺔ ﺟﻴﺖ ﺧﺬﻳﺘﻚ ﺑﺲ
ﺭﺣﻤﺔ : ﻳﺎﺳﻼﻡ .. ﻳﻌﻨﻲ ﻟﻮﻻ ﻣﺎﻣﺎ ﻛﻢ ﺑﺘﺨﻠﻴﻨﻲ ﻋﻨﺪﻫﻢ ؟
ﻇﺎﻓﺮ ﺑﻌﺼﺒﻴﺔ : ﺍﻭﻝ ﺷﻲ ﻭﻃﻲ ﺻﻮﺗﻚ ﻭﺍﻧﺘﻲ ﺗﺤﻜﻲ ﻣﻌﺎﻳﺎ .. ﻭﺑﻌﺪﻳﻦ ﺍﺣﻤﺪﻱ ﺭﺑﻚ ﺍﻧﻲ ﺩﺭﺕ ﻫﻜﻲ ﺑﺲ .. ﺍﻧﺘﺎ ﺗﺴﺘﺮﺗﻲ ﻋﻠﻰ ﺧﻮﻙ ﺍﻟﻠﻲ ﻗﺒﻞ ﻗﺘﻠﻨﻲ ﺭﺍﺟﻞ ﻏﻴﺮﻱ ﻛﺎﻥ ﻣﻤﻜﻦ ﻳﻄﺮﺩﻙ ﻭﻣﻌﺎﺵ ﺍﻳﺮﺩﻙ ﺑﻜﻞ
ﺭﺣﻤﺔ ﺍﺩﻣﻮﻋﻬﺎ ﻃﺎﺣﻮﺍ ﻭﺑﺮﻣﺖ ﻭﺟﻬﻬﺎ :
ﻇﺎﻓﺮ ﺗﻨﻬﺪ ﻭﻣﺴﺢ ﻋﻠﻰ ﻭﺟﻬﻪ ﻭﺗﻜﻠﻢ ﺑﻬﺪﻭﺀ : ﺧﻼﺹ ﻣﻌﺎﺵ ﺗﺒﻜﻲ .. ﺗﻌﺎﻟﻲ ﻫﻨﺎ
ﺭﺣﻤﺔ ﺷﺎﻓﺘﻠﻪ ﻭﺑﺮﻣﺖ ﻭﺟﻬﻬﺎ : ﻣﺎﻧﺒﻴﺶ
ﻇﺎﻓﺮ : ﺭﺣﻤﺔ ﺗﻌﺎﻟﻲ ﻗﺘﻠﻚ
ﺭﺣﻤﺔ : ﻫﺌﻪ
ﻋﺾ ﻋﻠﻰ ﻓﻤﻪ ﻭﻫﺰ ﺭﺍﺳﻪ : ﻫﻜﻲ ﻏﻠﻂ ﻭﺍﻧﺘﻲ ﺑﺘﺼﻠﺤﻲ ﺍﻟﻐﻠﻂ ﺑﻐﻠﻂ ﺍﺧﺮ
ﺭﺣﻤﺔ : ﻣﺎﻧﺒﻴﺶ .. ﻣﺎﻋﻨﺪﻳﺶ ﻧﻴﺔ ﻣﺶ ﺑﺎﻟﻐﺼﺐ
ﻇﺎﻓﺮ ﺑﻠﻊ ﺭﻳﻘﻪ ﻭﻏﻤﺾ ﺍﻋﻴﻮﻧﻪ ﻣﺎﻳﺒﻴﺶ ﺍﻳﻌﺼﺐ ﻋﻠﻴﻬﺎ .. ﺍﻧﺼﺪﻡ ﻣﻦ ﺭﺩﻫﺎ ﻭﺣﺴﻪ ﻣﺶ ﻣﻦ ﺭﺍﺳﻬﺎ : ﺻﺎﺡ ﻋﻨﺪﻙ ﺣﻖ ﻣﺶ ﺑﺎﻟﻐﺼﺐ .. ﺧﻠﻴﻚ ﺑﺮﺍﺣﺘﻚ
ﻭﺍﻧﻘﻠﺐ ﻭﺭﻗﺪ ﻋﻠﻰ ﺟﻨﺒﻪ ﻟﺠﻴﻬﺔ ﺍﻟﺜﺎﻧﻴﺔ .. ﻭﺭﺣﻤﺔ ﺣﺴﺖ ﺑﻨﺪﻡ ﻭﺍﻋﻴﻮﻧﻬﺎ ﺩﻣﻌﻮﺍ .. ﺑﺲ ﻓﻲ ﺑﺎﻟﻬﺎ ﺧﻠﻴﻪ ﻳﺰﻋﻞ ﻳﻮﻡ ﻳﻮﻣﻴﻦ ﻭﻳﺮﺿﻰ ﺗﻮﺍ ﺍﻧﺸﻮﻓﻮﺍ
.
.
))******* ﺍﻟﻜﺎﺗﺒﺔ ﺍﻡ ﻧﺎﺻﺮ ((
.
.
