#تسونامي
#الحلقة_59
.
.
.
لايك قبل تقري 😘
.
.
.
خايف ومش عارف هاذوم من وشن يبوا منه ..وقاعد ايشوفلهم بتراقب وخلاص
فيصل ولع سبسي وجبد منه وضيق اعيونه وشافله زين : انتا سالم والا لا ؟
الشاب هز راسه موافق : نعم انا هوا ..انتم من ؟ وشن تبوا مني ؟
فيصل طلع فونه وفتح على الفيديو وحط الفون في وجه سالم : انتا مصور المقطع هذا صاح والا لا ؟
سالم شاف لفون وبلع وريقه وبان على ملامح وجهه الارتباك هز راسه بسرعة : لا مش انا ..انا شفته زيي زي باقي الناس ..مادخلينش بيه
فيصل زم فمه وشده من ياقته بيديه لاثنين : اسمع تبي تركب راس كلب وتبدا تكذب وتشحور امنا في هالليل ..وربي راهو ماتعرفنيش بعد ننفصل ..معاش نعرف حتى خوي ..أختصر الموضوع وتكلم قبل يبدا فيها الكفوف 😤
بلع ريقه وشاف لعابد : بس انا مانعرفش شي 😰
عابد برغم مش فاهم فيصل على شنو يحكي بالضبط بس مشى على نفس خط فيصل وخلاص رفع سلاح سالم في وجهه : شوف ماتبحتش فيا ..مش اتقول لابس بدلة وجو وهكي اكيد محترم ...تي انا صايع اكثر منه ..واقسم بالله لو ما تبدا تحكي انفرغ هذا في راسك 😡
سالم : شن نحكي بالضبط ؟ 😰
فيصل شده شوره : اول شي قولي انتا مصور المقطع هذا او لا ..وبلا كذب لاني نعرفك كيف ابتزيت بيه ناس عشان تاخذ فلوس منهم ..تكلم 😠
سالم يرتعد : صص صاح انا صورته ..بس ماكان في يدي شي انديره ..كانوا واجد ومسلحين وانا جيت في الاخير
فيصل : انا هذا كله ماندورش فيه ..مشكلتي كلها مع مقطع الفيديو ..وين المقطع الاصلي ؟
سالم يبرم في اعيونه بخوف : اي مقطع ؟!!
فيصل قرب منه معصب : الفيديو هذا مقصوص منه ..ومركب تركيب قاعد واضح ..أنا نبي الاصلي وينه 😠
سالم ايشوفلهم بخوف : انتم تبع كريم صاح ؟
فيصل شده من دبشه : انا ماتبع حد وجاي من راسي ..وتكلم بلا كثرة دوة ..احسن مانخذك للبحث الجنائي ايخلوك تتكلم غصبا عنك ...ومش بس هكي ..بيحبسوك بتهمة التستر على جريمة طول الشهور اللي فاتت ..وتهمة ثانية بالابتزاز منهم..الفلوس مقابل سكوتك 😠
سالم : لا لا كل شي الا البحث ..من غير شي عينهم عليا ويدور فيا دواره 😰
عابد : معناها تكلم وقول وين الفيديو الاصلي ؟ 😠
سالم هز راسه : اءء الفيديو قاعد عندي ..بس كيف نضمن انكم مش تبع كريم وبعد تاخذوا اللي تبوه مني تقتلوني
فيصل : لو نبوا نقتلوك شن يمنعنا حتى بعد ناخذوا اللي نبوه منك ..مافيش ضامن ..ولازم اتكلم احسنلك 😡
