#تسونامي
#الحلقة_45
.
.
.
لايك قبل تقري 😘
.
.
.
يوم خروج جنى من المستشفى ..في الليل والكل مرقدين ..طار خالد فوق على صوت اعياط جنى تبكي وتصرخ
صبا يجري طلع من الدار ..وصباح مخلوعة صبت في جرته والاثنين اتجهوا لدار جنى بسرعة
فتح خالد الباب وخش ولع الضي وكانت جنى مقمعزة وتبكي في الظلام
خالد قمعز جنبها وضمها لحضنه : ماتخافيش يابابا ..ماتخافيش انا معاك ..انا معاك
جنى تبكي وتشد في بوها زين من الخوف : معاش اتخليني ابروحي ..خايفة منهم ..خايفة منهم
صباح قمعزت من الطرف لاخر وضمت بنتها مع خالد وهزت راسها لخالد واعيونها مدمعات
خالد يمسح على ظهر جنى : مستحيل انخليك ابروحك مرة ثانية ..مافي حد يقدر يقرب منك وانا انتنفس ..خلاص يابابا اهدي سلم بنتي ..خوفتيني عليك
جنى ضمت بوها وامها بقوة وتشهق وجسمها يرعش
خالد تنهد بحزن ..وغمض اعيونه ..حاس روحه ولاول مرة ايقصر مع بنته الوحيدة ..اول مرة خلاها ابروحها وهذا كان نصيبها ...خوف جنى والحالة اللي فيها خلوه يندم انه تاخر عليها ..وقعد يلوم ويتحسر على روحه💔
.
.
.
*************(( الكاتبة أم ناصر ))
.
.
.
كمال واقف بجنب ابرار في الحمام وحشاكم اترجع ..من تاثير الكيماوي
كمال ايشد في جبينها بيد واليد الثانية لفها على خصرها خايف عليها اطيح ..وهيا تعبت بكل ودهشت
رفعت وجهها وادموعها نزلوا ..وجسمها يرجف ..كمال فتح الشيشمة وقعد يغسل في وجهها
ميل راسه وشاف لوجهها : احسن توا ؟
ابرار هزت رأسها من غير ماتتكلم ...وكمال سندها وخذاها لدار رجعت رقدت ..وكمال خش معاها ..وقرب منها يمسح على شعرها ويقرأ في قران لعند رقدت ❤
.
.
.
.
صباح بصوت واطي بعد جنى رقدت : عدي ارقد انتا توا نقعد امعاها
خالد : لا ماعليك فيها ..انا بنقعد معاها ..عدي ارقدي
صباح بحزن : مش عارفة بتني شن صارلها ؟
خالد ايشوف لوجه بنته راقدة : صارلها صدمة قوية ومازلت مأثرة عليها ..بنتك خايفة واكيد كم يوم لعند اترد لطبيعتها
صباح : إن شالله يارب ..الله يكسر ايديهم وينتقم منهم اولاد الحرام اللي فجعوها
خالد : اششش مش وقتها الدوة هذه ..ماصدقت البنت رقدت ..معاش نبي نسمع سيرتهم في حوشي
صباح تنهدت : الله غالب من القهر ..نبي نمشي انصلي ركعتين لوجه الله ..حسني تضايقت
طلعت صباح مهمومة اتفكر في وضع بنتها ...اما خالد اتكى جنب جنى ..وهوا ايشوف لوجهها ويفكر كيف ايطلعها من اللي هيا فيه
.
.
.
**********(( الكاتبة أم ناصر ))
.
.
.
ثاني يوم في الشركة كانوا الثلاثة ..جهاد ..وجمانة ..وفيصل ايشوف لبعضهم ..وجهاد مازال مصدوم من اللي سمعه
.
.
قبل انكمل المشهد ..خلينا نرجعوا فترة لخلف ومشهد من الحلقة 32 👇
.
.
#فلاش_باك
.
.
جمانة اتشوفله بأستغراب وبعدين تنهدت : مانبيش نسمع شي حول سيارتك من قدامي