# ﺗﺴﺮﻳﻊ _ ﻟﻼﺣﺪﺍﺙ
ﻣﺮﻭﺍ ﻛﻢ ﻳﻮﻡ ﻣﻦ ﻏﻴﺮ ﺍﺣﺪﺍﺙ .. ﺍﻟﻌﻼﻗﺔ ﺑﻴﻦ ﺟﻤﺎﻧﺔ ﻭﺟﻬﺎﺩ ﻏﺮﻳﺒﺔ .. ﻗﻌﺪﻭﺍ ﺯﻱ ﺍﻟﻘﻄﻮﺱ ﻭﺍﻟﻔﺎﺭ .. ﻛﺮ ﻭﻓﺮ .. ﺑﺲ ﺑﺠﻮ ﺍﺣﺘﺮﺍﻡ .. ﻭﺟﻤﺎﻧﺔ ﻣﺴﺘﻐﺮﺑﺔ ﻓﻲ ﺗﺼﺮﻓﺎﺕ ﺟﻬﺎﺩ .. ﺑﺮﻏﻢ ﺍﻟﺠﻮ ﺑﻴﻨﻬﻢ ﻣﺘﻮﺗﺮ .. ﺑﺲ ﺣﺎﺳﺔ ﻋﻠﻴﻪ ﻣﺘﺴﺎﻫﻞ ﻣﻌﺎﻫﺎ .. ﻭﺍﻟﺠﻮ ﺍﺻﺒﺢ ﺑﻴﻨﻬﻢ ﺍﺷﺒﻪ ﺑﻌﻨﺎﺩ ﻣﻦ ﺍﻳﺠﻲ ﻳﻨﻜﺴﺮ ﻻﺧﺮ
ﺍﻟﺠﻮ ﻓﻲ ﺍﻟﻀﻔﺔ ﺍﻟﻤﻘﺎﺑﻠﺔ ﻣﺶ ﺍﺣﺴﻦ ﺣﺎﻝ ﻣﻨﻬﻢ .. ﺑﺲ ﺑﻌﻜﺲ ﺟﻤﺎﻧﺔ ﻭﺟﻬﺎﺩ ﻣﺎﻓﻴﺶ ﻛﺮ ﻭﻓﺮ .. ﺍﻟﺠﻮ ﻣﺸﺤﻮﻥ ﻭﻇﺎﻓﺮ ﻣﻌﺼﺐ ﻣﻨﻬﺎ .. ﻭﺍﻟﻤﻌﺎﻣﻠﺔ ﺟﺎﻓﺔ ﺣﺘﻰ ﺍﻟﻜﻼﻡ ﺑﺤﺴﺎﺑﻪ .. ﻭﺭﺣﻤﺔ ﻧﺪﻣﺖ ﻋﻠﻰ ﻋﻤﻠﺘﻬﺎ .. ﺑﺲ ﻓﻲ ﻧﻔﺲ ﺍﻟﻮﻗﺖ ﻣﻘﻬﻮﺭﺓ ﻣﻨﻪ .. ﻭﺧﺎﻃﺮﻫﺎ ﻫﻮﺍ ﺍﻳﺠﻲ ﻳﺼﺎﻟﺤﻬﺎ ﻭﻫﻴﺎ ﺣﺘﺮﺿﻰ ﻋﻠﻰ ﻃﻮﻝ
ﺍﻣﺎ ﺍﻟﺒﺎﻗﻲ ﻣﺎﻓﻴﺶ ﺗﻄﻮﺭﺍﺕ .. ﻋﺎﺑﺪ ﻟﻤﺎ ﺟﻨﻰ ﻃﻮﻟﺖ ﻋﻠﻴﻪ ﻭﻣﺎﺗﺼﻠﺖ .. ﻗﺮﺭ ﻳﺘﺼﻞ ﺑﻴﻬﺎ ﻋﺸﺎﻥ ﻳﻄﻤﻦ ﻋﻠﻴﻬﺎ .. ﻟﻜﻦ ﻓﻮﻧﻬﺎ ﻣﻘﻔﻞ .. ﻭﻫﻮﺍ ﺯﺍﺩ ﺍﻧﺸﻐﻞ ﻋﻠﻴﻬﺎ
ﺍﺑﺮﺍﺭ ﻭﻧﻮﺍﻝ ﻧﻔﺲ ﺍﻟﺤﺎﻝ .. ﻭﺍﺑﺮﺍﺭ ﺍﻃﺒﻖ ﻓﻲ ﻛﻼﻡ ﻧﻮﺍﻝ ﺑﺎﻟﺤﺮﻑ .. ﻭﺍﻻﺧﻴﺮﺓ ﻣﻊ ﺍﻻﻳﺎﻡ ﺗﻌﻮﺩﺕ ﻭﻣﻌﺎﺵ ﺍﺗﺎﺛﺮ ﺯﻱ ﻗﺒﻞ .. ﻭﻣﻤﻜﻦ ﺣﺴﺖ ﺍﻧﻬﺎ ﺍﺩﻳﺮ ﻓﻲ ﺷﻲ ﺍﻛﻮﻳﺲ ﻓﻲ ﺣﻖ ﺑﻨﺖ ﻳﺘﻴﻤﺔ ﺑﻐﺾ ﺍﻟﻨﻈﺮ ﻋﻦ ﻛﻮﻧﻬﺎ ﺯﻭﺟﺔ ﺣﺒﻴﺒﻬﺎ ﺍﻟﺴﺎﺑﻖ
.
.
