#تسونامي
#الحلقة_17
.
.
.
لايك قبل تقري 😘
.
.
.
كمال وصل لباب الشقة وضرب الجرس
جمانة لابست ملاية الصلاة وفتحت : كمال 😳
ابتسم وقرب منها مد يده : سلام ..كنك مستغربة ؟
جمانة ابتسمت وسلمت عليه : اهلين ..لا بس مش متوقعة انشوفك عندي 😅
وخرت عن الباب : تفضل ..تفضل خش مافيش حد
كمال خش وفي يده كيس بلاستك : تلاقيت مع جهاد تحت توا
جمانة : اهاا ايشوف في سيارته ..ادير في صوت غريب
كمال خش وراء جمانة وقمعزوا في الصالة : شن اخبار صحتك ؟ اكويسة انتي ؟
جمانة : الحمدالله بخير
كمال : يستهال الحمد
جمانة اتشوفله زين : شن اخبارك ؟ واخبار هلي كلهم ؟
كمال : تمام ...اطمني عارفك مستغربة اني جيتك هنا ..بس مافي شي كلهم بخير
جمانة تنهدت براحة : باهي الحمدالله يارب ...انصبي اندير قهوة على السريع وانجيك
كمال شدها من يدها : قمعزي توا كيف شربت وانا جاي هنا ...نبي نحكي معاك كلمتين وماشي
جمانة : من اول ماشفتك حسيت في شي صاير
كمال تنهد بحزن وشاف لعيونها : الحوش انباع خلاص
جمانة : حوش هلي 🥺
هز كمال راسه ...وجمانة اعيونها طول دمعوا
كمال : ليش تبكي ؟ مش راضية عن بيعته والا كيف ؟
هزت جمانة راسها بسرعة : لا لا مش هكي عندي العلم ..بس تعرف مهما كان هذا الحوش اللي انولدنا وعشنا فيه طول عمرنا 😥
كمال : عندك الحق ..بس تعرفي مجدي وكيف صكر راسه على البيعة
جمانة تمسح في ادموعها : مش مشكلة ...اصلا الحوش معاش فيه حد الا خالتي وهدى وهما يبوا شقة او حوش صغير على قدهم
كمال : انا بصراحة ماحبيتش ندخل في الموضوع هذا لما القيتهم كلهم موافقين على بيعته ..وحتى خالد مش هامه الموضوع
جمانة : خالد من طول عمره عايش في حاله وبعيد عنا
كمال : مجدي من فترة عطاني حقي في الحوش ..وانا كنت نبي نحكي معاك انتي وجليلة ..بس ماحصلتش فرصة كل مرة اتصير حاجة ويتأجل الموضوع
جمانة : موضوع شنو ؟
كمال مدلها الكيس : انا سألت مجدي وقال البنات سامحوا في حقهم ..بس بيني وبينك عقلي ماريحنيش وحاس القصة فيها شي غلط ونبي نعطيك من نصيبي
جمانة اتشوف للكيس : هذا شنو ؟!
كمال : هذا حقك ..انا عارف انه مبلغ بسيط ومش حقك الشرعي بس الله غالب الفلوس اللي عطاهم ليا مجدي قسمتهم بينا نحنا الثلاثة
