#تسونامي
#الحلقة_9
.
.
.
لايك قبل تقري 😘
.
.
.
كمال في داره حايس يمشي جاي وغادي ..يستنى في نوال على نار 🔥
وصلت رسالة على فونه فتحها بسرعة 👇
نوال(( افتح الباب هيا جيتك ))
ابتسم كمال ساوى شعره وتيشرته ..ومشى فتح الباب ..مافيش حد 🤔
دز رسالة لنوال 👇
(( وينك فتحت الباب مش قاعدة ))
نوال (( قاعد تستنى على نار تبي اتشوفني 😏 قصدي تحساب روحك لما تستفزني حنجيك نجري واندق بابك ...تحلم يابابا ..ارقد وريح روحك 😒 ))
كمال من الاعصاب لعند برم في مكانه 😤
نفخ بعصبية ودز رسالة : (( جبانة ..لكن توا انوريك ))
بس الرسالة قعدت معلقة لان نوال قفلت فونها ...وعمكم كمال عصب منها زيادة 😡😤
👌👌🔥
.
.
.
حطت نوال راسها على المخدة ...ابتسمت بنصر ..برغم قلبها اللي ايدق بقوة ..ورغبتها انها اتشوفه ...بس قدرت تتحكم بنفسها وماديرش غلط تندم عليه بعدين
.
.
.
.
ثاني يوم ناضن جمانة ونوال بدري ...هدرزن في السرير اشويا وبعدين صبن غسلن وخشن للمطبخ ايجهزن في فطور
نوال : نفطر امعاك ونمشي
جمانة : اقعدي تغدي باهي 🥺
نوال : لا وين عاد ...ايسد بتت عندك ...توا نسمع كلمتين من ماما على جنابي
جمانة : ياريتك معايا على طول
نوال : ياريت
جمانة : عندي سلفي ظافر عزابي شن رائك ناخذك له ونقعدوا سلفات 😁
نوال ضحكت : تخايلي ..وووك وشن اسمها هذه سلفتك شريفة والا انظر شنو ..تقعد سلفتي ..انا مانتحملش زيك ..مرات نعجنها طريحة 😂
جمانة : لا وهوا ظافر عصبي وشكله واعر نار ياساتر
نوال : امم ناقصني انا ماهو ..لو نبيه عصبي تحملت خوك المطرشق كمال
جمانة : افتكيتي منه ..اهو خاطب ومجنن خطيبته ومغممها بالاسود ولا تتطلع ولا اتخش
نوال بحزن : اها شفتها 😥
جمانة : وين شفتيها ؟!!
نوال : في الجامعة ..وامعاها كمال
جمانة : صاح اااا..
كمال خش فجاءة : صباح الخير
جمانة ونوال نقزوا : صباح النور 😣
كمال فنص في نوال وقرب من الغاز : الشاهي واتي ؟
جمانة : واتي اها ..عدي قمعز اشوي وانجيب فطورك
كمال : لا مانبيش ..اعطيني طاسة شاهي بنطلع
جمانة : حاضر هيا