ﺑﺎﻟﻨﺴﺒﺔ ﻟﻮﺳﻦ ﻭﺇﺑﺮﺍﻫﻴﻢ ﻋﻠﻰ ﻧﻔﺲ ﺍﻟﻮﺿﻊ ﻭﺇﺑﺮﺍﻫﻴﻢ ﺭﺟﻊ ﺯﻱ ﻗﺒﻞ ﺍﻟﻨﻬﺎﺭ ﻳﻜﻤﻞ ﻣﺮﻗﺪ ﻭﻣﻦ ﺍﻟﻤﻐﺮﺏ ﺍﻳﻨﻮﺽ ﺯﻱ ﺍﻟﺠﻦ ﺍﻳﻌﻄﺐ ﺣﺎﻟﻬﺎ .. ﻭﺍﺧﺮ ﺍﻟﻠﻴﻞ ﺍﻳﺠﻴﻬﺎ ﻓﺎﻗﺪ ﻭﻋﻠﻰ ﺿﺮﺏ ﻭﻫﺰﺍﻳﺐ
ﻟﻌﻨﺪ ﺟﺖ ﺍﻟﻠﻴﻠﺔ ﺍﻟﻤﺸﺆﻣﺔ ... ﻭﺇﺑﺮﺍﻫﻴﻢ ﻗﺎﻋﺪ ﺍﻳﺘﻌﺸﻰ .. ﻭ ﻭﺳﻦ ﻣﺘﻜﻴﺔ ﺟﻨﺒﻪ ﻣﻦ ﺍﻟﺘﻌﺐ ﻭﺣﺎﻃﺔ ﻳﺪﻫﺎ ﻋﻠﻰ ﺍﻋﻴﻮﻧﻬﺎ
ﺻﻮﺕ ﺳﻴﺎﺭﺍﺕ ﻭﻗﻔﻦ ﻗﺪﺍﻡ ﺍﻟﺤﻮﺵ
ﻭﺳﻦ ﺭﻓﻌﺖ ﻳﺪﻫﺎ ﻭﻗﻤﻌﺰﺕ : ﻓﻲ ﺣﺪ ﺟﺎﺀ ؟
ﺇﺑﺮﺍﻫﻴﻢ ﻳﺼﻨﺖ : ﺍﺷﺸﺶ ﻛﺬﺍ
ﺍﻟﺴﻴﺎﺭﺍﺕ ﺗﺤﺮﻛﻦ ﻣﻦ ﺟﺪﻳﺪ ... ﻭﺇﺑﺮﺍﻫﻴﻢ ﺻﺒﺎ ﻣﻦ ﻣﻜﺎﻧﻪ ﻭﺗﻮﺟﻪ ﻟﺒﺎﺏ ﺑﺎﻟﺸﻮﻳﺎ .. ﻭﻗﺒﻞ ﻳﻔﺘﺤﻪ .. ﺻﻮﺕ ﺭﺻﺎﺹ ﻓﻮﻕ ﺍﻟﺤﻮﺵ ﻭﺇﺑﺮﺍﻫﻴﻢ ﻧﺰﻝ ﺗﺤﺖ ﻃﻮﻝ
ﺍﻣﺎ ﻭﺳﻦ ﻣﻦ ﺍﻟﻔﺠﻌﺔ ﻗﻌﺪﺕ ﺗﺮﻋﺶ ﻭﻣﻌﺎﺵ ﻗﺪﺭﺕ ﺍﺗﺤﺮﻙ ﻣﻦ ﻣﻜﺎﻧﻬﺎ ﺭﺟﻠﻴﻬﺎ ﻣﻌﺎﺵ ﺷﺎﻟﻮﻫﺎ ﻭﻗﻌﺪﺕ ﺍﺗﻌﻴﻂ ﻭﺧﻼﺹ
ﺻﻮﺕ ﺗﻮﺧﻴﺮ ﺍﻟﺴﻴﺎﺭﺍﺕ ﻭﻓﺮﻳﻨﻮﺍﺕ ﻭﺗﺸﻴﻴﻂ ﻗﺪﺍﻡ ﺍﻟﺤﻮﺵ ﻭﺑﻌﺪﻳﻦ ﺍﻟﺴﻴﺎﺭﺍﺕ ﻃﻠﻌﻦ ﻣﻦ ﺍﻟﻤﻜﺎﻥ
ﺇﺑﺮﺍﻫﻴﻢ ﺻﺒﺎ ﺑﺴﺮﻋﺔ ﻭﻓﺘﺢ ﺍﻟﺒﺎﺏ ﻭﺍﻟﺴﻴﺎﺭﺍﺕ ﻳﻄﻠﻌﻦ ﻣﻦ ﺍﻟﻤﺰﺭﻋﺔ
ﻭﺳﻦ ﺗﺮﺗﻌﺪ : ﻣﻦ ﻫﺎﺫﻭﻡ .. ﺷﻨﻮ ﺍﻟﺴﻼﺡ ﻫﺬﺍ
ﺧﺶ ﻳﺠﺮﻱ ﺟﻮﺍ ﻟﺪﺍﺭ ... ﻭﻃﻠﻊ ﺳﻼﺡ ﻣﻦ ﺗﺤﺖ ﻟﻔﺮﺍﺷﺎﺕ .. ﻭﻃﻠﻊ ﺑﺴﺮﻋﺔ ﻳﻠﺒﺲ ﻓﻲ ﻛﻨﺪﺭﺗﻪ
ﻭﺳﻦ ﺑﺘﺼﺒﻲ ﻭ ﻣﻨﺨﻠﻌﺔ : ﻭﻳﻦ ﺗﺒﻲ ﺗﻤﺸﻲ ؟ ﺷﻦ ﺗﺒﻲ ﺍﺩﻳﺮ ؟
ﺇﺑﺮﺍﻫﻴﻢ ﻻﻗﻂ ﻣﻔﺘﺎﺣﻪ ﻭﻃﻠﻊ ﻳﺠﺮﻱ : ﺧﻠﻴﻚ ﻫﻨﺎ ﺗﻮﺍ ﺍﻧﺠﻴﻚ ﻣﺎﺗﻄﻠﻌﻴﺶ
ﻭﻃﻠﻊ ﻭﺧﺒﻂ ﺍﻟﺒﺎﺏ ﻭﺭﺍﺀﻩ ﻭﺭﻛﺐ ﺳﻴﺎﺭﺗﻪ ﻭﺷﻴﻄﻬﺎ ﻓﻲ ﺟﺮﺗﻬﻢ ﺑﺴﺮﻋﺔ
