#تسونامي
#الحلقة_60
.
.
.
لايك قبل تقري 😘
.
.
.
ضبط ربطة عنقه وهوا يشوف لنفسه بالمراية ..رتب شعره بيده ..وطلع من دار النوم ويصكر في جاكته
عابد وقف وبحت فيها تصكر في الشنطة : شن لاخبار ؟ كل شي تمام ؟
رفعت جنى اعيونها مبتسمة : تمام حبيبي ..كنت انتاكد من منهم بس
عابد : اهم شي التذاكر والجوازت
جنى حطت وشاحها على راسها : تمام راهم ..حطيتهم كلهم في الشنطة الصغيرة
عابد رفع الشنطة وشاف فيها : كل شي تمام ..جهزي روحك بسرعة ..مازال وراءنا الطريق للمطار
جنى طلت براسها من دار النوم وهيا تساوي في وشاحها : اتصلت باريج ؟
عابد : هيا اتصلت بيا ..قالت بعد اشوي طالعة مع خوها ويزن للمطار . انتلاقوا غادي
جنى تنهدت ورجعت للمراية ..شافت نفسها ..ولابستها ..قبل ماطفي الضي ..وتطلع على عابد : انا تمام واتية
عابد رفع شناطيهم : اوكيه ..جيبي الشنطة الصغيرة . وهيا
خذت الشنطة ..وطلعت قدامه ..نزل الشناطي عند الباب ..صكر الشقة اكويس ..ونزل وراءها لسيارة ..ركبوا وطلع بيها للمطار
.
.
داخل صالة الانتظار في المطار ..كانوا ايجهزوا في انفسهم عشان يطلعوا لطيارة
يزن من اول ما تلاقى مع بوه في المطار وهوا مقمعز في حضنه ويلعب بفونه
اريج وخوها زياد قربوا منهم : هيا خلاص
عابد صبا وجنى قربت منه : نمشوا هيا
طلعوا وصلوا لدورهم في تسليم الجوازت ..طلع عابد وجنى جوازتهم ..واريج طلعت جوازها هيا ويزن ومدتهم للموظف
برمت وبحتت في زياد : وين جوازك ؟
زياد عقد حواجبه : جوازي معاك !
اريج باستغراب : لا مش معايا
زياد ايفتش في شنطة الظهر اللي في يده : ماتقوليها بكل ..راه عابي عليك انك خذيتيه
اريج : ماخذيت شي ..ليش ماجبته انتا ؟!
زياد ايفتش بعصبية : ماهو شفتك الصبح خذيتي جوازين .نحسابك خذيتي جوازي معاك
تنهدت اريج بانزعاج : جوازي وجواز يزن بس اللي خذيتهم
زياد بعصبية : شن عرفني ان يزن عنده جواز ..نحسابه معاك في الجواز متاعك😤
اريج شافت لعابد : شن اندير ؟
عابد قرب منهم : خير ..كنكم شن في عليش اتحوسوا ؟
اريج وهيا تشوف لزياد بنظرة عتاب : زياد ناسي جوازه الهم 😒
عابد بحت في زياد : غير زيد تاكد منه ..هنا والا هنا