ﻭﺳﻦ ﺗﺮﺟﻒ ﻭﺻﺒﺖ ﺑﺎﻟﺸﻮﻳﺎ .. ﻭﻗﻠﺒﻬﺎ ﺍﻳﺪﻕ ﺑﻘﻮﺓ ... ﻣﺸﺖ ﻓﺘﺤﺖ ﺍﻟﺒﺎﺏ ﻭﺷﺎﻓﺖ ﻟﺒﺮﺍ ﻣﺎﻓﻴﺶ ﺣﺪ ... ﻏﻴﺮ ﺿﻲ ﺳﻴﺎﺭﺓ ﺇﺑﺮﺍﻫﻴﻢ ﻭﺳﻂ ﺍﻟﻈﻼﻡ ﻭﻓﻲ ﻗﺪﺍﻣﻪ ﺿﻲ ﺛﻼﺙ ﺳﻴﺎﺭﺍﺕ ﻳﺠﺮﻭﺍ ﻋﻠﻰ ﺍﻟﻄﺮﻳﻖ
ﺧﺸﺖ ﻭﺻﻜﺮﺕ ﺍﻟﺒﺎﺏ ﺗﺮﺟﻒ .. ﻭﻗﻠﺒﻬﺎ ﺑﻴﻄﻠﻊ ﻣﻦ ﻣﻜﺎﻧﻪ ... ﺗﻤﺸﻲ ﺟﺎﻱ ﻭﻏﺎﺩﻱ .. ﻭﺑﻌﺪﻳﻦ ﺧﺸﺖ ﻟﺪﺍﺭ ﺍﺩﻭﺭ ﻋﻠﻰ ﺗﻠﻴﻔﻮﻧﻬﺎ .. ﺗﺒﻲ ﺗﻜﻠﻢ ﺍﻱ ﺣﺪ ﺍﻳﺠﻲ ﻳﻨﻘﺬﻫﺎ ﻣﻦ ﻫﻨﺎ ... ﺑﺲ ﻗﻠﺒﺖ ﺍﻟﺪﺍﺭ ﻭﺍﻟﺤﻮﺵ ﻛﻠﻪ ﻣﺎﻓﻴﺶ ﺍﺛﺮ ﻻﻱ ﻓﻮﻥ
ﻗﻌﺪﺕ ﺍﺗﻔﻜﺮ ﻭﺣﺎﻳﺴﺔ ﺍﺑﺮﻭﺣﻬﺎ ... ﺧﺎﻳﻔﺔ ﺍﻳﺠﻲ ﺍﻱ ﺣﺪ ﻣﻦ ﻭﺭﺍﺀ ﺇﺑﺮﺍﻫﻴﻢ .. ﺯﻋﻤﺎ ﻫﺎﺫﻭﻡ ﻣﻦ ﻭﺷﻦ ﻳﺒﻮﺍ ﻣﻦ ﺇﺑﺮﺍﻫﻴﻢ
ﻗﺮﺭﺕ ﺗﻬﺮﺏ ﻟﺤﻮﺵ ﺟﻴﺮﺍﻧﻬﻢ .. ﺧﺎﻓﺖ ﺍﻳﻜﻮﻥ ﻛﻤﻴﻦ ﻹﺑﺮﺍﻫﻴﻢ ﻋﺸﺎﻥ ﺍﻳﻄﻠﻌﻮﻩ ﻣﻦ ﺣﻮﺷﻪ .. ﻭﺍﻳﺠﻮﺍ ﻣﻦ ﻭﺭﺍﺀﻩ .. ﻭﻫﻴﺎ ﻋﺎﺭﻓﺔ ﺍﺻﺤﺎﺏ ﺇﺑﺮﺍﻫﻴﻢ ﻭﻛﻴﻒ ﺻﻴﺎﻉ ﻭﻣﻤﻜﻦ ﻳﻨﺘﻘﻤﻮﺍ ﻣﻦ ﺇﺑﺮﺍﻫﻴﻢ ﻓﻴﻬﺎ
ﺧﺸﺖ ﺑﺴﺮﻋﺔ ﻻﺑﺴﺖ ﻋﺒﺎﺗﻬﺎ .. ﻭﺣﻄﺖ ﻭﺷﺎﺡ ﻋﻠﻰ ﺷﻌﺮﻫﺎ .. ﻭﻃﻠﻌﺖ ﺗﺠﺮﻱ ﺍﺗﺒﻄﻢ ﻓﻲ ﻋﺒﺎﺗﻬﺎ .. ﻓﺘﺤﺖ ﺍﻟﺒﺎﺏ ﻭﻣﺸﺖ ﺗﺠﺮﻱ ﻭﺳﻂ ﺍﻟﻈﻼﻡ
ﻭﺳﻦ ﺗﺠﺮﻱ .. ﻭﺳﻂ ﺍﻟﻤﺰﺭﻋﺔ ﻭﺗﺘﻼﻗﻂ ﻭﻃﻴﺢ .. ﻭﺗﺮﺟﻊ ﺍﺗﺼﺒﻲ ﻣﻦ ﺟﺪﻳﺪ .. ﻭﺗﺠﺮﻱ ﻭﺍﺗﺸﻮﻑ ﻭﺭﺍﺀﻫﺎ ﻣﻦ ﺍﻟﺨﻮﻑ ﻟﻮ ﻓﻲ ﺣﺪ ﻳﻠﺤﻖ ﻓﻴﻬﺎ
ﻣﺎﻗﺒﻞ ﻭﺻﻠﺖ ﻟﻠﺤﻮﺵ ﺟﻴﺮﺍﻧﻬﻢ ﻣﻦ ﺍﻟﺘﻌﺐ ﻭﺍﻟﺨﻮﻑ .. ﻣﺴﺤﺖ ﺍﻋﻴﻮﻧﻬﺎ ﻭﻗﻌﺪﺕ ﺍﺗﺪﻕ ﻋﻠﻰ ﺍﻟﺒﺎﺏ ﺑﻘﻮﺓ ﻟﻌﻨﺪ ﻓﺘﺤﻠﻬﺎ ﺟﺎﺭﻫﻢ
ﺍﻟﺮﺍﺟﻞ ﻣﺴﺘﻐﺮﺏ : ﻧﻌﻢ ﺗﻔﻀﻠﻲ ﻳﺎﺧﺘﻲ
ﻭﺳﻦ ﻗﺒﻞ ﺗﻨﻄﻖ ﺑﺎﻱ ﻛﻠﻤﺔ ﺑﺪﺍﺕ ﺍﻟﺪﻧﻴﺎ ﺍﺩﻭﺭ ﻗﺪﺍﻣﻬﺎ ... ﻭﺍﻟﺮﺅﻳﺔ ﻏﺒﺸﺖ ﻭﻣﻌﺎﺵ ﺷﺎﻓﺖ ﺷﻲ ﻭﻃﺎﺣﺖ ﺑﺎﺭﺿﻬﺎ
.
.
.
ﺇﺑﺮﺍﻫﻴﻢ ﻓﻲ ﺟﺮﺕ ﺍﻟﺴﻴﺎﺭﺍﺕ ﻭﻛﻞ ﺷﻮﻱ ﻳﻄﻠﻖ ﻋﻠﻴﻬﻢ ﻣﻦ ﺳﻼﺣﻪ .. ﻭﺑﻌﺪﻳﻦ ﺍﺗﺼﻞ ﺑﻮﺍﺣﺪ ﺻﺎﺣﺒﻪ .. ﻭﻗﺎﻟﻪ ﺍﻟﺤﻘﻨﻲ
ﺍﻟﺴﻴﺎﺭﺍﺕ ﻓﻲ ﺟﺮﺕ ﺑﻌﺾ ﻋﻠﻰ ﻃﺮﻳﻖ ﺟﺒﻠﻴﺔ .. ﺩﺧﺎﺧﻴﻨﻬﻢ ﺣﻮﻣﺔ ﻣﻦ ﺣﺮﻕ ﺍﻟﻌﺠﻞ .. ﺍﺻﻮﺍﺕ ﺍﻟﺴﻴﺎﺭﺍﺕ ﻓﺠﺮ ﺻﻤﺖ ﺍﻟﻠﻴﻞ .. ﻭﺧﺎﺻﺔ ﻓﻲ ﻣﻨﻄﻘﺔ ﻧﺎﻳﺌﺔ ﺯﻱ ﻫﺬﻩ ﺑﻌﺪ ﻭﻳﻦ ﺗﺨﻄﻢ ﺳﻴﺎﺭﺓ
ﻓﻲ ﻭﺳﻂ ﺍﻟﻄﺮﻳﻖ ﻭﺑﻌﺪ ﺍﺭﺗﻔﻌﺖ ﻋﻦ ﺍﻻﺭﺽ ﻭﻗﻌﺪﺕ ﻣﻦ ﺍﻟﺠﺎﻧﺒﻴﻦ ﻋﻠﻰ ﻭﺍﺩﻱ ﺑﺲ ﻣﺶ ﻏﺮﻳﻖ ﻭﺍﺟﺪ ... ﺍﻟﺴﻴﺎﺭﺍﺕ ﺍﻟﺜﻼﺛﺔ ... ﺑﺪﻭﺍ ﺍﻳﻀﺎﻳﻘﻮﺍ ﻓﻲ ﺳﻴﺎﺭﺓ ﺇﺑﺮﺍﻫﻴﻢ
ﻭﺣﺪﺓ ﻣﻦ ﺍﻟﺴﻴﺎﺭﺍﺕ ﻭﻗﻔﺖ ﺟﻨﺐ ﺍﻟﻄﺮﻳﻖ ... ﻭﺍﻟﺴﻴﺎﺭﺗﻴﻦ ﻻﺧﺮﺍﺕ ﻭﺭﺍﺀ ﺳﻴﺎﺭﺓ ﺇﺑﺮﺍﻫﻴﻢ
ﺑﻌﺪ ﻣﺴﺎﻓﺔ ﻣﻦ ﺍﻟﻜﺮ ﻭﺍﻟﻔﺮ ﻭﺍﻟﺘﺨﺒﻴﻂ ﻭﺍﻟﺘﻜﺴﻴﺮ ﺑﻴﻦ ﺍﻟﺴﻴﺎﺭﺍﺕ ... ﺟﺖ ﻭﺣﺪﺓ ﻣﻦ ﺍﻟﺴﻴﺎﺭﺍﺕ ﻭﺿﺮﺑﺖ ﺳﻴﺎﺭﺓ ﺇﺑﺮﺍﻫﻴﻢ ﻣﻦ ﻣﺆﺧﺮﺗﻬﺎ ... ﻟﻌﻨﺪ ﻗﻌﺪﺕ ﺗﺒﺮﻡ ﻓﻲ ﻣﻜﺎﻧﻬﺎ ... ﻭﺻﻮﺕ ﺍﻟﻔﺮﻳﻨﻮﺍ ﻗﻠﺐ ﺍﻟﻤﻜﺎﻥ ... ﻭﺍﺧﺮ ﺷﻲ ﻃﺎﺡ ﻣﻦ ﺟﻨﺐ ﺍﻟﻄﺮﻳﻖ ﻓﻲ ﺍﻟﻮﺍﺩﻱ
.
.
.
ﺍﻟﻤﻌﺘﺼﻢ ﺭﻭﺡ ﺍﺧﺮ ﺍﻟﻴﻞ ﻣﻔﺠﻮﻉ ﻭﺣﺎﻟﺘﻪ ﺣﺎﻟﺔ ... ﺧﺶ ﻟﻠﺤﻮﺵ ﺑﺴﺮﻋﺔ ﻭﺧﺒﻂ ﺍﻟﺒﺎﺏ ﻳﺘﻠﻔﺖ ﻭﺭﺍﺀﻩ ﻭﺧﺎﻳﻒ ... ﻣﺸﻰ ﺑﺴﺮﻋﺔ ﺧﺶ ﺍﻟﺤﻤﺎﻡ
ﻧﺰﻝ ﻋﻠﻰ ﺍﻟﺤﻮﺽ ﺍﻳﺮﺟﻊ ﻭﺍﻟﺪﻧﻴﺎ ﺗﺒﺮﻡ ﻗﺪﺍﻣﻪ ... ﻗﻤﻌﺰ ﻋﻠﻰ ﺍﺭﺽ ﺍﻟﺤﻤﺎﻡ ﻭﻗﻠﺒﻪ ﺍﻳﺪﻕ ﺑﺴﺮﻋﺔ ﻭﺣﺎﺱ ﺭﻭﺣﻪ ﺩﺍﻳﺦ ... ﻭﻳﺪﻳﻪ ﻳﺮﺟﻔﻮﺍ
ﻭﻛﻞ ﻣﺎﻳﺘﺬﻛﺮ ﺷﻦ ﺻﺎﺭ ﻣﻌﺎﻩ .. ﻳﻐﻤﺾ ﺍﻋﻴﻮﻧﻪ ﻭﻳﺤﺲ ﺑﺨﻮﻑ ﻭﺗﺮﺗﻌﺪ ﺍﻭﺻﺎﻟﻪ
.
.
.
ﺟﻬﺎﺩ ﻳﺸﺘﻐﻞ ﻋﻠﻰ ﺍﻻﺑﺘﻮﺏ ﺍﻣﺘﺎﻋﻪ ﻭﺟﻤﺎﻧﺔ ﺭﺍﻗﺪﺓ ... ﻭﻓﺠﺎﺀﺓ ﺻﻮﺕ ﺻﺮﻳﺦ ﻗﻠﺐ ﺍﻟﺸﺎﺭﻉ
ﺻﺒﺎ ﺟﻬﺎﺩ ﺑﺴﺮﻋﺔ .. ﻭﻓﺘﺢ ﺍﻟﺮﻭﺷﻦ ﺍﻳﺸﻮﻑ ﻟﺸﺎﺭﻉ ﺍﻟﺪﻧﻴﺎ ﺍﺗﺤﻮﺱ ﺑﺮﺍ ﻭﻣﻌﺎﺵ ﻋﺮﻑ ﺷﻲ
ﻓﺘﺢ ﺍﻟﺒﺎﺏ ﻭﻳﺒﻲ ﻳﻨﺰﻝ ﻭﻗﻔﺘﻪ ﺟﻤﺎﻧﺔ : ﺷﻦ ﻓﻲ .. ﻣﻦ ﻣﺎﺕ ؟
ﺟﻬﺎﺩ : ﻣﺶ ﻋﺎﺭﻑ .. ﺧﻠﻴﻚ ﻫﻨﺎ ﻣﺎﺗﻄﻠﻌﻴﺶ
ﻧﺰﻝ ﺟﻬﺎﺩ ﺑﺴﺮﻋﺔ ... ﻭﻣﺸﻰ ﻧﺎﺣﻴﺔ ﺍﻟﺒﺎﺏ ﻭﻃﻠﻊ ﻟﺸﺎﺭﻉ ... ﻫﻞ ﺍﻟﺤﻮﺵ ﻃﻠﻌﻮﺍ ﻓﻲ ﺟﺮﺗﻪ ﻋﻠﻰ ﺻﻮﺕ ﺍﻟﺼﺮﻳﺦ
ﺟﻬﺎﺩ ﺍﻳﺸﻮﻑ ﻟﺸﺒﺎﺏ ﻳﺠﺮﻭﺍ ﻭﻳﺘﺤﺎﻭﺳﻮﺍ ﻗﺮﻳﺐ ﻣﻦ ﺣﻮﺷﻬﻢ
ﺟﻬﺎﺩ : ﺷﻦ ﻓﻲ .. ﺷﻨﻮ ﺻﺎﻳﺮ ؟
ﻭﺍﺣﺪ ﻣﻦ ﺍﻟﺸﺒﺎﺏ : ﻗﺎﻟﻮﺍ ﺇﺑﺮﺍﻫﻴﻢ ﻭﻟﺪ ﻋﻴﺖ ﻣﺆﻣﻦ ﻋﻄﺎﻙ ﻋﻤﺮﻩ
ﺭﺣﻤﺔ ﻗﻤﻌﺰﺕ ﻣﻨﺨﻠﻌﺔ ﻓﻲ ﺳﺮﻳﺮﻫﺎ ... ﻭﻇﺎﻓﺮ ﺻﺒﺎ ﻳﻌﺮﺝ ﺑﺴﺮﻋﺔ .. ﻭﻣﺸﻰ ﻓﺘﺢ ﺍﻟﺮﻭﺷﻦ ﺷﺎﻑ ﻟﺒﺮﺍ ﻭﻟﻤﺎ ﺷﺎﻑ ﺍﻟﺰﺣﻤﺔ ﻋﻨﺪ ﺣﻮﺵ ﻫﻞ ﺭﺣﻤﺔ .. ﺧﺎﻑ ﺍﺗﻜﻮﻥ ﺍﻣﻬﺎ .. ﺑﺲ ﺳﻤﻊ ﺍﻟﺸﺒﺎﺏ ﺍﻳﻘﻮﻟﻮﺍ ﺇﺑﺮﺍﻫﻴﻢ
ﺭﺣﻤﺔ ﺗﺠﺮﻱ ﺷﻮﺭﻩ : ﺷﻨﻮ ﻫﺬﺍ .. ﻣﻦ ﻳﺼﺮﺥ ؟
ﻇﺎﻓﺮ : ﻣﺶ ﻋﺎﺭﻑ .. ﺧﺸﻲ ﺍﻟﺒﺴﻲ ﺍﻣﺘﺎﻉ ﺍﻟﺼﻼﺓ
ﺭﺣﻤﺔ : ﻟﻴﺶ .. ﺷﻦ ﺻﺎﻳﺮ .. ﻣﺎﻣﺎ ﻓﻴﻬﺎ ﺷﻲ ؟
ﻇﺎﻓﺮ : ﺍﻣﻚ ﻣﺎﻓﻴﻬﺎ ﺷﻲ ﻭﻳﻦ ﻧﻌﺮﻑ ﺍﻧﺎ ... ﻟﻜﻦ ﻋﺸﺎﻥ ﻧﻨﺰﻟﻮﺍ ﻟﻮﻃﻰ ﺍﻧﺸﻮﻓﻮﺍ ﺷﻦ ﻓﻲ
ﺭﺣﻤﺔ ﺗﺴﻤﻊ ﻓﻲ ﺍﻟﺼﺮﻳﺦ ﻛﻞ ﻣﺮﺓ ﺍﻟﺼﻮﺕ ﻳﻌﻠﻲ ﻭﻳﺰﻳﺪ : ﺣﻲ ﻋﻠﻴﻨﺎ ﻣﻦ ﻣﺎﺕ ..
ﻻﺑﺴﺖ ﻣﻼﻳﺘﻬﺎ ﺑﺴﺮﻋﺔ .. ﻭﻧﺰﻟﺖ ﻣﻊ ﻇﺎﻓﺮ ﻭﻫﻴﺎ ﺗﺮﻋﺶ
.
.
ﺟﻬﺎﺩ ﺭﺟﻊ ﻟﻠﺤﻮﺵ ﻻﻗﻰ ﺍﻣﻨﺔ ﻭﻋﺎﺋﺸﺔ ﻃﺎﻟﻌﺖ ﻭﺭﺍﺀﻩ
ﺍﻣﻨﺔ : ﻣﻦ ﻣﺎﺕ .. ﺷﻨﻮ ﻓﻲ ؟
ﺟﻬﺎﺩ : ﺇﺑﺮﺍﻫﻴﻢ ﺭﺍﺟﻞ ﻭﺳﻦ ﺗﻮﻓﻰ
ﺍﻣﻨﺔ ﺗﻀﺮﺏ ﻓﻲ ﻭﺟﻬﻬﺎ : ﺣﻲ ﻋﻠﻴﻚ .. ﺣﻲ ﻋﻠﻴﻚ ﻳﺎﻭﺳﻦ ﻳﺎﻣﻄﻴﻮﺣﺔ ﺍﻟﺴﻌﺪ ﻗﻌﺪﺗﻲ ﻫﻜﻲ
ﻋﺎﺋﺸﺔ ﻗﻌﺪﺕ ﺗﺒﻜﻲ ﻭﻃﻠﻌﺖ ﺷﻮﺭﻫﻢ ﻃﻮﻝ .. ﻭﺍﻣﻨﺔ ﺧﺸﺖ ﻻﺑﺴﺖ ﻭﺷﺎﺣﻬﺎ ﺑﺴﺮﻋﺔ ﻭﻋﺒﺎﻳﺔ ﻭﻃﻠﻌﺖ ﺗﺠﺮﻱ
.
.
ﻇﺎﻓﺮ ﻣﺎﺳﻚ ﺭﺣﻤﺔ ﻣﻦ ﺍﻛﺘﺎﻓﻬﺎ ﻭﻃﻠﻊ ﺑﻴﻬﺎ ﻣﻦ ﺍﻟﺤﻮﺵ ﻭﻫﻴﺎ ﻣﺶ ﻓﺎﻫﻤﺔ ﺷﻲ ... ﻗﺺ ﺍﻟﺸﺎﺭﻉ ﻭﻫﻮﺍ ﺷﺎﺩﻫﺎ ﺯﻳﻦ .. ﻻﻥ ﺭﺣﻤﺔ ﺗﻤﺖ ﺗﺒﻲ ﺗﻔﻠﺖ ﻣﻨﻪ ﻟﻤﺎ ﺷﺎﻓﺖ ﺍﻟﺰﺣﻤﺔ ﻭﺍﻟﺼﺮﻳﺦ ﻋﻨﺪﻫﻢ
ﻇﺎﻓﺮ ﻓﺘﺢ ﺍﻟﺒﺎﺏ ﻭﺧﺸﺸﻬﺎ ﺟﻮﺍ ﻭﻣﺸﻰ ﻳﻌﺰﻱ ﻓﻲ ﺭﺅﻭﻑ ﻭﻋﻠﻲ .. ﻭﺿﻨﺎ ﻋﻤﻬﻢ
ﺭﺣﻤﺔ ﺧﺸﺖ ﻟﺴﻮﺭ .. ﻭﻛﺎﻧﻦ ﺭﻭﺩﻳﻨﺔ ﻭﺭﻫﻒ ﻳﻨﺪﺑﻦ ﻭﺳﻄﻪ ﻭﻳﺘﺒﻜﻦ .. ﻭﻏﺰﺍﻟﺔ ﻣﺸﻮﺍﺭ ﺍﺗﺼﺒﻲ ﺗﻨﺪﺏ .. ﻭﺑﻌﺪﻳﻦ ﺗﻘﻌﺪ ﺍﺗﻌﻴﻂ .. ﻭﻣﺮﺓ ﺍﺗﺨﺒﻂ ﻋﻠﻰ ﺍﻓﺨﺎﺫﻫﺎ ﻣﻦ ﺍﻟﺤﺮ ﺍﻟﻠﻲ ﺑﻴﻬﺎ
ﺭﺣﻤﺔ ﺗﻨﺪﺏ ﻭﺗﺸﺪ ﻓﻲ ﺧﻮﺍﺗﻬﺎ : ﻣﻦ .. ﻣﻦ ﺣﻲ ﻋﻠﻴﺎ
ﺭﻭﺩﻳﻨﺔ : ﻭﻭﻭﻩ .. ﻭﻭﻩ ﺇﺑﺮﺍﻫﻴﻢ .. ﺇﺑﺮﺍﻫﻴﻢ ﺣﻲ ﻋﻠﻴﻨﺎ
ﻭﻗﻌﺪﺕ ﺭﺣﻤﺔ ﺍﺗﺼﺮﺥ ﻭﺗﺒﻜﻲ ﻣﻊ ﺧﻮﺍﺗﻬﺎ .. ﻭﺍﻟﺠﺎﺭﺍﺕ ﻭﺃﻗﺎﺭﺑﻬﻢ ﺍﻳﺨﺸﻮﺍ ﻋﻠﻴﻬﻢ ... ﻓﻴﺴﻊ ﻓﻴﺴﻊ ﺑﺴﻢ ﺍﻟﻠﻪ ﺍﻟﺪﻧﻴﺎ ﺍﻧﻜﺒﺖ ﻋﻨﺪﻫﻢ ..
.
.
ﺟﻬﺎﺩ ﺭﻛﺐ ﻟﻠﺸﻘﺔ ﻭﺧﺶ ﻋﻠﻰ ﺟﻤﺎﻧﺔ ﻭﺍﻗﻔﺔ ﺗﺒﻜﻲ ﻓﻲ ﺍﻟﺼﺎﻟﺔ ﻭﺍﺗﺸﻮﻑ ﻟﺸﺎﺭﻉ ﻣﻦ ﺍﻟﺮﻭﺷﻦ
ﺟﻬﺎﺩ : ﻋﺪﻱ ﺍﻟﺒﺴﻲ ﻭﻫﻴﺎ ﺑﺎﺵ ﺍﻧﻬﻠﺒﻚ ﺍﻟﺸﺎﺭﻉ ﻗﺒﻞ ﺗﺰﺣﻢ
ﺟﻤﺎﻧﺔ : ﻫﻴﺎ ﻫﻴﺎ
ﺧﺸﺖ ﺗﺠﺮﻱ ﻻﺑﺴﺖ ﻋﺎﺑﺔ ﻭﻃﻠﻌﺖ ﻣﻊ ﺟﻬﺎﺩ ﺑﺴﺮﻋﺔ ﻭﻣﺸﺖ ﺷﻮﺭﻫﻢ
ﻫﻴﺎ ﻭﺻﻠﺖ ﻟﺒﺎﺏ ﻭﻳﻄﻴﺢ ﺻﺮﻳﺦ ﺍﺧﺮﻯ ﻋﻨﺪﻫﻢ ... ﺧﺸﺖ ﻭﻻﻗﺖ ﻏﺰﺍﻟﺔ ﻃﺎﺣﻴﺔ ﻋﻠﻴﻬﻢ ﻭﺑﻨﺎﺗﻬﺎ ﻗﻌﺪﻥ ﻳﻨﺪﺑﻦ ﻋﻠﻴﻬﺎ
.
.
.
# ﻣﺸﺎﻫﺪ _ ﻣﻦ _ ﺍﻟﺤﻠﻘﺔ 36_
.
.
ﻧﻮﺍﻝ ﺗﺤﻜﻲ ﻣﻊ ﺃﺑﺮﺍﺭ : ﺷﻦ ﻓﻲ ؟
ﺃﺑﺮﺍﺭ ﺑﻔﺮﺣﺔ : ﻋﻨﺪﻱ ﻟﻴﻚ ﺧﺒﺮ ﺍﻳﺠﻨﻦ
ﻧﻮﺍﻝ ﺑﻠﻌﺖ ﺭﻳﻘﻬﺎ ﺑﺘﻮﺗﺮ : ﺧﺒﺮ ﺷﻨﻮ ؟
ﺍﺑﺮﺍﺭ : ﺍﻧﺎ ﺣﺎﻣﻞ
ﻧﻮﺍﻝ :
.
.
ﻇﺎﻓﺮ ﺧﺶ ﻟﻠﺤﻮﺵ ﻣﻌﺼﺐ ﻭﺗﻮﺟﻪ ﻟﺪﺍﺭ ﺍﻟﻤﻌﺘﺼﻢ ﻃﻮﻝ .. ﻓﺘﺢ ﺍﻟﺒﺎﺏ ﻭﺧﺶ ﻋﻠﻴﻪ ﻭﻗﺮﺑﻌﻪ ﻭﺭﺍﺀﻩ
ﺍﻟﻤﻌﺘﺼﻢ ﺻﺒﺎ ﻣﻨﻔﺠﻊ : ﻛﻨﻚ ﺷﻦ ﻓﻲ ؟
ﻇﺎﻓﺮ ﺭﻓﻊ ﺻﺒﻌﻪ : ﺍﻧﺘﺎ ﻋﺎﺭﻑ ﺷﻦ ﻓﻲ ﻳﺎﻛﻠﺐ
ﺍﻟﻤﻌﺘﺼﻢ ﻭﺧﺮ ﻭﻗﻤﻌﺰ ﺑﺨﻮﻑ ﻋﻠﻰ ﺳﺮﻳﺮﻩ
.
.
.
ﻭﺳﻦ ﻋﻠﻰ ﻛﺮﺳﻲ ﺍﻟﻮﻻﺩﺓ ﻭﺗﻌﻴﻂ ﻋﻠﻰ ﻃﻮﻝ ﺣﺴﻬﺎ .. ﻓﻲ ﺍﻟﻠﺤﻈﺎﺕ ﺍﻻﺧﻴﺮﺓ .. ﻭﻣﺎﻓﻴﺶ ﺣﺪ ﻣﻌﺎﻫﺎ ﻏﻴﺮ ﺟﺎﺭﺗﻬﺎ
ﺍﻟﺪﻛﺘﻮﺭﺓ ﻃﻠﻌﺖ ﻣﻦ ﺣﺠﺮﺓ ﺍﻟﻮﻻﺩﺓ ﻟﻠﻤﻤﺮ : ﻭﺳﻦ ﻓﻀﻴﻞ .. ﻣﻦ ﻣﺮﺍﻓﻘﺔ ﻭﺳﻦ ﻓﻀﻴﻞ ؟
ﺟﺎﺭﺗﻬﺎ ﺟﺖ ﺗﺠﺮﻱ : ﻧﻌﻢ .. ﻧﻌﻢ ﺍﻧﺎ ﺷﻦ ﺻﺎﺭ ﻣﻌﺎﻫﺎ
ﺍﻟﺪﻛﺘﻮﺭﺓ ﺯﻣﺖ ﻓﻤﻬﺎ : ﻟﻼﺳﻒ ﺍﻟﻤﺮﻳﻀﺔ ؟؟؟؟
.
.
.
******* ﻧﻬﺎﻳﺔ ﺍﻟﺤﻠﻘﺔ 35#
1
